السلام عليكم وحمة الله وبركاته

وعليكم السلام ورحمة الله وبركاته
:
:
:
:
:
:
:
مهزله ما بعدها مهزله ... شحاذه على الانترنت بطريقه جشعه واستغلاليه ... وليتها تدر ذهب .. كلها 30 ريال ويمكن ما تجي بعد :whatchuta

أعتقد من الخطأ ياغالي انك تسميها شحاذة

لا بارك الله في الرابيد شير اللي يسوي كذا :mad:

كثرت في الاونه الاخيره ظاهرة الرفع على الرابيد شير للتكسب من الاعضاء النقاط ....


من المعلوم لدى الاغليبه ان الرابيد شير يمنحك 8000 نقطه عند كل اشتراك ... واذا وصلت نقاطك الى 10 الاف نقطه بامكانك استبدال النقاط باشتراك شهر اضافي قيمته حوالي 30 ريال ... و هنا تبدأ الشحاذه !!!

العضو الذي اشترك لدى الرابيد شير يريد ايصال الــ 8000 نقطه الى 10 الاف نقطه ليستبدلها باشتراك شهر ... و الموقع يعطي نقطه واحده على كل شخص قام بتحميل الملف الذي رفعه صاحب الاشتراك

أخوي الموقع مايعطيك نقاط الا بشرطين
1-ان اللي يحمل الملف مايكون عنده اشتراك في الرابيد شير
2-العضو ماياخذ أكثر من 5 نقاط خلال ساعة يعني لو مليون بدون اشتراك حملوا الملف خلال ساعة ماراح تحسب للعضو الا 5 نقاط
3-حجم الملف لابد أن يكون أكثر من 1 ميقا


المشكله تكمن في نوعية الملفات المرفوعه ... لو كانت ملفات باحجام كبيره بحيث يصعب رفعها مره اخرى اذا حُذفت من الموقع ... لقلت ان الرابيد شير هو الافضل بحكم احتفاظه بالملفات لفتره طويله .. ( رغم عدم قناعتي اساسا للرضوخ لعنهجية الرابيد شير ووجود مواقع بديله مجانيه تؤدي الغرض ) :)

المواقع المجانية قلت عيبها انت انها تحذف الملفات كل فترة وما اعتقد شخص بيكون فاضي يشيك كل يوم على الملف موجود أو لا ويرفعه مرة ثانية اذا كان محذوف

لكن المشكله ان الجشع والطمع وحب النفس سيطر على العقول .. فاصبح البعض يرفع ملفات صغيره يسهل رفعها على اي موقع اخر ... لكنه فضل الرابيد شير لحفنه من النقاط :confused:

رديت على النقطة هذي سابقا ان الرابيد شير له شروط عشان يعطيك نقاط ومستحيل تاخذ أي نقطة لو ماتحققت الشروط هذي

والاعظم من هذا رفع الصور على الرابيد شير .. تخيلوا شخص يضع الصور في ملف مضغوط ويرفعها على الموقع ... بدلا من عرضها مباشره في الموضوع الاصلي !!!!!

هذا معك حق تزعل وبقوووووة بعد

والاعظم الاعظم هو تحميل برنامج من الموقع الاصلي ثم اعادة رفعه على الرابيد شير ... ما دام الموقع الاصلي للبرنامج يتيح لك التحميل المباشر فما الحاجه الى الموقع اللـعين ؟؟؟

أغلب البرامج اللي مرفوعة على الرابيد شير يكون الكراك او السيريل موجود معها وعشان كذا مرفوعة عليه

اين حب الخير والغير ؟ سابقا كان الواحد ينتظر منك كلمة شكر او دعوه صادقه في موضوعه .. الان يريد منك تحميل الملف وعمرك ما رديت !!! ... ومن زود البجاحه لو طلبت رابط اخر يطنش ويسوي كأنه ما شاف ردك !!!

مادمت تحب الخير للغير فالأولى أن تقوم أنت بتحميل جميع الملفات الموجودة على روابط رابيد شير والجميع يعلم أن الحياة قائمة على تبادل المصالح حتى في عالم الحيوانات

قد يقول قائل ان 8000 نقطه لا اريدها ان تذهب هباء ... لكن قمة الانانيه تفكيرك بهذا المنطق في تفضيلك لنفسك على حساب الاخرين ... اذا ضاقت فيك السبل اذهب الى المنتديات الاجنبيه وافعل فعلتك .. او عمل لوبي لـ اعضاء الرابيد شير وكل واحد يحمل ملف الثاني :d

نفس الرد الموجود في الأعلى

وقد يقول اخر لماذا لا تشترك في الموقع ؟ كلها تقريبا 300 ريال اشتراك سنه ... وانا اقولك كلها 30 ريال اشتراك شهر ولا تقلقنا فيها :d .. انا لا استصغر المبلغ ... لكن 30 ريال ليست لـ لقمة عيش او لحاجه ضروريه ... على الاغلب 30 ريال من اجل تحميل الافلام والالعاب .. وحتى لو كانت لتحميل ملفات اسلاميه .. لكن ليس على حسابنا :)

رديت على نفسك انت بنفسك الاشتراك بـ 300 ريال في السنة يعني 82 هللة يوميا وحمل على كيفك وماراح احد ياخذ منك نقاط دام بخلك واصل لدرجة انك ماتبغى تحمل ملف من الرابيد شير عشان ماتعطي نقاط!!


