حسب وش تخصصك ووين مقدم ووش الوظيفة اللي مقدم عليها

كل هذي تفرق

وعليكم السلام
التفاصيل والسياقات مهمة

لكن شخصيا، ولأني اشعر أني عانيت من ضعف المعدل، وبحسب مشاهداتي للحياة الوظيفية ومراقبتي البسيطة لسوق العمل، أشوف أن المعدل جدا مهم ويفتح أبواب ما تنفتح لأصحاب المعدلات الأضعف

لكن ومع ذلك،
لو نقارن بين شخصين وخلينا نفترض أنهم دخلوا نفس التخصص والتخصص جيد وعليه طلب جيد في سوق العمل
أحدهم معدل تقدير ممتاز والثاني معدل جيد أو نقول جيد جدا علشان نسهل المقارنة
لكن صاحب المعدل الأقل استغل فترة الدراسة الجامعية في الاشتراك في الأندية الطلابية واللجان المختلفة واشتغل في الصيف في وظائف مختلف ودخل في نجارب متنوعة، تجارب عمل، تجارب تجارة، تجارب أعمال تطوعية وخيرية، تجارب سفر وسياحة، تجارب لقاءات مع مختلف الناس
بينما صاحب المعدل الأعلى من البيت للجامعة ومن الجامعة للمنزل ورجل فعلا عبقري دراسة ووقته كله للدراسة
بالنسبة لي، أتوقع النجاح الباهر للشخص ذو المعدل الأقل وتجارب الحياة المختلفة

طبعا أنا جبت سيرة تجارب الحياة وما ذكرت الدورات والشهادات، لأني أراها أهم، نعم الدورات والشهادات إذا اختيرت بعناية فهي مهمة، ولكن التجارب أعتقد أهم بكثير

والله الموفق

علوم ادارية إذا قدم على القطاع الخاص مثلا

شخصيًا لا أجد أي فائدة من الدورات إطلاقًا وأعتبرها مضيعة للوقت والجهد والمال ( على الصعيد المهني ، وليس الصعيد الشخصي

حديث تخرج بكالوريوس ومعدل عالي + صفر خبرة + ذكر = لك مجال في البرامج المنتهية بالتوظيف وبعض الشركات الكبيرة
حديث تخرج بكالوريوس ومعدل منخفض + صفر خبرة + ذكر + مليون دورة = اطلب الله، تحتاج واسطة تدفّك للوظيفة الأولى

النساء ينقبلون بأي معدل وخاصة العزباوات والسبب هو قلة تكلفتهم على المنشأة مقارنة بالرجل، أيضًا النساء يقبلون بأي راتب ومكائن شغل وعندهم خوف من السلطة وهذا الشيء الي يغري الشركات. عكس الرجل بطبعه متمرد ويطلب ويجادل

عندك بكالوريوس في مجالك + خبرة + أيّاً كان معدلك = تنفتح لك أبواب الوظائف المتوسطة - العالية
بكالوريوس + خبرة + شهادات مهنية/ِشهادات عليا + علاقات = تطور كبير ورواتب عالية نتكلم عن +30 ألف ريال

القطاع الخاص يبحث عن الخبرة وبس

حتى القطاع الحكومي بغير جدارة يبحث عن الخبرة والشهادات الاحترافية مثل ادارة مشاريع وغيره

انا مهندس مدني خريج جامعة ناشئة معي خبرة ممتازة وحاليا اعمل مدير مشروع + راتبي تحسن كثير + جاني قبول في اماكن وشركات كبيرة

المعدل بيكون البوابه لتقديم ولكن لا يعني الكفاءه المطلقه تعتبر ىعريف مبدئي
الي عنده دورات وخبرة وهو الاجدر والاكفاء

وعليكم السلام
للخريج اعتقد ان المعدل هو الاهم ومن المعايير الأساسية للوظائف في الأماكن الممتازة
يعني لو ماخذ مثلا ٣ من ٥ وعندك ١٠٠ دورة
فما راح تفيدك الدورات

الدورات صراحة لا اعتقد ان لها تأثير كبير خصوصا اللي تكون ب(شهادة حضور) هذي لا تركز عليها كثير



طبعا ما اقول ان مالها فايدة
هي لها فايدة
مثل انها تعطيك مهارة وتقدر تكتب المهارة في السيرة الذاتية
او انها تؤهلك لأخذ اختبار رخصة في مجال معين وتصير شخص مرخص وهذي مفيدة في السيرة

