ياهلا , اعتقد كل عملية مرصودة لها ايصال بالمدفوعات الحكومية للشركات الاتصالات ..

اعطبك مثال طال عمرك ,, انا اسدد 702 ريال للاتصالات مفوتر والسداد يتم عن طريق تطبيق ابو رجوح ( الراجحي ) داخل التطبيق اثبات للسداد والخصم راجع المسودات للمدفوعات راح تجد العملية وقيمة خصم المبلع والدائن اللي هو STC

هنا اثبات الوحيد وحقك بعون الله .. أمتناني لك ولقلبك الكريم ..

خذ كشف حساب ورح للاتصالات ارفع به اعتراض تلقائي رايح ينزل رصيد لك او يسوون عكس

سبب رفض اعتراضك من البنك؟

مادام ظهرت لك رسالة خطا، اعتراضك يكون في UPAY.

انسى تتابع مع شركة الاتصالات.

الله يحييك وبارك الله فيك لو اني سددت عن طريق سداد كان احسن لي لكني سددت الفاتورة بتطبيق mystc ببطاقة الراجحي urpay

الراجحي يقول العملية صحيحة والمبلغ انسحب من stc
و stc دعم التلفون يقول مالنا شغل كلم دعم التطبيق هم المسؤلين ما دام انت دافع عن طريق التطبيق mystc
ودعم التطبيق الشات يقولوا الواضح انه ما وصل اي مبلغ وما عندنا حل روح الفرع وارفع بلاغ ورحت الفرع قبل حوالي ٣ اسابيع وسحبت صورة من التطبيق حق الراجحي وما قبلوه بسهولة يقول لازم يكون مختوم وفرع الراجحي يقول مانختمه هذا صادر من التطبيق
المهم بالاخير وافق الموظف يرفعه وقالي انتظر الين يتصلوا عليك والى يومك هذا لا تسدد المبلغ ولا رجعوه ولا جاني اتصال وكل واحد يرميك على الثاني والله المستعان وشاكر لك ردك ومشاركتك

الله يحييك رحت الفرع قبل حوالي ٣ اسابيع وسحبت صورة من التطبيق حق الراجحي وما قبلوه بسهولة يقول لازم يكون مختوم وفرع الراجحي يقول مانختمه هذا صادر من التطبيق
المهم بالاخير وافق الموظف يرفعه وقالي انتظر الين يتصلوا عليك والى يومك هذا لا تسدد المبلغ ولا رجعوه ولا جاني اتصال وكل واحد يرميك على الثاني والله المستعان وما قصرت

علمي علمك بتصل عليهم اشوف السبب
لكن بالتلفون لما كلمتهم قالولي لي العملية صحيحة
اقلهم الفاتورة ما تسددت يقولي العملية صحيحة ظاهر عندي

للاسف البنك رفض الاعتراض ويقول لي العملية صحيحة
اقلهم الفاتورة ما تسددت يقولي العملية صحيحة ظاهر عندي
كيف ارفع عليهم شكوى
المشكلة انه بطاقة urpay ماهي زي السداد بالبطاقة الائتمانية العادية مستقل وكشف حسابها ما يطلع بموقع الراجحي

ارفع شكوى على البنك في البنك المركزي

احصل على رقم المرجع من حساب يورباي وبه خطاب stc والبنك المركزي

بس تأكد انه لم يتم استرجاع المبلغ في حسابك في urpay

ارفع شكوى لدى البنك و لما تقفل ادخل موقع ساما تهتم و ترفع شوى على البنك و ترفق الشرح معه رمق الشكوى لدى البنك
بيرسلونها للبنك يكتب رده .. اذا ما اعجبك (و احتمال يتصلون عليك من البنك ) اطلبه منهم كتابة ردهم و تدخل موقع ساما تهتم من جديد و تختار تصعيد .. هذه تجربتي الى الان للاسف لها قريب شهر ما ردوا و اتلت عليهم قبل يومين و قالوا بيستجلون الرد
اما من ناحية STC ترفع شكوى عندهم و تكون برقم .. و لم تتقفل بدون ما تنحل تاخذه رقمها و ترفع شكوى لدى هيئة الاتصالات و نفس الموال ..

ياخوي انت طبيت في ا ** اثنين

الراجحي والاتصالات بيطلعون عينك عشان حقك يطلع

لكن استقعد لهم لا تخلي الموضوع حتى لو توصل ساما

وبتاخذ حقك ان شاء الله

والله يكون في عونك

الظاهر مافيه الا كذا
هذه صارت سرقة عيني عينك

stc ماعندي شيئ او خطاب منهم يثبت انه سددت لهم

فقط بيانات السداد من البنك والرقم المرجعي لكن اتوقع انه تكفي لشكوى على البنك المركزي

واكيد ما رجع شيئ اطلاقا للبطاقة اشيك بشكل يومي

جزاك الله خير ما قصرت على الافادة
وإن شاء يرجع لك المبلغ

البنك رفعت فيه شكوى قبل يومين ولا جاني رد بتصل عليهم

وبالنسبة ل stc للاسف ماعندي رقم شكوى عن طريق الاتصال يقولوا ما نرفع لك شكوى تواصل مع التطبيق ما دام انك سددت عن طريقهم والتطبيق قالي راجع الفرع

يبغالي ارجع للموظف الي يقول رفع اوراق الشكوى اذا عنده رقم

الله المستعان

صدقت هذا الي صاير طحت بين اثنين ** وكل واحد يرميك على الثاني والان بكمل شهر ولا رجع شيئ

الظاهر ماعد فيه طريقة الا رفع شكوى للبنك المركزي والله يعين

كلامك فوق تقول البنك قالك العملية صحيحة ظاهره عنده ... قله ممكن تعطيني الاثبات هذا انها صحيحه عشان اعرف اطالب بحقي في STC او ارفع شكوى عن طريق المعلومات الصحيحة اللي يملكونها الراجحي. واطلب منه يحولك أقرب فرع منك عشان يعطونك اثبات ان العملية صحيحة.. أنشب لهم او ادخل للمدير حق الفرع وأشرح له موضوعك. وقله احتاج الاثبات اللي عندكم ظاهر ان العملية صحيحه وبعدها تقدر ترفع شكوى دام بيدك الاثبات

اهلاً بك في " خثاريدز " URPAY
و تراك توك ما شفت شيء بعد.

الله يعينك اسواء شركة الصراحة .. البنوك نظامهم قوي تطمن من ناحية سير عملية الدفع

لكن المشكله بنظام الاتصالات

لي تجربه سيئه مع الاتصالات بربط البيانات لاموظفين فاهمين بنظام شركتهم ولا تدري كيف تاخذ حقك

والله ياهم بيهسترون فيك هستره