السلام عليكم ، في طريقة لبرمجة الثروتل لسيارات نيسان
https://www.youtube.com/watch?v=CR-AjHCslhs

بالتوفيق

بجربها واشوف ان شاء الله تضبط

اشكرك اخوي

العفو وقولنا وش يصير

طبيعي في جميع السيارات مع تنظيف الثروتل يرتفع الRPM
بعض السيارات بإمكانك برمجتها يدوياً بدون اجهزة او بأجهزة مثل سيارات نيسان


اما الكامري حاولت وابت المحاولات في خفض الRPM وكانت الطريقة هي ان السيارة تبرمج نفسها بنفسها بعد فترة من الاستخدام او بأستخدام اجهزة




اللي يصير انه لمن تشغل والمكينة احترت يفترض ان الRPM يكون حوالي 650-850 حسب المكينة
اما بعد التنظيف ممكن ترتفع الى 1500 او 2000 او حتى 3000


اذا هذي مشكلتك وسيارتك نيسان فماعندك مشكلة ابحث فاليوتويب عن throttle body reset لسيارتك او throttle body relearn






كمثال هذي صورة تشرح العملية لبعض سيارات نيسان من ضمنها الفتك وسويتها اكثر من مرة وضبطت








ولكن ممكن الضريقة تكون مختلفة لسياراتك لان هناك طرق اخرى مختلفة لسيارات نيسان




ما اخفي عليك اول مرة وثاني وثالث مرة عيت تضبط معايا ابداً والسبب هو التوقيت
لازم تمشي بالثواني ثانية ثانية وبحمد الله من اول مرة ضبطت البرمجة (استخدم جوالك وافتح مؤقت الثواني فالساعة بيساعدك كثير)



ولكن مع ذلك الRPM ما تغير


ترجع تعيدها مرة مرتين ثلاثة لين ينزل معاك الRPM






وللمعلومية كثير من الطرق اللي عاليوتيوب غير صحيحة بسبب انهم يزيدون خطوات منت في حاجتها
بدال ما تاخذ دقيقة فالبرمجة تاخذ دقيقتين




وموفق

اذا الكامري 2007-2011 بعد التنظيف حط المفتاح على الدقة الاخيرة بدون تشغيل مدة دقيقتين بعدين طلعه وارجع شغل وبتتبرمج معك

الله يجزاك خير

موديلها ٢٠١٢
تبرمجت بنفسها بعد ثلاثة ايام

معي التيما ونظفت الثروتل مثلك وارتفع الريس، وجربت كل طرق اليوتيوب وما منها فايدة ابدا، وبعد البحث المطول نجحت معي طريقة وحدة وهي انك تفصل عدد 2 كويل عن طريق سحب فيشة الكويل وجعل السيارة تشتغل ب2 سلندر فقط، بطبيعة الحال السيارة راح تفتف وهذا شيء طبيعي، اترك السيارة تشتغل لمدة 10 دقايق وطفي السيارة، واشبك كل الاسلاك وارجع شغل السيارة، راح تلاقي السيارة ضبطت وصار الاربيم مثل الوكالة ... النيسان غريب !! تحياتي

للتذكير، افصل الكويلات والسيارة مطفأة، لا تفصل الكويلات والسيارة تشتغل! !

جزاكم الله خير جميعاً ماقصرتوا جربت جميع الطرق الي وضحتوها لي لكن ماضبطت

في احد قال لي احتمال يكون عندك -فاكيوم ليك- شفط هواء عن طريق باكم الفرامل وهذا يسبب ارتفاع في RPM

بجرب افحص اذا في سلك مقطوع او شي من ليات الفاكيوم وان شاء الله لي عودة في حال ضبطت

السلام عليكم ورحمة الله وبركاته انا نفس المشكله معي الى الان سيارتي تاهو 2007 لكن صارت معي هذه الحركه من دون ما انظف الثروتل ولكن بعد تنظيف الثروتل عملت برمجه ولا ضبطت وغيرت بواجي واسلاك بواجي وحساسات الهواء وونظفت كل الفلاتر وحساس ضغط البنزين ونظفت علبة الكناستر وصمام الهواء لعلبة الكناستر وبدون فايده اتمنا تفيدني اذا حصلت حل لسيارتك اتوقع مشكلتنا وحده

وعليكم السلام

انا تقريبا نفس المشكلة لكن عكسك انا RPM عندي ثابت عند 0 مايتغير واحيانا الموتر مايشتغل وغيرت حساس الكرنك لاني فحصت كمبيوتر وطلع لي المشكلة

الله يهديك


المفروض تنظفه بدون فك ( لان احتمال صار تهريب )

و انصحك بمنظف ليكوي مولي



الحين سوي الاتي

جرب تفصل اصبع البطارية 5 دقائق


و بعدها امشي بالسيارة ثلاث مشاوير الى ان تتعدل برمجة الثروتل

جرب طريقه ذي

https://youtu.be/G2HaTDQWIPc

الـ RPM الطبيعي لسيارات تويوتا ونيسان من 600 إلى 700 بين هالرقمين وكذلك معظم السيارات بمختلف مصنعينها.

بدون مكيف من 650 إلى 680 مع مكيف من 680 إلى 710 . (المصدر كتاب صيانة تويوتا باللغة الإنكليزية وكذلك نيسان وهو من إصدار الشركتين نفسهم)
مشكلة ارتفاع عدد لفات المحرّك أسبابها كثيرة بذكر معظمها .
مشكلة في حساس الخمول Idle sensor وهذا امايجي على سيارات تويوتا الحديثة لانه داخل الثروتل وبعض المصنعين استغنوا عنه ودمجوه داخل دائرة الثروتل الالكترونية .
مشكلة في حساس الهواء tps اللي يجي راكب فوق قربة الهواء
مشكلة في أهواز الفاكيوم مثلاً يكون موجود تسريب فيها.
وهالاهواز منها اللي ظاهر أمامك مثل الأهواز المربوطة من الثلاجة (intake manifold) إلى قربة الهواء ومنها اللي مو واضح مثل المربوط من الثلاجة (intake manifold) إلى الباكم مال الفرامل .
ومن المشاكل اللي تسبب مشكلة في عدد لفات المحرك . مشكلة في ميزان سير أو جنزير التايمنك .
أو مشكلة في صفاية البانزين .
أو مشكلة في البواجي (شمعات الإشتعال) .
أو مشكلة حساس حرارة الماء
أوتسريب في رووس المكينة
كل هذي الأمور تسبب مشكلة تذبذب أو ارتفاع أو هبوط في عدد دورات المحرك RPM

وعليكم السلام ورحمه الله وبركاته

كانت تحصل معي وما كنت اعرف السبب
لما جاء وقت غيار زيت القير غيرته. ماشاء الله راحت مشكلة ارتفاع rpm والنتعه.

اتمنى اني افدتك والله يوفقك