اول شي اخيار موفق لماليزيا ،، من افضل دول العالم المهيئة للسياحه ،، والله يهنيكم ،،


لكن مافهمت تقول 4000 حق ايش بالظبط ,, اذا كانت للرحلة فهي ماتكفي ابدا ،، لان الدولة غالية

ماليزيا مشكلتها الجو الحار بالذات كوالالمبور
انا زرتها العام في كوالالمبور سكنت في ال st regis مكانه ممتاز وهادي وفندق لايعلى عليه
في عندك Bukit Tinggi قرية فرنسية جميلة وعندها منتجع اسمه The Chateau روعة
ولاتنسئ تروح penang and langkawi والفعاليات كثيرة وميزة ماليزيا رخيصة جدا الله يوفقك

المعذرة تم التعديل
المقصود سعر التذاكر 4000 ريال
والميزانية اكثر من 20 الف

الجو ماله حل الشكوى لله

وعليكم السلام
والف مبروك مقدما
بالنسبه لماليزيا الان جوها حااااار انصحك بأوروبا الصراحه
انا كنت في ماليزيا شهر يناير والجو لك عليه يخرب عليك المتعه ... لكن اذا ناوي تروح انصحك تروح دايركت احسن لك ع الخطوط الماليزيه ممتازه جدا لكن الوجبات عندهم لك عليها .. كلفتني التذاكر 5100 دايركت من جده لكوالالمبور
..

انا مثلك 15 يوم...
3 ايام سلانغور فندق الصن واي لاقون
5 ايام لنكاوي منتجع موريتوس وانصحك فيه مررره رايق
4 ايام بياننغ فندق قولدن ساندس
3 ايام كوالالمبور ..

طبعا التنقلات هناك انصحك بأوبر جدا رخيص وممتاز ...

والله يوفقك وييسر امرك ...

حياك الله اخوي و بالتوفيق ان شاء الله


سفرة هنيئة و موفقة ان شاء الله


طبعا انسى موضوع السلبيات في ماليزيا, مالزيا جميلة جدا جدا و راح تنبسطون ان شاء الله. ( جهز الجاكيت لان فيه مكان واحد بارد نوعا ما !!! ) بس ولا باقي الاماكن خليها ملابس خفيفة.


1) سيلانقور: ليلتين للاسترخاء بعد السفر و السكن في Sunway Resort Hotel & Spa و الاستمتاع في منتجع سن وي لاقوون الملاصق للفندق تماما. و ايضا هناك مجمع تجاري كبير ملاصق للفندق.


2) بينانق: 3 ليالي. بينانق كبيرة و فيها نشاطات كثيرة و اماكن تمشية كثيرة. و انصحك بالسكن في فنادق و منتجعات 5 نجوم. تسكن في 4 نجوم صحيح توفر فلوس, لكن في بينانق خياس حدهم الفنادق 4 نجوم " أسأل مجرب :( "


3) لانكاوي: 2-3 ليالي اتوقع كافية نظرا لتركيزها الشديد على الاسترخاء. تطلع لها طيران من بينانق, طيران احسن لك من العبارة. و لانكاوي هي الوحيدة اللي بتحتاج طيران انك توصل لها, الباقي كلهم بالسيارة.. يعني لو حسيت ان مالك خلق قلق المطارات, تقدر تلغيها من خطتك و تكمل باقي الخطة..


4) كوالالمبور: تستطيع قضاء باقي الليالي فيها. و خصص يوم للذهاب بدري الصباح الى مرتفعات جنتنق و هنا راح تحتاج الجاكيت :) تطلع لها بدري الصباح و ترجع العصر.


5) مرتفعات كاميرون: لم أذهب لها صراحة, لكن مكان خيالي. ممكن انك تضيفه الى خطتك و تقضي هناك ليلتين. تقدر تروح لها بعد بينانق مباشرة. و اذا خلصت كاميرون, تطلع كوالالمبور اخر محطة لك..


** فيه مدينه اسمها صباح Sabah, لا اعرف عنها شيئا ابدا. ممكن انك تبحث عنها و اذا عجبتك تقدر تضيفها مع خطتك, و لكن مشكلتها لابد من الطيران لها لانها بعيدة جدا..


