كيف تتعرف على الموقع اذا كان موثوق او لا (بالصور)

iKhaled · 25-02-2009, 12:28 PM

السلام عليكم ورحمة الله وبركاتة

الشباب واجد يكتبون مواقع ما يعرفونها ويسألون هل هي موثوقة ام لا

خلونا نلخص الاشياء اللي على اساسها تتم الثقة بالموقع ونتشارك كلنا وكل واحد يقول اللي عندة

انا من ناحيتي

اشيك على كم شغلة عشان اعرف الموقع موثوق ولا لا

1- اذا كان علية نضام حماية وطبعا تختلف من موقع لموقع وهناك الكثير من شركات الحماية للمواقع وهذي تحمي المواقع من الهاكر ومن ال*****

وهذا صورة توضيحية لة طبعا الموقع للتجربة فقط ويمكن تاخذ اي موقع وتشوف شركة الحماية حقتة

وانا اخترت موقع مانشستر يونايتد للتجربة

Glory glory Man united
Glory glory Man united
Glory glory Man united

As the reds go marching on on on

هذا من حماس مباراة امس

المهم هذي الصورة لشركة الحماية بموقعهم

هذا الموبع هو المقصود

الخطوة الثانية هي

نضغط على الشعار حق شركة الحماية عشان نتأكد من صلاحيتة وانة فعلا مشتركين مو بس مجرد نشوفها نقول هذا موثوق

لان فية موقع اعرفة حاطها صورة بس ومو مشترك معاهم

هذا اللي يطلع لك بعد ما تضغط على الصورة

وانا مضلل تاريخ صلاحية الاشتراك

وكذا نتأكد من حماية الموقع ويكون 60% (بالنسبة لي انا ) آمن

2- وقت الدفع

لازم نلاحظ شغلة مهمة جدا جدا جدا

وهي ان تلاقي الرابط الصفحة اللي تعبي فيها بيانات الفيزا مكتوبة بهذا الشكل

واهم شي حرف S

وهذا مقتطف من إيميل جايني بهالخصوص

never ever enter your credit card number in an http website!

يعني لا تدخل رقم فيزتك ابد ابد في موقع يكون الصفحة فيها تنتهي بـ http

طيب فية بعضكم يسأل عن ايش معني S

هذا معناها

if the web address begins with ***** :// < ***** :///> , that basically means your computer is talking to the website in a secure code that no one can eavesdrop on.

* = H T T P S لاكن المنتدى ما يقبل يحطها

يعني الوضع الآمن

طبعا مافي افضل من الموقع اللي يتعامل مع الباي بال

الحين بالنسبة لي انا خلصت وهذي الشغلات الأساسية اللي ادور عنها بالموقع اللي ابي اشتري منة

هذا الموضوع إجتهاد شخصي مني وقابل للخطأ وسوء الفهم وآرائكم هي اللي تصحح لي ولغيري من الأعضاء اللي يقرون هالموضوع

أرجو ذكر المصدر في حال نقل الموضوع

اخوكم KhalidKhalid

yazeed_1999 · 25-02-2009, 12:53 PM

موضوع جيد أخوي خالد ...
أتمنى نشوف مزيد من مواضيعك ...

Abu Mo3ath · 25-02-2009, 12:56 PM

وعليكم السلام ورحمة الله وبركاته

أحسنت أخي الحبيب خالد بارك الله فيك

ذكرت الأهم وهناك إضافة بسيطة فيها فائدة إن شاء الله

أولاً علامة القفل في أسفل المتصفح تكون مغلقة

بهذا الشكل

ثانياً تبحث عن مراجعات ونصائح المجربين للموقع

تكتب في قوقل رابط الموقع ثم كلمة reviews

مثال shop.com reviews

وستجد كثير من النتائج تقيم الموقع وتتحدث عن إيجابياته وعيوبه

-

iKhaled · 25-02-2009, 01:06 PM

موضوع جيد أخوي خالد ...
أتمنى نشوف مزيد من مواضيعك ...

لك الشكر يا يزيد

اخي [ أبو معاذ ]

إضافة ممتازة وفوق الممتازة

ونتمنى ردود مماثلة وتقيدنا

مليون شكرا

Abdulah · 25-02-2009, 04:01 PM

معلومة حلوة بصراحة ومفيدة

انا تقريبا اتبع طريقة اخوي ابومعاذ
لكن ما ارتاح الاّ لما اشوف فيه امكانية للدفع عن طريق البايبال..
الفيزا ما استخدمها مباشرة الا في موقع امازون تقريبا

والله يعطيك الف عافية اخوي خالد

MEG · 25-02-2009, 04:09 PM

اذا كان بروتوكول http محمي يعني ينتهي بـ s عندها ستظهر علامة القفل في المتصفح

بالنسبة لـ VeriSign فهي تمنح الموقع شهادة بانه ثقة مو لتحميه و هذا اللي اعرفه !

اللـــورد · 25-02-2009, 10:55 PM

يعطيـكم العافيـه وبارك اللـه فيكم

لآ خلآ ولآعدم

Sniper258 · 26-02-2009, 09:59 AM

طريقتك ممتازة وتحميك من اشياء اخرى يقع فيها الكثيرين وياليت الاعضاء يلتزمو على الاقل بها

احب اضيف لطريقتك بعد التأكد من ان المتجر موثوق هو هل جودة الخدمة في المتجر وسمعته طيبة لانه يوجد الكثير من المواقع الموثوقة ولكن خدمتها سيئة واحيانا اكثر من سيئة وتغثك وتخليك تكره تشتري من النت وهي نفس الطريقة بالضبط كما ذكر اخونا ابو معاذ

iKhaled · 28-02-2009, 09:05 AM

اشكركم على تفاعلكم

ونبي زيادة وياليت روابط حق تقييم المواقع

يعني اللي يعرف اكثر من موقع يحطة عشان التقييم

كعات · 28-02-2009, 09:41 AM

شكرا لك بصراحه افادني الموضوع كثيرا

iKhaled · 28-02-2009, 11:54 AM

اتمنى ان الفايدة تعم وتضاف معلومات جديدة وطرق اجدد

عـاشـق سـراب · 28-02-2009, 01:42 PM

موضوع مهم اخوي خالد
الله يعطيك العافية

وبالنسبة لتقييم المتجر من المتعاملين معه
فيه مواقع كثيره اشهرها bizrate
وغالبا المواقع الموثوثقة تلقى شعار للموقع موجود عندهم ويكون فعال وعند الضغط عليه يوديك الى صفحة تقييم المتجر من العملاء وشعارهم

وهذي صفحة تقييم موقع amazon كمثال
http://www.bizrate.com/ratings_guide...__mid--23.html

تحيااتي