عندك مذربورد AM4 و تفكر بالتطوير للالعاب؟ تفضل تجربه تطويريه (روابط التجميعه متوفره)
banner
2023-04-27 , 02:22 صباحاً
محمد King4x4’s Avatar
محمد King4x4

مشارك

المشاركات:493
التسجيل:Jul 2013
محمد King4x4
السلام عليكم و رحمه الله وبركاته

طبعا الموضوع لملاك مذربوردات الAM4 تحديدا اللي يفكرون بتطوير المنصه عندهم للألعاب بالمنظور الأول.

الغالبيه و خاصه المتعودين على المعالجات على مر السنين يقول ان كلما كان المعالج اسرع بيكون افضل (5.5 قيقا و انت ماشي) و الحقيقه المره ان الفكره هي عشان تتغلب على عنق الزجاجه الموجود بنقل الذاكره.

الفكره تقول ان كلما كان المعالج اسرع و مع رام اسرع كلما كان بطئ الاستجابه و نقل المعلومات بين المعالج و الذاكره احسن فقل عندك هذا العنق المزعج.

طبعا الغالبيه يدرون ان AMD حلت هذي المشكله باضافه L3 Cache أعلى بمعالجاتها الx3D و بدايه بال5800x3D و انتهائا بال7800x3D بسوكت الAM5.

قبل ما نبدى: ما عندك تجميعه سابقه بسوكت AM4... ابدى تجميعه بAM5 حتى لو تدفع زياده. الفكره انها بتسمح لك تطور بالمستقبل للمعالجات جديده (يتوقعون ان AMD بتدعم السوكت بأقل شيء ثلاث أجيال من المعالجات).

و خلونا نبدى.. التجميعه السابقه:
المعالج: AMD Ryzen 5900x (قبله على نفس المذربورد 3950x و قبله 3700x)
المذربورد: Gigabyte X570 Ultra V1
الرام: TridentZ 32gb CL16 3600mhz
كرت الشاشه: Gigabyte 2080ti Waterforce
الباورسبلاي: EVGA G2 1600w.
الكيس: Caselabs TH10
التبريد: أربع رديترات 480 مع بلوكات EK للمعالج و الكرت.

Image

طبعا التجميعه كانت لأيام خوالي (ثلاث لأربع كروت فتحتاج رديترات) و لظروف العمل التنقل احتجت اخففها شوي و بعد طيحه الكربتو حان وقت التجميع.

طبعا كان المتوقع الكروت ترجع لطبيعتها و لكن المفاجئه ان شركات كروت الشاشه رفعت الأسعار من عندها فقلنا ما يبيلها الا انك تتصيد و لا تلحق الدعايه.

طبعا كرتي السابق كان 2080ti فتقريبا مجرب كل شيء من نيفيديا من DLSS (اللي ما عجبني جودته نهائيا خاصه و الصوره تتحرك) و الRaytracing و اللي اشوفه نسخه طبق الأصل من تقنيه الTessellation اللي استخدمت فتره لتوجيه المشتري لتقنيه قد و قد لا تفيده (خلونا واقعيين... الRaytracing يبيله سنين عشان يعتمد و التقنيه تعتبر حل لمشكله المصممين).

قلنا ما لنا الا بالحسابه و نحسب كم فريم يسوى ندفع فيه.

بعد البحث استقريت على كرتين 7900xtx و اللي هو Red Devil أو Merc.

بالنسبه للمعالج توقعت لما تقارن بين ال5800x و ال7700x ان الفرق بين ال5800x3D و ال7800x3D مب متعدي 10% بالكثير 15% على كرت 4090 عند دقه 1080p... فما بالك بالدقه اللي دايما العب فيها و اللي هي 1440p و اللي يقل فيها عنق الزجاجه.

فكنت مخير بين اني ادفع 1500 ريال للمعالج و اعوض الفرق ببيعه المعالج القديم و بين تطوير كامل من مذربورد و رام و معالج فوقها و انتظار بالمواقع و حب خشوم عشان تلقط لك معالج.

فربطنا الشأن و استخرنا و طقينا ال5800x3D.

طبعا الكيس يحتاج له تغيير فما فيه الا حبيب الجمهور الLian Li o11 XL.

فالتطوير ثبت على:
المعالج: 5800x3d من نيوج مشحون ب1500 ريال
https://www.newegg.com/global/sa-en/amd-ryzen-7...

