وعليكم السلام ورحمة الله وبركاته

توني اشتريت جهاز طرد القطط، جربته على كم قطو وأبعدوا بس للآن ما تأكدت إنهم أبعدوا بسببه، يبي لي أفضى وأجرب أكثر.


إذا فاد، اشتر لك مثله وحطه في السيارة وحط على الزر حقه كباسة ورق أو أي شي يخلي الزر مضغوط.

الجهاز يحتوي على بطارية، يعني بيمشيك في الشتاء فقط أما بالصيف شف لك كهربائي إلكترونيات يرهمه لك ويشتغل على بطارية السيارة.

ههههه سبحان الله اليوم بس ميت داخل السياره امام تحت اللوحه خلفها وريحة الله وكيلك فكيته ورميته ونظفتها شلون خش مدري كيف
حتي يوم غسلت كن رشيت المويه تحت حول الصاجه وخفت تضر السياره استودعتها الله ان شاء الله ماتضر
القطط فعلا امتحان وتشغلك رغم انها لطيفه بس مزعجة

قريت انه تحط
تحضر علبه رش وتحط فيها
خل وقرفه وفلفل اسود مع ماء ثم ترج جيداً وترش في الاماكن والقطط تشمها راح تبعد عن هذا المكان والله اعلم ماجربتها
الحل الاخر بوردة نشا. ترشها حولها السياه القطط تكرهها ايضا ماجربت

ياخي مشكلتنا مشكله هالموضوع ماله نهاية

والسبب البهايم الي تعطيهم اكل , والمشكله المكان الله وكيلك يصير مجمع نمل وصراصير وريحة وبعدها تفرخ البساس.

عند بيتي ولا 100 قطوه مشكل حلواني اسود ابيض بني رصاصي صغير كبير وانت ماشي
اذيه مابعدها اذيه خصوصا اذا جاء بهيم وفرش لها سفره اكل رز ولحم على الرصيف ... الخ

أنا كنت كذا، إذا لقيت قطوة حولنا جبت لها أكل وموية، لين صار مؤذين وتكاثروا وصاروا يدخلون داخل العمارة وعقلت ههههههه

الحين مستحيل أحط لهم أكل حولنا.

لأنها صارت مؤذية لي وللجيران أيضاً وجيراني لهم حق.

عاد تعال شوف الحي عندنا كثييير وتحسسك السياره سيارتها وانت متعدي على حقوقها اذا جيت تبغى تمشي والمصيبه في احواض زرع يتمردغو فالطين ثم يطلعو عالسياره يتمردغو فيها الحل صراحه مافي حل الا لو انك فايق وبتغطي سيارتك كل يوم بغطا جلد وتفكه عنها قبل تحرك بس مشوااار وربي

ياخي زمان بصراحة كنا نجهل الموضوع وعلى بلاطة عددنا بسيط بالحارة
لكن الان تحصل جمبك عماره 3 شقق يطلعها من 600 واحد
وكل واحد فيهم متعشي شيء البساس تحت تنطرب
واحد جايب لحم مندي من الرومانسية الثاني جايب مشويات
وابو خليل جايب لهم بروستيد عظام تقول قبيله ماكلتها
ونزار الله لايوفق عدوه يعطيهم رز بعتقاده الغبي يضرب عصفورين بحجر
ياكلها البس ثم بعدها تجي الطيور وهنا ختم الاجر

وانا ابتلش ببساس وطيور ونمل وحشرات وصراصير وريحة خصوصا الظهر :24:

المشكله سبق وكلمت واحد منهم قالي ياخي يمكن تدخل الجنة بسبب حيوان
شف التفكير شلون وين وصل بيدخل الجنة بالعظام الي راميها عند بيتي ومجمع علي الدينا كلها بيدخل الجنة وانا متأذي منها والرسول اللهم صلي وسلم عليه مواصي بسابع جار

هههههههههههههه ذكرتني بالعظم بروست والله حصت واحد حاط لهم نص عندسيارتي

انا ماعندي مشكله حط لهم بس تحط عند سيارتي ليش حط عند سيارتك :18:

