حاول تتواصل معاهم عبر الشات
كان المفروض تشيك على تقييمات البائع قبل الشراء
انا حسابي في الموقع من عام 2010 طلباتي منه كثيره
لكن مستحيل اطلب من بائع تقييمه سيء حتى لو الدعم راح ينصفني
لان فعليا ماتدري ايش ممكن يرسل هالبائع بعضهم غدارين

:11:
[QUOTE]
شكراً للمشرف على الموافقة على الموضوع
امس بعد كتابة الموضوع قررت اجرب اكثر من خدمة تتبع و من ضمنها البريد حقي و قمت بحفظ كل صفحة تتبع بصيغة PNG و لكن لحسن الحظ احد مواقع التتبع و تحديداً 17 تراك و مكتوب ان الشحنة في ووهان الصينية و تم ارجاعها و تسليمها للبائع نفسه و مكتوب فيها اسم ضابط الجمرك الصيني و رقم جواله وبيانات التسليم واخذت لها صورة PNG و ارفقتها كوثائق تاكيد عدم استلام و احتياطاً اتصلت بالبريد و طلبت منهم رابط التتبع المعتمد حقهم و ارسلوه لي و اخذت صورة من الصفحة بنفس الصيغة والصفحة موضح في داخلها ان الرقم غير صالح و غير مسجل لديهم.
الحين وصلني رد من علي اكسبريس باغلاق القضية لصالحي :53: بعد ان كان الرفض ردهم السابق :53:
البائع استغل الثقة حقي فيه. مع العلم مدون في التتبع انه تم ارجاع السلعة و استلامها من البائع و البائع حاول استغلال ثغرة عدم ظهور رقم التتبع في نظام التتبع حق علي اكسبريس الي هو قلوبال تراك.
انا طلبت منه تمديد فترة الحماية دونما فتح نزاع. الحمدلله كسبت النزاع. البائع ارسل لي يوم انصفوه ضحك لا متناهي و شماتة واضحة في الرد حقه :32: رغم ان قرارهم امس لم يكن نهائي الا انه كان واثق من كسبه للقضية.
المنتجات حقه تقييمها جيد جداً لكن التقييمات بنجمة 1 اهملتها و كان هذا اكبر خطأ. مع موقع مثل علي اكسبريس التقييمات السلبية اهم من الايجابية. سبق ان عرض عليا بعض البائعيين بطائق خصومات بقيمة 0.01 حتي دولار كامل :d خصوصاً بالمنتجات ذات القيمة المرتفعة :53: فيه مستخدمين للاسف السنت مغري لهم :53: و يعطون البائع تقييم عالي و يبدو هذا المتجر من ضمنهم.
[/QUOTE]

انا انصب علي من بائع بمساعده من علي اكسيريس قبل فتره
انا دايم اتاكد من كل شي قبل لا اطلب وعشان اتجنب النصابين و التاخير اطلب فقط من علي اكسبريس دايركت وطلبياتي كثيره
اخر طلبيه البائع في البدايه ما شحن الطلبيه بالطريقه المتفق عليها والي هي علي اكسبرس دايركت (تاخذ 3 اسابيع العاده)
راسلت البائع مارد وطلع شاحنها على البريد الصيني ومع كارونا تاخرت الطلبيه وقبل ماتنتهي فترت الحمايه فتحت نزاع وفريق علي اكسبرس قال اصبر راح تجيك قريبا ومددوا الفتره 15 يوم ونفس الشي بعد 15 يوم مددوها كمان مره واثنين وثلاث وتقريبا بعد 3 شهور من الطلب وصلت البريد السعودي واشيك طلع مكان التسليم في مدينه ثانيه بعيده عني وتم استلامها من شخص
هنا عرفت انه عطاني رقم تتبع وهمي حق واحد ثاني وبعد التدقيق طلعت الشحنه مشحونه قبل طلبي من الموقع بيومين يعني اكيد ماهي لي
رحت للنزاع وضحت كل شي بالادله انه نصاب باللغه الانقليزيه عشان يفهموا علي احسن والصور كمان
ملخصها انه:
1- ماشحنها على الطريقه االمختاره في الموقع بالصور
2- تاريخ شحن الشحنه قبل الشرا من الموقع بالصور
3- مكان توصيل الشحنه واستلامها من مدينه ثانيه غير الموجوده في العنوان بالصور

