كسب ذنوب على الفاضي من ترويجك للافلام (:

فتحت على نفسك باب سيئات كبير



كل واحد يشوف افلام عن طريقك تتحمل ذنبه

دعايات قووقل

وتستطيع تثبيت بعض الاعلانات مدة يوم في اعلا صفحة التطبيق

لكن اقول زي اللي سبقني من الاعضا ^_^

ما افضل انك تضع منتجات

خل كل شي من التطبيق والى التطبيق


اكتفي بالاعلانات وتاكد انها تكون غير مزعجه

اذا تقدر تتفق مع شركات السينما بحيث يكون في امكانية حجز التذاكر من خلال التطبيق بحيث تكون لك نسبة من مبيعات التذاكر.
موفق أخوي تطبيق ممتاز ونحتاجه في البحرين وياليت لو يكون فيه جميع دور السينما بما فيها (الجفير مول، سار، الاتريوم، الحمراء سينما، السيف مول المحرق، الواحة الجفير، سينما الجزيرة البسيتين).

اي فلس أو مشاهدة رح تاخذ اثم صدقني

لازم نفهم شغله ان الاعلانات مزعجة جدا للمستخدم الا اذا كانت عن طريقك وبمكان مخصص لها عموما

اشوف الطريقة الانسب هي الداتا اللي ممكن تكون عندك او الاعلانات غير كذا ما اشوف شي ممكن يفيدك

العنوان مكتوب قمت ببرمجة تكبيق وسيتم تدشينه خلال اسبوعين
والمحتوى "فكرت اطور تطبيق" يعني التطبيق نسبة اكتماله صفر

رغم ان العنوان مختلف ولكن فكرتك ممتازه جدا

لكن تحتاج تشهر التطبيق حتى الناس تحمله

بالنسبه للارباح

اما اعلانات أو تتفق مع دور السينما بحيث يعطونك نسبه من الارباح في حال المشاهد جاء من خلال تطبيقك

أو يكون تطبيق مرتبط بدور السينما ويتم الحجز عن طريقه مثل البوكنق مع الفنادق

الله يوفقك واذا لقمت معاك وحده من اللي قلتهم لك لاتنساني :d

حاليا خليت فيه كل السينمات ماعدا نوفو سينما لان عندهم مشاكل في موقعهم الرسمي.

التطبيق جاهز اخوي ... ارسل لي ايميلك و ممكن اخليك تجربه معانا قبل التدشين

موضوع الحجز اتوقع صعب لان اغلب شركات السينما ماعندهم ثقافة ال open data ومشاركة الارباح

فكره جميله صراحه ولكن السؤال من الفئة المستهدفة هل هم سكان البحرين او الزوار ؟؟

لو هم السكان ممكن تسوي استفتاء يضم كم سؤال يبين لك هل راح يستخدمون البرنامج او لا

ولو فكرت بالزوار اتوقع والله اعلم انه ما راح يستخدمه الكثير لان بالغالب زاير الدوله ولا راح يبحث عن برنامج للسينما ممكن يروح المول دايركت او الموقع الالكتروني الخاص بدار العرض ، ما عدا الاشخاص اللي يجون البحرين باستمرار .

الموضوع يحتاج دراسة قبل تتفق مع دور العرض ، عشان تعرف هل مشروعك ناجح او يحتاج تطوير

بالتوفيق ..

https://play.google.com/store/apps/details?id=c...

هذه نسخة الاندرويد تم تدشينها ... بعد فترة بسيطة راح اطلق نسخة الايفون

الله يوفقك..


ماعندي اندرويد حتى اجربه بس يشرفني استخدم نسخة الايفون والله يوفقكم


مااعرف اذا دور السينما عندهم نظام الريفيرر وبكذا تستفيد من اي تسجيل من خلالك او لا.


