تبي الصدق اغلب اللي يستخدمونها حولنا يكشخ في العطل او المناسبات او الزواجات

مش حقت كرف وخطوط يوميا او تشوفه يسوقها يوميا في كل الاوقات

اتفق معاك لانها مع الاستخدام اليومي تحتاج صيانة وحتى الصاية الدورية العادية تعتبر مكلفة لمثل هذه السيارات

كذلك المستخدم ماتضمنه وكون السيارة وارد المانيا بعض القطع ممكن ماتحصلتها بسهولة او تحتاج طلبيه

اكيد بيكون في فحص ونتأكد من كل شي، ومسألة انها المانية بسيطة محصل مثلها خليجية بس زي ما ذكرت لكم اني

فقط متخوف كم ممكن تجلس معي لو كانت مستعمله لان الجديد صراحة اغلى،

وكم هي ممكن تكاليف الصيانة الاعتيادية التقريبية (تغيير زيت الماكينة، تغيير اقمشة) هل هو في المتناول
او نحتاج مبلغ وقدرة علشان نسويها،

وشكراً لك على ردك

حسب علمي مكلفه والافضل تتواصل مع الوكيل او تمر الصيانه عندهم وتاخذ الاسعار مباشره منهم

اذا متعود على صيانة ياباني او امريكي راح تفرق معك الاسعار

متع نفسك وخذها وصياناتها مثل باقي السيارات مو مكلفه لايهمونك راعيين الالنترا والصيني

أذكر واحد يسولف عن البي إم يقول طول ماهي تحت الضمان فأنت مرتاح و من أول ما تطلع من الضمان بيوم إرميها بأقرب (......) و إخلص.

بقول حكمه قالها لي صاحب محل كنت اشتغل فيه سنة2002 تجهيز اجهزة سيارات من مسجلات وشاشات وغيرة
يقول يا ....... شوف اذا وقفت عندنا سيرة يم المحل تشتغل كامري لومنى مكسيما لما يكون الزبون تارك السيارة شغالة تحس ولا كنها شغالة بس اذا وقف عندنا بي ام او مرسيدي تشوفه ينفض ويتفتف هههههه
ليومك اذكره الكلام هذا قبل شهر عند الايشارة فتحت مشينا الا بي ام طفى خذ الهرنات الي جاته
انا ما احبطك ولا اخوفك هذا خيارك ونت حر

حط في الحسبان ان الشكل بيتغير قريب،

وللأسف صدق سعرها برا شامل الضريبة والجمرك بيكون ارخص من وكلائنا وارخص من المستعمل بعد.

صحيح خرابات البي ام معروفه انها اكثر من بقية السيارات لكن هالفئة بالذات تصبر وحق مشاوير واكيد قطع غيارها ارخص من الفئة السابعة.

بالنسبة لي اشوف الممشى المعقول للمستعمل الى 30 الف، اكثر من كذا يبي لي اتاكد

اخوي الاماني صيانته غاليه خصوصا في الوكالة

اعطيك مثال عندنا مرسيدس م 2020 تحت الضمان كل مرة نوديها الصيانة ياخذوا فوق 2000 ريال اخر صيانة على ممشى 40000 الف ك كلفت الصيانة 2700 ريال

هذا الجفالي

اما الناغي الله يعينك الب ام خرباتهاها كثيره وصيانتها اغلى من المرسيدس

طيع شوري وخذ لك لكزيس فخامة موديل ال ES كلاس وفيها كل ما تطلبه وارخص من البي ام

تويوتا ولكزس عن استخدام مطول اقولك هي ميزتها فقط انها ماتطلب كثير اما اسعار الصيانات عند عبداللطيف جميل والقطع سواء من عنده او برا ترا والله مرره مهي رخيصه اتكلم عن تجربه اوريون ٢٠١١ من يوم طلعتها الى تقريباً ١٠٠ الف او ١٢٠ الف اصينها فالوكاله الصيانات العاديه اللي هي تغيير زيت وتشييك كانت تطلع بحدود ٦٥٠ ريال تقريباً اما الصيانات الكبيره اللي فيها مثلا بواجي او فلاتر او غيرهم تطلع فوق ال٣ الاف وانت تضحك كمان واحد اقاربي معاه لكزس دايم يشتكي من اسعار الصيانه اما القطع حدث ولا حرج يوم تشوف اسعار قطع الامريكي ولا الكوري والله تحس غبنه نفسها الاوريون بواجي بحدود ٣٠٠ قيمة القطعه بس بدون تركيب من محلات القطع فالوكاله يمكن اكثر كمان فلتر المكيف فوق ال١٠٠ ريال فلتر المكينه اذكره حول ال٢٠٠ كذا او اكثر شوي سير المكينه حدود ٣٥٠ فلتر الزيت ٣٥ ريال يعني صراحه اشوفها اكثر من اللي نسمعه عنها ارجو انه محد ياخذ ردي اني حاقد او شي بالعكس مستخدم لتويوتا وماندمت اني استعملتها لكن تم ذكره للحياديه فقط

يمتع نفسه عشرة شهور
ثم ايش بعدها
مايقدر على صيانتها وتصير بيت لقطاوة الحاره

هذي سيارات تصلح لواحد ما يساءل عن تكاليف الصيانه .
شراء سياره كلن يقدر عليه ( قرض . اقساط . تحويشة ) لكن الصيانه لازم الواحد يعرف وضعه المادي وامكانياته على مصاريف الصيانه للسياره ناويها .