وانا اعتب على اي ادارة منتدى تسمح لهذه المواضيع ... واعتب اكثر على اي عضو يدعم ويرد على هؤلاء المتربدون ... كيف تشكر شخص يريد منك مصلحه وخدمه شخصيه ؟؟ ... مدري كيف الواحد يحترم الشخص وموضوعه مصلحه لنفسه و ذو هدف ربحي قبل ان تكون فائده للجميع !!

يريد منه مصلحة شخصية وأنت أو العضو الذي يقوم بتحميل الملف ماذا يريد؟ أليست مصلحة شخصية له أيضا؟

اذا استمرت هذه المواضيع لا تستغرب يوما اذا قرات عنوان موضوع ودخلت عليه ولقيته فاضي ... واذا تبي تقرأ الموضوع لازم تحمل مستند ملف Word على الرابيد شير

كما ذكرت سابقا أن الملف المرفوع لابد أن يكون حجمه 1 ميقا على الأقل لكي يتم احتساب النقاط للعضو وما اعتقد فيه شخص بيكتب على الوورد إلى أن يصل حجم الملف 1 ميقابايت إلا إذا كان بيكتب موسوعة!!

:p

بما اني احد المشتركين الرابيد شير فأقول وكلامي ليس موجة لأحد بعينة:-

1- اذا كانت شحاذه ... فلماذا ما تصير هناك عزة نفس ودفع ثلاثين ريال بدل من التوسل والترجي والاستعطاف والله يرحم امك وابوك والقبيلة كلها بأن يرفع الملف الى مكان اخر .

2- كنت احمل الملفات على المواقع المجانية الاخرى غير الرابيد شير وتلقاء الى سحب الملف 100 والردود ثلاثة حتى كلمة شكر ثقيلة بالكتابة قلنا مانبي الشكر ونبي النقاط :201:.

3- مدة بقاء الملفات للمشتركين الى نهاية اشتركاتهم انا اخذ سنة وملفات لي رفعها 8 اشهر .

4- دائماً الشئ غير المجاني محارب عند العرب:p .


الاختلاف في الرأي ...لا يفسد للود قضية:wrd:

اي والله ازعجونا بالرابيدشير ذا والقهر العالم تقولك اشترك كلها 300 ريال بس !!!!!!!!!

يا سلام اجل لو على كذا اشترك الكاسبر اصلي وفك نفسك من وجع الرأس او اشتر الوندوز اصلي وبعد واشترو اشتر و اشتر الى ما تروح ميزانيتك اشتراكات وبرامج !!!!!!!!!!

عن نفسي مستحيل اروح لشيء بفلوس اذا فيه البديل مجانا ولا ادفع 300 ريال عشان كم كيلوبايت زايد والله اكبر يالي بتفرق اغلب الملفات الكبيرة الي حملها اتركها تشتغل بالليل اقوم الصبح القاها خلصت يعني فرق السرعة ماله اي اهمية

عساهم بس يكركرون الرابيدشير زي ما سووا مع كل شيء الكتروني ومحد احسن من احد

شكرا اخوي GAMOR على طرحك للموضوع :)

عن طريق الـ 300 ريال حقت الرابد شير ،، تلقي الويندز اكس بي وفيستا وتلقي الكاسبر والنود والنورتن وافلام امريكيه وهنديه وعربيه وافلام اتش دي ،، والعاب اكس بوكس والعاب بي سي وبرامج مع كراكاتها وكل هذا لمده سنه :)

ما اتوقع فيه مقارنه بين فائده الـ 300 ريال للرابد شير ،، و الـ 300 ريال للكاسبر :)

ونعم والله يعني ادفع فلوس بطريقة شرعية لجهة عشان احمل اشياء غير شرعية من داخله :201:

انا ودي اقول طريقة تحمل فيه الاشياء ببلاش واتوقع انت عارفها لكن ما ابغى الموضوع يتغير عن مساره ويصير موضوع مقارنة لان اخر موضوع لنا عن هذي المقارنة بالذات وصل فوق 10 صفحات وانا وانت نذكره ;)