كرت الشاشه: Merc Or Red Devil 7900xtx
و هنا كانت المفاجئه... بكل مكان ب5000 ريال و انت طالع... الا بأمازون السعوديه, لقيته ب4400 ريال مشحون و مع نقاط البطاقه الائتمانيه طلع واصل ب3900 ريال... أداء بالريسترزيشن أقول من ال4080 اللي كان بذاك الوقت ب6000 ريال و انت طالع.
https://www.amazon.sa/-/en/PowerColor-Devil-Rad...
شحن دولي و كانوا معطيني خلال شهرين يوصل ووصل خلال ثلاث اسابيع.

الكيس: Lian Li o11 XL و نفس الفكره ماخذه من أمازون.
https://www.amazon.sa/-/en/Lian-Li-O11DXL-X-Cer...

و بما اني بأفك التبريد المائي قلت يبيلنا مشتت هوائي... لقيت Deepcool AK620 يفي بالغرض و نفس الشيء من أمازون.
https://www.amazon.sa/-/en/DeepCool-AK620-High-...

و قلنا بس كل شيء تمام و طلبنا القطع و وصلت غالبيتها بشهر فبراير.

Image

طبعا ركبنا كل شيء و شغلنا السستم و لكن المفاجئه بشغلتين.

الأولى: ان كرت الشاشه كان تقريبا كل ساعتين يكرش. قلت بس تعاريف AMD الغبيه.
و بعد البحث و التحري لقيت ان الكرت يحتاج له باور ثابت و نظيف.
قلت بس عندي الباور 1600 وات و جوده عاليه ما يصير. بس بعدين تذكرت ان له فوق ال10 سنين و حان وقت التقاعد. الباورات تفقد كفائه مع الوقت.
غيرت الباور لFSP و الامور انحلت كامل.
https://pcd.com.sa/product/fsp-hydro-ptm-pro-12...

طبعا تقدر تروح ل1000 وات اذا ناوي تكسر أو حتى 850 وات اذا مب ناوي بس الباور اعتبره اهم قطعه تشتريها بالسستم لأنه يغذي كل شيء.

الثانيه: المعالج طلع موووووووولع بالمشتت الهوائي. الحراره توصل ل90 درجه و يبدى ينزل من سرعته.
بعد التحري طلع يوصل 80 درجه مئويه وقت الاستخدام العادي و لما تستخدم اي شيء فيه AVX يولع للأخير.
رحت للمنتديات الأجنبيه و لقيت لها حل حلو و بسيط بالبايوس اذا كان المذربورد تدعم (غالبيه مذربوردات Asus و Gigabyte و Asrock و MSI تدعمها).
هي Curve Optimizer Voltage Offset و يعتمد على المعالج و لكن الغالبيه يتقبل 30- بالراحه.

Image

وهذي تجربه للمعالج مع مشتت الAK620 مع التغيير البسيط من البايوس. للعلم مراوح المشتت ما خليتها تطلع فوق ال60%.
Image

طبعا الانسان دايما طماع فقلت فك المشتت المائي القديم و سقطه على المعالج و رتب الأمور و جرب مره ثانيه.

Image

شابك رديتر واحد 360 عليه.
النتيجه:

Image

بتقول يامحمد مانزل الا 5 درجات :46:

وأنا اقول لك ان مراوح الكيس كلها 35% درجه بدل ما كانت 60% بالمشتت الهوائي.

أداء و هدوء :61:

النتايج التاليه كلها و مراوح الكيس 35% بس من البايوس ما تتحرك شعره بكرت ال7900xtx.

Image

Image

Image

الأداء العام:
1. بالنسبه اللي فرق معي بال5800x3D (مجربه بال2080ti قبل ما أغير لل7900xtx)
حرفيا رفع عندي متوسط الفريمات بين 20% الى 30% بكرت 2080ti و فريمات الحد الأدنى ببعض الألعاب وصلت الى 100%. منها ألعاب الRTS و الMMO.

هذي صوره سريعه من داخل WoW:
Image

بلعبه Cyberpunk و بأعلى اعدادت صار فيها سلاسه تبكي :16:

لا تطالع بالفريمات بس... طالع بالسلاسه وقت اللعب. الMicrostutter موجود بغالبيه المعالجات و كنا نحاول نحله بسرعه المعالج و لكن AMD حلوها بطريقتهم.

