سلام عليكم
كتبت رد وكثير من الشباب يستفسر من بالخاص لذلك بحط هالموضوع كتجربه وافاده للقسم ويكون مرجع لاي احد يبي يشتري هالنوع :

اول شيء شركة EZVIZ مملوكة من شركة Hikvision وهيكفجن غنية عن التعريف
يعني بتشتري كميرا مثل الناس مش خرابيط مجمعة

كل نوع يحمل تفاصيل معينه ممكن تحتاجها وممكن لا لكن انت بتاخذ الي يناسبك او ان صح التعبير بتاخذ المتوفر بالسوق المحلي علما ان سوقنا ضعيف إلى هذه اللحظه بهالموضوع ليش ؟ لانه ماتجينا الانواع الجديده الا بعد ماينتهي عمرها للاسف ماعرف ليش بس ممكن ضعف بالموزعين او عدم ثقه المستهلكين بهالانواع خصوصا انها واي فاي


انا شريت منها عدة انواع للتجربة كلها اشوفها رائعه لكن بحط الافضل حسب تجربتي البسيطه




1- كميرا C6W داخليه ممكن تعلق على الجدار ممكن تثبت على الطاوله ... الخ سعرها والاهم 200 ريال + قيمة ذاكره 128 جيجا ماتتجاوز 50 ريال سانديسك

مزايا الكميرا بشكل سريع تصوير بجودة 4 ميجا بكسل ، نظام تتبع تلقائي للحركة ، معرفة العنصر البشري ، تصوير بنوراما 360 درجة ، خاصية WDR للتصوير بالنطاق العريض ، ليزر لتصوير الليلي الى 10 متر ، امكانية تعطيل التصوير في بعض اللحظات الخاصة ، امكانية التحدث من والى الكميرا (حلوة تكلم فيها الاطفال وتنبهم ..الخ) تسجيل الفيديوهات بخاصية H.265 ، ذاكره خارجية تدعم حتى 256 جيجا ، خاصية الكلاود للتسجيل الفيديوهات بالسحاب ( مهمه جدا للي يحتاجها ) ، ايضا ابلكيشن على الجوال اندرويد ، وآبل .
الدخول لها للجوال سريع ولا يحتاج فيلم فقط سجل وخلاص تقدر تشوف الكميرا من داخل البيت وخارجه بدون اي فلسفه ثانية

للمزيد حول الكميرا هذا رابط الشركة :
https://www.ezvizlife.com/us/product/c6w/29733

فيديو لها :

https://youtu.be/dyTgs_U3WrE?t=44

* * * * * * ** * * * * ** * * * * ** *




الكمير الثانية : C8C الخارجية وذاكره خارجية 128 جيجا كلفتني 350 ريال

https://www.ezvizlife.com/us/product/c8c/36086

مزايا الكميرا الاولى انها خارجية تدعم جوده تصوير 1080 FHD بصراحة كنت اتمنى اعلى لكن هذا الي متوفر بسوقنا حاليا ، ايضا امكانية التصوير 360 درجة مع امكانية تحريك الكميرا ، تسجل الحركة بشكل تلقائي ، تصوير ملون بالليل ، تتحمل الحراره والغبار والماء IP65 ، وللاسف تدعم فقط واي فاي 2.4 جيجا هرتز ، تسجيل الفيديوهات بخاصية H.265 ، كذلك تدعم ذاكره تسجيل لغاية 256 جيجا ، اخيرا تدعم التسجل على السحاب مباشره.

طبعا كل الكميرات من هذي الشركة ترسل لك تنبيه على التطبيق او على الايميل
على اي حركة تصير تقدر توقفها او تلغيها

فيديو للكميرا :
https://www.youtube.com/watch?v=5FVqjhPY4WQ&ab_...




طبعا هذي كميرا وايرلس ولا تقارن بالكميرات العادية المتوفره بالمحلات
صحيح الي بالمحلات افضل لكن مش كل الناس لها خلق تمديد اسلاك او مشروع كميرات ، يعني انا مستأجر اروح اركب نظام سيستم كامل ليه
لذلك الخيار من الكميرات هذي رائع ويفي بالغرض

والصدمه بعد التركيب بتشوفها شغلات ماتخطر في بالك ولا حتى ممكن تتوقعها من سواق من حارس من شغاله من اطفال من دخول من خروج يعني بصراحة جدا مهمه

وللعلم شاري منها تقريبا 10 حبات موزعه بعدة اماكن من ضمنها مكتبي :)

الكميرات ممكن تحصلها في البطحاء او حراج الكمبيوتر اذا تفكر بسعر رخيص
اذا فلوسك زايده متوفره في جرير وفي اكسترا لكن السعر دبل :)