انصحك لاتشتري كرسي مساج اونلاين

ياكثر المحلات اللي تبيع كراسي مساج روح جرب الكرسي بنفسك وشوف جودته وخامته وضمانه

وبتلاقي عليها عروض وتخفيضات باليوم الوطني والتأسيس ونهاية السنة بعد شهرين

الكراسي لازم تقعد عليها وتجربها قبل ماتشتريها خصوصا ان سعرها مو رخيص

اتفق مع كلامك

اهم شئ يجرب الكراسي و يختبرها لان بعض الكراسي بعد ١٠-٣٠ دقيقه تبدأ تعرق بسببها و في كراسي تدخل جوتها كانها اسفنج و في كراسي قاسيه بغض النظر عن شكلها الخارجي و العكس صحيح + ان سعرها ليس برخيص البته

و متى ما ناسبك صاحب الموضوع شركه و موديل و حجم الكرسي و المميزات اللي فيه يقارن بين سعره في المحلات و اونلاين من محلات ثقه اهم شئ عشان توصل سليمه لحد البيت و يتوكل على الله و يستخيره

https://backcomfort.com.sa/our-stores-ar


لهم فروع الافضل تروح لهم علشان تشوف المواصفات والفروقات في الاسعار

والضمان والصيانه وكل مايلزم
لهم فرع في الخبر

عندك بالسعوديه باك كير
وباك كوكفرت

ودي افيدك لكن للاسف خبرتي كلها في كراسي المساج الي في المولات :)

كراسي المساج او الراحة بشكل عام ما ينفع تشتري من النت بناء على صور ومراجعات مهما كان

لازم تجلس على الكرسي بشكل واقعي وتشوف كيف جلستك فيه مرتاح او لا وغيرها من امور الراحة

وبرضو فيه قماش وفيه جلد وانت ادرى بمصلحتك وانا افضل القماش لان الجلد يحتاج مكان بارد 24 ساعة او ظهرك راح يتعرق بقوة مع فترات الجلوس الطويلة


واذا انت بجدة اتجه لوكيل ليزي بوي مباشرة بطريق الامير سلطان اتوقع بتشوف اشكال والوان واسعار مختلفة


بامانة اي واحد ماعنده كرسي راحة هذا ما ارتاح بجلوسه وهو يشاهد فلم او مباراة

لن تجد كرسي مساج كهربائي ممتاز بهذا السعر . وان وجدته فاعلم انه سيء جدا .

معدل سعر كراسي المساج الجيدة من 15000 ومافوق

نصيحه لا تشتريه قسم بالله تمل منه بشكل مو طبيعي وراح تفكر تبيعه لاحقا

انا شريت اول مانزلت بسعر 14000 ريال قبل تقريبا ثمان سنوات وجلس شهرين وبعته بخساره

انا اشوفه غير عملي وغير مفيد لو تروح تسوي لك كل شهر مساج ب 150 ريال اوفر لك واحسن لك ميه مره

فيه على 99 ريال

نصيحتي لاتشتري من امازون
الافضل من محل ويوصله هو بنفسه ويركبه لك ويكون عليه ضمان

شريت واحد كبير قبل 10 او 12 سنة من دبي السوق الصيني
خذيته با 3500 ريال وكان سعره هنا بالرياض 15 الف فيه كل المميزات ظهر ارجل يد كتوف ساق راس رقبه ... الخ وفوقها مسجل هههههههه

استخدمته كم سنة وبعدها تصدقت فيه

الكرسي بطل وجميل ورائع وفيه استرخاء رهيب لكن يعيبه انه ماخذ نص الملحق كأني حاط قارب ولا سفينه في الغرفة لذلك ماطول معي كم سنة وطيرته

انا بصراحة اشوف هالنوعيه من الكراسي تحتاج مساحة كبيره اذا عندك توكل على الله ماعندك ما انصح

وكيف شحنته؟ كم كلفك؟

اذا انت بالرياض موجود بحياة مول او صحاري 10 دقائق 15 ريال اعتقد
انا كلما رحت لرياض لازم استعين فيها مساجه رهيب جدا .. لا نصحك تشتريه غالي جدا الا اذا انت مقتدر اشتريه وعش حياتك صراحه فخم

ما انصحك تشتريه ابد . هناك اشياء مغري شراءها
ولكن بمجرد ان تشتريها تمل منها .
ومن ضمنها كرسي المساج . علماً انني لم اشتريه من قبل
بس مقارنة ببعض الاشياء التي اشتريتها من باب الترفيه
يا اخي انا ماعمري شريت شي غالي الا ندمت على شراءه
لأن حاجتي له لم تكن ملحه او ضروريه او بقدر المبلغ الذي دفعته

هذا رايي بشكل عام بدون تفصيل