ممنوع حسب قواعد الجمارك ووتصادر فورا .

والله ماعندي خبر من سنين على مثل هالمواضيع، ياليت الي عنده ابديت يعلمنا وش صاير بعالم الدرونات

ممنوع ولازم تصريح

وعليكم السلام

راسلت وكيل dji في الإمارات amt وهذا رده لي :-
"علشان تمتلك درون فيه إجراءات
١- رخصة مشغل للمالك (مثل الرخصة)
٢- رخصة طائرة (مثل استمارة السيارة)

*كيف ابدا؟
اولا تطلب تصريح مشغل( مجاني) من هيئه الطيران وعاده ياخذ مابين ٢ إلى ٤شهور (اكثر او اقل)
مبدئيا ترفيهي وبعدين تقدر تحوله تجاري اذا أتقنت الطيران والتصوير
ملاحظه/إرفاق البطاقه بصيغه pdf

https://eaviation.gaca.gov.sa/uas/login.xvw


*وبعدين وش اسوي؟
١-طلب درون من احد المواقع الرسمية المعتمدة

عند الدفع بيتواصلون معك أو تواصل معهم للحصول على السيريل نمبر
(التواصل معهم سهل جدا عن طريق الواتس اب)

*حصلت على السيريل نمبر وش اسوي؟
تروح لموقع هيئه الطيران وتقدم على تصريح الدرون وتكتب السيريل ومعلومات الدرون وتسدد
مبدئيا ترفيهي وتقدر تحول بعدين تجاري

# بعد صدور التسجيل تراسل البائع ليقوم بالشحن وتزوده بصورة من التسجيل.

*ارسلو الدرون لكن انحجزت في المنفذ وش اسوي؟

عند وصولها لاي منفذ ستحجز من الجمارك وعليك اخذ ايصال الحجز ورفع طلب فسح جمركي من هيئة الطيران المدني على البريد الالكتروني: [EMAIL="[email protected]"][email protected][/EMAIL]. وارفاق المستندات التالية:
١-صورة الهوية الوطنية،
2-ايصال الحجز من الجمارك،
3-تصريح الدرون والمشغل،
4-تحديد المنفذ الذي تم الحجز فيه.
ثم يفسح عنها اخيرا بعد صدور الفسح الجمركي
ومبروك عليك الطائرة."

اتمنى اكون افدتك

ضروري من وسيط يدخلها بتصريح


كلفني ضعف السعر والحمد لله وصلتني

كان نفسي في الدرون بس لمن شفت شروطها صعبة غضيت النظر عنها

ماذا عن شراء درون من السوق المحلي ؟ زي لو في امازون السعودي ويكون شحن من السعودية

انا قبل شهر جيت من لندن و معي درون و مطلع تصريح ودافع وكل شي

وصادروها جمارك مطار الملك عبدالعزيز بجده وعطوني وصل وقالوا راجعنا بعد ١٠ ايام!!!!

طيب انا عندي رحله داخليه ترانزيت .... وغير مقيم بجدة!

المهم الطياره الى الان عندهم ،،، لين احصل شخص يراجعهم و ياخذها

سويت فسح جمركي؟

انا اشتريتها من الوكيل في الكويت وما طلب مني غير جواز او بطاقة أحوال..
وجبتها دون تصريح لكن دخلت راميها بالعفش ورا ومسوي عليها تغليف هدايا
3 مرات اسويها وادخل في الطائرة