السلام عليكم ورحمة الله وبركاته

شفت كثير من الاعضاء في هالقسم عندهم انواع من التجارة لكن صاير لهم مشاكل بخصوص الايداع والسحب والامور هذي فـ حبيت اشرح الموضوع بشكل اكبر وافيد باللي اقدر عليه

اول شي لازم نفهمه انه في الدول الغربية التعامل مع الشركات ابدا غير مشابه للتعامل مع الشركات في الدول العربية، انت لما تنشئ شركة في امريكا الشركة هي كيانها الخاص وكونك مالكها لا يعني اي شي فعليا.

اي شخص فعليا يقدر يفتح شركة في امريكا وهو جالس في بيته، الموضوع ياخذ تقريبا 45-70 يوم من البداية الى النهاية وفي النهاية راح يكون عندك شركة امريكية + حساب بنكي + بطاقة صراف تستخدمها في اي دولة + فوائد اخرى حسب الشركة اللي تتعامل معها


انا بشكل عام اتعامل مع شركة اسمها Firstbase.io ليه اتعامل معهم من بين الف شركة ثانيه في امريكا؟ لانه عندهم فوائد للشركات الناشئة فعليا ممتازة مثال



هنا تقدر تشوف الفوائد اللي تقدمها لك الشركة مباشرة بعد ما تسجل معهم طبعا اخذت سكرين شوت من بداية الصفحة لكن الفوائد كميتها كبيره جدا

اهمها مثلا خدمات AWS السحابية من امازون تعطيك رصيد 5000 دولار
رصيد 10 الاف دولار في شركة فريش وركس وهذي شركة عندها خدمات المحادثه وايميلات و و و و Freshworks للي حابب يبحث ويقرا عنها

ايش طريقة انشاء الشركة؟ مجرد انك تقدم الطلب في الموقع طلباتهم بسيطة، راح يشتغلون كـ وكيل معتمد عنك في الشركة Registred Agent

بعد انشاء الشركة راح يقدمون لك على EIN وهذا ياخذ تقريبا 45 يوم Employeer identification number والرقم هذا تستخدمه لمصلحة الضرائب، وللبنوك والبطاقات الائتمانية وغيرها وغيرها

انت كـ مالك اجنبي لشركة امريكية في ولاية Wyoming ما عليك اي ضرائب حتى لو ارباحك بالملايين كل سنه لكن انت لازم كل سنه تقدم كشف ضريبي يبين عملياتك ومشترياتك و و و في موعد الضرائب الامريكي

وهالشي فعليا مو متعب ولا صعب، لنفترض انك اسست شركة معهم وكان تعاملك في الباي بال وسترايب تاخذ كشف حساب من الشركتين وتعطيهم لاي شخص يفهم في امور الضرائب الامريكية

وراح يسوي لك التقرير ويقدمه لك لمصحلة الضرائب مقابل 150-300 دولار حسب الشخص اللي تتفق معه

النقطة السابقه مهمه جدا .. ليه؟ لانه انت كـ مالك لشركة امريكية مستقبلا يحق لك انك تتابع امور شركتك في امريكا ويحق لك تروح لامريكا لفترات غير محددة بناء على فيزا اسمها 01 وهذي الفيزا تقدر تطلعها بسهوله بعد سنتين تقريبا على الاكثر

بعد انشائك للشركة عن طريق الشركة اللي تتعامل معها راح يقدمو لك حساب بنكي في شركتين وفتح كل حساب ياخذ 48 ساعة عمل البنك الاول هو Mercury Bank
والبنك الثاني Brex Bank ونسبة رفضهم لاي شركة تقريبا اقل من 1% اذا ما كنت من تحت قائمة الممنوعات



في بنوك ثانيه تقدر تفتح فيها عن طريقهم لكن ال 2 اللي ذكرتهم هم الافضل

اي مبالغ نقدية في حسابك في الشركات هذي مؤمن لغاية 250 الف دولار، ف حاول مبالغك في البنك الواحد ما تزيد عن هالرقم


بعد ما تنشئ شركتك وامورك في كل شي ماشية تمام ان شاء الله تروح وتشوف لك بطاقة مسبقة الدفع من اي بنك امريكي، ليه تحتاج هالبطاقة؟

لخدمة الـ credit score عند البنوك لنفترض انك اخذت بطاقة مسبقة الدفع حطيت فيها رصيد 500$ دولار واستخدمت الرصيد وسديته بدون تاخير كل شهر راح يصير عندك بعد 3 شهور كريديت سكور 750 وهو اعلى فئة واعلى رقم ممكن تحصل عليه

وقتها انت هناك ممكن تطلع بطاقات ائتمانية، تشتري بيوت، سيارات الخ بناء على الرقم هذا وما في اي بنك في امريكا راح يرفض لك طلبك


نقطة اخيره، اذا انت عندك نيه للعيش في امريكا في اي يوم من الايام التزم بانه يكون التزامك لمصلحة الضرائب كل سنه سليم وبدون اي مشاكل

لانه اي مشاكل مع مصلحة الضرائب راح تجيب نهايتك في امريكا او اي دولة ثانيه غربية
فاذا انت مو قادر انك تسوي الضرائب وكشوفاتها كل سنه انسى الموضوع وشيله من راسك

نعم الموضوع سهل وغير مقعد وله فوائد كثير لكن الاهم انك انت تكون فاهم انت ايش قاعد تسوي وايش قاعد تستفيد من ورا الشركة ومن ورا مصلحة الضرائب

الموضوع مو بس للمقيمين اللي عندهم اعمال جانبيه غير وظيفتهم لكن حتى لمواطني دول الخليج بشكل عام، كثير من الشركات الامريكية ما تتعامل غير مع الامريكان او الشخص اللي عنده EIN وشرحته فوق او ITIN واللي هو Individual Taxpayer Identification Number

انا "املك" 3 شركات في امريكا على وشك انشاء شركة رابعه اذا عندك اي استفسار متعلق في الموضوع لا تتردد انك تساله لكن اقتبس ردي عشان يوصلني تنبيه


اتمنى اني قدرت افيد اي شخص محتاج للشي هذا.