فاعلية التقديم عن بعد؟

[mhمحمد]

السلام عليكم حبيت استفسر للباحثين عن عمل او الموظفين، هل فعل ان التقديم للوظائف المطروحة سواء على لينكد ان او المواقع والايميل بشكل عام هي بالحقيقة طريقة غير فعالة لدرجة كبيرة مقارنة بالتقديم اليدوي للوظائف؟ تعرفت على شباب اثناء تدريبي الجامعي واكثرهم اجمعوا انه لو تقدم على وظيفة افضل لك تطبع CV حقك وتدخل على الشركات وتعطيهم! واثناء نقاشنا ذكروا ان التقديم عن بعد مافي اهتمام كبيره له؟ صراحة اول مره اسمع هذا الكلام فهل فهو فعلا اقرب الى الواقع؟ اخاف حقيقة اسويها وانكرش من باب الشركة خاصة ان منطقتي مافيها وظايف عليها الكلام ومضطر اسافر للشرقية او الرياض وغيرها علشان اقدم يدوي؟

 

 

[tony power]

مادري بس لي اشهر اقدم على وظائف لينكد ان لاحس ولا خبر ولا احد. عبرني بشيء

 

 

[fbf123]

وعليكم السلام ورحمة الله وبركاته

أعرف العديد من معارفي قدموا عن بعد منذ أكثر من سنة ولا حس ولا خبر

والبعض يجيه إتصال أو أكثر ولكن دون أن يجد عمل

بعد توفيق رب العالمين أغلب اللي أعرفهم يلقون وظائف عن طريق معارف لهم وليس عن طريق التقديم عن بعد وخلاص أنتهينا .

وإذا كنت تبحث عن وظيفة حالياً أدعو لك ربي يسهل أمورك دنيا وآخرة

 

 

[حمودي الاهلاوي]

للاسف التوظيف عن طريق المعارف والاهل والعلاقات مازال قوي وفعال جدا جدا جدا



وصار بطريقة رهيبة حتى لا يصير شبه فساد



يعملو اعلان ويعملو مقابلات وتدريب وكل شيء وبالنهاية الوظيفة تروح للشخص المراد له الوظيفة وكلو بالنظام ولا احد يشتكي او لديه دليل





صراحة اللي ماعنده علاقات ومعارف بهذا الزمن الله يعينه بس

 

 

[إبراهيم المسلم]

اصلا كثير من الوظائف ما يتم الاعلان عنها

أنت تحتاج تروح وتسأل وتحتك بالناس شف أقاربك وجيرانك واستفد منهم

 

 

[mhمحمد]

tony power

مادري بس لي اشهر اقدم على وظائف لينكد ان لاحس ولا خبر ولا احد. عبرني بشيء

صدقت والله بالذات LinkedIn تحس الاعلانات هناك ابراء للذمة يعني ترانا نعلن عن وظايف بس ماراح تشمونها

 

 

[mhمحمد]

fbf123

وعليكم السلام ورحمة الله وبركاته

أعرف العديد من معارفي قدموا عن بعد منذ أكثر من سنة ولا حس ولا خبر

والبعض يجيه إتصال أو أكثر ولكن دون أن يجد عمل

بعد توفيق رب العالمين أغلب اللي أعرفهم يلقون وظائف عن طريق معارف لهم وليس عن طريق التقديم عن بعد وخلاص أنتهينا .

وإذا كنت تبحث عن وظيفة حالياً أدعو لك ربي يسهل أمورك دنيا وآخرة

انا حاليا حديث تخرج ولسى ما استلم وثيقتي، وحقيقة افكر اقدم اونلاين الى ما استلم الوثيقة وابدء اطلع برا واطق بيبان الشركات لعل وعسى الله يرزقنا يارب!

 

 

[mhمحمد]

حمودي الاهلاوي

للاسف التوظيف عن طريق المعارف والاهل والعلاقات مازال قوي وفعال جدا جدا جدا



وصار بطريقة رهيبة حتى لا يصير شبه فساد



يعملو اعلان ويعملو مقابلات وتدريب وكل شيء وبالنهاية الوظيفة تروح للشخص المراد له الوظيفة وكلو بالنظام ولا احد يشتكي او لديه دليل





صراحة اللي ماعنده علاقات ومعارف بهذا الزمن الله يعينه بس

اذا الوظيفة بالقطاع الخاص، اذا كان مواطن فما تقدر تقول حاجة صراحة بس اذا ع وظيفة حكومية او شركة شبه حكومية ويسوون كذا فهذي مصيبة!

