جميعنا يعرف ارتفاع اسعار الانترنت اللامحدود .. وبما ان منطقتي لا تدعم الا stc او موبايلي فقررت ان ابحث عن هاتين الشركتين


اولا : موبايلي .. مافي الا تدور شريحة اعمال لامحدود وذي من الصعوبه انك تلاقي حد ثقه .. وان لقيت فالاسعار فلكيه للسنة

في اليوم الوطني الماضي .. لقيت حد يبيعها .. المهم لقيت عنده الشهر ب 160 ريال غير الشحن .. جاء اليوم الوطني ولقيته منزل عروض ل 3 و 6 و 12 شهر والشيطان لعب علي

وخذيت ال 3 شهور .. طبعا على حسب كلامي معاه يتخلص ال 3 شهور في 1-1-2023 والى الان شغاله تمام

بس لاحظت انه رفع الاسعار كلها مثلا الشهر كان 160 ريال رفعها الى 200 ريال والان له فتره ب 180 ريال



المهم نجي الى stc .. مافي الا العرض القديم هو المعقول اللي شهريا ب 184 شامل الضريبه والاستخدام العادل قد يكون 6 او 15 قيقا يوميا والشريحه باسمك

-بس وين تلاقي حد يتنازل عنها بسعر في المتناول .... وصلت اسعار التنازل الى 1000 ريال

- واللي يطرحون اسعار 500 الى 600 ريال ذولي يبعدون عني اللاف الكيلو مترات لان شرط للتنازل عنها ان يكون جميع الاطراف يتواجدون في نفس الفرع

- قبل فتره وجيزه بحثت عن شريحه ودق واحد عرض علي شريحته .. وبعد المفاوضات على سعر التنازل اتفقنا على 650 ريال .. وطلع ساكن بمكان يبعد عني فوق 700 كيلو .. بغيت انسحب من البيعه ذي .. قال ولا يهمك انا عندي الطريقه اللي انقلها باسمك اون لاين

قلت تمام : بس من الان اقولك ما باحول ولا ريال الا اذا شفت الشريحه في my stc وشيكت عليها

منا ومنا وقال كيف اضمن حقي ووو و قلت هذا اللي عندي .. اتفقنا واعطيته رقم الهويه ورقم نفاذ stc وانتقلت الشريحه لي .. وشيكت عليها .. واتصلت بخدمة العملاء واستفسرت عن الباقه قال 160 ريال قبل الضريبه
وحولت له الفلوس !!!

اليوم الثاني رحت الفرع وطلعت بدل فاقد ب 57.5 ريال