انا عندي ريولينك والتطبيق يعرض الكاميرات في نفس اللحظة وفي نفس الوقت اقدر استعرض التسجيلات السابقة..

اذا عندك جهاز DVR او NVR اشبك كيبل الاتش دي ام اي ع اي شاشة خارجية واستعرض وما راح يؤثر على التطبيق..

الحلول الموجودة عندي فس ريولينك مشاهدة عن طريق تطبيق او مشاهدة من الشاشة او ادخل على الاي باي من الكمبيوتر في البيت واستعرض الكاميرات مباشرة..

شكرا لك

أنا لا أقصد هذا

أنا أقصد أني أشاهد جهاز الكاميرات من كيبل HDMI
لكن أريد مشاهدة اكثر من مكان مثل الفروع فرع رقم واحد ورقم اثنين ورقم ثلاثة أتابعهم من شاشة واحدة ومستمر 24 ساعة بدون انقطاع

عليكم السلام

اربط الاماكن الثلاثة في شبكة وحدة عن طريق vpn وفي كل موقع لازم اتصال انترنت قوي ثابت بسرعة رفع عالية جدا حسب عدد الكاميرات والدقة اللي تبيها، الافضل الياف وسرعة رفع عالية مثلا 60 او 80 ميجا.

( في اسواق الكمبيوتر تلقى محلات شبكات تقدم خدمة الربط )

ثم تركب في كل موقع nvr منفصل وتضيف كل nvr الى الـ NVR الرئيسي اللي تبي تشوف فيه الكاميرات.

طريقة اضافة nvr بكل كاميراته الى الـ nvr الرئيسي:

https://www.youtube.com/watch?v=I3w6kcTlw34

كذا بتصير المعلومات محفوظة في كل فرع على حدة وبنفس الوقت تقدر تستعرض الكاميرات كلها على شاشة وحدة وتفعل اي عمليات على الجهاز الرئيسي.

اذا بتشوفها بمكان ما تحتاج فيه كاميرات ثبت اي برنامج ip camera viewer وضيف الكاميرات بنفس الطريقة باستخدام الاي بي وهذي الطريقة ارخص بكثير.

تمام تمام رائع طريقة الدمج بين الأجهزة ولكن

الحين شفت الجهاز الرئيسي هو في الرياض وانا في جدة كيف أشاهده على شاشة مستمر 24 ساعة ؟

كاميرات المراقبة يجي فيها بثين او ثلاثة ، الرئيسي هو اللي دقته عالية جدا وهذا غالبا يكون موجه للتسجيل مثلا يكون دقة 4k و 25 فريم و 12000kbps تدفق هذا توصل له عن طريق خاصية مشاهدة المقاطع المسجلة Playback لانها جودة عالية تحتاج انترنت سريع وثابت

البث اللي مخصص للعرض على الشاشة واجهزة الجوال يسمى sub-stream هذا دقته منخفضة توصل للربع او اقل لذلك المشاهدة عن بعد ما راح تكون فيها مشكلة في الثبات لانها دقة منخفضة

مثلا كاميرا 4k تسجل 4k 25fps 12000kbps تقدر تعرضها مع مجموعة كاميرات على شاشة وكل كاميرا بدقة 480p 20fps 2000kbps للمراقبة اللحظية واذا حصل شيء تقدر ترجع للمقطع المسجل بدقة عالية


نرجع لموضوع الربط، الان تحتاج تربط المواقع اولا عن طريق LAN-TO-LAN VPN وبعدها من أي جهاز لابتوب او كمبيوتر على الشبكة تقدر تضيف كل الكاميرات باستخدام برنامج IP Cam Viewer وتعرضها على شاشة 24 ساعة سواء كنت في جدة او الرياض او غيرها

بنفس الوقت لو حبيت توصل للفديوهات المسجلة تقدر تدخل على اي بي الـ nvr المقصود وتشوف اللي تبي بكامل دقة التسجيل

للربط ارشح لك اجهزة DrayTek اسعارها معقولة وفيها خدمة DrayDDNS مجانية لو احتجتها بتسهل الربط ولها شروحات ودعم في كل مكان

انا مسويها بس بدون عرض 24 ساعة لانها تحتاج انترنت عالي في upload غير انها تهلك الاجهزة خصوصا ان الكاميرات الي عندي كلها مع الصوت وهذا زياده في الحجم .


لكن انا جبت جهاز كمبيوتر مواصفاته عاليه مع شاشة 75 بوصه ونزلت على الكمبيوتر برنامج عرض الكاميرات الخاص فيها وربطت كل NVR عليه وبكذا في كل مره ابي استعرض فرع معين اضغط عليه وتعرض الكاميرات الموجودة فيه.


طبعا انا استخدم كاميرات دهوا لانها ممتازه في تحميل الفيديو بحكم تجربتي وغيرت كاميرت الفروع عندي كلها الى دهوا

طبعا عندي VPN لكن مابي استخدمة لانه بطيئ ولا ابي استعرض 800 كاميرا 24 ساعة لانها بتهلك النظام عندي


اذا احتجت اي مساعدة تواصل معي

يعطيك العافية بأبحث في أجهزة DrayTek اللي تدعم الربط

يعطيك العافية

هو حاليا هذا الحل المتاح بأقل التكاليف


شكرا لك