الله يعافيكم ابي شاشة كويسه تكون بحجم ٦٠ الى ٦٥ بوصه
للصالة افلام ويوتيوب وقنوات اطفال وسعرها يكون بحدود ٣٠٠٠ ريال

افضل شاشه لميزانيتك
tcl c755 او هايسنس U7N

هل فيه عروض عليها لو تكرمت ؟

حاليا ماتوقع تابع الاسعار اول باول وشوف كود خصم اكسترا
او انتظر يوم التاسيس

https://www.extra.com/ar-sa...

TCL C755 فيه عرض العيسائي خصم 10% تقريبا خصم ٣٤٠ ريال تصير ٣٥٠٠ مدري فيه عروض ثانية او لا
هاينسيس ما اشوف لها عروض حاليا

اليوم انا عند جرير اشيك على الجديد
لقيت سكاي وورث موديل جديد 144hz
الظاهر ال65 ب2400 او حولها

وش اسم الموديل؟

https://www.jarir.com/defau...
معليش شكلي اخطيت بالسعر احسبه 65 طلع السعر لحجم 55

وهذا سعر ال65
https://www.jarir.com/defau...

كيو ليد هذا يعتبر اقل مواصفات من ميني ليد tcl وهاينسيس
والسعر فرق بسيط

هي افضل عرض حاليا خذها

لكن لو تزيد الميزانيه ل ٤٤٠٠ ريالةوتاخذ شاشه cs4 من ال جي عالم ثاني ومستحيل تعجبك شاشه ثانيه
متوفره الحين في نون بسعر ممتاز جدا ماراح تندم عليها ابدا

Hisense 100Q7N
100"
7999SR
https://www.jarir.com/sa-en...

ماحصلتها بالسعر اللي حطيته
بموقع نون فيه خصم ٥٠٠ بس

اخذت هاينسيس من اكسترا وحطيت كوبونات خصم من نقاط البنك وطلعت علي ٣٤٠٠

تقدر تتكلم عن نقاط البنك بشكل أكثر؟

برنامج الولاء ببنك الاستثمار كل ٢٥ الف نقطة تساوي ١٠٠ ريال
طبعا تستبدل النقاط بقسائم شرائية عن طريق تطبيق yougotagift عنده شراكة مع اغلب المتاجر من ضمنها اكسترا وجرير ونون

تم استلام شاشة C855 حجم 75 بوصه، الحمدلله وصلتني الشاشه سليمة بدون مشاكل
وصلني معها ريموت واحد فقط (الاسود العادي)



تمنيت الريموت الجديد يكون متوفر ايضا لكن يبدولي ان الوكيل سحب عليه ..!
ايضا ما حصلت منفذ الدش مع انه متوفر في نفس الموديل للدول الاخرى !

هالموديل له اكثر من اسم فما ادري وش الموديل اللي يقابل C855 في امريكا و اوروبا
لكن اذا ما كنت غلطان وحسب بحثي المتواضع فيبدولي انها مقاربه لموديل TCL QM8 في امريكا


عموما
لي كم يوم اجربها والحقيقه لازلت منبهر من جودتها ومن السواد فيها احيانا احسها طافيه ما تشتغل ..
رغم الجودة الرائعه لكن لا زلت احوس في اعدادات الصورة للوصول الى افضل جودة ممكنة
في الافلام والمسلسلات والمباريات وبصراحه مستمتع بتجربتي معها ..



(اتمنى اذا احد عنده اعدادات جيده للصورة خصوصا في المباريات يشاركنا فيها)


للفائدة واجهتني مشكلة بسيطة اثناء متابعة الافلام و المسلسلات ما اعرف كيف اشرحها (مثل الاهتزاز وقت الحركة) وبعد البحث لقيت حلها في هذا المقطع وانتهت المشكلة ..

https://www.youtube.com/wat...



اخيرا
لعدم خبرتي الكافيه ولعدم امتلاكي سابقا اي من الشاشات الاخرى من الشركات الكبيرة سوني سامسونج و LG
فصعب اني احكم على جودتها مقارنه فيهم لكن بشكل عام ما ندمت على اختياري TCL C855


حبيت اطرح تجربتي المتواضعه وشكرا للجميع

لوجيت للواقع ماراح تفرق بينهن واغلبها تكون اسماء تجارية للاسف
صحيح انها تقنية موجودة لكن قليل من الشركات اللي استخدمتها صح فعليا وهي سوني وال جي
اما البقية فهي تسويق في المقام الاول
وعينك هي دليلك
لازم تقارن وتجرب في المحلات

تقبل مروري

الف مبرووك
اختيار موفق

ما انصح ابدا بموديلات شاشات هايسنس a7n و Q7n لانها رديئه من فئه منخفظه
فقط انصح ب u7n و u8n

الف مبرووك
وشكرا على الاثراء وحل المشكلة