BMW تقدر تمدد الضمان بقيمة 15الف سنتين اضافية
ممكن تقدر تشتري السيارة افرض رقيت مطب او رصيف بالغلط وخرب العكس السيارات العادية العكس بسعر محلات قطاع الغيار 2500ريال ارخص عكس 1500ريال تخيل لو خرب العكس يمكن 5000ريال.
اول شيء اسأل
بلف الهواء
بلف التبخير
العكوس
المساعدات
الرمانات
اسأل عن القطع الاستهلاكية بالوكالة او موزعين اذا قطاع الغيار تقدر عليه توكل الله.
لا تنسى المراية فوق 7الاف ريال.

اخوي الالماني ضروري صيانه دوريه


والبي ام بالذات اسمع انه اكثر شي حساس ويحتاج له عنايه


المرسيدس اتوقع اعتمادي اكثر


لكن حط ببالك انك لازم تسوي صيانه دوريه اذا بتاخذ الماني وتاكد من قطع غيار المرسيدس والبي ام


لكن حسب اللي اعرفه المرسيدس اعتمادي اكثر خصوصا مع الصيانه الدوريه ماحتشيل همه ان شاء الله

الله يعطيكم العافية جميعاً كفيتو ووفيتو،

الآن اقدر اتخذ القرار الصائب بعد مشورتكم،

مشكووين وما قصرتوا

السيارات الالمانية اذا ما وفرت لها 50% من قيمتها
كقيمة صيانة خلال خمس سنين نصيحة لا تشتريها.

يعني لو السعر 200 الف
لازم توفر لك 100 الف كصيانات و قطع غيار خلال خمس سنين
و يا عالم هي تكفي او ما تكفي.

أنصحك تروح لوكيلها في منطتقك وتسأل العملاء المجربين من ناحية:

تعامل الوكيل مع العملاء وشوف تعليقات جوجل .

وبعدها احكم

اغلب اللي يهرجون عن صيانتها انها غالية وسالفة

اتحداه لو مر عليه يوم امتلك سيارة فارهة زي كيذا

مرسيدسات موديلات2010و 2013 ماشاء الله للان تشوفها

بالشارع وفيه منها النظيف اي احد بيتعذرك بصيانة الموتر ذا

انا اقولك موتري كله قطع نار وغالية والحمدلله مرتاح ولا يطلب

فحمات والله اغيرها كل سنتين الى ثلاث ب1100 بالوكالة موتري

قطع غياره بعضها غالية لكن الحمدلله ما اشكي من مشاكل كمل معاي

ممشى 350 الف واحس بدري حيل حيل عليها

ترا اللي يبيع قطع الغيار يعرف الاسعار والموديلات ويحفظ ارقام القطع ويعرف بدائل القطع اذا توفر لها بديل. وهو مايعرف يسوق .

معيار التملك ماهو مقياس . بالذات في عالم السيارات الفارهه لان ٩٠ من ملاكها يرسل السواق يسوي لها صيانه ويدفع الاجمالي بس . وبالكثير اربع سنوات اذا ماهي اقل وباعها .
كنت اعمل في شركة مديرها صاحبها نفسه .
كل موديل بسنته يرجع الموديل السابق ويدفع فرق وياخذ الجديد . مايعرف شي عن السياره الا انه يسوقها فقط .

والله اخوي انت دخلت بموضوع ثاني كيذا انت صادق

من ناحية اخذ النصية من الفئة هاذي لكن صدقني هم الاشخاص هاذي ماتبي شي يشتكون

منه كل شوي من اعطال او ردائة جودة السيارة مومهم مين. يمتلك السيارة ماعلينا

ولاهو محتاج يستمر فيه النقاش الاهم السيارة نفسها نعرف اعتماديتها وتحملها

والله انا للامة وصدقاً اشوف تناقض كبير تمدحون تايوتا تعيش سنين وتعمر وتطبيل يحسسونك انها

سيارة العمر ويوم يجي شخص يحط موضوع يبي يشتري سيارة من تايوتا مستعمل زي اللي يبي

يشتري ال اف جي ممشاه 300 الف اغلبهم عارضوه وانها راح تطلب منه وبتهلكه تصليحات

طيب وين المطلبين اللي يقولوا شيك بالجيب وسيارة ماعليها كلام وماتخترب وتعمر كانه مكينة

مصنع ماتطفي ولاتخترب ؟!!!!!!

