تمارين الكارديو + أكل صحي قليل الدهون والنشويات + نوم مجدول يومي ليلي لاكثر من 6 ساعات

جسم صحي + نوم متوازن + تمارين كارديو ولن يتم الحرق بصوره صحيحه بدول المعادله هذي

مالك الا الرياضة والاكل الصحي غير كذا لاتفكر بحل ثاني خصوصا ان وزنك معقول تقدر تشيل الدهون بفترة بسيطة لكن لازم مجهود كبير اكيد بالبداية راح يكون صعب لانك مو متعود https://www.youtube.com/watch?v=TH0JM8viL08

حمية كيتونية

المشي من 3-4 مرات بل اسبوع لمدة نص ساعة الى 45 دقيقة.

شفت من قلت سريعا فشلت كل النصائح اعلاه وادناه

دهون البطن والجوانب بالذات يلزمها روقان ووقت طويل, شوف ابسط حسبة غير دقيقة وماشي حالها , هو كم جلست تتراكم هذي الدهون ؟ عشان تتخلص منها تحتاج نفس المدة مع الالتزام بالاساسيات.

تبغى تسرع ممكن بالرياضة المناسبة لعمرك و التغذية الصحية لكن لاتتوقع شي يتم في كم شهر , حط سقف توقعات معقول مثلا 3 سنوات, اذا كتب الله لك وتخلصت منها في اقل فهو بتوفيقه, غير كذا خلك معقول ولا تفكر في حلول سحرية.

لا يجيك يأس من طول المدة 3 او 5 او 7 سنوات ماهي طويلة على الاقل اذا وصلت لعمر متقدم يكون جسمك بحالة صحية حيدة واقل عرضة للأمراض المزمنة والخطرة, فانت الكسبان على المدى الطويل.

اللي جربته ونفع معي واتوقع بينفع معاك إن شاء الله

جسمك من النوع اللي اسمه skinny fat عند دهون في منطقة الوسط وبنفس الوقت ما عند عضلات واللي هو كان نفس وضعي.

الحل كالآتي:

1- حدد سعرات الحرارية اللي تحتاجها عشان تحافظ على وزنك الحالي ونقص منها 500 سعرة ويصير هذا هو اللي تاكل كل يوم مع الابتعاد عن ( السكر المضاف، النشويات تقللها قدر المستطاع بس لازم تكون بجدول أكلك وابعد عن الدهون المشبعة والاكل من برى وجبات سريعة) كثر من الالياف وخل البروتينات لها نصيب الاسد من حميتك ( انا ما اسميها حمية اسميها مبروك بديت تاكل صح)

نقص السعرات راح يكون لين ما توصل للوزن اللي تبيه بالاحرى لين تخفي الكرش والجوانب وبعدين تحدد مسارك إما محافظة او زيادة الكتلة العضلية وبناء على هدفك تعدل جدولك الغذائي.

2 - مارس الرياضة وبالتحديد شيل حديد او يسمونها رياضة المقاومة حمل اوزان وطور في اوزانك كل اسبوعين(حسب تطورك وتقييمك لنفسك) وخل عضلاتك دايم تحت حمل. الكارديو أو التمارين الهوائية بعد تمرين الحديد ومجموعها يكون بالاسبوع كامل ساعة السبب تمارين الحديد تحرق أكثر من الكارديو.

3- مارس الاطلات الديناميكية لتجنب الاصابة وابتعد كل البعد عن الاطالات الثابتة اذا عندك انجليزي اكتب dynamic stretches باليوتيوب وشوف.

4 - حط ببالك الوزن اللي كسبته ما كسبته بيوم وليله واللي بتخسره ما بتخسره بيوم ليله، اصبر وأبعد عن الميزان وقيس تطورك بالصور. لان الميزان بيعطيك ان وزنك زاد ايه صحيح زاد لكن كتله عضلية اذا التزمت بما ذكر أعلاه.


اخيرا فالك التوفيق والله يعينك!

لاتفكر بحلول سريعة .

كل جسم بني ادم فيه منطقة في جسمه تكون مخزن الدهون ويمديك تلاحظ ذلك في اجسام البشر .

مخزن الدهون او الطاقة هذا ينقص مع كل نسبة تنقص فيها من دهون ولكن بيكون اخر منطقة تختفي او تنقص من جسمك
اي بمعنى انو لازم تستمر لفترة محترمة تركز فيها اولا على الاكل الكويس ومحسوب كل شيء وتخليه اقل شيء برايي 70% صحي .
وتلتزم بالكارديو و الحديد . واهمية الحديد اكثر من اهمية الكارديو برايي عشان يبدا جسمك يبني عضل وينحت .

اي شخص يقول لك كل ذا الاكل ولا سوي ذا التمرين وتروح الدهون المعينة كذاب وماعنده سالفة .

لو تمرن كل يوم بطنك وخصرك ممكن تلاحظ يزيد مو ينقص لان عضلاتك بتكبر .
نقصان الدهون عملية سعرات فقط ، اما التمارين للعضلات ومالها دخل بالدهون

بالتوفيق

اذا انت ما تتمرن ووزنك ثابت جرب تمشي باليوم 10000 خطوة متواصلة ( تقريباً ساعة الى ساعة وربع ) مشي عادي ما يحتاج تهرول، اذا سويت رياضة خفيفة زي المشي يصير جسمك ياخذ الطاقة من الدهون ويحرقها ،واذا سويت شديدة ياخذها من الكارب

هذا الرد المثالي

اذا بتسوي شي غير اللي قاله لك بهذا الرد فأنت بتضيع وقت وجهد, وبتلف تلف وترجع لهذه الطريقة بعد ما تكون تأكدت من فشل جميع الطرق الأخرى.

كلام الاخ من ذهب وأنا لي تجربة طويلة جدا وأأكدلك ان كلامه صحيح 100%

تسلم يا عزيزي شكرا لك على إطرائك

بعطيك نصيحة وعن تجربة وهي الي خلتني انقص وزني من ٨٢ الى ٦٥

التزم ب٣ حاجات (بدون افضلية في الترتيب)

الاكل الصحي
النوم
الرياضة

بالنسبة للاكل الصحي اشترك بمطعم صحي غدا وعشا او سو اكلك بنفسك
الرياضة مو ضروري بالنادي عادي لو بالبيت او الحي
النوم لازم تاخذ كفايتك من النوم وتجنب السهر

بالنسبة للاكل الصحي انا حاليا مشترك بمطعم صحي غدا وعشا ١٥٠ غرام للوجبة دجاج فقط (الوجبة فيها ٤٥٠ سعرة) والمشروب ايس تي زيرو سكر(٤ سعرات) او غرين كولا (١٥ سعرة) طبعا كلهم نفس الكمية ٣٣٠ مل
يعني باليوم كله انا اخذ اقل من احتياجي بالسعرات ، ٩٣٠ سعرة تقريبا باليوم واكون شبعان وما احس بجوع