بعد هذا كله حكموا لصالحه لعدم تقديم ادله كافيه !!!!!!
بعدها رفعت اعتراض على الحكم وكمان حكموا لصالحه مره ثانيه
من بعدها قلت خلاص هذا الموقع ضيع من وقتي الكثير قرابت 4 شهور من غير الفلوس
والحمد لله ان الطلبيه ماكنت في حاجتها و ما كانت غاليه

[SPOILER2="سبحانك اللهم و بحمدك اشهد ان لا اله الا انت استغفرك و اتوب اليك"]

[/SPOILER2]
:11:
[QUOTE]
الله يعوضك كل خير اخوي :11:
مدري اذا يمديك ترجع تفتح نزاع او لا عن طريق الدعم حقهم.
في البداية كان قرارهم شبه نهائي و لكن بعد ارفاق الادلة القاطعة من البريد تم العدول عن قرارهم و رسلت للبائع ضحكة :35: وشكرته.
اليوم يرسل لي رسالة يطلب مني اعطيه 5 نجوم تقييم لانه رجع لي النقود :d مدري وش به مصر انه يكذب و يستمر بكذبه :35: لكن الي رجع لي النقود هو فريق الدعم حق علي اكسبريس وكنت جداً محترم بتعاملي معاهم وشرحت لهم الموقف مرة ثانية ان البائع هو الي طلب فتح نزاع مب انا و انا طلبت منه فقط يمدد لي مدة الانتظار. ماطلبت ارجاع نقود او اي شئ. فقط تمديد فترة الاستلام لان باقي يوم وتنتهي و لكن يبدو ان البائع من البداية رجع له المنتج او انه دروب شوبيننغ ومايدري بالسالفة وبس يظهر عنده اني مستلم المنتج :22:
موضوع رقم التتبع الوهمي حصل لي مع كثير منتجات للاسف و لهذا السبب علي اكسبريس يحجزون المبلغ و مايسلموه للبائع حتي يكون فقدانه اهمال من الزبون و ليس البائع. افتح نزاع قبل انتهاء فترة الحماية ب 3 ايام و بكذا تكون عطلت وصول الاموال للبائع حتي تتضح الامور لك و للدعم حق علي اكسبريس.
بخصوص تقييم البائع يا اخوان تقييمه عالي جداً و لكن المنتجات في التقييم تصل للبعض و الاكثر لا تصلهم و البعض فترة فتح الضمان تكون انتهت الخ.
انا ابغي احط تقييم للبائع و لكن فيه خيار التقييم كمجهول ؟ وش هذا الخيار ؟ انا بكتب تفاصيل الي صار حتي يستفيد الغير من التقييم.
نظام البيع دروب شوبيننغ مشكلة كبيرة على المواقع الصينية و يجب الحذر منها
[/QUOTE]

علي اكسبرس بدأ يسرقنا مع البائعين عيني عينك

لي طلبية عن طريق علي اكسبرس دايركت

اللي اعرفه عن الخدمة هو اني احط عنواني .. واطلب الشحنة .. وتروح من البائع الى مستودعات علي اكسبرس

وهذا اللي صار

لكن المفاجأة .. ان جميع الشحنات وصلت لي للرياض .. ما عدا شحنة واحدة راحت للدمام .. واستلمها شخص يختلف عن اسمي ..

كلمت البائع قال خلاص انت استلمت .. قلت يا آدمي شف الاسم والمدينة مالي دخل فيها ولا لها علاقة بعنواني .. سحب علي ما رد

راسلت الدعم برضو نفس الشي يسوون نفسهم مجانين ويقولون اني استلمتها .. رغم انه واضح بالتتبع رايحة لمدينة ثانية واسم مستلم مختلف عني اختلاف جذري


وبعدها ما اطلب الا دفع عند الاستلام وحاليا الغوه وبعدها وقفت

لي فتره طويله اتعامل معهم والنزاعات قد تكون قليله بس في الحكم تكون من صالحي .اغلب الناس مشكلتهم في الشحن وفعلا البريد الصيني يضيع ويتأخرر ..لكني اشحن دائما شركات موثوقه مثل ارامكس وdhlوالحمد لله ماحصل لي اي مشاكل وبالنهايه البائع الجيد يحاول يرضيك باللي يقدر عليه ويحرص على التقييم.

