السلام عليكم
في موضوع للاخ السوري الي يدور علي وظيفه وكتبت رد علي العام جاني من بعد هالرد كم من الرسايل :d

المهم انا الحمد لله موظف في شركه حكوميه براتب جيد جدا ولكن ليس بالممتاز
عرض علي واحد من اصحابي عمل حر
باني اشتغل مع تاجره او بالاصح طباخه في بيتها ولها حساب في الانستقرام
فرفضت لاني ما احب اتعامل مع الجنس الناعم
وبعد محاولات كثيره وافقت لانه تتوفر فيني شروط الثقه والامانه والالتزام بالمواعيد
وشرطت علي نفسي اذا شفت اي زله انسحب من العمل لان غنى وزنا مايجتمعو

وبالفعل اشتغلت وكنت في اول مشاويري اوصل الطلبيه واخذ الحساب بالاضافه ل 50 ريال قيمة المشوار وفي اليوم الثاني اعطيها فلوس الطلبيه او اعطي زوجها
وبعد ما اخذت الامان من صاحبة العمل ((لانها في كم مره تنسرق من موصل الطلبات ويختفي )) وبدات اوصل طلبيات واخذ مبالغ من زباين تصل ل 9 الاف حق التوصيل منها 1500 للشهر
وهالشي من زبون واحد بس

والحمد لله شهريا اطلع من 5400 ل 6000

الي ساعدني في هالشي عملي 4 ايام دوام و 4 ايام اجازه
فاحيان في طلبيات الساعه 11 الصباح ما اقدر اوديها فاستاذنها بان الطلب اوديه 3 العصر بعد دوامي فتوافق

واحيان تكون الطلبيه 4 العصر فاقلها اني في دوامي وعلي هالحال لان دوامي شفتات

غير ان بعض الاحيان تتصل عليك صاحبة العمل وتطلب اغراض للبيت خاصه للطبيه الي تسويها فتجيبها لها وتعطيك قيمة المشوار
وفي زباين لا شافوك امين ومحترم يطلبوك تجيب لهم
واحيان توصلهم لكني ارفض هالطلب

المهم اهم شي تتفق مع صاحبة العمل ان اللكاعه والبرود ممنوعين لجل لا تقعد تعد نجوم البيت تحت باب العماره :d
واذا طلبتك شي واشتريته تحاسبك في وقتها او تكتب مذكره بقيمة مشترواتها


والحلو في الموضوع ان عندي مع كل طلبيه ينزل لي صحن ورق عنب ومره كبسه ومره كبه :d
وفي كم شخص من ضمنهم حريم وصلت لهم طلبات لفترات طويله عرضو علي الزواج من عندهم :d ف الي بيتزوج لا يتردد :d

في اشياء كمان ماناسبتني لكن هالشي من شخص لشخص يختلف
واخر نصيحه لا تعتمد علي هالشغل كدخل ثابت لانه ممكن في يوم صاحبة العمل تتعب وتقلك بطلت اطبخ!

وهالشي وارد عند تاجرات الاكسسوارات والملابس ..الخ

والحمد لله الحين هالطباخه جمعت مبلغ وبتفتح محل وانا داخل معها شريك