استشارة في جدول سياحي 7 ليال ماليزيا
banner
2022-12-16 , 10:44 صباحاً
mwh243’s Avatar
mwh243

عضو جديد

المشاركات:14
التسجيل:Jun 2020
mwh243
السلام عليكم..

قررت اسافر ماليزيا 7 ليال في شهر مارس ان شاءالله. طبعا المدة قصيرة بسبب الاجازة والهدف من الرحلة تغيير جو فقط

انا مستبعد الجزر وكثرة التنقلات ووصلت لخيارين

الخيار الاول
3 ليال كوالا لمبور وزيارة الاماكن القريبة
2 ليال مرتفعات جنتنغ
2 ليال صن وي عند الالعاب

الخيار الثاني
3 ليال كولالمبور (منها زيارة لجنتنغ)
2 ليال كاميرون
2 ليال صن وي

اللي محيرني هل جنتنغ تستاهل المبيت ليلتين؟ وهل كاميرون تستاهل العنوه والتكاليف الزيادة؟ انا يهمني البراد واذا في حدايق او شي

شكرا لكم
Enlarged Image
2022-12-16 , 10:44 صباحاً
2022-12-16 , 03:59 مساءً
حلا العرب’s Avatar
حلا العرب

بائع موثوق بمنتدى الـ XBOX

المشاركات:2643
التسجيل:Jan 2009
حلا العرب
وعليكم السلام,
مارس من التواريخ الطيبة لزيارة ماليزيا, الأجواء فيه تضبط ويقلّ المطر وتقلّب الجو.. بس المشكلة 7 أيام قليلة جدًا وبتتعبك خصوصًا أنك بتتنقل كثير + 7-8 ساعات زمن الرحلة (بدون احتساب التوقفات لو رحلتك ماهي مباشرة).

كوالالمبور وماجاورها كبيرة وفيها فعاليات كثير.. كاميرون تبعد ساعتين ويمكن تأخذ وقت أكبر بكثير لأن الطرق لها صعبة وخط واحد (في أوقات الأمطار الشديدة أو المواسم ممكن تأخذ وقت أكبر).. الديرة جميلة جدًا لكن مافيها شيء كثير, مجرد سياحة فندقية + مزارع تزورها, لو ماكان لك فيها راح تطفش.

جنتنغ ماهي بعيدة عن كاميرون, لكن تركيزها أكثر على بعض الفعاليات (مثل القمار) بدل المزارع.
إذا يهمك بس البراد ووجود مسطحات خضراء, فأعتقد المكانين اللي فوق يناسبونك ويستاهلون العنوه بس يومين قليلة في حقهم خصوصًا أن المشوار ذهاب وإياب قد يكون متعب.

موفق
2022-12-16 , 03:59 مساءً
2022-12-16 , 10:01 مساءً
mwh243’s Avatar
mwh243

عضو جديد

المشاركات:14
التسجيل:Jun 2020
mwh243
حلا العرب كتب:
وعليكم السلام,
مارس من التواريخ الطيبة لزيارة ماليزيا, الأجواء فيه تضبط ويقلّ المطر وتقلّب الجو.. بس المشكلة 7 أيام قليلة جدًا وبتتعبك خصوصًا أنك بتتنقل كثير + 7-8 ساعات زمن الرحلة (بدون احتساب التوقفات لو رحلتك ماهي مباشرة).

كوالالمبور وماجاورها كبيرة وفيها فعاليات كثير.. كاميرون تبعد ساعتين ويمكن تأخذ وقت أكبر بكثير لأن الطرق لها صعبة وخط واحد (في أوقات الأمطار الشديدة أو المواسم ممكن تأخذ وقت أكبر).. الديرة جميلة جدًا لكن مافيها شيء كثير, مجرد سياحة فندقية + مزارع تزورها, لو ماكان لك فيها راح تطفش.

جنتنغ ماهي بعيدة عن كاميرون, لكن تركيزها أكثر على بعض الفعاليات (مثل القمار) بدل المزارع.
إذا يهمك بس البراد ووجود مسطحات خضراء, فأعتقد المكانين اللي فوق يناسبونك ويستاهلون العنوه بس يومين قليلة في حقهم خصوصًا أن المشوار ذهاب وإياب قد يكون متعب.

موفق



ماقصرت ياغالي

الرحلة مباشرة الحمدلله

لكن انا احترت اقتصرها على جنتنغ ولا اسكن كاميرون وتكون جنتنغ زيارة فقط

بحثت بالنت كان جنتنغ بس العاب وتلفريك ماني شايف حدايق اتمشى فيها وبحيرات وكذا

يكفي مولات والعاب بالعاصمة وسلانجور
2022-12-16 , 10:01 مساءً
2022-12-17 , 03:28 صباحاً
حلا العرب’s Avatar
حلا العرب

بائع موثوق بمنتدى الـ XBOX

المشاركات:2643
التسجيل:Jan 2009
حلا العرب
mwh243 كتب:
ماقصرت ياغالي

الرحلة مباشرة الحمدلله

لكن انا احترت اقتصرها على جنتنغ ولا اسكن كاميرون وتكون جنتنغ زيارة فقط

بحثت بالنت كان جنتنغ بس العاب وتلفريك ماني شايف حدايق اتمشى فيها وبحيرات وكذا

يكفي مولات والعاب بالعاصمة وسلانجور


بالضبط.. مولات والعاب راح تكفيك كوالالمبور وسلانجور وماحولهم (على فكرة, عندك IOI City Mall في بتراجايا صارت له توسعة كبيرة هالسنة ويعتبر حاليًا أكبر مول في ماليزيا كلها, فيه أماكن ترفيه داخلية زي التزلج على الجليد وغيرها).

من رأيي إذا اللي تهمك الطبيعة والمسطحات الخضراء بس, وبناء على قصر رحلتك.. خلها على الكاميرون بدون جنتنغ.. بتحصل فيها طبيعة وكلها أماكن خضراء (المسطحات ماهي في كل مكان, لأن طبيعة الأرض جبلية).. بس يكفيك البراد وفرق الجو عن كوالا..
وللمعلومية فيه أماكن في كوالا وماحولها تعتبر مسطحات خضراء ومتنفس طبيعي لأهلها لو قررت ماتروح بعيد (City Parks, حدائق ومتنزهات طبيعية داخل المدينة.. بعضها فيها أماكن هايكنق).
2022-12-17 , 03:28 صباحاً
2022-12-17 , 02:08 مساءً
LLM’s Avatar
LLM

متميز

المشاركات:6939
التسجيل:Aug 2015
LLM
الفرق بين الخيارين بس كاميرون, والله انا رحت كاميرون وكانت حلوه يعني مناظر حلوه وجو بارد وهدوء وكذا, بس قد شفت زيها كثير باليمن فما انبهرت, اتوقع جنوب السعوديه نفس النظام لو تروح للجنوب كثير ما بتنتبهر بكاميرون.
وصنوي هي ملاهي حقها يوم, اليوم الثاني خليه برضه في kl نفسها صدقني كي ال فنانه وفي كل زاويه في شي جميل.
2022-12-17 , 02:08 مساءً