وعليكم السلام ورحمة الله وبركاته

أنصحكـ أخوي أوزون بـلكزس RX موديل 2009 وحوله

أصلاً نادراً بتحتاج صيانة

مكينته نفسها مكينة الأوريون والأفالون ولكزس ES

بيعجبكـ في البر إذا أنت راعي تمشية بدون جلد

بيعجبكـ في نط الأرصفة بس بهدوء

مميزاته ما شاء الله لا قوة إلا بالله .. ما له منافس في كثرتها ..

تقدر قبل تقرر تجرب سواقته مع أي واحد عارض سيارته في حراج ومستعمل .. سواقة خمس دقايق أو عشر دقايق ..

مكان القير فيه ما عجبني .. بس تصميم الداخلية فيه خرافي ومميز جداً

باب الشنطة ينفتح آلياً [ بالريموت أو من عند السواق ]

أنوارهـ آلية التشغيل والإغلاق في النهار والليل

في حالة ركبت معكـ أوادم .. يضبط النور تلقائي عشان ما يعمي اللي قدامكـ

أنواره تلف مع الدركسون

فيه تكييف مراتب

فيه ذاكرة مراتب لوضعيتين او ثلاث

مريح جداً في الخطوط ما شاء الله تباركـ الله

قطع غيارهـ بتلقاها معكـ في كل ديرة .. بسبب إنه تويوتا .. ما تبلش بالوكيل والموزعين

فيه عدة أنظمة لتحسين القيادة
مانع انزلاق TRC
مانع انغلاق ABS
نظام التحكم بالمركبة VSC
إلخ

قيمته فيه لو حبيت تبيع بعدين .. ما ينزل واجد

بعض قطعه مشتركة مع الكامري والأوريون والأفالون .. إجباري بتلقاها

المراتب الأمامية جميعها متحركة كهرباء .. والمراتب الخلفية جميعها متحركة يدوي [ المقعد للأمام والخلف .. والظهر أيضاً للأمام والخلف ]

يعيبه عدم وجود صف ثالث مثل السنتافي وإذا كان قليل يركب معكـ أكثر من 4 أشخاص .. فما تحتاجها أصلاً


أنا معي واحد موديله 2004 .. وحاضر لأي استفسار

صنع في اليابان

سعر معقول جدا

سيد في الخط والبر وقير ارضي

العيب الوحيد الوكيل لا يستورد الا قطع اصليه فقط وقد يكون بعضها غالي نسبيا

ولكن لا خوف ان شاءالله من سياره جودتها من الدرجه الاولى

وعليكم السلام ورحمة الله وبركاته

أنت تتكلم عن موديلات كانت تكرف معك كرف الأكرفين ياشيخ !! تفكها وكاله وماتعرف الصيانه ووضعها تمام وكانت قيورها ودفرنساتها قوية بشكل غير طبيعي من ناحية تحمل وينكرف ماعنده مشكله !!

أما الموديلات الجديده الحاليه تغيرت عن قبل وصارت حساسه ويبيلك تهتم فيها وبقوه بعد !!

الحين السيارات الجديده لازم تنتبه لزيوتها وكل أمورها من صيانات سواء وكاله ولا صيانات خارجيه يعني يبيلك تسوي لها صيانه كل ممشى معين ولا ماراح تكد معك و تبي تبهذلك بالتصليحات !!

فَ لاتحط ببالك أو كذا تتصور إنك ماراح تحتاج تسوي للسياره صيانه !!

إذا شريت السياره مهما كان نوعها يلزمك تمشي على جدول الصيانه سواء إذا كان مكتوب بالكتلوج أو تدوره بالانترنت تحصله أو من الوكاله تطلبه وتبدأ تسوي صيانتها بنفسك بالوكاله بورش خارجيه الي يريحك وإن شاء الله يكرف معك الموتر عمر طويل !

،

أنا ركبت المازدا CX9 مع واحد يقرب لي بالرياض مستاجره لأن سيارته خربت وصراحه عزله وراحته حليله يعني ماعليه بس ما أدري بالضبط أي فئه ركبناها لكنه 2013 وماشاء الله جداً بطل الموتر بس للأمانه ماجربته ولا عندي أي معلومات عنه سواء إني شفت المقطع هذا قبل شوي وعجبني صراحه الموتر بشكل عام والجميل جداً فيه حجمه الصغير + داخليته الوسيعه الي بتشوفها بالمقطع وتنبهر !!

http://www.youtube.com/watch?v=1y2FADh5rTs

ولاتنسى الإستخاره قبل كل شي وبعدها توكل على الله وأشتر الي إرتحت لها !

:11:

انا مع الاخ جهاد السيارة جدا تمام واقولها بكل صراحة ترى السيارة نادرا ماتجينا صيانة الشركة وتكون فيها مشاكل بس زيت وفلتر ومع السلامة يعني سيارة جبارة ماشاء الله

انصحك بالسنتافي مجرب السيارة الى 80000 وما شفت منها الا كل خير على فكره السيارة مطلعها قبل سنة واداوم يوميا 100كيلو خارج الرياض والرجعه نفس الشي يعني 200كيلو يوميا .... العيوب العزل لك عليه الارضي ما عليه كلام بس عزل الهواء بعد 150 تسمع صوت ارتطام الهواء وليس تنسيم واتوقع سمك القزاز يلعب دور لاني بعد تضليل القزاز الامامي تحسن العزل بشكل كبير وعلى العموم الجيوب كلها كذا .. العيب الثاني التانكي صغير ... العيب الثالث السيارة لو كانت قويه شوي كان يا سلام بس عزمها ممتاز ورائع وفي الاول والاخير هي جيب بس سيارتي القديمة كانت انفنتي g38 وسلامتك يالغالي

انصحك بفورد ايدج

اذا شريته كتمه و وقفه بالطرق السريعة :d
معروفه هالسيارة انها ساهر :d

باجيرو والله رهيب كان مع واحد من الشباب وقبع بشاص وجه بوجه وراح الموتر .. تشليح
موديل 2013 .. والرجال ما جاه ولا شي الحمد لله
.