بالنسبة للمواصلات هناك, ماراح تضيع ابدا.. السواويق مطشرين بكل مكان. اول ماتروح سيلانقور, بتشوفهم حول الفندق يمنظر زباين. تقدر تتفق مع واحد يمشيك, اليوم تقريبا 250-300 رينقت , ممكن جدا هالسواق يمشيك في بكل مكان بهالخطة ما عدى لانكاوي طبعا لانها طيران.


بالنسبة للمطار في كوالالمبور, طبعا لا تنصدم. لما تنزل المطار, لازم تركب aero train عشان يوصلك من قاعة الركاب الى قاعة الجمارك و انهائ الاجرائات. فاا انت خليك مع الخيل يا شقرا. شوف الناس يركبون اركب معهم :) و ايضا هناك لوح ارشادية


بالتوفيق اخي العزيز

ماليزيا جميلة جدا

لنكاوي فيها انشطة كثيرة ( انصحك تقعد فيها اربعة ايام او خمسة )

فيه عندك
جسر السماء-حديقة التماسيح-عالم ما تحت البحار-التلفريك-الرحلات البحرية

واذا ركبت معه تاكسي بتلاقي معاه منيو مثل منيو المطاعم فيه جميع الانشطة

هذا رأيي : :17:


Kuala Lumpur
أربع ليالي



Melaka
ليلة

Johor Bahru
ليلة

Kota Kinabalu
ثلاث ليالي


George Town, Penang Island
ليلتين



Langkawi
ثلاث ليالي

الجو زي ما قلت فوق ماله حل
اوروبا كنت افكر فيها لكن اجلتها لفتره مقبله


عوافي











شرحك ووووافي يا غالي


بالرد الجاي راح اكتب خطتي المبدئية
ويهمني تعقيبك عليها








لينكاوي جميلة وبينانغ جميلة ايضا
انا زدت الاايام في بينانغ لأن الحركة والحياة فيها اكثر مساء

شاكرلك مرورك والمعلومات









مخطط حلو
الله يعطيك العافيه

يعطيكم العافيه شبااااب



طبعا

الوصول 22 يوليو 10 مساء
المغادرة 5 اغسطس 7 مساء



مبدئياً

سلانغور ( ليلتين )
( علما ان اليوم الاول بيكون يوم الوصول الساعه 10 مساء يعني راح علي )
وبيصفالي يوم في سلانغور هل هو كافي ؟


عموما

ليلتين سلانغور -------------------- 22 - 7 الى 24 - 7
3 ليالي لينكاوي ------------------- 24 - 7 الى 27 - 7
4 ليالي بياننج ------------------- 27 - 7 الى 30 - 7
ليلتين مرتفعات الكاميرون -------- 30 - 7 الى 1 - 8
4 ليالي كوالالمبور ----------------- 1 - 8 الى 5 - 8


ياليت تأكدون لي التواريخ صح علي ؟
عشان ما اجيب العيد :d



بالنسبة للفنادق

سلانغور ( صن وراي ريزوت )
لينكاوي ( الويستن او ذا دانا ) كنت بضيف الفور سيزون لكن يوم شفت سعره تعوذت من ابليس هههه
بياننغ ( شانغريلا راسا ساينغ أو الجولدن ساندس أو البارك رويال )
كوالالمبور ( جراند حياة أو التريدرز )


محتاج نصائحكم وياليت تفيدوني بالفنادق اللي لا يوجد فيها شطاف
لأني لاحظت بعض الفنادق فيها والبعض الاخر لا يوجد ..





بالنسبة للبرامج السياحية امرها بسيط اقدر ادبرها ان شاء الله



هل تنصحوني استأجر سيارة اتكلم عن لينكاوي وبياننغ ومنها للكاميرون
او اتفق مع تكسي او اكتفي بأوبر وقراب اذا كانوا متوفرين بالجزيرتين ؟



وبالنسبه لصرف العمله حاب اصرف 3 الاف ريال تكون معي أحتياط
اصرفها من هنا في الرياض ولا عادي اذا وصلت هناك ؟

معي بطاقة السفر طلعتها قبل اسبوعين تقريبا من بنك الاستثمار
لكن للأسف لا يوجد فيها العملة الماليزية فهل هي كااافيه هناك قي ماليزيا ؟


وفيه سؤال في بالي انا استخدم اكثر من حساب في اكثر من بنك
لو حبيت احول من حساب الانماء مثلا الى حساب البنك السعودي للاستثمار وانا في ماليزيا
هل راح اواجه مشكلة من ناحية رسالة التفعيل والارقام اللي توصل بالجوال للدخول الى الحساب ؟







