موضوع ممتاز للي عنده تجارب ، انا برضو عندي تأثيث 4 بيوت ان شاء الله واحتاج اعرف شركات كارقو او شحن للسعودية

هل صحيح اذا شحنت شي راح تدفع 15 في المية قبل ماتستلمها

ننتظر تجارب وافادة الاخوان والاخوات

متابع

فيه واحد في السناب اسمه لايف الصين انصحكم فيه بتحصلون فايده كبيره

ماحصلته ، اذا تقدر تحطها هنا لاهنت

شف الدحيم عنده مكتب هناك وفي موقعهم يقولون انهم يقدمون هالخدمة
الرجال يبدو جيد لكن لم يسبق لي ان تعاملت معاه

حصلت ليا انا شلوا مبلغ خرافي على جهاز اكتروني في الجمرك السعودي 3000سعودي للجمارك والمخلص 1000 سعودي ونقل الجهاز 500سعودي والجهاز يومه عندهم كان مده سبوع 50 ريال والى جابه ودفع بالنيابه عني لانني كنت بعيد من الرياض اخذ 1000ريال س المهم الشحنه كلفتنا معاملات 6200 س بالسالب وسعرها كان 3500س

موضوع ممتاز الي عنده تجارب لا يبخل

نصيحه اذا بتستري خذ كونتينر لان المعاملات بتكلفك اقل شي حول 4000 ريال

فيه وسيط سعودي عايش بالصين وعامل جروب وطلبك يوصلك للباب وهو يتكفل بالفسح والجمارك وكل كبيره وصغيره حتى ماتحتاج سجل تجاري



سعر حاوية اثاث كلفتني 1385 ريال و25 ريال توصيل لكل كرتونه منفصل

ممكن تعطيني اسمه او اي حساب له على الخاص؟

فيه وسطاء صينيين يتكلمون لغة انجليزية
يأخذون على مشترياتك بالكامل ٥-١٠٪
يخفض لك السعر المكتوب علشان الجمارك ماياكل عليك، ويتولى أمور الشحن والحاويات حتى تاصل للجمارك عندنا والباقي عليك.
طبعاً الأثاث والرخام والسيراميك تشتريها من مدينة فوشان في محافظة جوان دونج، يبعد عن مدينة جوانجو (كوانزو) ساعة
فيه رحلات مباشرة بالخطوط السعودية من رياض وجدة

ممكن wechat او واتس اب الرجال؟

شوف موقع mycn

موقع MYCN مسجلة في معروف .. ومعاملاتك المالية معهم داخل السعودية .

الشركة وسيطة بينك وبين المواقع الصينية ..
اول ماتوصل المنتجات لمستودعهم في الصين يرسلون لك صور المنتجات و اي ملاحظات عليها قبل الشحن وبأمكانك ارجاعها من مستودعهم للمصنع .
وتشحن البضاعه من المصنع لباب بيتك بدون مايكون عندك سجل تجاري لانها بتدخل بأسمهم .
وتوفر الشحن عن طريق البحر ( وهذا اللي انصح فيه ) ..

بالنسبة لي تعاملت معهم بمجموع ٣٥ الى ٤٠ الف ريال تقريبا .. وللامانة ماعندي تجارب مع شركات اخرى عشان اعرف فرق الأسعار .. لكن انصح بالتعامل معهم .

بالنسبة للموقع حتى لو كانت الكمية تجارية يدخلها بدون ما يكون عندي سجل ؟؟

نعم اي كمية تدخل بدون سجل شاملة الشحن والتخليص والضريبة الى باب البيت


الان عندهم دورة مجانية ٣ ايام ادخل على حسابهم في تويتر

الله يعطيك العافية, سجلت معهم في الدورة

ما قصرت يالغالي

بالنسبة للأثاث و مواد البناء يتم الفسح برخصة البناء اما غير ذلك ماعندي علم