سوي حادث تتعمد تنقطع فيه رجولك او يجيك شلل او شي كذا وتصر الدولة تعطيك مبالغ كبيرة شهريا تكفي معيشتك وزيادة بدون ما تشتغل وشي يضمن مستقبلك المالي, ولو تبغى سعودة يصير مرة سهل الوضع لانك كمعاق تحسب دبل النقاط للسعودة , ومنها تصير خالص جالس في البيت ومتفرغ للشغل والدراسة الاونلاين تماما, ومنها ماعاد احد يلومك في عز شبابك وطايح او تارك دراسته والكلام الفاضي هذا ومنها مواقف مميزة عند المحلات ومزايا لا تنتهي

لان صراحة قريت معظم مواضيعك وماني لاقي حلول لمعضلتك غير كذا

حياك الله اخي انا اشتريت كورس للتجارة الإلكترونية ب ٨٠٠ دولار عشان اتعلم الدروبشيبينق وحاليا عندي البنك فقط ٣ ريال لاني مصاريفي كثيرة
لذلك صفرت البنك واليوم راح استلم الراتب ١٩٠٠ ريال راح اودعهم بالبنك
ولكن هذا ماراح يكفي فقلت استثمر بمجال التطبيقات يعني اشتري تطبيقات جاهزة وانشرها على متجر قوقل بلاي مع وضع اعلانات قوقل عليها وكذا راح تجيني أرباح من شركة قوقل بعدين بعد شهر أو شهرين راح تظهر الأرباح يعني كنت اصرف على الاكل من المطاعم واشتري اشياء عشان كذا الفلوس راحت حتى لو راس المال مايكفي انتظر إلى شهر ٣ واستلم الراتب مع تقليل المصاريف وادخر الفلوس من اليوم عشان اجمع راس مال للتجارة إلكترونية بس اكيد انا غلطت اني كنت اصرف كثير بس من هالشهر راح اقلل مصروف وراح تكون بدايتي الحقيقة بالتجارة إلكترونية من اول شهر ٣ ومع استثماري بالتطبيقات وتراكم الأرباح يكون وصلت للحريم المالية بعدين خلاص لا دوام ٨ ساعات ولا هم يحزنون

بلا حرية مالية بلا تجارة الكترونية بلا دروب شوبينق بلا أرباح قوقل بلا خرابيط
90% من مشاكلك وكثرة مواضيعك هي بسبب سوء التخطيط والتخبط وعدم الصرامة في اتخاذ القرار والتنقل من حلم إلى حلم وهمي آخر والعيش في أحلام اليقظة

أنت حسب ما قرأت تدرس في الكلية التقنية، ركز في شهادتك ودراستك وبعد ما تتخرج على خير وتمسك وظيفة ومدخول شهري ثابت ذيك الساعة ابدأ حسّن من حياتك كيفما تشاء ، سواء بتغيير تخصصك أو فتح متجر إلكتروني أو تتزوج أو تحرق محل الحلويات على راحتك

والله لو أنك أخوي الصغير وجالس تهرج لي كذا لأخلي العقال يلعب في ظهرك :d

hishamsaleh12 كتب:

جياكم الله جميعا

انا اشتغل في شركة حلويات وقريب الدوام من البيت ولكن اابغى اتفرغ للدراسة ابي وقت للدراسة لذلك ابغى اسجل في تامينات او سعوده بس بدون دوام 8 ساعات

لأني حاليا اشتغل في شركة 8 ساعات واستلم 1900 ريال عاد انا ابي وقت للدراسة عشان ادرس كويس

يعني هل يوجد مثلا جمعية أو سعوده بدون دوام في الشركة تعطيني راتب شهريا وليكن مثلا 1000 ريال شهري

وعندي كمان شغل اونلاين يعني قاعد اتعلم تجارة الكترونية بس ابي اركز على الدراسة وشغلي الاونلاين يعني ماابي اداوم في شركة 8 ساعات ياريت تفيدوني الله يعطيكم العافية

هذي ما تسمى سعودة
السعودة برنامج وطني يهدف إلى تمكين السعوديين من الوظائف وأصبح يطلق عليه مؤخرا التوطين
أما السعودة اللي تقصدها فهي سعودة وهمية واحتيال ومساهمة في الفساد وتعطيل الوظائف عن مستحقيها
فالله يرضى عليك ابعد عن الحرام

اهلا اخوي الكبير المحترم والله كلامك صحيح بحثت عن احلام اليقظة وانا فعلا اصير سرحان وعايش في عالم خيال بس مافي شي على ارض الواقع والله شكرا على النصيحة هذي خلاص انشاءالله راح اشتغل على نفسي من الان بس ادعيلي الله يوفقني ويسهل اموري واطلع من الحالة النفسية ذي
لازم اخلص من الكلية التقنية وطبعا انا موظف في محل حلويات واستلم راتب 1900 ريال شهريا بدون تأمينات
راح اسوي اللي اقدر عليه والباقي على الله بسم الله توكلت على الله

