من تجارب سنين
خذ من وكالة الموتر
ثم
هانكوك خذها من بن شيهون نفسه
وليس محل حاط لوحة بن شيهون
المركز الاول في الصناعيه القديمه مقابل السالم للزجاج وانت واقف في الاشارة السالم يمين تشوفه يسار .
او في اول شارع الغرابي على المنحنى حق شارع الريل والغرابي
ممكن تحصلها في محلات اخرى .لكن اما سوء تخزين
او تاريخ قديم شوي .والاغلب اعادة تعبئة خصوصا اذا انت بعيد عن الوكيل قالك ضمان . واذا فيها مشكله ورجعت له قالك رح للوكيل وبعضهم يقلك زدني ٥٠ واذا فيها مشكلة تجيبها المحل. استغلال عجيب مع انهم ليسو خسرانين الوكيل يعوضهم .لكن عالم ماتشبع

روح للوكالات نفسها

واذا تبي بطارية الكترونية تقدر تروح الجميح او توكيلات العالمية او بترومين

انصح بنوع agm هذا الاسم التقني مش ماركة ، افضل من النوع العادي اللي منتشر بالسوق

بحثت عنه في جدة و مالقيت قمت طلبت من برا كلفتني البطارية الف ريال صناعة النمسا ضمانها ثلاث سنوات

دوبي عرفت ان النوع هذا متوفر عند بي ام الناغي و مرسيدس الجفالي بس اغلى

مركبها عندي لها سنتين و نص و شغالة تمام اخذت معها شاحن خاص اشحنها من فترة لفترة

ماشاء الله من يوم ركبتها للان مافي نقطة ملح على اصبع البطارية

وعليكم السلام
مش موثوقه البطاريات كلها واحد ابحث عن التاريخ الجديد ونوع البطاريه الجيد
والسعر الرخيص كل هذا تجده في البطحاء شارع الريل إن شاء الله

فيه محلات بطاريات متخصصة
فيه محل باوزير للبطاريات في الرياض ام الحمام شاري منه بطاريتي

شكراً لكم يا اخوان

البنشر غير موثوق ممكن بطاريتهم معاد تجديدها او مشحونة او كل ما طرأ على بالهم فكوها و استخدموها عندهم بالمحل يعطون فيها اشتراك ثم يرجعونها لمكانها..و غيرها الكثير دائماً اشوفهم بعيوني و كذلك اكيد سعرهم اغلى

بطارية سيارتي الشخصية هي موتوركرافت و اشتريها من الوكالة فورد و اغيرها على الضمان و اموري ماشية معاهم

لكن السيارة اللي انتهت بطاريتها هي سيارة البيت و شفت نوع بطاريتها الان و هي اكترون بلس Actron Plus



ممتازة ما شاء الله عاشت فترة طويلة اذا ما خانتني الذاكرة اكثر من سنتين و لهذا ناوي اركب مثلها ان شاء الله و حتى افكر اركب من نفس الشركة لسيارتي و استبدل الموتوركرافت بعد ما تتعطل

بعد البحث حصلت الشركة صناعة سعودية و هنا موقعهم للفائدة
http://www.battariat.com/ar/Products/ProductDet...

و هنا المحلات المعتمدة لبيع بطارياتهم ان شاء الله اروح لهم اليومين هذي
http://www.battariat.com/ar/Our-Distributors/De...

اطلع على الدائري الشرقي باتجاه الخرج
ودوير مع 14
وارجع في الخدمه
قبل 13 بتحصل محل كبير لوحته صفراء
يديره سعودي

هذا اضمن محل بعد بحث شهور
وكل سيارات اخوياي ياخذون منه

تقصد المحلات الموجودة مقابل سوق الخضار؟

لا
علي الدايري نفسه
لما تدوير مع 14 باتجاه 13
خلك في الخدمه على الدائري


محل فخم جدااااا
واجهزه متطوره

اول مرة اسمع عن اكترون او اني ما انتبهت لها
شكلها جيدة. عالاقل انها جاية من مصنع غير جونسون كنترول

اليوم الصبح بتصل على الشركة نفسها اللي تبيع اكترون بلس و بستفسر عن السعر و مقرهم

و ممكن ان شاء الله امر على المحل اللي ذكرته انت لكن ياليت اسمه اخوي عشان ما ننضيع..اخوك ساكن في اشد زحمات الرياض (خريص و الدائري الشرقي :d)



هذا موضوع لها بالمنتدى في 2014 و فيه مجربين لها
https://www.adslgate.com/dsl/showthread.php?t=1...

اللي اعجبني فيها عمرها عاشت كثير مع سيارة البيت و لهذا ابي اركب نفس النوع على نفس السيارة التيما 2011
عمر البطارية اعجبتني كثير افكر اركب من نفس الشركة لسيارتي فورد ايدج

للامانة ما عندي فكرة كم جلست البطارية على الالتيما لأن السيارة مشتراة من داخل العائلة و صار لها عندنا الان تقريباً وصلت سنتين كاملة و ما ادري متى كان تاريخ تركيبها

يعني على اقل تقدير عمرها اكثر من 2-3 سنوات ما شاء الله :)

لو تبي بطارية تعيش اطول ركب ام عيون وشيك عليها كل شهر او شهرين مره
صدقني تبي تعيش اقل شي سنتين

الغرابي محلاته واجد سير عليهم

الغرابي زينه
الزيت والبطاريات والكفرات شارع الريل

اعتذر

ترا اقصد الكفر
مدري وش اللي خلاني اقرا الموضوع غلط

انا البطاريه كل سنه اغيرها هدية عيد ميلاد
اكثر محل ارتحت له هي بطاريات باناسونيك وكيلها السعيد مخرج ٦ مب بدواعيس الصناعية

بس افضل بطاريات اذا حصلتها هي اوبتما هواه البر والتعديل يركبونها

موتور كرافت من الوكاله ضمان ٣ سنوات

انا ومعارفي ناخذ البطاريات من محطة AcDelco الي على مخرج 15 (الزاوية الشمالية الشرقية للمخرج)

ولله الحمد تجلس معي سنتين او أكثر، أعتقد لأنها مضمونة انها جديدة من الجميح نفسه وتخزينها بشكل جيد وصناعة حديثة

اما البناشر غالبا تطول عندهم البطاريات وتتعرض لحرارة الصيف والشموس وممكن يشحنون فيها سيارات ثانية وماتدري هي جديد ولا رجيع

انا مجرب بطارية باقادر واشوفها ممتازة جداً.. حالياً البطارية الموجودة لها سنة وماشية تمام واللي قبلها مشت اكثر من سنتين واتوقع فيها عمر زيادة بس للاسف انسرقت وغيرتها..

وكيلها موجود في الصناعية القديمة اذا انت جاي من جهة الخنشليلة والعزيزية بعد ماتنزل من الكبري تعدى اشارة السالم يجيك المحل ع اليمين بعد جسر المشاة واذا انت جاي من كبري الملز يصير المحل يسارك في الشارع الثاني..