هم كذا الوكالات اذا شافوا واحد لما قالو له خراب كذا قال تم صلحوه . يحاولون يستغلونه في الزيارة الثانيه . نفس نظام stc اللي منضبط في التسديد يضعفون عليه النت لكن تالي يهاوشهم كل اسبوع يكشون معه صح

عبداللطيف جميل من تعاملي معاه لسنين طويله فالفتره الاخيره اصبحت سياستهم استنزاف يعني تدخل السياره صيانه عاديه شويه بيتصل عليك يقولك الفحمات منتهيه ولازم نخرط الهوبات شويتين بيرجع يتصل لقينا مساعد سيء لازم نغير طقم شويه بيتصل كفراتك مو كويسه (حتى لو جديده بيقولك نغيرها) وهكذا اذا وافقت بيكعوك ٣ ولا ٤ الف وان ماوافقت يحاول يهول الموضوع وبعضهم يخاف ويغير واسوأ استغلال حصلي عندهم رحت ومساعدات الكبوت مفقعه مارضيو يستقبلو السياره تحت ذريعة انه مانقدر نشتغل كذا وبعد مناوشات قلي بنغيرها وبتكلف ٥٠٠ بدون خصم قلت امري لله اخر شي فالفاتوره قيمتها ١٢٠٠ وبعد مضاربه وشق انفس حسبىها ب٧٠٠ حسسني جايبله بي ام وفوقها ليومك وزنية الكبوت فيها ان واحد من المساحات يدقر فيه ليه مخش البويه

زميل لي طلع كورولا واقفه في الصااله في الوكاله. كان عليها لوحات .قالو هذي واحد كان بياخذها تاجير ثم هون بعد تركيب اللوحات وبنخصم لك فيه مبلغ طيب.
شراها . واليوم الثاني كلمني يقول السياره ماتمشي قلت مرني وطلعنا اكتشفت ان الكلتش منتهي .
طبعا العداد يوم اخذها كان ٣٨ كيلو فقط.
مشيت بها على طريق الحجاز والسياؤه ماشي هلكانه .ولا اعجبتني واساءله اقسم بالله انها من الصاله وطبعا رجل كبير ولابيكذب .
رجعنا للوكاله صباح اليوم الثاني قالو دخلوها صيانه
واظن طلبو مبلغ . حول ١٤٠٠
قلت ليش قال اجرة فحص وتشييك ودفعه عالحساب واذا صلحت عندنا اجرة الفحص تدخل في اجرة الاصلاح . قلت السياره عالضمان قال لا ياعمي هذا داخله عندنا اربع مرات وطلعت من الضمان .قلت هات برنت يثبت واعطانا . وبمعرفه في المرور طعنا تاريخ اول استمارة لها .طلع مستخدمه ٧ شهور.
واخذنا الاوراق وعلى مدير الفرع قام يحوص ويلف ويدور ويقول يمكن ما مرنتو السياره زين ولا ماتعرفون تسوقون ويوم احط له البرنت قال امرو .طبو وتخيرو اي موتر خذوه بالقسط اللي تبون وبسعر الكاش واقل .
وتحول الموضوع الى علوم قبايل راحو جابو ناس من ربعه وكلموه وجوه البيت بقيمة السياره وحب خشوم انه مايصعد الموضوع من هالكلام . وشرط عليهم ان السياره تدخل قسم المستعمل واثبات ذلك . وحلو المشكله وديا . ومره كنت لي صيانة خريص ناخذ سياؤة احد الشباب ولاحظت المثلث حق المرايه لجانبيه من الداخل في الكامري يغطي عالمسامير ماهو فيه ونكلم المشرف طلع مفك من جيبه ونقزه لنا من كامري ثانيه وركبه . فالعبث كثير في الوكالات

الله يغنينا عنهم , سيارة نظيفه وجديده , ايش بيخرب فيها يعني !!

المفترض فيه شركات اخرى في السوق اذا العميل لا يريد ان يتعامل مع الوكيل المتسلط .

في وكالة بتاخذ قطع من سيارة مستخدم صالحة وتركبها بسيارة طالب مالكها تصليحها
وتحط القطع الخربانة بسيارة الثاني ... والثاني يتوهق فيها


هذا غير انه السيارة ممكن تنحك لاوديتها الصيانة من قلة اهتمام ...

حصلت في اغلب الوكالات .

هذي حصلت معي


وديت افالون عشان المكيف ما يبرد

قالو الثلاجة يبغالها تغيير

وافقت و صلحو و تم الدفع


بعد تقريبا 10 الاف جيت بغير الزيت الا و الكبوت ما يمسك لفوق

سرقو المساعدات و بدلوها بخربانه