للاسف البائعين عندهم صلاحيات وحصانة اكثر من المشتري

وايضا الدعم الفني للاسف يجهلون بعض الامور او ممكن يتعمدون ؟

قبل كم يوم طلبت قطع غيار مستعملة للجوال من بائع
وكل منتج فيه حبة يعني بمجرد ما تطلب يطلع نفذت الكمية لانه قطعة مستعملة
ومباشرة بعد الطلب البائع راسلني البايع ان وحدة من القطع سبقني زبون وطلبها قبلي !

مثل ما قلت لو احد طلبها تنفذ الكمية

قلت ما فيه مشكلة عطني بديل نفسه وعطاني بديل اقل منه ولكن نفس سعر طلبي ورفضت
ولقيت نفس طلبي ولكن فرق في السعر قلت خفض لي وبدفع الفرق ورفض
وتغير اسلوبه وصار يقول كم مره افهمك واني ما راح اشحن لك الا لم تدفع

طبعا الدعم الفني قالو لا تدفع له راح يشحنها غصب
وبحكم تجربتي البائع اللي من هالنوع يا يلغي الطلب يا يرسل لك منتج وهمي
وعشان تعرف اذا ارسل لك منتج صحيح لازم تشغله وتجربه
وهالشي ما راح يكتشفونه علي اكسبرس لان الشحن دايركت
راح يقولون حنا استلمنا الشحنه وارسلناها لك
بمعنى لو فتحت نزاع مباشرة راح يكون من صالح البائع

لذلك اللي راح اسويه بعد ما استلم الشحنة راح اعطيه تقييم سيء
ثم باشغلها واصورها وافتح نزاع عشان يتأدب
ان حكموا لصالحي ولا التقييم بيكون درس يبعد الزباين عنه

طبعا للاسف من تجارب سابقة اذا فتحت نزاع او الغيت الطلب ما تقدر تقيم البائع
المفترض اني اقدر اقيمة لان كثير يتلاعب ويماطل ويرسل تتبع وهمي او حتى ما يرسل شي يخليك تنتظر طول مهلة الانتظار تنتهي ثم يرجعون فلوسك
المفترض اقدر اقيمة على هالشي

[SPOILER2="سبحانك اللهم وبحمدك اشهد ان لا اله الا انت استغفرك و اتوب اليك"]



[/SPOILER2]
:11:
[SPOILER2="لا اله الا الله و لا حول ولا قوة الا بالله"][QUOTE]
وعليكم السلام
استفدت كثير من ردودكم و تجاربكم مع الموقع.
بخصوص التقييم ؟ على اكسبريس اضاف خيار لم يسبق لي ملاحظته سابقاً وهو كتابة الرد بشكل مجهول ؟ احد منكم قد جربه ؟ وهل هو ذو فائدة ؟ ووش الفرق بينه و بين التقييم العادي ؟
انا استرجعت اموالي بعد اعادة فتح النزاع و البائع ارسل لي رسالة يطلب مني اكتب له تقييم 5 نجوم بعد انا قام بارجاع اموالي وهو كاذب لان القرار و الفصل كان من دعم علي اكسبريس الفني
:3:
اذا كان احد منكم في مكاني ماهو القرار الذي سيتخذه ؟
كتابة تعليق مع تفعيل خيار مجهول ؟
كتابة تعليق مع عدم تفعيل خيار مجهول ؟
انا بكتب التفاصيل كاملة في التقييم على اي حال. لن ارفق قرار علي اكسبريس في التقييم لانه قد يكون فيه انتهاك لخصوصية البائع
[/QUOTE][/SPOILER2]

اتوقع خاصية مجهول قديمة
وهي انك تكون مجهول للناس ولكن ما اتوقع بتكون مجهول للبائع

بمعنى لو مثلا اسمك ahmad بيظهر للناس a***d

في كل الاحوال انا شخصيا بقيمة البائع اللي صارت لي المشكلة معه بتقييم سيء ولكن مثلا سرعة الشحن ما راح اقيمة سيء لانه شحنها مباشرة
والخيار لك

التحايل موجود

ـ من البائع

١.ارسال شحنة الى شخص اخر باسمك (وهذي لازم تفتح عليها نزاع وتجيب دليل من شركة الشحن انها راحت لعنوان اخر وليس عنوانك)

٢.التماطل في الارسال (تواصل مع المتجر في حال مافي رد افتح نزاع واسترجاع المال)

٣.تاخر الطلب بوجود رقم تتبع (تواصل مع البائع تتبع الطلب تواصل مع شركة الشحن في حال نفذ الصبر افتح نزاع بتاخير الطلب )