وقت شرائك خاطئ

الايدج والسنتافيه وcx9 والتوسان والcx7

جميعها ببتغير الموديل القادم 2015 ، او الي بعده اذا طولت مره !

اذا ما يهمك الشكل توكل على الله .

اذا يهمك الشكل ومضطر للشراء شوف تويوتا راف فور او نيسان باثفندر او شيفروليه ترافرس او جي ام سي اكاديا .

اذا تبي موتر دفع رباعي يكرف
يبيض وجهك
باثفيندر 2014 الشكل القديم شكل 2010
تلقاه في معارض النسيم النص فل دبل حدود 125 الف
بس سيارة
291 حصان
6 سلندر
3 مراتب
ABS
دفع رباعي مستمر

الستنادر 2014 الشكل القديم ب 100
بس مكيف واحد


Sent from my SM-N9005 using ADSLGATE mobile app

اذا تبي متوسط الحجم
عندك جمس اكاديا او شفروليه ترافيس
٣ صفوف للركاب يعني ممتازه
وامانها ممتاز

وخذ دفع رباعي افضل لك وإسأل عن الدينالي
وبالتوفيق

عندك جمس تيرين
يجي منه ٦ سلندر
صفين مقاعد
امانها ممتاز
وفيه منها دفع رباعي
ويتوفر فئة الدينالي فيها ميزة التنبية عند الخروج من المسار ونظام منع الاصطدام بالسيارة إلي أمامك اذا اقتربت منها
http://www.gmc.com/terrain-denali-premium-compa...

أخي الكريم .. أنت ذكرت المازدا عليها عرض قبل فترة تم الذهاب لهم وقالي سعر أعلى فئة منه 125 ألف أو 130 ألف ريال ( أمكن خلص العرض أو لا مدري )
أكثر شي جذبني نظام النقطة العمياء !
لا يتوفر في سيارات suv بهذا السعر !
طبعا أنظمة التعليق ألي هيا المساعدات ألمانية الصنع مثل ألي في ال bmw و مريسدس و يأتي بشاشة و نظام ملاحة و كاميرا خلفية ..
أنظمة الأمان ألي في المازدا أفضل و أحسن من جميع الخيارات ألي أنت ذكرتها !


تم الإرسال بواسطة iPhone بإستخدام ADSLGATE

نظام النقطه العمياء موجود باغلب السيارات حاليًا ومن ضمنها الترين والترافرس والاكاديا ، لكن شكلك تقصد نظام التحذير عند الخروج من المسار ، وهذي فعلا ماهي موجوده الا بالسيارات الفخمه مثل اللكزس والبي ام وغيرهم
بجميع الاحوال خيار المازدا ممتاز جدًا اذا الى الان العرض شغال ،

المازدا خيار جيد .
وعندك السنتافي كذلك ويميزه سعره ممكن لأنه كوري ويبون ينافسون .

اما لوتبي سيارة فخمة فخذ جينسس لكن خل الموديل الجديد ينزل للسوق وخذ اللي قبله أي 2014 راح يفرق السعر كثير .

موجودة بجمس تيرين دينالي
http://www.gmc.com/terrain-denali-premium-compa...
تلاقي فيديو بقسم الأمان safety شغله وشوف

لا أخي الكريم أقصد النقطة العمياء وكاتب أنا لسيارات suv بسعر المازدا ماتلقى فيها هذي الميزة .. ذهبت ي أبو نايف للجميع فرع الدمام الخبر دخلت ألقي نظرة على سيارات أنصدمت من الأسعار !!! بليزر أعلى فئة ب 145 ألف !! الأكاديا و الترافيس ل 2014 أعلى فئات سعر بين 170 إلى 180 ألف !! أظن أنهم يمزحون ولا لا كذا أسعارهم ؟
بصراحة أسعارهم ماتستاهل للمقابل أبدآ أبدآ !


تم الإرسال بواسطة iPhone بإستخدام ADSLGATE

Toyota Prado


v6 محرك جبـآر وشكل جذاب ومواصفات بالهبل .


شاهد الفيديو /
http://www.youtube.com/watch?v=t7QjX9qWtw4



وماراح أنصحك بالكـوري ... لازال سوقهم ناشئ ويحتاج وقت

برادو برادو برادو
والله مووووووتر
خويي عنده واحد للسواق، والسواق دلخ ما يعرف رصيف ولا يعرف مطبات
ماغير كرررررررررررررف، ، موديله ٢٠٠٥ والحين ماشي ٣٧٧
وزي الحلاوة مافيه اي مشكلة
مكيف بارد، عزم حلو و شكل حلو
موتر مقبول والكل يبيه وسعره فيه
واذا جيت تبيعه ما تخسر
انا ماني من شبيحه تيوتا الي يعززون لليارس والكورولا والكامري وهالمواتر الي مغشوشين فيها
لكن البرادو يستحق المدح