ممكن تتفق مع محلات الي تبيع المنتجات في دور السينما. خصم ٪ للي يستخدم كود من تطبيقك وكذا تضمن مستخدمين مسجلين.
إذا حاب اعلانات بيع ركز على الاكسسورات ومو الاجهزة. الاجهزة الناس تأخذ وقت تفكر تشتريها وبالاخير تشتريها من محل تثق فيه مو اون لاين.
الاكسسورات المتعلقة بالسينما اكواب تي شيرات وفيقرز هذه ممكن تباع من تطبيقك.
فعًل خدمة التعليق على الموفي تقييم العرض تقييم دار السينما، الشعب يحب يقيم وماعندنا اي بيانات لها غير التجارب المشهورة بالسوشال, إذا فعلت التقييم على كل حجز يتم من خلال تطبيقك كمراجعة بعد حضور الشخص العرض يجيه ايميل يطلب رأيه, انت تصنع بيانات جديدة تخدم كثير جهات. وايضا جهز الحسبة مثلا (تقييم الموفي-تقييم دار السينما- تقييم وقت العرض - الخ) وبناء عليها تطلع القيمة الاجمالية لكل موفي.
جميل اعتمادك مبدئيا على imdb, لكن إذا تبي النجاح ركز على التجارب المحلية.
وجهز لك حضور في السوشال نشر تقرير تلقائي اسبوعيا عن اراء المستخدمين لكل افلام الاسبوع.




اخيرا.. ممكن تضيف سينما الرياض وجدة؟ لا تسوي لهم تطبيق مختلف وسع تطبيقك.

والله يبارك لك وبنجاحك.

من خبرتي في تجربة المستخدم ابعد قدر الامكان عن الاعلانات خصوصا الـ pop-ups ، اذا تبي تضيف اعلانات حاول تدمحها داخل التطبيق بحيث ما يشعر انها اعلان -غير المستطيلات - ، اذا حاب نصايح لتجربة المستخدم ممكن تتواصل معي خاص

شكرا على وقتك الثمين في الرد وابداء الرأي البناء. بالنسبة لتطبيق الايفون هو تقريبا جاهز باقي بس أرفعه للستور..


فكرة الكوبونات، فكرة ممتازة اذا وافقوا.

بالنسبة للاقتراح الثاني حاليا انا ملاحظ ان دور السينما مافيها محلات تبيع هدايا واكسسورات لكن ممكن اطلبها اونلاين واعرضها في التطبيق.. مثلا على شخصيات ديزني.. افينجرز..وغيرها... اذا فعلا عليها طلب.

فكرة التعليق والتقييم بعد الفلم ممكنة اذا السينما قبلت انها تحط كود من عندي على التذكرة على سبيل المثال ...وبعدها الشخص اللي حظر الفلم يعلق .

صحيح ضروري التفاعل في وسائل التواصل الاجتماعي.

ممكن أضيف سينما الرياض وجدة وسهل جدا بالنسبة لي تقنياً لكن إسم التطبيق خليته حاليا Bahrain Cinema Guide ... يمكن مايحملونه في السعودية بسبب الإسم

صحيح ... أنا أؤيدك الرأي و ماعندي نية احط إعلانات مزعجة لان أصلا يخلي التطبيق شكله سيء و غير إحترافي.

فيه 3 ردود صدقت معك بالنصيحة

يقول الله سبحانه وتعالى ( وتعاونوا على البر والتقوى ولا تعاونوا على الإثم والعدوان)

هذا التطبيق من التعاون على الإثم يا عزيزي, الواحد لاحق على نفسه وذنوبه عشان يتحمل ذنوب غيره؟ ( ليحملوا أوزارهم كاملة يوم القيامة ومن أوزار الذين يضلونهم بغير علم ألا ساء ما يزرون)

أبواب الرزق كثيرة جدا, فلا تطعم نفسك وأهلك من مال حرام يكون عليك وبالا في الدنيا والأخرة

وفقك الله