نظام ابغا اجر بس احط عند سيارتك :60:

مش حالك وانا اللى ذكرته امس دخل سيارتي ومات مدري كيف مات اصلا لان مكانه يعتبر مافيه شي خطير
بسبب انه يحطون اكل عند سيارتي بالضبط

اشتري زيت نعناع من العطار (مؤذي لحاسة الشم عند القطط ويسبب لها حساسية) ما يموتها

جيب مرش موية وحط ملعقة كبيرة من الزيت وعبي موية ورشه حوالين السيارة وتحتها يوميا لمدة أسبوع حتى تنفر القطط من المكان

حلها تلقاه عند محلات التجهيزات الزراعية والاسمدة

بالتجارب ما لها حل ثاني لانها اذا استوطنت تكاثرت بشكل جنوني وكل وحدة تجيب درزن


خل وقرفة و الله انت اللي بتهرب من السيارة قبل الابساس :d

الخل ريحته لا تطاق اسوأ ريحة ممكن تشمها في أي مكان، مزيج من عفن الفاكهة والبيض الفاسد والشراريب خليط عجيب

طبعا اذا استخدم في التنظيف وبعد بقاءه لفترة ماهو من العلبة دايركت

الحل الوحيد هو تجيب مصيدة وتحط بداخلها اكل وتبدا تصيدها كل يوم وحدة وتوديها مكان بعيد حتى لاترجع مكانها مره ثانية

غير كذا انسى ما في حل

اذا كان ترشها حول السياره ع الارض محل ماتوقف كويس اتوقع ماتضرك

انا كنت زيك وسقف سياره عندي زي شراع لان سياره كشف
ويجمع وبر على الشراع

المهم الحل بسيط
تروح محل الحيونات في بخاخ عندهم يبعد الحيونات
يخليه تكره الريحه وماتقرب

انا مثلك الى ان لقيت حل مؤقت

كل قط له مكان تقريبا 20 متر و اذا قط قرب على منطقة غيره تسمع هوشة و اكيد شفتها و سمعتها

الحل وقف سيارتك بمنطقة مافيها قط اكيد بتلاقي جرب منطقة منطقة الى ان تلاقي المكان المناسب

الحل الثاني ابعد الانثى علشان لا يتكاثرو

الحل الثالث لما تشوفه خوفه و اجري وراه بدون ضرب صدقني بيكرهك انت وسيارتك انا مجرب

والله مشكلة القطط تخدش البوية ووساخة للسيارة
تذكرت القطو الرمادي أللي كان بحارتنا والله ياهو علة وأقشر وشايف نفسه وياويل أللي يضربه أو حتى يطردة ..
زين طس وفكنا الله من شره والله لو الخوف من الله كان ثورت به

انا مشكلتي مو البساس
مشكلتي الطيور

لكن عادي لان اساسا الموتر مستعمل و ما همه البوية


صراحة حنا في ديرة ما تنفع تحافظ على سيارتك من الاخر

الوصف يعطي احساس بالريحة هههههههه

انا عندنا حد يأكلهم اكل ويعرف انه منزعجين بس عناد


الحل خففت منهم اني حاط مصيده شلت حوالي ١٠ قطط خفو كثير مره


المفروض يفرضون غرامه ع الي يأكل ولا يشتري اكل ولا ياكله ،يقط بالبراحه


+

اذ شريت مصيدة لازم تخط غطى فوق المصيدة علشان تشيل القفص بسهوله لانه اذ يشوفك القطو يلف ويدور بقوه مزعج شيلته

البعض

بالضبط هذا الحل الوحيد واللي انا سويته



صدت ما يقارب 9 قطاوة ووديتهم مكان بعيد عن بيتنا لان بصراحة مؤدية وغير كذا ينطون على التنده من سور البيت مخلين السيارة ملاهي :angry2:

الغبار هو اللي يجمعها واذا نظيفه مو معناته ماتجي بكن وهي مغبره اكثر


مشكلتي مهو انها تكون على السياره المشكله انها الله يكرمكم تتبول عليها :d