ونفس الكلام على الالماني انه افضل جودة مطلقة ومن التطبيل هذا

ولجا وقت الجد تغير كلامكم هذا كله والله ماعرفنا لمزاجكم يحبون يثيرون الجدل

بدون اي كلام مقنع

حياك الله
لو تلاحظ ردودي انا ماحددت له اي نوع من السيارات
قلت : اذا يقدر على مصاريفها الله يبارك له .

نجي لاسباب اخرى تخلي الناس ترغب سيارة معينه ومع الرغبه والطلب شي اكيد بيرتفع سعرها
اولا : توفر قطع الغيار . ( تدري ان ملاك هوندا في المنطقه الجنوبيه يشغلونا في الرياض ندور لهم قطع كل واحد يطلب اقاربه او معارفه )

ثانيا : معرفة صيانتها واصلاحها لدى الكثير من الورش . وهذا شي مترتب على ماسبق من انتشار قطع الغيار وتوفرها في كل مدينة وهجرة وقريه .

اذا تذكر جراندور زمان اول ماطلعت كانت مريحه ومتينه وفخامه تقنيه حتى المراتب لها ذاكرة ٣اوضاع
شريت وحده ذهبيه شافها اخوي واعجبته شراها مني وراح فيها الجنوب . طبعا هي نزلت موديل واحد ونسيها الوكيل
بعد سته شهور صار القير فجاءه يفصل ثم يشبك
محد عرف لها ارسلها سطحه للرياض
مالقينا احد يفحص ولا احد يعرف لها ولايدري وشهي
وبعد مدة ماهي بسيطه فكينا الظفيره ولقينا حساس النمرة الخامسه عبارة عن فيش ومهتري من الحرارة فكينها واشتغلناه توليف . ورجعناه مشت فترة ثم وقفت وجلست عند الباب بعناها تشليح .

قطع الغيار لبعض السيارات مثل الجينسس دودة الدركسون ب٢٠ الف ومستعمله من ٥ الاف الى ٨ الاف هذا،اذا حصلتها .

فهذي الامور اللي تخلي الناس ترغب سيارات عن سيارات
وخلاصة الكلام مشكلتنا مشكلة وكيل وليست مشكلة سيارة

سيارة كنا نمتلكها , رائعة بمعنى الكلمة فعلاً

قطع الغيار غالية , الصيانة مكلفة وتحتاج تسويها دائماً , أجرة اليد فالوكالة غالية جدا , الورش كلها شوام واتراك انصب منهم ماشفت .

انا استغرب الي يقولون نشوفها منتشرة يمر عليه ايام علشان اشوفها
انا اتكلم عن الفئة الخامسة

لا تقاس السيارة بتكلفة غيار زيت او سعر فحمات ( الألماني غير في خراباته )

نقطة مهمة لو كنت مسافر او في مدينة غير مدينتك الي متواجد فيها الوكيل والله هنا لتاكلها مزبوط ومرمطة عكس السيارات الاخرى حتى لو مافيه وكيل الورش بشكل عام تقدر تتعامل معها اما الالماني لااااا
لذلك نصيحتي لك ( لا انصح )

لو معك لكزس ورحت لاي محل يبيع اشياء غير مسعره بيرفع عليك السعر لانه يحسبك مليونير
عاد لو رحت لورشه سيارات ومعك بي ام لو تقوله بس ابي تربط مسمار مايكلف 5 ريال بيطلب منك 500 ريال

اذا هي في خاطرك خذها ولاتشاور احد عليك بcs

الالماني جوده لكن المشكله بمجرد دخلتها ورشه
يحسبونك غني ويخربون لك السيارة
يايشلحون قطعك او يخربون لك السيارة حتى تصلح اكثر واكثر ويسترزق منك
للاسف الجنسيه اللي تشتغل على الالماني هم السبب

للاسف ما وصلنا لمرحلة وجود ورش خارج الوكالة احترافية للالماني بشكل عام او الاوربي بشكل اشمل



