السلام عليكم ورحمة الله وبركاته

سيارتي لكزس 2004 يعني مصنوعة من 13 سنة .. بالتالي ما فيها بلوتوث ولا aux

فوجدت طريقة لإضافة aux وبلوتوث لسيارات تويوتا ولكزس حيث ان المسجلات اصلا مجهزة لاستقبال اجهزة اضافية

الطريقة هي بشراء قطعة لإضافة aux + usb للمسجل من الخلف وهذا شكلها




بعدها شراء قطعة لاستقبال البلوتوث وتحويله إلى aux وشكلها كالتالي




بعدها شبك قطعة البلوتوث في اسلاك aux + usb اللي في القطعة السابقة

ثم شبك القطعة الأولى في المسجل من الخلف هكذا



وبكذا تدخل كل الاسلاك داخل الديكور وتقفل عليها وبيكون عندك بلوتوث داخلي في السيارة


103 ريال سلك aux + usb
50 ريال قطعة البلوتوث [ قطعة البلوتوث من موقع حراج بس تراها برا ب 20 ريال ]

الصوت صافي وواضح وما فيه زنة مع دعس البنزين

قطعة البلوتوث تاخذ الكهرباء من المسجل عبر usb مب من ولاعة السيارة وهذا الشيء ساعد على سهولة إخفاء الأسلاك داخل الديكور

تنويه حول قطعة البلوتوث
فيه قطع بلوتوث تشتغل بالشحن يعني تشحنها بعدين تشبكها في aux وتعمل لعدة ساعات قبل شحنها مرة ثانية

هذي ما تصلح في السيارات لسببين
الأول ان بعضها لا يعمل وهو في الشاحن ابد .. يعني اذا فضت بطاريتها لازم تنتظرها تنشحن
الثاني انها ما تطفى اذا طفيت السيارة وهذا يخلي الجوال متصل معها حتى لو تطفي السيارة وتنزل

قطعة البلوتوث افضل شي تكون بدون بطارية تكون مشبوكة دايم مع usb .. وتشتغل وتطفى مع السيارة

اتمنى للجميع استخدامها في ما أحل الله

والسلام خير ختام