اكيد افضل قرض من البنك

فوائد البنك اغلبها توصل لـ 1.5% اما فوائد الاقساط توصل 6 او8 %

البنك افضل وما يشملها التامين

احسبها أخي الكريم بالأرقام،، البنك أفضل و بنك عن بنك أفضل ابحث عن النسبة الأقل و احسب المجموع

Sent from my HTC One_M8 using Tapatalk

طيب يا شباب الشرعية كيف ؟

في قروض إسلاميه إسلاميه .. مبنيه على تمويل الاسهم

وهي حلال باذن الله

الاحسن انك تجمع كاش وتفتك من غثا القروض

اذا مضطر على الاقساط فأكيد الأفضل تاخذ قرض البنك
لان السيارة راح تكون بإسمك وتقدر تسافر فيها خارج المملكة من غير تصريح وتقدر تبيعها بأي وقت وتقدر تخلي أي أحد يسوقها
بعكس اقساط الشركة السيارة راح تكون بإسمهم ولازم ورقة تصريح لو حبيت تسافر فيها خارج المملكة ولابد تاخذ تفويض منهم لو حبيت تخلي سواقكم او اي أحد يسوقها عشان لو لاقدر الله صار حادث وانت مو سايقها راح يخلون مسئوليتهم من التصليح والتأمين

مد رجولك ع قد لحافك وخذ كاش على قدك حتى لو مستعملة

ال20 الف ولا 40 الف الزيادة انت اولى فيهم من التاجر الشجع

وش هالخرابيط .. 1.5%
يعني السياره ابو 100 الف تطلع ب 101500 .. زياده الف و خمس بس !!
يا رجال حنا شارين سيارة قيمتها 76 طلعت اقصاد ب 102 .. زيادة 26 الف
يعني 26% تقريبا !!

ال 1.5 نسبة تراكمية سنوية و العادة هي خمس سنوات

يعني 1.5*5= 7.5% من كامل قرضهم

يعني ١٠٠ الف راح تكون ١٠٠٧٥٠٠

لكن ابدأ النصيحة لنفسي ثم لأخواني المسلمين أن يبتعدوا عن بعض شبهات القروض وان يتحروا و يجتهدوا في السؤال عن شرعيتها.

طيب حنا اقصادنا على اربع سنوات و نص
اقسمها على 26%
بتطلع حول ال 6% سنويا

ولا انا غلطان ؟

عندك 3 خيارات

1- قرض
2- ايجار منتهي بالتمليك < ما انصحك فيه لوجود شبهه شرعيه فيه
3- تقسيط من البنك

القرض و التقسيط كلها بتكون بـ اسمك

وكلها فوائده قليله ال100 الف ياخذون عليك حوالي 7 الاف

بعد دراسات مستفيضفة
افضل شي شركات التأجير المنتهى بالتمليك
زي اوتو استار و اليسر فوائدهم معقوله جداً ..

بخصوص البنوك تراه لا حد يضحك عليك يقلك قرض اسلامي ما اسلامي
كلها ربويه دام بيعطوك 1000 الف ريال وتردها 1001 ريال الريال رباء بغض النظر عن الحديد حقهم ولا الرز ..

افضل شيء انك تتحرى الحلال

الحين اذا خذيت قرض من البنك تقصد لمدة 5 سنوات و هي مده طويله الافضل لو ممكن تقصد لمدة 3 سنوات او 3 سنوات ونص افضل من 5 سنوات وهاشي يتم عن طريق الشركه بس اهم شي يكون شرعي . عاد اشلون ما افتي فيها .

الوكالات تاخذ 9% فايدة (ممكن تكون 8 او 10)

3% في كرشها و 6% للتامين

على عكس البنوك نسبها ماتزيد عن 1.5% يعني سيارة بـ100000 تطلع عليك بـ107500

لو أخذت نفس السيارة أقساط بتطلع عليك بـ145000

فرق :63:

+1

السوناتا يوم جيت اطلعها تاجير سعرها 89 صار سعرها 139900 :14:

والله الفرق يخليك تجمد مكانك

والله نفس فكرتك أكورد بس ما اتذكر كم كان سعرها اتوقع 78 يمكن , وطلعت منتهي بالتميلك ميه والعشرين طيب ليه كذا عشان التأمين الشامل ؟؟ ولا اغلبها فايده .. !!
لأن لو اخذتها عن طريق بنك ما عليها تأمين شامل طول مدة القسط بعكس المنتهي بالتمليك !!

اخوي البيع يختلف عن الربا

المصرف ما يعطيك فلوس

يعطيك أسهم وأنت تبيعها وتاخذ الفلوس من المشتري

قد تنزل وقد ترتفع .. اما الربا فهو مبلغ ثابت لا ينزل ولا يرتفع

البيع له شروط يجب توفرها فيه
ان لا يكون بيع غرر .. بمعنى غش في البضاعة
ان يكون هناك تقابض يعني سلم او استلم او الاثنين مع بعض
ان تكون هناك سلعة جائزة .. ما يصلح بيع بدون سلعة بس فلوس

البيع له نظام وشروط في الشريعة والربا لا

آخر شي أذكر نفسي واخواني بالآية الكريمة

( الذين يأكلون الربا لا يقومون إلا كما يقوم الذي يتخبطه الشيطان من المس ذلك بأنهم قالوا إنما البيع مثل الربا وأحل الله البيع وحرم الربا )