اول شيك على رقم التتبع في البريد السعودي إذا موجود و مين استلمة وممكن تفتح شكوى على البريد السعودي في هيئة الإتصالات وتقنية المعلومات ويعوضونك عن قيمة الشحنة إذا فعلاً مسلمينها أحد بالخطا . إذا مافي لها معلومات الله يعوضك كان من المفترض من البداية أن تفتح شكوى أن مافي بيانات تتبع وبالمناسبة انسى موضوع الاخلاق والتعامل الطيب خصوصاً مع الصينيين لأن الصيني عندة استعداد يسممك ويذبحك مقابل سنت عشان كذا إذا صارت لك فرصة انك تسترجع منهم استرجع ولا تردد كثير طلبات ادفع حق الشحن بالبريد السنغافوري مثلاً ويشحن لي بالبريد الصيني وافتح عليه دعوى واسترجع مبلغ الشحن ويصير الشحن على حسابة وإذا اعطاني رقم تتبع مختلف عن اللي مسجل بالنظام وانا ادري انه راح يوصلني برقم التتبع الثاني بس مو مسجل في النظام راح افتح عليه دعوى واسترجع كامل مبلغ الطلب وتأكد وثق تماماً أنهم يتعاملون معك بنفس الطريقة والأسلوب بالتحديد الصينيين من بد شعوب الكرة الأرضية لا يمكن أعمل مثل كذا مع غير الصيني واحس بتأنيب الضمير واني سرقته لو كان غير صيني لكن لما اعملها مع صيني احس بنشوة الإنتصار عليه

ابد من تجربة والله الدعم الفني يجلد البائعين جلد ويسترجع اموالك وحتى لو البضاعة بالطريق لك او انك استلمتها بس الاهم والمهم انك تختار النزاع الصحيح وتكتب اعتراضك على ايش بالتفصيل

فيه دفع بايبال ؟!!

موقع ابو كل ب وما يستاهل تضيع وقتك فيه

نفس الفلم صار معي وحط تتبع لمدينه ثانيه واسم غير اسمي (كلها تم ايضاحها ) وكانت علي دايركت
طلبو مني اجيب اثبات من البريد انه واحد ثاني استلمها
سحبت عليه واستخلفت الله في الفلوس
للاسف هذي مساعده من علي على النصب

[SPOILER2="الله المستعان"]












:11:
[QUOTE]
بارك الله فيكم جميعاً
لقد قمت بكتابة تقييم للبائع :65: و كتبت التجربة بتفاصيلها بسبب استفزاز البائع لي بطلبه مني منحه 5 نجوم :26:
وضعت الرد بشكل مجهول و لم اقم بتنزيله على Feeds وكتبت التجربة بكل آمانة و موضوعية و لكن يبدو ان البائع لم يعجبه الآمر و ارسل لي يطلب مني ان اضيف تقييم أضافي :40: و ان التقييم الي كتبته ممكن ان يتم حظري بسببه لكونه ينتهك خصوصية البائع :40: ان لم اقم بتصوير المحادثات بيني و بينه انما قمت بكتابتها على هيئة رد طويل و مفصل بالكامل و باللغة الانجليزية و العربية.
البائع يبدو انه دروب شوبيننغ و لكن التعليقات حقت النجمة الواحدة جميعها تقول انه طلب منهم فتح نزاع و خسروه و لله الحمد يبدو انني الوحيد الذي كسب النزاع بعد ان خسرته اول مرة :65: الحمدلله. بسبب رسالته حاولت احذف التقييم لكونى لا ارغب بخسارة الحساب فعلياً و اذا كانت سياسة الموقع تمنع كتابة تفاصيل النزاعات فيبدو ان حسابي انتهى امره بعد كل ذي السنوات و المشتريات :60:
لكن فعلياً لم اجد التقييم في حسابي و لكنه موجود في صفحة المنتج ولا يوجد خيار للحذف :40:
من تجاربكم هل يمديه فعلياً اغلاق حسابي ؟ بائع آمره غريب جداً :40:
لا حول ولا قوة الا بالله
الله المستعان
[/QUOTE][/SPOILER2]

هذا نصاب لا تشيل التقييم وتجاهله

لان هو مثلك ما عنده صلاحية يقفل الحساب
ولو كان صحيح كان كل البائعين النصابين ينصبون ويقفلون حسابات العملاء

لو افترضنا انه ممكن يشكيك ومن هالقبيل انت حكموا لصالحك ف يشتكي على وش

في اسوء الاحوال لو تقفل الحساب افتح حساب جديد :60: