ننتظر سعر السهم وساعتها نقرر لكن إجمالاً العائد غالباً حيكون 5% سنوياً لذا ماهو مغري كثير فيه شركات وبنوك تقدم نفس العائد وأكثر وذات نمو مستمر ولا تتأثر بأسعار النفط ( بنك الانماء مثلا )
الميزة بأرامكو هي الـ 10% المجانية للمواطنين لكن السقف 100 سهم لكل مواطن فماهو مبلغ كبير .
والميزة الأخرى هي تعهد الشركة بثبات التوزيعات السنوية( الى 2024 ) بحيث لا تقل عن 1.40 ريال سنويا بأي حال من الأحوال .
لكن هل تضمن أنه بعد 4 سنوات يكون سعر السهم فوق مشتراك ؟ هذا يعتمد على أداء الشركة
ننتظر اسبوعين وبعدها حتتضح الأمور بإذن الله .

هل يمكن للمقيمين الأستثمار فيها؟
وماهي الآلية؟

افتح حساب بنكي وقلهم انك تبي تكتتب في ارامكو وادفع مبلغ وقدره

ثمن افتح محفظة جرب تمر على البنك اول مايفتحون، ماراح يضرك شي

لاتاخذ ساب لان ماتقدر تراجع بنك ساب، لازم تروح لاتش اس بي سي تفتح المحفظة واشياء اخرى

افضل محفظة هي محفظة دراية، تقدر تراسلهم وبيعطونك اوراق عن طريق الايميل تطبعها وتعبيها وترسلها عن طريق سمسا، ماتقدر تكتتب معهم، بس تقدر تنزل أسهمك فيها بس ما اعرف الطريقة بالضبط
ميزتهم الوحيدة فقط هي العمولة البيع والشراء ٥٠٪‏ اقل من البنوك
يعني شريت ب١٠الاف ريال البنك تاخذ عمولة ١٠ ريال، دراية تاخذ ٥ ريال
وكذلك عند البيع

يعني دراسه تدير محافظ فقط


تشتري عملات ؟ تشتري اسهم اجنبيه ؟


بغض النظر عن المحافظ اللي يديرونها في شركات كثير ماهو المميز فيهم ؟؟


افكر اطلع لدول الخليج افتح حساب ومن ثم استماري اقدر ادخل بالاسهم الاجنبيه ابيع واشتري وانا مرتاح هنا عقد في عقد

مافيه اي مميزات
دراية عمولتهم اقل من البنوك ب٥٠٪‏ في البيع والشراء
بعدين اتحدث عن محفظة لسوق اسهم تداول، مالي شغل بالاستثمار في دول اخرى

ممتاز، اشكرك على الأفادة.

بخصوص المبلغ عندك فكرة كم تقريباً؟ لأن المبلغ اللي معي متواضع للأمانة :d
والفكرة هي استثمار طويل المدى سنتين واكثر

كم قيمة 100 سهم ، وكم العائد تقريباً ؟

السهم كم ؟ ببيع سيارتي ودرعم

لم يحدد سعر السهم حتى الان حسب كلامهم خلال اسبوعين بإذن الله .
العائد يحسب بعد تحديد سعر السهم لكن المبلغ اللي اعلنوا عن توزيعه لما تقسمه على عدد الأسهم الحالي للشركة فحيطلع معك 1.40 ريال لكل سهم .
فبسعر 28 وبتوزيع نقدي 1.40 ريال يكون العائد 5% وكل ما ارتفع السعر ينخفض العائد بالطبع .
توقعي الشخصي سعر السهم بين 28-32 والله أعلم .

بعد أسبوعين يتحدد وتظهر كامل التفاصيل وقتها تتخذ قرار الإكتتاب من عدمه .