لا يشتري السيارات الألمانية إلا شخص مُقتدر مادياً
وما دمت تسأل عن ( الصيانة ) فابحث عن غير تلك
السيارات...
هناك أنواع كثيرة ( فارهة ) وأرخص من الألماني
منها: Lexus

البي ام ماتنفع
اهم سبب مايصلحها الا الشوام
يشلحون السيارة تشليح اذا طبت ورشهم
اقول هالكلام وانا مجرب بي ام ٩٣ قبل ٢٠ سنة
واخوي جرب ٢٠٠٥
انا اخذت سيارتي وارد المانيا من المنطقة الحرة
كانت زي الجديدة وكدت معي سنتين زي اللوز
خرب معي منظم الهواء بسبب العجاج
ومن دخلت ورشة سوري شلحها تشليح
لرجة صرت اشك ان يسرق قطع سيارتي ويركب تالف علشان ارجع له واشتري قطغتي اللي سرقها مني ههههه
شيء غريبة كل مااجيهم بعد فترة قصيرة يخرب شيء
انا شاريها ب ٢٥ الف وخسرت عليها يمكن فوق ٣٠ الف

من خبرتي المتواضعة الألماني عندنا سوقه ضعيف وليس له دعم قوي

المتسيد للسوق واللي يقدم لك خدمات 5 نجوم هي ليكزس

سيارات موثوقيتها لا غبار عليها وتتصدر قوائم الجودة عالميا ووكيل لا يقل عن ممتاز

وعند الحاجة للبيع لن تندم أبدا
الحقيقة استثمار جيد

الحين اللي يسبون البي ام هل هم جربوا البي ام؟

مشكله اللي سيارته النترا ويسب البي ام لا ويعتقد انه فاهم كل شيء


البي ام سياره اعتماديه وعن تجربه سياره تعتمد عليها

بالنسبه لغيار الزيت عندي افالون البي ام في غيار الزيت ارخص منها

كان معاي بي ام اكس 6

هذي المشكله ولاعمره امتلك بي ام ويقعد يتفلسف

الموضوع ماهو سب .

الموضوع هل يستطيع على صيانتها واستهلاكياتها

اذا وضعه المادي يسمح الله يبارك فيها
اذا انه بعد اربعه شهور بتوقف عليه ولايقدر يصلحها وتتحول بيت لبساس الحارة هنا المشكله

ياكثر اللي نعرفه شرو سيارات وحتى كفرات ماقدرو يشترون لها لما تلفت

انا اقترح انه ياخذ النترا وش رايك

هو ادرى بظروفه ووضعه المادي

كيف تجبر انسان ياخذ موتر فوق طاقته .

عام ٢٠١١ كان راتبي فوق ١٣ الف وفيه رصيد مخزن في الحساب واموري طيبه .
وكان بالاستطااعه اشتري اي موتر
دفعه اولى والباقي اقساط واكشخ
وبكل صراحه شريت كراون فكتوريا ٢٠١١ وكاله
ب٧٨ الف وكان بالامكان اقدم دفعه ٨٠ الف كانت متوفرة وقتها واشتري سياره قميتها ٣٠٠ الف او اقل او اكثر
.وتغيرت الظروف والعمل ونقص الراتب الى اقل من ٦ الاف و رغم الظروف وغلا المعيشه والبنزين وزيادة عدد الابناء وشراء منزل باستطاعتي اشتري لها كفرات وقطع استهلاكيه واغير زيوتها وصيانتها. والحمدلله سالكه معي في اي لحظه الان ادق سلف واسافر اي مكان ابغاه بدون مشاكل

لكن تخيل اني طبيت في سيارة فاخره
وحصل ماحصل من تغيير للظروف وش الوضع ان بعتها خساره وان تركتها في الحاره واقفه خسارة .

هذي نظرتي للموضوع بصفه عامه
كلنا ودنا نركب سيارات فاخره ونستمتع ونكشخ
لكن نمد قد اللحاف
اذا ربي ميسر امورك وتقدر تصرف عليها غيرك مايقدر .
الشراء سهل
بنوك تعطيك . شركات تمويل تعطيك .
لكن مابعد البيع احسب حسابه .

وحتى الالنترا ترا فيه ناس امكانياتهم ماتسمح بقطع غيارها
زر التشغيل خرب في النترا ٢٠١٨ كلف ٢٧٨٠ ريال المبلغ هذا راتب موظف امن يعيش به شهر كامل .
بالتوفيق