 

 

[mhمحمد]

إبراهيم المسلم

اصلا كثير من الوظائف ما يتم الاعلان عنها

أنت تحتاج تروح وتسأل وتحتك بالناس شف أقاربك وجيرانك واستفد منهم

عاد خويي قبل كم شهر راح لشركات عندنا حلوه صراحة من ناحية الراتب والقوة بالسوق، حتى كان مهندسين هناك اخذوه بجولة بالمصنع وعلموه عن عملهم ومسؤولياتهم بس يوم سأل عن موضوع الوظايف خبروه انهم مايوظفون الا من طاقات علشان دعم الحكومة يساعدهم بالراتب!

 

 

[واضح النية]

بعد توفيق رب العالمين أغلب اللي أعرفهم يلقون وظائف عن طريق معارف لهم

 

 

[wikii]

tony power

مادري بس لي اشهر اقدم على وظائف لينكد ان لاحس ولا خبر ولا احد. عبرني بشيء

لينكد مفيد لمن لديه خبرة عالية
ركز على الايميلات وتعبئة نموذج التوظيف بموقع الشركة

 

 

[wikii]

اكثر الوظائف في الدمام والرياض وينبع والجبيل
لازم تكون في احد المدن هذه او تكون عندك المقدرة تنتقل وتوضح هذا في cv
حتى تزيد فرص قبولك
+ تقديم الايميلات له اوقات معينة
لازم تلتزم تقدم على الاعلان بوقته وبيومه وبوقت الدوام
اما تقدم المغرب او العشاء بيفتح الايميل ويصير مقروء وينساك
تنسيق السيرة الذاتية وتعبيها انجازات وخبرات
كتابة محتوى لرسالة الايميل وعنوان صحيح
تعديل اسم السيرة الذاتية الى اسمك وتخصصك وخبراتك

لينكد ان لمن لديهم خبرات عالية فلا تتعب نفسك فيه

 

 

[بلاتيني]

على حسب
إذا رجال صعب جداً
إذا بنت لو ترسل ملف وررد مكتوب ابي وظيفة توظفت على طول
وعليها قس التقديم الحضوري
كلامي من واقع 100 %

 

 

[anim19]

بلاتيني

على حسب
إذا رجال صعب جداً
إذا بنت لو ترسل ملف وررد مكتوب ابي وظيفة توظفت على طول
وعليها قس التقديم الحضوري
كلامي من واقع 100 %

اتفق معك 100%

 

 

[نبض الكلمات]

ارى ان التقديم عن بعد مجدي لو كنت ساكن في مدينة كبيرة لنوعية الوظايف اللي ماتحتاج تخصص مثل " كاشير - كول سنتر - امن " اما الوظايف التخصصية فإذا ماكنت من النخبة وماعندك علاقات فالعوض في الجنة لن مالك نصيب فيها سواء قدمت اونلاين او يدوي إلا إن شاء الله.

 

 

[basri394]

الموضوع فعلا متعب للباحثين عن عمل وبصراحه تعتمد على مسؤول التوظيف يقبل اونلاين او يدوي ولكن ، الافضل انك تسوي كل الطرق اللي تقدر عليها ونصبحتي

قدم بارسال ايميلات وابحث عن ايميلات المسؤولين من لنكدان خصوصًا
وقدم يدوي برضو
وقدم على اكبر ١٠٠ شركة في السعودية في مواقعهم الخاصة
لايمنع انك تبحث عن طريق علاقاتك والغرض مش واسطه وانما فقط لتوجيهك لان بعض الاصدقاء تلاقيه في منصب في شركة معينه لكن مابيده شي الا انه ياخذ السي في ويعطيها للمسؤولين والباقي عليك اذا اتصلو انك تثبت جدارتك
واستعين بموقع indeed.sa
مره كويس

وبالتوفيق

 