شكراً لك :11::11:

نسال الله ان يكتب الخير والبركة

ممكن تشرح لنا سالفة الاسهم باختصار، مثلا اذا اشتريت سهم هذا معناه انك امتلكت نسبة نقول مثلا 0.000001% من الشركة صحيح ؟
وكل ماكثرت اسهمك كل ماكنت ممتلك بشكل اكبر صحيح؟
والحد الاقصى لجميع المتاح للامتلاك من 5% مزبوط؟
طيب الان كيف تكون الارباح بانك تشتري سهم وتنتظر شهور او سنين ثم تبيع لما يرتفع سعره ولا كيف؟! ونسبة الربح كم بتكون او كيف بتكون او كيف تنحسب؟

او ممكن تعطينا رابط يشرح لنا، انا كان دورت لكن ماني عارف ايش المصطلح اللي استخدمه للبحث!

لا ماشاء الله عليك فاهم صح . ماعدا الحد الأقصى فهو مفتوح لنسب مرتفعه فوق 30 و 40% .

بالنسبة للأرباح فإنت مثلا شريت أرامكو وهالشركة تحقق أرباح فكل ربع مالي ( 3 أشهر ) تقول ياجماعه ربحنا 20 مليار مثلا وحنوزع منها 15 مليار على المساهمين و5 مليار بنحطها بالخزنة للمستقبل أو للتوسع .
والشركات تختلف فيه اللي توزع كل ربع مالي ( 4 مرات سنويا )
وفيه اللي توزع كل نصف سة ( تجمع ارباح 6 أشهر وتوزعها مرة وحدة وبالتالي توزع مرتين سنويا )
وفيه اللي توزع مرة واحدة سنوياً ( تجمع أرباح السنة كلها وتوزعها مرة واحدة )
أرامكو توزع كل 3 أشهر .

بالنسبة لعائد الأرباح فيعتمد على سعر شرائك للسهم وعلى التوزيعات السنوية للشركة . مثلا شريت أرامكو بـ 28 ريال ووزعت خلال سنة 1.40 ريال لكل سهم فيعني حققت عائد 5% .
ومثلا شريت ب 28 والشركة حققت نتائج ممتازة وبدل ماتوزع 1.4 قالت بنوزع ريالين فيكون العائد 7% وهكذا كل ماحققت الشركة ربح أعلى كل مازادت التوزيعات وبالتالي الناس حتشتري السهم وتتسبب برفع سعره .

أعطيك مثال تاريخي

بنك الإنماء كان الاكتتاب ب 10 ريال
بدأ البنك نشاطه وكانت أرباحه ضعيفه وجلس كم سنه مايوزع ولا هلله وجلس سعره بين 9 و 11 ريال سنين
بعدها توسع وزادت أرباحه وبدأ يوزع ارباح للملاك بدايتاً بنص ريال في السنة لما كان سعره 12 ريال
اليوم البنك يوزع ريال كامل وسعره فوق ال 20 بشوي أي أن من استثمر في البنك لنقل 100 الف ريال لما كان السهم ب 10 قبل 10 سنوات اليوم تدبلت ( لأن السهم ارتفع من 10 الى 20 )
وكذلك حصل على توزيعات سنوية خلال الـ 5سنوات السابقة تساوي 3.30 ريال ( هذي التوزيعات تنزل بحسابك كاش )
فبالتالي حقق ربح من 10 ريال الى 23.30 يساوي 133% خلال 10 سنوات أي أن متوسط العائد السنوي 13% وهالرقم خيالي وممتاز جداً جداً .

فأفضل إستثمار هو اللي يكون بشركة ذات نمو وبالتالي تستفيد من ارتفاع الارباح السنوية للشركة وبالتالي زيادة التوزيعات النقدية وأيضا كل ما ربحت الشركة أكثر كل ما ارتفع سعر السهم فتستفيد من كلا الجهتين .

أرامكو مرتبطة بسعر النفط فقد ترتفع الأرباح وتنخفض حسب سعر النفط ولكن الشركة تعهدت بتوزيع 75 مليار سنويا على الأقل الى عام 2024 أيا كانت ربحية الشركة ( وهذا لتشجيع الناس عالإكتتاب والاحتفاظ بالسهم )

كل منطق حسابي يقبل الصح دائما
وكلما ارتفعت نسبة الدقة والصحة.الناتج صحيح

الا في (الهوائيات) وذي مشوها زي ماهي

الهوائيات لاتقبل قياس او منطق او عقلانية
وفلوسك في مهب الريح

لاتنسانا بعد اسبوعين من توصيتك:d:69:

