نستعد انا شاري اجهزة المطبخ كلها بداية شهر الي طاف خذتهم بسعار ممتازة رحت الخميس اخذ جولة كل سلعه خذتها زياده من ٥٠٠ الى ١٠٠٠ سلوب مستفز يرفعون بعدين ينزلون

بالنسبة للأسعار، أعطيكم مثال: السعر الرسمي لتلفزيون LG C2 حجم 55 بوصة هو 6750 ريال (المصدر)، فالبائع هنا يقدر يبيعها بسعر أعلى بقليل. حاليًّا، سعرها 6999 ريال عند اكسترا، سعر معقول نظرًا لقرب السعر من السعر الرسمي (6750 ريال). المشكلة هو ليش اكسترا تحط السعر قبل الخصم 15999 ريال؟ السعر الرسمي 6750 ريال أصلًا. السبب هو لترغيب الناس علشان الناس يقولون "شوفوا هذا عليه تخفيض نص السعر!!!" وهو في الحقيقة ما انخصم منه أي شيء. 15999 ريال رقم مضلل.

صفحة LG C2 حجم 55 بوصة في اكسترا (https://www.extra.com/ar-sa/electron...hz/p/100314322)

صورة للسعر (https://ibb.co/tQ1dSsh)

نسخة مؤرشفة من صفحة المنتج (https://web.archive.org/web/20220903...hz/p/100314322)

عشان كذا أنا أحذر من إكسترا لهذا السبب... لازم الرصد قبل العروض

طريقة سهلة للرصد هو عمل نسخة مؤرشفة لصفحة المنتج عن طريق Wayback Machine.

المواقع اللي على نهج إكسترا.
المنيع.
هوم سنتر.
هوم بوكس.
أغلب مواقع الأثاث..

كلها تخفيضات مبينه على أسعار مبدئيه وهميه عشان يقول لك خصم 50%

نعيد ونقول... يجب الرصد من الآن... وفالكم البيرق ������

لاجديد اول ايام الرخاء كانو ينصبون ويرفعون السعر والحين تبي تقنعني انهم بيسون تخفيض واااو مع الاتفاعات الخيالية الحين كلها اوهام ولعب

عشان كذا أقول ارصد السعر قبل وبعد الخصم.. عشان ما تتخيش.

خلك ذيب.

ههههههههههه ماعد فيه ذايب اليوم مع حيل التسويق :46: صرنا نعاج الله يكرمك ومجبورين نشتري بالسعر الي يبونه لان البديل اشبه معدوم

صح لاحظتها يوم رحت اقارن بينهم وبين مكتبة جرير في تلاعب في اكسترا اتوقع مبيعات لهم فايدة من كذا ونسبة لهم

الغالبية ما راح يفهمون كلامك اصلا . بيشوفون فرق السعر ويقولون اوه تخفيض

من بعد كورونا مافيه أي تخفيضات حقيقية،
الغالب تصيد للجهال مثل إكسترا (من سنوات وإكسترا تسوي نفس الحركة ولا زالت تمشي على الناس !)
أو أستهبال مثل عرض بلايستيشن السنة الي فاتت.

العروض الحقيقية نهاية السنة (الجمعة السوداء تحديدًا)

بارك الله فيك يا صاحب الموضوع

شخصيا ما أصدق أي تخفيض بدون ما أعرف السعر الفعلي للمنتج. تقدر تعرف السعر إلى حد ما عن طريق مقارنه بالسعر الرسمي

يالنسبة لإكسترا أنا بعروض ولا بدون عروض ما أشتري منهم. ما أثق بجودتهم وتعاملهم مع الناس، ولا بعروضهم الوهمية

احيان اكون بقمة الحاجة لغرض من هنا ولا اشتريه
واطلب من مواقع واصبر شهر وشهرين
التجار هنا الضرب بالميت حرام

ترى فيه فئة معينة ومستهدفة هي الي تصدق هالعروض الوهمية وتشتريها

والله البلا مو في هالعروض الوهمية المشكلة تنعاد كل سنة والشعب للاسف يزدحم في الاسواق وثقافة المستهلك صفر ع الشمال للاسف

واقولكم شي العرض بيقولك ايام اليوم الوطني اذا خلصت اجازة اليوم الوطني قالك مددناها لعيونكم وهو يبي يمددها لين الرواتب عشان يلهط اكثر والشعب يصدق هههههههههههههههههههههه

انا انتظر التأمين يرخص في اليوم الوطني

حاليا ارخص تأمين شفته بـ1498

kanbkam.com

طريقتي اسوي لي مجلد على Dropbox
اصور الشاشة حقت الموقع مع العرضالمذكور و ارفعها على المجلد dropbox - أو انشئ ملف اكسل فيه السعر قبل و بعد التخفيض

و النتائح مثل ما ذكرتم
اوقات التخفيض تحصله مدبل السعر و مسوي تخفيض مثلاً 50% يطلع لك الاجمالي اعلى من السعر القديم للمنتج

مثال حصل لي
عطر اتابعه بين فترة و فترة - السعر الطبيعي في المتاجر بـحدود 340 ريال
حصلت عليه عرض في موقع عطور مشهور عليه تخفيض 50% قبل التخفيض كاتب 740 ريال مع العرض و التخفيض صار بـ 370 ريال !

شخصياً ما عاد اثق في التخفيضات
الأفضل انك تحفظ المنتج مثل ما كتبت بداية الرد أو مثل اضافوا بعض الاعضاء طرق للمتابعة
و تتابع المنتج بين فترة وفترة

اتفق بقوه
هذا الحاصل ومابيكشف كذبهم الا مطلع على الاسعار قبل