كلهم شوام واتراك ومن عرب الشمال وغالبا موترك لا دخل الورشة عليك العوض ومعوض خير خلاص بيصير كل يومين رايح جاي على الورشة







سيارات مثل هذه حلاتها صيانتها بالوكالة 5 سنوات وتمدد كمان سنتين وبعدها تطشها وهات اللي بعدها





لانها كلها حساسات وكهرب من الصدام للصدام فطبيعي تحتاج برمجة كل فترة





وقاعدة عامة سيارة تسأل عن صيانتها مكلفة او لا ابعد عنها اعرف انك بتورط قدام





والله ياعند البيت اودي الفئة الثامنة واقفة ومغبرة واصبحت بيت للبساس لان راعيها مو قادر عليها بتاكله اكل

اللي صاير عندنا مايسمى حركة اقتصادية
المفترض يسمى حركة الاستغلال .
وليس في السيارات بل في كل شي.
دايما اتابع الرحالين واشوف كيف البلدان برا
مدن او قرى صغيره تحصل فيها خدمات تفوق السبع نجوم
محلات ذات طابع راقي وهاديه واسعار معقوله .
ورش ووكالات تقدم خدمات راقيه وتحترم العميل .سواء كان عالضمان او بدون ضمان

لكن عندنا يشغل مخه وفكره وجهده كيف يطلع منك فلوس دون ان يقدم لك خدمه

يشوف معك ايفون مايدري انك ماخذه اقساط .
ولا جاك هديه وقيمته قطه من اخوياك ،
ويصلخك بالسعر ويقلك معك ايفون وتكاسرني على ١٠٠ ريال .
يشوف ثوبك نظيف استغلك .
شاف معك سماعات ايربود استغلك

مبداء التجارة عندنا قايم على تقييم العامل لشكلك .
وعاد بعض ربعنا اذا راح ورشة قام يسولف مع العامل ويحط نفسه راعي منصب . واحيان تلاقي العامل نفسه يحكي لك عندي زبون بيشتغل وزير . دخيلك بيرسل السياره عندي ويقلي ضبطها وهذا شيك مفتوح اكتب حقك اهم شي تضبط .

الـ BMW فئة خامسة من موديل 2017 جدوتها عالية جدا ..

وعندك قطع الغيار فيه محلات تبيع خيارات كثير واسعار مقدور عليها .. وابتعد كليا عن القطع الأصلية .. اسعار مبالغة وBMW لاتصنع اي شي منها .. فلتر مكينة بالوكالة قيمته 1000 ريال .. وبامازون اروبي MANN قيمته 80 ريال

قمشات امامية بـ 2000 ريال بالوكالة .. وبمحل قطع غيار بالدمام 700 ريال نوع بريمبو .. وبامازون اسحن منهم كلهم بـ 450 ريال PowerStop Z27 .. والورشة يغيرها لك بـ 200 ريال

وعندك ورش بالثقبة خبن الخبر متخصصين .. بس لازم انت تقرا عن السيارة وتسوي الصيانات بذكاء ..

مثلا اذا بتغير عندهم بطارية يدفعك 1800 ريال عليها .. لو تروح محل بطاريات اسمه الأركان جنبة بتنباع بـ 1050 ريال .. وكلها نفس التقنية AGM وتمشيك البطارية 5 - 6 سنوات

بالنسبة لي صعب أفتي بسيارة ماجربتها فترة طويلة
سبق لي عام 2003 أن أشتريت بي أم موديل 94 من الشارقة للأسف كانت طارة يمين ومقلوبة يسار وفيها مشاكل كثيرة..مستوردة من اليابات

هذي شغلتهم واكثر ما يبوقون الكمبيوترات . لذلك الألماني لا تصلحها إلا قدام عينك أو تعرف الكراج عز المعرفه.

سالفة تغير الظروق هذي حط تحتها مية خط و كثير يهملها


نفس وضعك انا تقريبا

يالغالي باختصر في نقاط..
1- الالماني مايطمن الا عندما يكون على ايدك جديد اصفار. اما مستعمل فأنساه تمامآ..
2- اذا كنت مقتدر وحاسب حسابك للمستقبل والقادم حساب عدل فاشتر جديد وحافظ عليها.
3- اتفق مع الاخوان احسب حساب الزمن وتغير الظروف...