كلامك بخصوص الامتلاك نعم صحيح بشكل عام، لكن الأرباح تكون بهذا الشكل:
الشركة بنفسها (تشتغل) وتبيع منتجاتها وتربح من منتجاتها وفي آخر الفترة المالية تحدد ربحها بعد خصم المصروفات والضرائب والزكاة الخ، ثم توزع الأرباح على الأسهم.
كلما نجحت الشركة في أعمالها كلما ارتفعت أرباحها وبالتالي أصبح تملك أسهمها أكثر إغراءً ويرتفع الطلب عليه وبالتالي يرتفع سعره، مما يغري بعض الملاك في بيع جزء من (أو كل) الأسهم لجني أرباح سريعة، وهذا السلوك البشري هو ما فتح الباب لما يسمى بالمضاربات في الأسهم! والعديد من الأذكياء (أو الأغبياء) يستغلوا هذا الوضع في عمليات بيع وشراء أسهم وكأنها لعبة قمار!



- وبخصوص الزكاة (بشكل عام): إن كان تملكك للأسهم بأن تستفيد فقط من أرباحها فلا حاجة لدفع زكاة الأرباح التي وصلتك لأن الشركات السعودية نظاماً تقوم بذلك قبل توزيع الأرباح، أما إذا كان غرض التملك هو بيع الأسهم فيما بعد (يعني كأنك تكنز المال) فعليك دفع زكاتها سنوياً بناء على سعرها حال مرور السنة (الحول).


تعديل: سبقني العضو فوق في الشرح الممتاز، ما انتبهت.

يمنع نظاماً إعطاء أي توصية بالبيع أو الشراء إلا من جهات مرخصة :27:

فيه أشياء لازم الناس تنتبه لها
1-حجم طرح أرامكو كبير جداً وقد يكون الأكبر بالتاريخ عشان كذا سمحوا للمواطنين والشركات ومواطني دول مجلس التعاون والأجانب والمؤسسات المالية بالدخول في الإكتتاب لتغطيته بشكل كامل .

2-هذي السيولة لو صدقت الأرقام فما حتقل عن 100 مليار ريال وهالسيولة حتجي من الجهات المذكورة فوق بالإضافة لتسهيلات من البنوك للمواطنين ( قرض بضمان الأسهم ) وحصلت سابقا أيام البنك الاهلي وكان حجم الطرح 22.5 مليار ريال وأرامكو ضعف هالرقم ب 5 مرات تقريباً .
قبل إكتتاب البنك الأهلي حصل نزول قوي لسوق الأسهم لأن الناس كانت تبي توفر سيولة للإكتتاب على أمل تحقيق عائد كبير وبالفعل هذا ما حصل البنك خصص 2000 سهم للفرد يعني لو عائلة من 4 أفراد اكتتبت ب 8000 سهم بسعر 45 ريال اي بتكلفة 360 الف ريال
[U]وبالفعل السهم حقق لهم 30% خلال أول 3 أيام أي 108 الاف ريال خلال 3 أيام[/U] .

لكن السهم كان في القائمة المحرمة لأغلب الشيوخ لذا كثير ما اكتتبوا وأنا منهم رغم توفر السيولة.

الان أرامكو الناس تفكر إنه نفس الشيء حيكتتبوا بكميات كبيرة ويحققوا أرباح عالية بكم يوم ويبيعوا الاسهم وشخصياً أستبعد هالشيء لأن الطرح كبير وإذا الكل اكتتب فمين اللي حيشتري الأسهم لما تنزل للسوق ويرفع سعر السهم فوق ! خصوصا لو كان سعر السهم مبالغ فيه .
لجل كذا الدولة وضعت ميزة سهم مجاني لكل 10 أسهم للمواطنين السعوديين ( بحد أعلى 100 سهم مجاني لكل فرد ) بشرط عدم بيع أي سهم خلال 180 يوم والهدف هو منع الناس من البيع في الأيام الأولى حتى مايصير فيه تدافع عالبيع ويهبط السهم من أول يوم .

عموماً بعد ما يحددوا سعر السهم والية التخصيص ساعتها نحدث الرد .