اذا الدورة معترف فيها وعدد ساعاتها عالي وفيها اختبار واجتياز فهذي ممتازه

اما الدورات ابو ساعه ساعتين ومجانية غالبا مااش وشفتهم حتى في شركتي يضحكون لمن يشوفون سي في واحد يحط دورة ساعه ولا ساعتين ويقول انه خبير في كذا وكذا

المعدل مهم عشان تنقبل قبول مبدئي
بعدها تجي دوراتك وخبراتك
اذا حديث تخرج ركز على الدورات المكثفة وحاول تشوف لك اي عمل حتى لو تطوعي فتره بسيطه 3 شهور مثلا بتعزز سيفيك (ولو اني تماما ضد العمل المجاني)

المعدل فقط بينفعك اول 3 سنين من حياتك المهنية، بعد 3 سنين البقاء للأخبر.

بعد 3 سنوات غالباً يبدون يهتمون في عملك وانتاجيتك وكيف قضيت الثلاث سنوات، والدورات اللي اكتسبتها.

أول ما تخرجت عام 2009م نصحني أحد الدكاتره ألي درسوني و قال التوظيف هنا بالسعوديه 90% منه يعتمد على شيئين، إنجليزي + كمبيوتر. شوف لك طريقة تثبت بها إنك قادر على هالشيئين و أمورك بالتوظيف حتكون أسهل بكثير.
و فعلا دخلت إختبار الأيليتس و جبت 6.5 من 9، و دخلت دورة الICDL (الرخصة الدولية لقيادة الحاسب الآلي) و ما خلصت من هالثنتين و بديت أقدم إلا بعدها بشهر و أنا متوظف و لله الحمد.
عاد يمكن هالأيام الدنيا صارت أعقد من مجرد إنجليزيو كمبيوتر فإبحث عن ما يميزك و يجعلك عملة نادره.
أذكر طبيب بشري تعين بمستشفى قالوا له و ش يميزك عن باقي المتقدمين؟ قال لهم أعرف أطبخ و أجهز كميات أطعمه للحفلات من مشاوي و غيرها. فعينوه و صاروا إذا صار لهم حفله بإستراحة المستشفى إستغلوه يشوي و يطبخ لهم.

ماحددت وش التخصص .
ولكن غالبا لا ذي ولا ذي , ولكن المعدل ممكن افضل لك فقط.
الدورات كلام فاضي وضياع وقت .
تخصصك فيه اختبارات تجتازها بعد مذاكرة تكون من منظمات عالمية زي حقين التقنية عندهم سيسكو , خد ذي الاختبارات

الدورات فائدتها قوية بس خليك حريص على الدورات اللي تأخذها
ممكن معتمدة في برامج التصميم الجرافيكي أو PMP
أو السيسكو ومثيلاتها

أما إذا تقصد دورة تنظيم الوقت ولا دورة فوائد التقنية في العالم الحديث
وعلى هذا النسق، ماتودي ولا تجيب

وعليكم السلام ورحمة الله وبركاته

ما ذكرت تخصصك حتى تعطى لك إجابة متعلقة فيه

عمومًا اهتم بالشهادات المهنية واترك الدورات لأنها مجرد أسماء لا تودي ولا تجيب

حتى تتضح لك الفكرة مثلا في مجال المحاسبة فيه SOCPA, CPA, ACCA هذي شهادات مهنية لها قيمتها ولو حصلت عليها الشركات تفضلك على شخص معدله عالي بدونها

بالمقابل فيه دورات في مجال المحاسبة مثلا دورة إعداد التقارير المالية...إلخ هذي فعليا ما تزيدك شيء بالعكس ممكن تصعب الموضوع عليك لأنه راح تسأل عن أشياء متعلقة بمحتوى الدورة ولو ما جاوبت بيعرفون انها من نوع ادفع فلوس وخلاص

ما يحتاج أذكر ان حصولك على الشهادة المهنية يكون عن طريق دراسة وفهم كامل لها مو من النوع الي ياخذ Exam dump ويروح يختبر وهو مو فاهم أي شيء من الي قدامه

المعدل ثم الدورات لان المعدل في بدايتك كطالب متخرج راح يؤهلك انك تتقدم لوظائف وتكسب خبره ثم تاخذ دورات وكذا اخذت خبرة + دورات = معدلك بعد ثلاث الى 5 سنوات خبره يصبح غير مهم الاهم الخبرة .

