وعليكم السلام ورحمة الله

الله يشفي مريضكم وجميع مرضى المسلمين
اذكر كنا نشريه للوالدة رحمة الله عليها من محلات بندة او محلات التسجيلات الإسلامية

اساءل الله ان يمن على مريضتكم بالشفاء والعافيه وكل مرضى المسلمين
متوفرة العبوات في اسواق العثيم دايما اشتريها منهم

الله يعافيها ويشفيها ومرضى المسلمين .. ابحثوا عن فوائد الصيام لمريض السرطان

طيب الله يعزكم أبي مكان موثوق منه ..

لآني ما أثق في المحلات تكون فيه لكن في ظل الجائحة سابقا كان فيه عرض خادم الحرمين الشريفين الملك سلمان حفظه الله في بنده لكن قالي الكاشير إنقطع ماعندك الإ الأماكن الرسمية مثل المنطاق المتاحة رسميا في الأماكن المصرح لها

انا ما اثق بالمحلات ابدا طالما انها خارج مكه والمدينه

مين المورد لهم؟ وهل المصنع عطاهم تصريح ببيع ماء زمزم او على الاقل من ضمن نقاط البيع الرسميه؟

الي اعرفه زمزم تاخذه من الحرمين او مصنع زمزم او مطار المدينه او النقاط الرسميه المعتمده مثل اسواق بن داوود

موثوقة .. !






والله مادري موثوقه أو لا .. بس وين أي حي الرياض





أبشر

شريت من العثيم قرطبه ومن الشهداء ومن الياسمين .
متوفره في فروع العثيم
واكيد انها موثوقه وانت ناظر الغطاء حتى تتاكد ماجاها عبث

هنا المشكلة ..

لذلك يالغالي إذا واحد في مكة أو المدينة المنورة ويقدر يوفر وانا بحوله قيمة الماء والشحن أيضا

اذا ماسار معاك شي

كلمني انا من مكة

0562004004

الله يشفيها اترك الخزعبلات الي توديك بداهية والتزم بالعلاجات بالمستشفى كثير تم خداعهم بطب شعبي وخرابيط وتدهورت حالتهم

معك حق ان فيه خزعبلات مثل واحد قال بيسوي فيني خير ويعالجني من السكر وداني لمعالج شعبي قال بكويك عالبنكرياس
خف علينا يا الاشعه المقطعيه
لكن ماء زمزم لما شرب له وان لم ينفع لم يضر
يفعلون السبب الغير ضار لعل الله ينفع به

https://youtu.be/jBUlNfIrdl8

تعلم وتثقف في امور الدين

العبوات تباع في أغلب السوبرماركتات المعروفة
العثيم - بنده - بن داود - الدانوب
جرب تمرهم فترة الصباح وتسأل غالبًا هم يبيعونها هذه الفترة إلى الظهر تقريبًا

والله يشفي مريضكم ويكتب له الشفاء العاجل

tony power كلامه صحيح لكن صيغته وأسلوبه غلط بتوصيل المعلومة

مهم جدًا ياصاحب الموضوع تستشير الدكتور قبل م تحولون لماء زمزم لأن كمية الأملاح مهمه جدًا واذا كانت نسبة الأملاح عندها مرتفعه مايجوز لها تشرب زمزم لأنه أكثر املاح من مياة الشرب بالبقالات

عندنا دكتور منع جدي شفاه الله من شرب زمزم لكثرة الأملاح ونصحه بمياة نستله ونوفا والطقه هذي

لا اعتقد ان الدكتور منعه وفق مبداء طبي
بس نسبة ٩٩ بالميه من الاطباء مايحب اي شي بديل حتى لو مقتنع ان فيه علاج
احد ابنائي اكثر من سته شهور من ولادته مايقدر يبلع الحليب وان بلع عشرين ملي خمس دقايق ورجعه
ماخلينا عيادة حكوميه خاصه في الرياض الا رحنا لها
مافي فايده . لين طحنا في دكتور فاهم وقال يحتاج رفع العظيم او الحنك ورفع له والحمدلله من لحظتها ارتاح وصار يشرب ويشبع وينام .
الثاني يوم عمره ٤ سنوات ماكان يقدر يبلع الاكل
وسنتين في المسشتفى فقعو يديه ورجليه بالابر والمغذيات وسحب العينات . وفي الاخير بدو يتوجهون للدماغ ويمكن منطقة البلع في الدماغ متاثره بشي وكلمني احد الزملاء قال جدتي تعرف للاطفال جبه لها
رحت له وبضغطتين باصابعها فك بطنه وارتاح بعدها بربع وهو ياكل طبيعي .كان المري ملتوي مثل لي المويه لما يلتوي

فلازم الاطباء يفهمون الجانب الشعبي الصحيح
ماهو خزعبلات بعض العجز وبعض الشيبان
جايب له خشبه فيها مسمار ويقعد يفقع في العالم
ولايدعي انه حجام تقله عندي مغص كلوي قال احجم لك عالكليه . تقله عندي دهون ثلاثيه قال احجم لك عالكبد . تقله عندي سكر قال احجم لك على البنكرياس على اساس ان اصابعه سونار

الله يشفي جدك ويلبسه ثوب الصحه والعافيه
وجميع مرضى المسلمين

على فكرة كلام الأخ صحيح , ماء زمزم نسبة الاملاح فيه عالية والدكاترة بعضهم يمنعوا مرضاهم من شربه, ضروري تستشير قبل تتوجه للطب الشعبي.

والله يشفي مريضكم

اذا ما توصلت لاحد كلمني عالخاص انا بالمدينة

لكن ما ادري اذا باحصل لك علب جاهزة للشحن <<< داخل كرتون يعني بس انا موجود اذا احتجت

الله يشفي مريضك

ممنوع ممنوع ممنوع استخدام ماء زمزم لمريض السرطان
فيه معادن و املاح تتعارض مع الكيماوي و ادوية السرطان

المستشفى اكيد حذرك من هذا الشيء
انا اخذت المعلومة هذه من مستشفى الملك فهد التخصصي و مستشفى الملك فيصل التخصصي

الطب الشعبي ممتاز لو اللي يسويه فاهم و متعلم من اجداده.


كان عندنا واحد شايب الله يرحمه كان يعالج عصب السن بالقراية عليه, و من تجربة شخصية الصراحة فادني و عالج عصب سني بعد معاناة اشهر مع الدكاتره.


سبحان الله بعض الناس الله يعطيهم موهبة و بركه في انهم يعالجوا الناس, لاكن اهم شيء الناس تنتبه و ما تروح عند اصحاب الخزعبلات الغير منطقية.