اي نصااائح او تعديل او اضااافه يا شبااب ؟

جدولك ممتاز...بس نصيحة...في فنادق ارخص وافضل بكثير...حرام كل هذا المصروف على الفنادق وانت حتقضي كل يومك برا

شوف لو رحلتك 30 يوم وتقول نصفها راحة داخل الفندق والنصف طلعات...كان ممكن

بس كلها يومين ثلاث في كل مدينة, يعني وقتك كله في زيارة معالم ونشاطات

نصيحة نزل سعر الفنادق للنصف وخذ الفلوس واستمتع فيها انت والمدام



بخصوص السيارة...لا تحتاج ابداً ...حمّل تطبيق Grab نفس فكرة الأوبر....رخيص جداً ويغنيك عن اي شيء اخر

في لانكاوي., انصحك بفندق على شاطئ سينانق Cenang beach

صحيح اللي اخترته جيد...لكنه معزول عن باقي الجزيرة ومافي حولك اي شيء...

كلامك منطقي جدا
لكن يا غالي وش الخيارات اللي قدامي ؟


لانكاوي غالبا اختياري حيكون الويستن صحيح غالي
لكن ممكن اتغاضى عن باقي الفنادق في المدن الاخرى


بخصوص Grab هل هو متوفر بالجزر ؟



الف شكر لك

شوف انا ب لانكاوي انصحك ب Meritus Pelangi Beach Resort

ارخص بشوي من الوستن ولكن موقعه افضل ب 100 مرة


في كوالا انصحك ب Impiana KLCC اتوقع نصف سعر الترايدرز

باقي المناطق على حسب خياراتك بس


Grab شغال في بينانق 100% وفي لانكاوي عندك اوبر وقراب يتنافسون

كوجة نظر ،، كثرة التنقل متعبة ،، ومن اهداف السفر الاسترخاء ،، يعني ثلاث مناطق كافية وافضل من خمس مناطق ،،

مثلا لنكاوي ،، قليل عليها ثلاث ايام ،، جزيرة كبيرة جدا وحتى شهر قليل عليها ،، انصح اقل شي اسبوع هناك ،،

وهذا المنتجع في لنكاوي Meritus Pelangi Beach Resort يصنف كافضل منتجع في لنكاوي ،، ممتاز جدا

http://turl.ca/snz
انصحك بهالمنتجع في لنكاوي

http://turl.ca/zup
بياننغ انصحك بالقولدن ساندس

بالنسبه للتنقلات خليك ع اوبر او grab
السواقين نصابين الصراحه وابعد عنهم بتلاقيهم بكثره في المطارات او حول الفنادق
انا اول يومين كنت ماخذ سواق ب 150 ريجنت لليوم
لكن اكتشفت ان اوبر اوفر لي منه ...


اللي عليك تسويه قبل السفر تبحث عن الاماكن المميزه بكل مدينه بتروح لها وخلاص وسوي جدول معاك ...

واطلب اوبر ويوصلك وانت مرتاح ..

وانصحك بإعادة النظر في المده والتنقل بين المدن ... لان كثر التنقلات وانت عريس متعبه جدا جدا جدا جدا ...

واي خدمه تحت امرك ..

سعر تذكرة نار يا غالي السيرلنكية 2430


https://book.srilankan.com/plnext/srilankanairD...


انا كنت فيها ميزانيتك تكفيك لان رخيصة

انا سافرت لها رخيصه لو تقدر تطلع تاشيرة سنغافورة كويس تطلبها من النت عشان تروحو يونفرسل استديوز


حجزت شقه من هذا Airbnb

اسعار اوبر رخيصه جدا بعطيك وحمل تطبيق grab نفس اوبر

انا حاط ميزانية الى امريكا 20000 شخصين من غير التذاكر عندي خبرة كنت فيها

يعطيك العافيه بشيك على هالفنادق واشوووف
الكثير يمدح قراب واعتقد اني بأستخدمه هناك بدال التكاسي
شكرا لك

وجهة نظرك بديت اقتنع فيها بصراحه ماودنا بالهجوله
بس بنفس الوقت ودي امر الاماكن الحلوه هنااك خصوصا البارده
طيب وش اقتراحاتك ؟

بخصوص المواصلات راح استخدم قراب واوبر
وبالنسبه للتنقلات بديت اقتنع بكلامكم ولا ودنا بالتعب
اقتراحاتك ؟