ماينفع معهم الا كذا

ماشاء الله بالك وسيع ,,

اكيد انه من حقك يتم تسليمها لك للمنزل لكن بما انه صارت مشكلة وماسلموك اياها من اول مرره المفروض تروح لها المكتب اذا كان قريب

او بالاقل كان استلمتها من المندوب الثاني ,, تتقابلون بمنطقة محايدة عشان مايدخل بالمنطقة المحظورة وتصير اشتباكات مع المندوب الاول لاسمح الله ^_^

كلامي هذا لاجل نوعية المنتج ,, مرمي بمستودع ماتدري وش اللي يصير فيه لذلك الاستعجال بتسلمه افضل

أنت صاحب حق واللي سويته هو الصح بعيد عن مجادلات خدمة العملاء اللي للأسف ما منها فائدة.


من 6 شهور قررت أريح بالي وما أدخل أو اتواصل مع خدمة العملاء لأي شركة شحن وأنتظر فقط انتهاء الوقت المحدد للتسليم وبعدها الله لا يوريك إيميل للإدارة الإقليمية أو الشركة الأم وطلبك بأقل من يوم وهو عندك.

البضاعة عبارة عن كبسولات قهوة تكلفتها بسيطة لأن طلبي مفصول على شكل صندوقين و اللي تكفتها عالية و مهمة وصلتني و استلمتها بالصندوق الأول

مستودعهم الرئيسي يبعد عني 23 كيلو و ساعة مشوار روحة و رجعة مع زحمات الرياض يعني ما تسوى العنوة و الملاحقة وراهم على قهوة عادية ما تتلف بالحرارة ولا غيرها :)



حياك اخوي و الشكر موصل لك في ارسال ايميلاتهم لي :17:

بصراحة انا مثل حالك ما اجلس اتواصل مع خدمة عملاء و غيره لأني بالأساس ما اواجه مثل هذي المشاكل نهائياً الا نادر جداً و السبب منطقتي كان يمسكها مندوب اراميكس رجال كبير بالعمر و افضل منه ما شفت
طيب بالتعامل و يعرف شغلته مضبوط و دائماً يتصل يقول انا عند البيت يعني لا يطلب ارسال لوكيشن ولا غيره و كان دائماً ملتزم بتوصيل طلباتي الصبح او الظهر و هذا افضل وقت و بصراحة حسيت اني عايش في حلم من الخيال مع هذا المندوب الله يجزاه خير وين ما راح
لكن للأسف نقلوه لمنطقة ثانية بالرياض و صار ما يجيني الا موظفين ماشين بالبركة بعض المرات يجيك 2 الظهر و بعض المرات 10 الليل يعني ما فيه اهتمام و التزام و اكثر من مرة يوصلها لي نفس المندوب لكن لازم كل مرة ارسل له لوكيشن موقعي
و بعض المرات اراميكس يتعاملون مع شركات خارجية لتوصيل الطلبات للمنازل في وقت الضغوطات و هذا واحد من مسببات المشاكل لأنهم يستعينون بموظفين خارجيين و مرة من المرات سلم لي موظف شحنة و رجع لي بعدها بيوم قال احتاج الورقة المرفقة مع الصندوق نسيت اخذها!!

و بالنسبة للشركات الثانية ما فيه الا البريد السعودي للطلبات اللي تجي مباشرة من امازون و الموظفين بصراحة ممتازين جداً لأنهم يمشون على العنوان الوطني :17:
و نادر توصلني شحنات على DHL و UPS و لكن اموري ماشية معاهم الحمد لله

و بالنهاية مشكلتك ما يكون سببها الا راس واحد شغال بالمستودع و متولي تنظيم الشحنات اللي تطلع من المستودع لأن هذي المشكلة الرئيسية و بمجرد ما تتحرك من المستودع و تطلع مع المندوب كذا بترتاح نفسياً

كيف طعم القهوة بس :d

عندي شحنة على أراميكس وأمازون حاط لي المتوقع وصولها 20 ديسمبر
وأراميكس من يوم ماخرجت من شيكاغو ماحدثوا التتبع، لها خمس أيام بالضبط

تنصحني أرفع شكوى ولا انتظر حتى الـ 20 ديسمبر

-
-
-
-
-


عندي شحنة على ارامكس متوقفه ب امريكا من 7-12 الى الان
وكلمتهم وقالو طبيعي علشان الاعياد ونهاية السنة

يا رجال انا لها ٨ ايام طالعة من شيكاغو والى الآن ما جاني شيء اتوقع هالفترة زحمة :22:

السلام عليكم
يعطيك الله العافيه ياصاحب الموضوع
رفعت الخميس الماضي شكوى على ارامكس على الايميلين الي حاطهم
وامس السبت تغيرت الشحنه الي تم طلب شحنه في يوم December 5وتم شحنها من فيش فاست من يوم December 7
وتم وصولها الى الرياض

شكرا لك على طرح تجربتك، والحقيقه كل الشركات في ايام المناسبات تظهر فعلا جودتها
فكل الدعايات اللي يعملونها ماعاد نشوف منها شيء .. لحتى قرب نهاية العام .