لا هذا ولا هذا ..
هي كلها توافيق من رب العالمين اولاً ..
ثم هيئتك العامة ثم اسلوبك ثم علمك ثم قناعاتك ثم معارفك !

بمعنى ثاني ..
من جهة القطاع الخاص .. قد تجد نفسك أكفأ بالوظيفه من ناحية تعليمية وعملية ..
لكن تجد الجهة تستبدلك بشخص اقل كفاءة منك لاسباب اخرى ..
ممكن يكون بسبب معرفة , او حتى تعامل مسبق , او ممكن يكون التعامل معه اسهل من التعامل معك .. او ممكن انه قبل براتب اقل من اللي انت طالبه !
وغيرها من الاسباب ..
فأولاً واخيراً صاحب العمل بيدور مصلحته .

اما من جهة القطاع الحكومي .. فغالباً راح تكون بمعارفك وبمزاج صاحب القرار !
يعني ممكن تكون كل الشروط فيك ولا فيه شي يمنعك من الوظيفه ..
لكن صاحب القرار شافك وقعد معك ولا عجبته لأي سبب كان ..
فبالتالي ترفض من الوظيفه !

فالموضوع كله مزاج ماعاد هو موضوع شهادات ودورات وعلم !
حتى طريقة لبسك وشكلك .. ممكن يكون سبب في رفضك ! (على اساس انك جاي تخطب مانت مقدم على وظيفه ؟ ) !

ولكن مثل ماقلت في اول الرد .. كلها توافيق من رب العالمين ...
لا احد يقدر يمسك رزقك او يمنعك منه ..
رزقك اللي الله كاتبه لك ماراح تموت الا وانت مستوفيه كله !

فاسعى في امورك .. واصبر على ماشفت .. واكثر الدعاء .. وتوكل على الله !

ركز على المعدل ولغتك وبعد ماتتوظف خلي جهة عملك تطلعك دورات على حسابها...

الضحك عالصغار بالتسويق لدورات مدفوعه مالها فايدة في بداية حياتك الوظيفية حرام..لانها راح تهلك ارصدتكم وتصغط على اهاليكم اذا كانو هم الداعمين..

مثلا صرنا نشوف ناس تخصصاتهم بعيدة كل البعد عن المجال الهندسي بس ماخذين pmp! طمبعا في وظيفة هندسية زي هندسة ادارة مشروع!! ولا فادتهم لان مهندس فرش كان اولى بالوظيفة

المشكلة شفت ناس بدأت تقلل من الشهادات الجامعية وتقول الدورة الفلانية افيد..

معلومة قلتها كثير لاي واحد جالس يطبل للدورات او يسأل عنها

جلست مع ناس مدراء كبار تنفيذين في نيوم وارامكو خدمتهم فوق ال40 سنة ماعندهم pmp وبيديروا مشاريع بمليارات

وسألتهم عنها قالوا ماتهمنا بس لو اخذت كورس فيها كفاية عشان تفهم الوضع..وهذا الي جالسه تسويه نيوم تعطي دورات لموظفينها مدتها 5 ايام كاملة وخلاص

السؤال ؛ الدوارت او المعدل ؟

الإجابة؛ الواسطة

عليكم السلام

الجواب يختلف حسب المكان اللي تقدم عليه

المعدل مهم للشركات القوية بحيث يدخلك المقابلة و ينتهي دوره

ممكن يناقشك ليش اخذت قريد مو قوي فالكورس الفلاني لكن القبول يعتمد على تقييم اللجنه لك

اللي معدلهم متوسط اهم شي يركزون عاللغه

المشكلة في التقليل بشكل عام ليش الواحد يقلل ويحط فرضيات من دماغه او بسبب انه شاف بضع حالات مو بالضرورة تنعكس على اي احد تشوفه وتعمل معاه مقابلة بعد كذا او حتى سيرته الذاتية يناقش تاريخك وليس حاضرك وما بإستطاعتك فعله بالوقت الحاضر . الإختبار الشفهي والعملي وطريقة تعاملك بشكل عام هذا اللي تبني عليه وتضع نقاط للمترشحين للمقعد الوظيفي وليس ب الكسل والمزاجية للأسف هذا اللي ضيع فرص كثير من الكفائات بسبب المزاجية وعدم الموضوعية من ناحية التوظيف ونرجع نقول هذي ارزاق قد يكون النقاش بهكذا مواضيع ابتداء مضيعة للوقت!!