السلام عليكم مساء الخير..

ملاحظ كثره الاستفسارات بالقسم بخصوص الزينون والي ناوي بس خايف والي مايدري ايش الانواع وعلى هالموال...:d


تجربتي بتركيب زينون على موتر النترا 2015.. :d

الموتر جاي شد بلد عواكس بدون عدسات والبركه بوكيله الوعلان...

اذا بتمسك خط النور سيء ومعاناة ولايوضح لك الخط..:39:

ايضا بعض ضعاف النفوس الي تلقاه داق العالي بوجهك (حقين اللاندكروزر واللكزس) بشكل خاص تحرقه بالتكبيس ومايراك شي ودك توقفه وتمسح به الارض..:39:

طبعا بعد هالمعاناه قررت اركب زينون واضرب عصفورين بحجر واحد..

الميزانيه المرصوده 1500 ريال..

(التركيب كان قبل 6 اشهر تقريبا لاكن مايمنع اشارككم المعلومات لعل وعسى تستفيدون)..:d

عدسه Q5 : واطي ممتاز مع شكل جمالي..
عدسه هيلا٥: واطي جيد مع عالي ممتاز..
عدسه هيلا٥ اصدار كينق كونق: عالي وواطي جبار مع كت اوف حاد وشكل جمالي ...


بعد مقارنات وتفكير استقرينا على عدسه الهيلا5 اصدار الكينق كونق..:69:

وبدت رحله البحث عن العدسه ومقارنه الاسعار..

فيه محلات بجده مشهوره بتركيب الزينون اتحفظ عن ذكر اسمها واعتقد انكم تعرفونها شغلهم نظيف لاكن سعرهم شوي صلخخخخ..:30:


تم شراء العده المطلوبه من حراج..

عدسات هيلا طقم ب 420
محولات اوزوم 35w مع منظم ومانع ذبذبه طقم ب 250
لمبات ياكي صيني 5500k درجه اولى طقم ب 120
ظفيره(كتاوت) w35-55w صيني درجه اولى مع فيوز خارجي قاطع ب 150

....


وصلت العده وطبعا ضمان سنه...






بعد ماوصلت العده بديت ابحث عن محلات تركيب وتكون مضمون شغلها...


اكثر المحلات رفضو بحجه ان الشغل ترهيم وانهم مايعرفون..

بعد بحث يومين طحت لي على محل بالقصيم شغله نظيف وممتاز لاكن شغل يده شوي غالي لاكن يستاهل...


دقيت على المحل وحجزت موعد عنده اليوم الثاني
علشان يكون عنده خبر..


جيت للمحل ومعي العده وفهمت الفني وقال خلاص...


الفني الي يركب الزينون طلع نفسيه لاكن شاطر مايحب احد يعلمه اكثر من مره بس علمه بالي عندك واتركه..:35:
اخرتها سكتت وخليته يكمل شغله بدون اي تدخل مني والحمدلله اخذ ٥ ساعات عمل من فك الشمعات لحد تطبيقها على الموتر..:d



والنتيجه النهائيه فرق خوووورافي..

ماشاء الله تبارك الله..

















طبعا جوده الصور ولاحتى توصل 25% بالحقيقه وعلى ارض الواقع اقوى واجمل ولاكن الصور للتوثيق..:d


الان اسري بالليل وانا مرتاح ولااشيل هم مواليد برج الكلب الي يعمون خلق الله..:39:

اذا سوو شي اهوش لهم بشويش بالعالي ويقصرون من بعد ٢ كيلو ...:35:


ملاحظات بسيطة:
ليه ماشريت عدسه Q5?
- يهمني العالي والواطي اكثر..

ليه ماشريت محولات اصليه مثل الدينسو ?
- اغلبها مستعمله وغاليه وعمرها الافتراضي قليل .. المحولات الصينيه اثبتت جدارتها وجديده وعمرها الافتراضي يوصل 5 الاف ساعه...

ليه مركب زينون ليه ماركبت عدسات هالوجين؟
- عشان ادائها ممتاز واضائتها قويه + عشان مواليد برج الكلب..

هل التركيب به قص وتجريح على اسلاك الوكاله؟
- ابدا لاقص ولاتجريح كلها افياش كبس.. بس قاعده الشمعه عدلنا بها شوي عشان العدسه تثبت..

وش افضل المحولات الصينيه؟
- حاليا الديجيتل لاكن مقطوع و nhk g5 والاوزوم... جميعها تجي بمانع ذبذبه ومنظم تيار عشان السيارات الكوريه وغير الكوريه..

ليه ماركبت عدسات LED؟
- كل الي بالسوق ابوكلب.. الليد اذا ماجا شد بلد ولا لاتركب ابدا..

اركب الزينون بظفيره او بدون؟
- لاتفكر تركب زينون بدون ظفيره ابدا.. حتى لو عطاك ضمانات المحل.. ركب بظفيره مع فيوز وابحث عن الشركه الكويسه وابعد عن حقت الزينه الصفراء ام٤٠ ريال..


ختاما اللهم صل وسلم على نبينا محمد..