انا كان لدي شحنه من امازون الامريكي، استلمت ارامكس الشحنة في:
27 نوفمبر 2017 02:58 ص New York, United States



رسالة sms التسليم : "مع العلم وصلتني الرسالة الساعه 4.12 م"

11 ديسمبر 2017 12:32 م


تم استلامها في:

11 ديسمبر 2017 07:34 م

المشكلة مو هنا، المشكلة لما اتصلت فيهم الساعه 5.30 المساء قلت لهم ما اتصل فيني المندوب
قالوا الدوام ينتهي 7 المساء وراح يسلمها لك قبل هالوقت. اتت الساعه 7 ومااحد اتصل فيني،
تواصلت معاهم وقلت لاترسلون رسايل وتلزمون العميل بمواعيد غير مؤكدة. ومافي احد يستلم
الشحنة غيري وانا محتاجها رغم تاخير شحنها .
بعد اتصالي قلت لهم خلاص ابستلمها بكره لاني منشغل الان، قالوا اوك . ونسيت الموضوع،
فجاءه جاني اتصال الساعه 7.15 م من المندوب لاستلام الشحنة وتعذر لي انهم مضغوطين وملخبطين
وحالتهم حاله قلت معذور لكني خرجت الان، اترك الشحنة عند البيت بمكان ما، ولا رجعت استلمتها .

انا بالنسبة لي اقدر ضغط العمل ايام المناسبات لكن لاتلزمني بمواعيد او تهملني او تضيع شحناتي
او تتاخر بدون اشعاري .. حلو انك تجعل العميل بالصورة وماتهمله وتخليه هو اللي يلاحقك ويسال.

الله يعطيك العافية

موضوع مفيد بالنسبة لي اشكرك عليه

انا 17 يوم

حسبي الله من كان السبب الله لا يوفقه

شكراً لمروركم جميعاً



ارسل شكوى الى الايميلات المذكورة بالموضوع و بلغنا وش يصير معاك :)

بغض النظر

بس صراحة اشوف اراميكس افضل شركة حالياً

يوصل طلباتك للبيت من غير اي نقاش

مو DHL الملاعين ، يكتب في التراكنق تسليم الشحنة من المكتب حسب طلب العميل

و هم حتى رسالة ما رسلو

و تجلس نص ساعة تنتظر في المكتب

و فيدكس اللي كأنه راعي بقالة ما عنده الا "كم قيمة الشحنة ؟" و يسجل عليك فاتورة جمارك

هلا بجوبا :d

بالفعل اراميكس هي المفضلة بالنسبة لي عند التعامل مع الشحن الدولي سواءً من امازون او من تجميع عند شركات بريد امريكي او عند أي بائع يتعامل مع اراميكس مباشرة

و بالنسبة لDHL بحكم احد الاخوة عندهم طلبات كثيرة منهم دائماً المندوب يوصلها لنا مباشرة و حتى أي طلب يكون بأسمي يجيبها نفس المندوب من دون أي عناء و ما قد اخذوا علي رسوم جمركية الحمد لله

بالمختصر الموضوع كله ممكن ما يسببه لك الا شخص واحد فقط لا غير:

يا احد المسؤولين بالمستودع اللي يفرز الشحنات و ينظمها و يوزعها لكل منطقة و يسلمها لمندوب التوصيل
او مندوب التوصيل نفسه فيه كسل و يشوف اسم الحي و يحطها لأقرب فرع عشان تروح تستلمها هناك (المفترض يوصلها لك)

كلها أولا و أخيرا مشكلة ما يسببها لك الا شخص واحد و من نفس الشركة يمكن يتسلط عليك واحد ماسك منطقتك (مندوب التوصيل مثلاً) و بكذا يكون تعاملاتك مع الشركة هذي دائماً سلبية بسبب هذا الموظف
و لكن من نفس الشركة في مناطق ثانية مرتاحين العملاء معاهم جداً بسبب اختلاف الموظفين و هذا الكلام ينطبق على جميع شركات الشحن حتى البريد السعودي

و للأسف ما يكون فيه رقابة دائمة

أنا بعد عندي شحنة جايه من امريكا من 1 ديسمبر وللحين ما طلعت من نيويورك كلمت على الدعم الفني ٣ مرات وكلهم يقولون حنا موظفين ما بيدنا شيئ << ما أدري وش وظيفتهم اذا ما يقدرون يخدمون بهالشيئ

وش الايميلات الي اقدر اتواصل معهم بخصوص شحنتي ؟

ارامكس رقم 1 بالمملكه وتاخذ بعض المرات 5 ايام لباب بيتك
الناس تعطور وتسهل الامور وحنى عكس ران سير

شحنتي واضح جدا انها مع شحنتك. نفس التفاصيل اللي عندك موجودة عندي بالضبط.

أرسلت لهم على الايميلات اللي ذكرها الزميل كاتب الموضوع وردهم كان انتظر بنشوف الوضع ونرد عليك بأقرب فرصة. من العصر وانا انتظر ردهم.

اتمنى تخبرني باللي يصير معك

+

لو تقدر ترسل وش كتبت لهم عشان انسخ كلامك وارسله لهم مرة ثانية

Dear costumer services team.

Sorry for bothering you, But 17 days have left and the shipment is still in-transit. I'm beginning to worry about it.

I hope I receive the shipment as fast as possible. Since I really need it.

Best regards.

عدل عليها باللي يناسبك. ننتظر و ان شاء الله نستلمها هذا الأسبوع.