السلام عليكم ورحمة الله
عميل حاليا في جوي الرائعة ولكن في الفترة الاخيرة من خلال الاسبوع الماضي ان المكالمات ارسال واستقبال معدومة في جوي و كذلك STC لان الاتصال في جوي عن طريق 3G فقط وال VOLTE 4G غير مفعلة في جوي (الاتصال عن طريق الجيل الرابع) لان طبعا STC مانعه ذا الشي وكذلك مانعه عليهم الجيل الخامس ولي اسبوع وانا اشتكي للهيئة ان الاتصال والاستقبال معدوم واخيرا وصلني الفني الليوم ودخل البيت ولكن اتفاجا انه يقول لي ان عندي تشويش وان واحد ركب انتينا قاعد يحوس في الدنيا وخرب علي المكالمات الله يهديه وياليل ما اطولك بيفرع تقرير بهذا الشي وباجلس شهر حتى يحصلو اللي ركب الانتينا وحوسه المهم فكرت اني انقل رقمي الى ياقوت دخلت على التطبيق وسجلت فيه ولكن اتفاجا انه يقول لي ان الموقع اللي انا فيه ما يوصلون فيه الشريحة (أبها) واستغرب انها من المدن اللي فيها توصيل للياقوت وحاولت اني اتواصل مع الدعم الفني ان يشوفو حل للمشكلة ولكن لا حياة لمن تنادي وجالس انتظرهم في تويتر وانستقرام وكذلك الايميل ولا احد يجاوب علي.
البداية غير مشجعة صراحة والله يستر من تاليها