ياريت تعطيني نصيحة اخيرة عشان احسن من حياتي وكيف اصير ناجح بالحياة؟

أجمل مشاركة قرأتها في المنتدى


ويا رب سهل أمر صاحب هذا الموضوع

الله يرزقك من واسع فضله

جرب تشتغل في جرير او سلاسل المطاعم اللي عندهم بارت تايم 6 ساعات اعتقد

استغرب اسالتك الغريبة وتدخل ب اسمك

كيف اقدر اقدم توظيف عندهم وكم راتب دوام جزئي؟
وايش متطلبات التوظيف عندهم ياريت تفيدني احتاج راتب افضل من ١٩٠٠ ريال شهريا
ابي اشتغل براتب ٣٠٠٠ على الأقل بس طبعا فترة مؤقتة يعني مدة ٣ شهور على الأقل عشان بس عندي هدف اني اجمع راس مال للتجارة الإلكترونية عشان ابدا شغل اونلاين

راجعت مواضيعك وحسيت انك موسوس وتفكر باحلام كثيره وخيالات ومن 2015 وانت تدرس للحين ماخلصت !

وش وضعك بالضبط

اترك خرابيط المتاجر والنصب وخذ شهادتك وتوظف زين ضاع وقتك وعمرك وانت تسال وتستفسر

سألناه قبل في موضوع ثاني بما معناه هل انت عندك مشاكل مادية وضاغطة عليك وتبي على قولة اخواننا المصريين عاوز أئب على وش الدنيا واعمل لي سبوبة حلوة
ولاّ امورك طيبة وساكن مع اهلك بس الموضوع احلام وطموحات

ما فيه عيب في الاحلام والطموحات بحد ذاتها لكن العيب ان الشخص ينفصل عن الواقع
هو الان عنده شيء بيد وهو اكمال الدراسة اللي ما باقي لها شي وياخذ الشهادة ويسعى في البحث عن وظيفة اينما كانت
ومع الوقت والاستقرار يبدا الواحد يشوف شغفه

ترا مب اي فكرة براسك لازم تنزل لها موضوع كل يومين مااحد يقدر يساعدك الا نفسك.

نعم اخي كلامك صحيح انا الحمدالله ساكن مع الاهل في البيت انا اللي احتاجه هو اني اجمع راس مال عشان التجارة إلكترونية بس اول شي ادرس كويس واخلص الكلية التقنية ادرس تخصص شبكات حاسب وانا باقي لي مواد قليلة واخلص بس مشروع وتطبيق انا بس اوصل للتطبيق خلاص اموري تصير طيبة بس حاليا بركز فقط على الدراسة واني ارفع معدلي وبعد التخرج زي ماقلت ابدء اشوف شغفي وطموحي بساعتقدلاني متشتت في أكثر من شي عشان كذا عندي ضعف تركيز وصعوبة اتخاذ قرار
ادعيلي يارب انجح واتخرج واخذ الشهادة وقتها افكر بشي ثاني

حياك الله اخوي لا انا ادرس في الكلية التقنية شهادة دبلوم تخصص شبكات حاسب صارلي ادرس من عام 2019 للحين طبعا إلى عام 2023 يعني صاير لس ٤ سنوات ادرس دبلوم تخيل بس طبعا السبب لاني ماكنت انزل المواد كاملة يعني مثلا هذا السمستر انزل فقط مادتين والسمستر الجاي انزل مادتين وكمان في مادة حملتها مرتين والحين عدتها يعني الحين عدتها ٣ مرات وأعتقد شكلي راح اعيدها ٤ مرات يارب اتوفق وانجح راح اتعب على نفسي عندي امتحانات عملية هذا الأسبوع واسبوع القادم عندي امتحانات نظرية نهائية والله امنيتي اني اتخرج بعدين بعد التخرج راح افكر ايش اسوي سواء اشتغل اونلاين أو اسوي مشروع المهم حاليا راح اركز على التخرج إنشاءالله

عندك ضعف في الذاكره؟؟


تراك مسوي نفس الموضوع من فترة ...


https://www.adslgate.com/dsl/showthread.php?t=2...

كيف دوام 8 ساعات ب 1900 ؟ ماتسوى

اي صحيح نفس الكلام اللي اقوله انا بحاول اشوف مكان أفضل ولكن مستقبلا راح ابدا شغل اونلاين لان في كورسات كثير بتعلم الواحد يشتغل ويطلع فلوس من الانترنت ولكن حاليا ابغى اتخرج من الكلية التقنية واخذ الشهادة عشان اتفرغ للامور المهمة يارب اتخرج عشان ارتاح من المشاوير ويصير معي وقت أكثر