تعلم من النت اسهل وأوفر لك واللغة الانجليزية ماتحتاج شهادة علشان تثبت اجادتها بتجي معك مع الممارسة وبكذا ماتحتاج شهادة من المعهد . هذي وجهة نظري يمكن غيري يختلف معي بهذي النقطة

سمعت الكثير يقولون ممكن تتعلم اللغه من النت
لكن محد يوضح
اللي يسوقون لانفسهم في السوشال ميديا يؤلبون مبالغ خياليه .
فهل ممكن تفيدني بالطرق لتعلم اللغه من النت للصغار لو عالخاص علشان مانغير مسار الموضوع او ممكن تنزل موضوع جديد تشرح فيه ذلك ويكون مرجع واكيد فيه ناس بيحطون على اضافات مفيده

اكتب في اليوتيوب VOA Learnning English وبتحصل قناة تعرض محادثات واخبار ومعها subtitle ترجم الكلام واعرف معناها ونطقها كذا انت بتستفيد وفيه قنوات كثيرة بس انت ابحث بكلمة learn english وشوف اللي يناسبك وامشي معه وان شاء الله بتتحسن لغتك مع الوقت .

أنا من اللي تعلم من النت ومستواي الان C1
أكذب عليك لو اقلك تعلمت من النت, انا الصدق ضيعت وقتي بالنت ومنه جات اللغه.
أغلب المحتوى الترفيهي والتقني والتعليمي بالنت بالانقليزي, المسلسات البطله كلها بالإنقليزي, بس تدخل تسمع مقاطع على جوك سواء مراجعات جوالات أو سيارات أو وثائقيات أو كورة او غيره, ما بتفهم شي بالبدايه بس استمتع بالمناظر ههههه, بس مع الوقت تصير زي الطفل تفهم وتنطق.
موضوع اللغه ما هو قلم مسطره وحتى لو رحت معهد دوام كامل كذا شهر لو ما ما مارست واستمعت وقرأت بالانقليزي ما بتتعلم زي اللي يمارس.
أزيدك من الشعر بيت, اخوي الصغير (9 سنين) الحين يفهم إنقليزي زي العسل, جيت بالصدفه لقيته يتفرج وثائقي حيوانات فيه اسود وقرود ومدري ايش من ناشينوال جيوقرافك بالإنقليزي, وطلع الرجال فاهم ويشرحلي وش السالفه ههههه.
بس الحذر الحذر النت خطير والله على العقيده والشخصيه خاصتا للي بعمر التشكيل 10-20 سنه وانت اكبر مني وادرى.
السؤال اللي افضل إنك تسأله: أنا إهتمامتي كذا وكذا وكذا, إيش القنوات الإنقليزيه اللي محتواها جيد بهذا المجال؟

عليكم السلام والرحمة

حسب علمي الشهادات المعتمدة 4
شهادة جامعية بتخصص اللغة
شهادة (درجة) ايلتس
شهادة (درجة) توفل
و فيه عندنا ستيب مدري اذا هو عالمي ولا شي خاص بالسعودية


غالباً اثبات القدرة على ممارسة اللغة تغني عن الشهادات الثلاث (توفل ايلتس ستيب)
الا اذا كانت مهامك الوظيفية تتطلب شهادة جامعية في اللغة مترجم معتمد او اي شي اخر





محتوى يجذبك باللغة الانجليزية
ممكن تشغل ترجمة عربية بالبداية اذا انت مستواك 0
ممكن تشغل ترجمة انجليزية عشان تعرف كيف شكل الكلمة و الجمل
ممكن تكتفي بالصوت فقط

كثير ناس الان بسبب الشي هذا تحصلة يفهم انجليزي عام بنسبة فوق 80%
و ممكن بحكم انه ينجذب لمحتوى متخصص ممكن يفهم انجليزي في تخصص محدد بنسبة تقريباً 100%
بس لما يجي يتكلم او يكتب يضيع هنا وقت الدراسة لللغة :69:

قبل ما تفهم افضل لك توفر فلوسك و تحاول تخلص الخطوة الاولى

و كل ما كان الشخص اصغر في العمر اكيد بيكون اسهل و اسرع له انه يتعلم و يتعدى الخطوات

ما يحتاج معاهد, تبي تثبت لجامعة او جهة عمل انك ملم باللغة عندك اختبارات زي ايلتس

التعلم بالممارسة, في قنوات مفيدة ولازم يكون عندك شغف وتخصص وقت لك مثلا تبدا ب ساعة يوميا, والجمعة اوف
وعندك برامج مماحدثه بين طرفين نسيت اسمه ذاك البرنامج الاصفر تتكلم مع اصحاب اللغة ويساعدوك ما جربته للامانة لكن يمدحونه
شاهد عن اي موضوع او فديو من اهتمامتك يكون باللغة الانجليزية عشان ما تمل وغير لغة اجهزتك بالانجليزي
الاستماع الاستماع الاستماع حتى لو فاهم بنسبة 50% اذا اللغة عندك مره ضعيفة استمع لكتب الاطفال لانها بسيطة حبة حبة لين تبدا تفهم 90% او 80% وتبدا تروح للمستورى الي بعده

وفيه تطبيقات تنبهك يوميا انك تتدخل تتعلم اللغة ببعض الاسئلة, بفلوس طبعا

ع العموم اللغة ممارسة كثر ما تمارس كثر ما تلاحظ تحسن كبيير بمستواك (من تجربه) حرفيا ايام الحجر جربتها لمدة 3 اسابيع فقط تحسنت عندي للغة بشكل ملحووظ