مبديًا نسبة التمويل تقاس سنويًا، في حالتك ٦٠ شهر = ٥ سنوات يعني النسبة ١٥٪؜ وليس ٣٪؜، أضف لذلك الرسوم الإدارية ١٪؜.

وبحسبة بسيطة غير دقيقة: قيمة التمويل ١٠٢ ألف + ١٥٪؜ ربح و ١٪؜ رسوم إدارية = ١١٨ ألف تقريبًا وربح المصرف ١٦ ألف.

أنتظر ردهم اليوم ، صرفو البطاقين الإضافية سيجنتشر ووصلت وباقي البطاقة الأساسية اللي بأسمي .
كذلك تفجأت إنهم صرفو بطاقتين أخرى بلاتينوم إئتمانية بأسمين مختلفة من أفراد العائلة وأعتقد إنه خطأ منهم .

المفترض إذا ضربت الأقساط في 60 قسط يطلع نفس الإجمالي (المحسوب بنسبة الربح) بالهللة.

إذا طلع عندك فرق بين الطريقتين اسأل موظف المصرف أو مبيعات الهاتف، ليش المبلغين ما تطابقوا

مساكم الله بالخير جميع يالربع انا اخذت قرض 129 الف والقسط 2727 طلع علي بالفوائد 163 الف كم نسبة الفائده للبنك ؟

السلام عليكم
عندي قرض شخصي و عقاري مع بنك ساب. هل هناك طريقة بحيث أقلل الدفعه الشهرية؟ حتى لو كانت على حساب ان المدة تصير اطول، بس اهم شي تقل عندي الدفعات الشهرية. هل هناك طريقة؟

شكرا جزيلا

رح للفرع وسو إعادة جدولة

شكرا اخي الكريم

هل اعادة الجدولة لها شروط معينه؟ ام تعتبر عملية عادية و اي شخص يقدر يعمل اعادة جدولة؟

ماعندي علم لكن الافضل تتأكد من موظف الفرع , او جرب تتصل على الرقم هذا
8001245557
وتشوف هل عندهم علم

الله يجزاك خير
ماعندك مشكله
تتسهل ان شاء الله

السلام عليكم عندي سوال للي فاهم في القروض الشخصيه الراجحي ( اليوم الوطني جاي وفيه عروض )

ابي افهم لو مثلا المبلغ المطلوب ٣٠ فقط كم تكون الاجمالي تقريبا

وهل اقدر احدد ٣٠ علي سنه او ١٨ شهر

ياليت اللي اخذ ويعرف يفيديني شكرا لكم

العلم الاكيد تحصله من البنك واحيان يتغير كلامهم وقت التنفيذ

كل شحص له سجل ائتماني وظروف مختلفه عن ظروف الاخر فننظام البنك والموظف يحدد لك كل شي

جزاك الله خير بس بشكل تقريبي ال ٣٠ عادة كم الترجيع حقها شامله ؟

شف في اسفل الصفحه حاسبة تقريبية مخمخ عليها وتشوف وحط في بالك انها تقريبية ليست دقيقة

https://www.alrajhibank.com...

جزاك الله خير

مايمدي احدد المبلغ

دفعتك الشهرية info-grey
ر.س 1,398*
دفعتك الشهرية info-grey
ر.س 77,954*
المبلغ الإجمالي المستحق info-grey
ر.س 83,879*
معدل النسبة المئوية السنوي info-grey
3.47%

يقول كذا هو اختار لي هالشي

السوال الثاني الله يحفظك. الان هل شراء المديونيه مجدي

بمعنى لو عندك دين ١٠٠ الف سددته وصار ٥٠ وتبي تنقله لبنك اخر شراء مديونيه هل تفرق سواء بالربح او القسط يعني هل تسوى للي جرب ولا خساير وزياده علي الفاضي البنك الجديد يحاسبني علي المتبقي ٥٠ ولا كامل المبلغ ؟
لاني مافهمت شراء المديونيه كيف طريقتها ياليت اللي فاهم يشرحها باختصار شكرا لكم

وأياك
ايه ما تحدد المبلغ انت تحط بياناتك وهو يعطيك المبلغ اللي ممكن يطلع لك وتراها تقريبيه
شراء المديونية مستحيل بنك يأخذها منك باقل هم بس يلعبون على موضوع تخفيض القسط وفي المقابل تزيد المدة وبذلك تزيد الفائده
انا اشوف مافيها فائده وكذا بنك كلمني لاني قبل اشتري بيت فتحت حسابات في اغلب البنوك فمن وقت لوقت يكلموني البعض ويقلي شراء المديونية وعرض بطاقة فيزا ومن خرابيطهم
فهو مثلا يعرف ان قسطي حاليا 1700
وباقي علي 50 الف
بيخفض لي القسط مثلا الى 1400 ولكن تزيد المدة وتزيد الفائده البنوك تفكيرهم بعيد المدى

افهم من كلامك استاذي ان شراء المديونيه ضحكه ؟؟ مافيه توفير ولا شي ؟

اولا الله يرفع قدرك ماني استاذ احد
ثانيا هذا اللي لاحظته يوم امر عالبنوك مثلا قسطي الان 1800 هو يعرض علي شراء وجدوله ويخفض القسط يصير مثلا 1400 وطبيعي تزيد المدة وترتفع نسبة البنك

لكن هل هي تنطبق عالجميع ولا كل واحد حسب راتبه ووضعه المالي
جرب احد البنوك وشوف وش يطلع معك

الله يسعدك ويرفع قدرك اخوي

السلام عليكم

هل توجد لدى الشركات الماليه شي مشابه للكشف الحساب او وثيقه توضح الاصول الاستثماريه لدى العميل ( في حالتي محفظة اسهم ) شبيهه بالموجود في الحساب الجاري ؟؟

لدي رغبه بوثيقه توضح صافي ثروتي للحسابات الاسهم الاستثماريه
( محفظة اسهم ) لدى الانماء كابيتال .