2. بالنسبه اللي فرقه معي بالRed Devil 7900xtx.
المشتت الهوائي اكثر من بطل و فريمات طيبه جدا بالسعر اللي بتدفعه.
ما واجهت مشاكل بالكراشات من اول ما غيرت الباورسبلاي.

و نصيحه لملاك كروت AMD ركب التعاريف بالخيار ذا:
Image

اولا يخفف من البرامج اللي ما تحتاجها (زي حق الكابتشر و برنامج الكسر التلقائي) و يخلي بايوس الكرت يكسر نفسه من نفسه.
تقدر تركب MSI Afterburner و ترفع حد الطاقه عن طريقه.
غالبيه الكروت الاحترافيه توصل لحدها الائتماني بالكسر و بدون مشاكل.

الحين بأكمل فتره شهرين و الحمدلله من دون كراشات و الجهاز هادي.

حبيت انقل لكم تجربتي و باقي انتظر البلوك يوصل للكرت عشان نلحقه المعالج (للأمانه ما يحتاج لكن كشكل جمالي).

الفكره ان مب كل شيء جديد و نازل الساحه افضل. ممكن التجميعه اللي عندك ممتازه لكن يحتاج لها كم تعديل و يزيد الأداء عندك بين 50 الى 100% من دون ما تقطها للحراج (الشريطيه بيزعلون الحين).

اللي حاب انزل له تجربه للعبه يحبها و متوفره ان شاء الله عندي لا توقفه الا انامله. :27:
Enlarged Image
2023-04-27 , 02:22 صباحاً
2023-04-27 , 03:59 مساءً
السيف القاطع’s Avatar
السيف القاطع
مشرف

متميز

المشاركات:6663
التسجيل:May 2006
السيف القاطع
مشاء الله

معالج 5800x3D يعتبر من المعالجات الاسطورة من ناحية الالعاب وفرق حقيقي
اما التبريد المائي والهواء واضح الفرق حتى لو 5 درجات هدوء المراوح لحالها تكفي

اخيرا كروت Red Devil تتعب في مدحها من ناحية التبريد و هدوء المراوح جدا جدا ممتاز وخيار موفق
2023-04-27 , 03:59 مساءً
2023-04-29 , 11:08 صباحاً
FERAS HALLAK’s Avatar
FERAS HALLAK

نشيط

المشاركات:872
التسجيل:Aug 2012
FERAS HALLAK
اليوم طلبت المعالج من امازون 1515 ريال واصل (نيو ايج 1500 ريال واصل بس قلت امازون اضمن و عندي كم شغلة تانية طالبهم)
راكب عندي ryzen 5 3600x من زمان حسيت انه لازم ارقيه خاصة اشتريت ال rx 6800xt و حابب العب على 2k بفريمات عالية بلعب FPS اغلب الوقت
خوفتني بموضوع الباور عندي ياه من شي 7 سنين 850 وات بس نوع ممتاز :5:
2023-04-29 , 11:08 صباحاً
2023-04-29 , 12:22 مساءً
ياعيال الناس’s Avatar
ياعيال الناس

فعال

المشاركات:1252
التسجيل:Aug 2012
ياعيال الناس
ماشاءالله الله يبارك لك موضوع اسطوري من زمان عن مثل هذه التجارب افتقدناها .
:11:
2023-04-29 , 12:22 مساءً
2023-04-30 , 02:45 مساءً
ZRADYH’s Avatar
ZRADYH

Muhannad

المشاركات:8222
التسجيل:Oct 2006
ZRADYH
ما شاء الله تبارك الله, الله يبارك لك يا رب
سؤال بسيط جربت المعالج القديم على 2k؟ ودي اشوف الفرق يستاهل او لا
2023-04-30 , 02:45 مساءً
2023-04-30 , 07:39 مساءً
محمد King4x4’s Avatar
محمد King4x4

مشارك

المشاركات:493
التسجيل:Jul 2013
محمد King4x4
السيف القاطع كتب:
مشاء الله

معالج 5800x3D يعتبر من المعالجات الاسطورة من ناحية الالعاب وفرق حقيقي
اما التبريد المائي والهواء واضح الفرق حتى لو 5 درجات هدوء المراوح لحالها تكفي

اخيرا كروت Red Devil تتعب في مدحها من ناحية التبريد و هدوء المراوح جدا جدا ممتاز وخيار موفق


المعالج اتعب و اقول انه بطل و اول مره احس بفرق جوهري بالفريمات عامه.

