السلام عليكم ورحمة الله وبركاته


من زمان ما قد نزلت موضوع في هذا القسم .
في مواضيعي السابقه كنت منزل تقرير شامل عن تجديد السياره للي يذكر جددتها من فك البدي وتجديد الشاصي والربلات الى البويه الى المكينه واصلاح مايلزم فيها والحمدلله الى السياره تسير على أكمل وجه وادخل فيها نفوذ ولها معاي ما يقارب ال3 سنوات من التجديد ولم اشتكي من شي الا هذي العله
فتحت موقع الشركه ولقيت بواجي رياضيه الكل يمدحها ويقول انها ليزر او شرر الاسم الاخر لها توكلت على الله وطلبتها وشريت طقم اسلاك بواجي رياضي 8 ملم بدل ال 6 حق الوكاله ووصل كل شي وتم التركيب عند اختصاصي وبرمجتها بنفس اللحظه ... وبرمجة داينو وجاب رقم ممتاز جدا والحمدلله
تفاجات خلال الايام الماضيه شغلته الصبح وقلت بداوم عليه لانه لازم يتحرك مايوقف الا السياره تقطع بعد اقل من دقيقه رجه غير طبيعيه خفت وطفيت قلت ارجع من الدوام وافتح الكبوت وصار فكري اليوم كله معاه وش فيه ووش جاه ماشاء الله كان شغال اخر مره طفيته مابه شي ..


رجعت من الدوام ولبست لبس العمل ولبست قفازات وطلعت الايباد وجهاز الobd وقلت بسم الله


شغلت وصوت طق طقه ورجه عرفت ان الكهرب مايوصل للبوجي قلت الامر بسيط شيكت على الاسلاك خفت الهدرز مع الحراره قطع الاسلاك الامر طبيعي وشديت عليهم ( البواجي مالها ممشى 20الف كيلو )
وشغلت نفس المشلكة قلت البوجي فكيت بوجي رقم واحد لقيته نايم على جنب ... .. .. هذي الصدمه افك اللي وراه سليم وافك اللي وراه نفس المشكله ( بجهتين متقابله ) طلعت جزء منهم والباقي لقيته منقطم او منقص من النص ما قدرت اطلعه اضطريت مع الاسف افك روس المكينه علشان افكها مع الاسف ما تحظرني الصوره لاني سافرت وخليت المكانيكي يضبطها
وهذا فديو توضيحي :




https://www.youtube.com/watch?v=0c2ecIjCI_o


القطع اصليه من المصنع وكلمت الوكيل والمصنع كل واحد يوديني على احد في النهاية اقتعنت انها مشكلة


وقريبا راح انزل تجديد ديكورات البيبان مع الشغل النظيف والضمان عليهم




ردك ومشاركتك تسعدني وتحمسني اني انزل مواضيع اكثر


والسلام عليكم ورحمة الله وبركاته