صبحك الله بالخير

اسم شركة الشحن اللي تواصلوا معك ؟

تواصل مقدما مع خدمة عملاء الشركة في تويتر او على رقمهم وإن شاء الله يفيدوك الاخوان هنا

انا نفس المشكله واقع في نفس الحركة احين عندي جهاز 319$ عند شركة imile عطاني رقم المشرف تكلمت معه وخذت منه رقم مسؤول اعلا منه اثيوبي وخلاقه تكرم انت والقارئين نعال
راح اسلم امري لله وادفع وراح افتح نزاع بالضريبه مع اني اعرف راح اخسر النزاع
لكن بين قوسين ( اعتقد هاذي الحركه من البائع ما يسلم الضريبه هناك في الصين لشحنة يرميها على المشتري وحنا نقع فيها ) هذا تفسيري

ادا دايركت لا تدفع قرش زيادة
الاسعار مضمونة باسعار السلع يخصمها علي اكسبيرس مباشرة من الباعة رغما عن انفه من حسابه

ادا دفعت شي لاحد بيروح المبلغ لجيب المندوب او الشركة الوسيطة

تحديث 1
وصلت لمقر الشركة انا من سكان الدمام
الصباح رحت استلم قتله ابي ورقة بيان جمركي ودار كلام مبيني وبينهم حسيت متوهقين صرفني الى الساعة ٢ الظهر انا شركتي خلفهم كم شارع بيني وبينة وشكله حس اني بحطهم في ورطة
بدون بيان جمركي مراح استلم
بس يا اخوان اتمنا واحد يرفع صورة بيان جمركي لنا ما خذت من قبل هل هو موحد ولا ايش شكلة
لنا قتله بفتح نزاع في الموقع ورفع الاوراق

تحديث 2
احين رسل لي صوت يقول الطابعة خربانة انا اصريت عليه قتلة ابي بيان جمركي بفتح نزاع في الموقع قتله مبي فاتورة ابي بيان جمركي

يا اخوان هل هاذا هو الباين الجمركي

حسب معلومات مندوب التوصيل المبلغ المفروض جمرك على الأغراض اللي طلبتها وطلبت منه أصل البيان الجمركي عشان اتأكد انها مو سرقة قال انه بالشركة وبيتأخر والسالفه لها 3 ايام لا حس ولا خبر والشركة أسمها imile وتواصلت معهم برقم التلفون وطلبت منه البيان الجمركي وقال ما هو موجود عندهم قلت ابغي رقم فاتورة التسديد للمبلغ وتوهق الموظف اللي رد علي وارسل لي صورة فاتوره مطبوعه بشعار الشركة وقال هذي الرسوم المطلوبة قلت ابغي أصل البيان الجمركي وقال كم يوم وبيتوفر وهذا اللي اعرفه من عرفت الشراء من علي اكسبريس دايركت ما اتحمل اي مبلغ اذا وصلت الشحنه الا بعد ما تستلم البيان الجمركي وارسلوا الموظف عشان يسلمني الشحنه وطلب مني تسديد نفس المبلغ ورفضت استلام الشحنه سؤالي للجميع هل يوجد جهة اقدم فيها شكوي على اللي صار علي لأني احس المبلغ اللي انطلب مني ماله اساس من الصحة وهو سرقة عيني عينك بحكم انه ما عطاني البيان الجمركي وما فيه اي شي يثبت ان الرسوم مطلوبه من الجمارك مع العلم اني تواصلت مع البايع وقال لا تدفع اي مبلغ عند استلامك للشحنه هل تنصحوني افتح نزاع في موقع علي اكسبريس واكتب اللي صار معي بالكامل والا وش تنصحوني اسوي بالضبط؟

البيان الجمركي يجي فاتورة فيها معلومات الشحنه مطبوع بجهاز ومصدر الفاتوره الجمارك الرسمية ببلدك والفاتوره اللي تسأل عنها اي شخص يقدر يطبعها ويرسلها لك ولا تعتبر رسمية وهي طريقة لسرقة اي شخص لا يفهم بالمشتريات من الخارج.

تسلم على الرد انا رديت عليه ابي شي رسمي هاذي ورقة مب رسمية
لكن ابي اعرف هل في اشخاص استلمو شحنات من اي شركة تختلف وسلموهم البيان الجمركي
ولا هم توهقو اليوم يوم دخلت المستودع حقهم
في تقطه مهمه حاولت ابحث لهم اسم في هيئة الاتصالات ما لقيت اي اسم لهم ابي اقدم شكوة

اسم الشركة عالم الكون هي اللي تخلص الشحنات علي اكسبرس دايركت



https://alamalkon.sa/ar/

فاتورة غير رسمية (نصب) و بأمكانك تشتكيهم لانه فاتورة من غير الكود و بدون رقم ضريبي

أسم شركة الشحن imile

والله ياغالي ماقد مرت علي

وانا لي اكثر من سنتين مع علي إكسبريس دايركت وتصلني شحناتهم بواسطة شركة ناقل الى الباب بدون اي رسوم اضافية.

اذكر اني شريت جهاز منقي هواء وزنه حول ٤ كيلو من شاومي ولا طلبوا مني اي رسوم اضافيه غير اللي دفعتها في الموقع.

نصيحه راجع مكتبهم ولاتدفع ريال دام البائع يقول بدوم رسوم اضافيه او تواصل مع الدعم الفني في علي إكسبريس

لا اخوي عالم الكون تختلف ونا داخل المستودع جالس اقرا السجل التجاري ايميل مكتوب في السجل
بس راح ادخل موقعهم ودخل رقم التتبع

عارف يا اخوان الفاتورة غير رسمية لكن وش اعمل لمين اشتكي
صعبه ادخل وتهاوش وياهم
للمعلومة جالس اتناقش مع البايع يقول انا دافع في بلادي قيمة الضريبة قتله عطني فاتورة شي يثبت
عطاني فاتورة مجمل الجهاز من مستودعهم

نعم شركة ايمايل واتوقع وكيلهم في السعوية عالم الكون اغلب شحنات ايمايل تجي مع شركة عالم الكون

وصار علي اكسبرس دايركت اذا الشحنات كثيرة تقسم الشحنات على ناقل وشركة ايمايل

تواصل معهم عبر حسابهم في تويتر راسلهم وارفع شكوى هذا حسابهم



https://twitter.com/iMile_KSA

تواصلت معهم على تويتر حسيت تصريف لكن جربت رقم التتبع على الموقعهم ما يضبط