بسم الله الرحمن الرحيم


اللهم صل وسلم على نبينا محمد

يا اخوان بذكر لكم تجربتي بالتفصيل

اولا اناا نسان اعرق بشدة سواء كان الجو بارد او حار ، سواء كنت جالس او واقف ، سواء كنت واقف ولا امشي

يعني اعرق 24 ساعه ، ووقت التوتر العرق يزيد بصورة غير طبيعيه

يدي دايما معرقه ورجلي

كنت البس اثواب ملونة لاني لو لبست ثوب ابيض بيبان العرق على الثوب تحت ابطي مهما كانت الظروف

جربت ابر بوتكس وللاسف ما فادت معي باي شئ

قبل عدة اشهر شفت موضوع بالمنتدى العام عن فنايل داخلية تمنع ظهور البعق

وللامانة سعرها مرتفع لان الفنيلة الواحدة ب26 دولار ما يقارب 90 ريال



https://thompsontee.com/men/sweat-proof-undersh...


توكلت على الله وشريت لي 3 حبات وانا مقاسي L لكن قلت اخذ XL للاحتياط

ولما وصلتني طلعت الفنايل كبيرة جدا جدا جدا وشكيت ان المقاس اللي وصلني XXXXL

بعد دخول الموقع تبين ان مقاساتهم كبيره والمفروض تحسبها قبل ما تشتري


تواصلت معهم وقالوا ابشر بعزك رجعها ونبدلها لك لكن الشحن على حسابك :d

عرضتها بحراج والحمدلله قدرت ابيعها براس المال يعني ما خسرت الا فلوس الشحن

بعد ما حسبت حجم ملابسي رجعت واشتريت مقاس M والمفروض هو يكون على مقاسي

لكن وصلني وطلع كبير شوي عليا :d
اعتقد المفروض اخذ ( S ) سمول

عموما بعد تجربة التيشيرتات جدا جدا جدا فادتني وصرت البس الثوب الابيض واخذ راحتي واقدر ارفع يدي بدون ما استحي :d:d


بالصدفه باحد المواضيع لقيت هذه المنتجات



https://www.amazon.com/gp/product/B073G2D3TW/re...



https://www.amazon.com/gp/product/B0747TC856/re...



المنتج الاول لتقليل التعرق باليد

والمنتج الثاني لتقليل التعرق بالرجل اكرمكم الله


انا تحمست واخذت لي البكج كامل مثل الصورة ( 3 و 3 ) طبعا هو ينباع لحاله حبة لكن بامكانك تاخذ البكج وتوفر عدد قليل من الدولارات :d


جربت حق اليد وفادتني جدا والتعرق صار قليل حتى اذا توترت يصير تعرقي عادي طبيعي مثل اي شخص

وقت الاختبارات صار يمديني امسك الاوراق بدون ما ابقع عليها بقع عرق :13:

جدا جدا فادني وصار استعماله يومي بالنسبة ليا

والعلبه الوحدة تطول تقعد معك حول شهرين الى 3 شهور

بس المشكله بتقعد فتره لين ما تعرف توزنها

اذا زودت الجرعه يدك بتنشف بدرجة غير طبيعيه

واذا خففت الجرعة بتعرق ، يبغالك فترة لين ما توزن الضغطه على علبة الكريم

بالنسبة لحق القدم ، جربته وبامانة ما عجبني ، لانه يبغاله حول 5 دقايق عبال ما ينشف ( عكس اللي باليد 30 ثانيه وهو ناشف )

وخفف التعرق لكن بنسبة30٪ تقريبا ، وما صرت استعمله الحين


قبل اسبوعين وانا اتصفح بامازون حصلت هذا المنتج من نفس الشركه



https://www.amazon.com/gp/product/B07GY241Q3/re...

وبسبب ثقتي بالشركة على طول طلبيته (( للامانة قريت التقييمات وكثير يمدحونه )):d

وصلني وكانت طريقة الاستعمال

انك تحطه قبل ما تنام

جربته للان 4 مرات

وبكل امانة ما عاد استخدمت الفنايل اللي تخفي البقع

صار التعرق بابطي طبيعي جدا وصرت البس فنايل عاديه تحت الثوب وما اعرق الا اذا سويت مجهود


اخيرا صرت احس اني انسان طبيعي مثلي مثل باقي الناس

يمديني البس ملابس عاديه واتحرك واروح واجي واسلم على الناس بدون ما استحي

يعني بالعربي اعيش حياة طبيعيه

والاسعار اشوفها جدا ممتازه ما يقارب ال60-70 ريال للعلبة الوحدة وتستمر معاك شهور

وبامانة لو سعرها 200 ريال برضو حشتريها لانها فكت ازمة كبيرة بحياتي


حبيت اشارككم تجربتي لاني ادري فيه كثير اشخاص يعانون مثل معاناتي وما يعرفون عن مثل هذه المنتجات


جربت قبلها منتجات كثيره وخسرت مبالغ حول ال2000 ريال بس محد فادني غير هذه الشركة

اتمنى اني اكون قدرت اساعد ولو القليل منكم

اسعدكم الله في الدارين

https://www.amazon.com/SweatBlock-Antiperspiran...

هذا المنتج استخدمه من سنتين ونسيت التعرق ومشاكله وتوي راجع من سنغافورة وعلى مستوي الجو السيء الا اني ارتحت من مشاكل التعرق بالإبطين
موجود له وكيل يبيعه بسوق بنفس سعر امازون

انا مشكلتي التعرق من فروة الرأس اوووف مطر ماشاء الله والوجه يعرق ويلمع ناوي اسوي بوتوكس بس مادري اذا كويس او لا + اللي يعرف افضل عيادة تسويه اكون له من الشاكرين