السؤال الأول : لا , الدفعة الأخيرة غير شاملة التأمين لو اعدت جدولتها, لكن تقدر تطلب يأمنونها ويضيفون عليك التأمين الشامل مع الاقساط.

السؤال الثاني : لا مايشمله التأمين, لازم تفوضه اذا تنطبق عليه الشروط من نفس البنك, وهذا قبل توقع العقد اصلا تضيفه كسائق.


ملاحظة, انت لما تاخذها من البنك انت اصلا اللي تدفع التأمين الشامل وبسعر مبالغ فيه, تقدر تاخذها بقرض شخصي كاش وتأمن عليها شامل اذا تبغى اوفر لك.

اذا قيمة قرض شخصي تجيب لك سيارة
فهو خيار افضل
اضافة لما ذكره الاخ خبل بس ثقه
لو حصل حادث لاقدر الله عليك بشر
الاجراء كالتالي
تدفع نسبة التحمل المنصوص عليها في الوثيقه .
اللي دفعته يحسبونه حق استخدامك كانه اجار شهري
يحسبون نسبة استهلاك السياره واذا طلع لهم شي طالبوك به .
ياخذون قيمة السياره السوقيه من التامين كتعويض

يقفلون عقدك
يبيعونها سكراب وبرظه قيمتها لهم .

نصيحه حاول تبعد عن التأمين الشامل

تراه كذبه عظيمه وخطأ جسيم ، انا اخذت سياره صغيره اقساط تأمين شامل

المهم صدمت صدمه تقريبا تكلف 2500 تصليح.. رحت التأمين قالوا ضمن الشروط عليك نسبة تحمل والباقي احنا نتكفل فيه

قلت كم نسبة التحمل.. قالوا 5000 !!!!!!

اغلب التأمين حق ذا الشركات عندهم نسبة تحمل ، يعني الحوادث الصغيره الي تكلف 1000 و 2000 و 4000 ماراح تفيدك بالتأمين الشامل

التأمين يفيدك بالمبالغ الضخمه والغلط يكون عليك.. وقتها تستفيد غير كذا ابعد عنه


وقبل فتره انكسر القزاز الامامي عندي.. قالوا التأمين يشمل لكن نسبة التحمل 5000 مع العلم ان القزاز يكلف 500 ريال

من الآخر: اذا تقدر تاخذ قرض شخصي وتشتري سياره ثم انت اختار التأمين الي يعجبك احسلك بكثير

نقدر تقلل من قيمة نسبة التحمل بس بيرتفع التآمين و ترتفع معها قيمة القسط الشهري

تقدر تخليها 1000 او 2000

دبر أمرك بدون طلب التأمين لأي حادث يكلفك أقل من مبلغ التحمل.

توجد مشاركة لتكلفة قطع الغيار في حال قدم السيارة بحسب الشروط (غالباً النصف بعد عمر معين).

لكن أسأل الله أن يسلمنا جميعاً من الحوادث ومن رفعات التأمين

اذا تقدر بتمويل شخصي شرعي فهو أفضل
سيارة باسمك أي شيء يصير عليها انت تدبر عمرك معها لكن التأجير المنتهي بالتمليك فيقال أن التأمين إذا كان الحادث قوي ممكن يسحب منك السيارة ويعتبر اللي دفعته قبل ايجار ومع السلامة بينما لو سيارتك باسمك ممكن تصلح فيها وتعدل وتدبر عمرك معها كم سنة قدام