الكرت يعيبه انه كبير بس يسوي للي يبي الهدوء و التبريد.

FERAS HALLAK كتب:
اليوم طلبت المعالج من امازون 1515 ريال واصل (نيو ايج 1500 ريال واصل بس قلت امازون اضمن و عندي كم شغلة تانية طالبهم)
راكب عندي ryzen 5 3600x من زمان حسيت انه لازم ارقيه خاصة اشتريت ال rx 6800xt و حابب العب على 2k بفريمات عالية بلعب FPS اغلب الوقت
خوفتني بموضوع الباور عندي ياه من شي 7 سنين 850 وات بس نوع ممتاز :5:


رحت من 3700x الى 3950x و كانت قفزه خفيفه و منها ل 5900x و كانت قفزه طيبه بالأداء.... لما ركبت ال5800x3d كأني رايح من 4670k حق انتل الى 5900x.

خل عنك سالفه متوسط الفريمات الأعلى... أتكلم ان السلاسه اللي تحصل عليها شيء يجلط و خاصه بالألعاب اللي غالبيتها تستخدم نواه لنواتين (غالبيه الألعاب اللي تنلعب).

أما سالفه الباور زي ما قلت بالموضوع اذا قامت تجيك كراشات بدون سبب واضح الغالب من الباور.

ياعيال الناس كتب:
ماشاءالله الله يبارك لك موضوع اسطوري من زمان عن مثل هذه التجارب افتقدناها .
:11:


الله يبارك فيك :d

ZRADYH كتب:
ما شاء الله تبارك الله, الله يبارك لك يا رب
سؤال بسيط جربت المعالج القديم على 2k؟ ودي اشوف الفرق يستاهل او لا


طول عمري ألعب على 2K و الفرق يستاهل.
2023-04-30 , 07:39 مساءً
2023-05-02 , 11:48 صباحاً
Grim Re’s Avatar
Grim Re

متميز

المشاركات:6395
التسجيل:Apr 2014
Grim Re
اللحين المعالج هذا افضل من الرايزن 9 من نفس جيله ؟ لو بطور يعني
2023-05-02 , 11:48 صباحاً
2023-05-02 , 09:45 مساءً
محمد King4x4’s Avatar
محمد King4x4

مشارك

المشاركات:493
التسجيل:Jul 2013
محمد King4x4
Grim Re كتب:
اللحين المعالج هذا افضل من الرايزن 9 من نفس جيله ؟ لو بطور يعني


بالألعاب ينافس الجيل الجديد :d

اذا شغلك رندر يوافي و لكن أفضل تروح لل7950x3D اذا جهازك العاب و شغل.
2023-05-02 , 09:45 مساءً
2023-05-17 , 03:15 مساءً
GD2R’s Avatar
GD2R

عضو جديد

المشاركات:18
التسجيل:Jan 2018
GD2R
ودي اشتري المعالج خاصة ان معالجي الحالي Ryzen 5 2600 هههههه
لكن المشكلة مو متوفر عندنا ابدا لاني ودي اخذه بخدمات التقسيط
2023-05-17 , 03:15 مساءً
2023-05-23 , 07:23 مساءً
محمد King4x4’s Avatar
محمد King4x4

مشارك

المشاركات:493
التسجيل:Jul 2013
محمد King4x4
تحديث للموضوع:
تم تطوير التبريد المائي برديتر اضافي 360 و بلوك لكرت الشاشه.

أخلي الصور تتكلم:

Image

Image

Image

المراوح نزلتها ل25% الحين بعد اضافه الرديتر الثاني و الهدوء طيب :56:
2023-05-23 , 07:23 مساءً
2023-05-23 , 08:54 مساءً
BMG_904’s Avatar
BMG_904

مبدع

المشاركات:4749
التسجيل:Apr 2013
BMG_904
GD2R كتب:
ودي اشتري المعالج خاصة ان معالجي الحالي Ryzen 5 2600 هههههه
لكن المشكلة مو متوفر عندنا ابدا لاني ودي اخذه بخدمات التقسيط


متوفر حاليا بكازا سوق
2023-05-23 , 08:54 مساءً