السلام عليكم ...

مبارك عليكم الشهر والله يجعلنا من المغفور لهم .

موضوعي اليوم هو شكر للاخ عبد المطلب
Dr nano على مساعدته لي بالشحن من الصين للسعوديه ..


سبق وفتحت مواضيع استفسر عن شركات للشحن من الصين مباشره للسعوديه ..لان جربت من الصين لامريكا وبعدين للسعوديه ..وللاسف تاخذ وقت طويييل مثل ما انتم عارفين .. فقلت أجرب شركة shiptao وبالفعل اشتركت معاهم وتم تجميع اغراض بقيمة 1000 ريال عندهم .. ولكن عند اختيار الشحن للاسف لقيت الاغراض متوزعه على اكثر من شركة شحن ..منها الشركات المعروفه عندنا ارامكس وdhl ومنها السنغافوري والايباكت ...

طبعا ماكان عندي علم ولا هم ذاكرين بموقعهم انه ارامكس و dhl ما تقبل ساعات اليد ولا المكياج .. وهالشي ضايقني لان بضطر ادفع لشحنتين او بالاصح ثلاث شحنات لان بعض الاغراض ما تطلع لي الا شركة شحن وحده وبكذا ادفع قيمة ثلاث شحنات غير انه ببريدهم تاخذ عشرين يوم لين توصل وحاسوني حوس ...

قلت بشحن الاكسسوارات وملابس واضاءات على ارامكس والباقي اشوف لهم حل ..شحنتهم وايضا واجهت مشكله بالشحنه بالمطار عندهم بسبب وجود بطاريه ..وتأخر الشحن لانهم رجعوها ووصلتني بعد اسبوعين ..فقلت بنفسي هذي اول واخر مره اتعامل معاهم ...

لقيت موضوع لافضل شركة شحن بالصين وباحد الردود الاخ عبد المطلب انه طالب في الصين وممكن يساعد ..وبالفعل راسلته وتواصلت معاه ..والرجال ماقصر معاي هو اللي كلمهم وتواصل معاهم ودفع من حسابه للشحن الداخلي من shiptao الى عنوانه عشان يختصر الوقت ربي يسعده ..صورلي اغراضي اول ما وصلته ..طبعا بعد ما كان متفق مع شركة شحن صينيه انها تشحن اغراضي بدون مشاكل سواء ساعات او مكياج ..وجهز لي الشحنه بعنواني السعودي حتى قبل لا احول له المبلغ ..وهالشي اثبتلي انه شخص امين وثقتي فيه كانت بمحلها

وبالنسبة لرسوم الشحن فكانت ارخص بكثييير من شركات التجميع اللي مصو دمي بسبب الوزن الحجمي ..ويكفي اني اقدر اشحن اي غرض ممنوع من الشركات المعروفه ..

وبيكون لي تعامل ثاني معاه خلال رمضان لاغراض ابيها قبل العيد ...

طبعا قال لي انه يوفر عروض واسعار مخفضه من شركات الشحن الصينيه ..وهالشي حنا محتاجينه بالفعل بدل طمع الشركات وتحكمهم فينا

وبالاخير شكرا لك اخوي على وقفتك معاي ..فكيت لي ازمه مايعلم فيها الا الله ..ويشهد الله كتابتي لهالموضوع هي فقط شكر وامتنان لهالشخص بعيدا عن اي مصلحه ثانيه ..لاني ماعرفته الا من خلال هالموقع وبوقت انا كنت محتاسه فيه ..

واي شخص يفكر يشحن من الصين ..انصحكم بهالانسان فهو أهل للثقه والامانه ويتابع الموضوع من بدايته وبشكل سريع .


وهنا بعض الصور من تجميعه وشحنه لاغراضي