 

[iSR5]

mhمحمد

السلام عليكم حبيت استفسر للباحثين عن عمل او الموظفين، هل فعل ان التقديم للوظائف المطروحة سواء على لينكد ان او المواقع والايميل بشكل عام هي بالحقيقة طريقة غير فعالة لدرجة كبيرة مقارنة بالتقديم اليدوي للوظائف؟ تعرفت على شباب اثناء تدريبي الجامعي واكثرهم اجمعوا انه لو تقدم على وظيفة افضل لك تطبع CV حقك وتدخل على الشركات وتعطيهم! واثناء نقاشنا ذكروا ان التقديم عن بعد مافي اهتمام كبيره له؟ صراحة اول مره اسمع هذا الكلام فهل فهو فعلا اقرب الى الواقع؟ اخاف حقيقة اسويها وانكرش من باب الشركة خاصة ان منطقتي مافيها وظايف عليها الكلام ومضطر اسافر للشرقية او الرياض وغيرها علشان اقدم يدوي؟

اولاً الله يوفقك ويفتح لك ابواب رزقه ..

بالنسبة للتقديم اون لاين .. حسب تجربتي ... ماتقدر تعتمد عليه ...
سواء كان من اللينكد ان او من موقع الشركة نفسها ..
اللنكد ان اكثر شي بيجيك منه دعايات وتسويق اما من شركات وهمية او شركات خارجية .. ولا تدري وش وضعهم بعد .. (طبعاً مايحتاج انصحكم .. مجرد تشوفونهم تجاهلوهم) ..

كذلك هو الحال مع اعلان الوظائف .. مجرد اعلان مامنه اي فايده تذكر ..

مواقع الشركات ينطبق عليها هذا الكلام لكن يصير له فايده اذا دخل فيها معرفة !
يعني ملفك يبقى موجود ماراح يتحرك الا لما احد يحركه بشكل يدوي !

حتى معارض التوظيف .. يحولونك على مواقعهم واذا نشبت لهم اخذوا منك CV ورموه بالدرج !

لكن هذا مايعني انك ماتقدم .. لان لكل قاعدة شواذ .. وهذي لها شواذها !
ممكن تقدم اون لاين على شركة وتتيسر لك وظيفه عندهم !
بالاول والاخر رزقك بيد رب العالمين وماتعرف وين الله كاتبه لك !

لذلك انا انصحك انك تقدم اون لاين لاتخلي ولا تبقي ..
وفوقها الشركات اللي قدمت فيها اون لاين تزورهم في مقرهم ومعاك CV وتكون طابع الفورم تبع التقديم او رسالة التقديم (اللي فيها بياناتك مع بيانات التقديم) ...
وتقدم عليهم بعد ..

يعني لاتترك مجال يتنفسون

والله يرزقك من واسع فضله .. وويسر لك امرك ..

 

 

[Fantasyam]

مو دائماً

لكن نسبه انك تحصل الوظيفه لما تروح لهم اكثر من انك ترسل لهم السيرة الذاتية

اذا ما عندك مشكلة تعمل في مصانع روح لهم القبول والرفض عندهم سريع ماراح تضيع وقتك تنتظر

(من تجربتي)

وللتذكير محد راح يكرشك من الباب حتى اذا قالو لك مافي وظائف عطهم اوراقك وقولهم اذا احتجتوا موظف انا جاهز

والله يوفق الجميع

 

 

[alsandeed]

أفضل طريقة لاكتساب وظيفة هي العلاقات
للأسف إنها صعبة خصوصاً في أول وظيفة لكن بعدها الانتقال يكون عن طريق معارفك السابقين في الوظيفة أو في التخصص نفسه
وفي أول وظيفة لا تقصر كلم جميع معارفك وابلشهم وسوق نفسك عندهم

لينكدن فعال خصوصاً لو معك خبرة بسيطة لكن محتاج تضبط بروفايل جيد وتضيف مهاراتك وتقدم على كل المتاح، مع نشاطك الزايد يصير يطلع حسابك مقترح والله أعلم
أعرف أشخاص خريجين حصلوا على وظايف منه، لكن تحتاج شي يميزك زي معدل عالي جداً مثلا أو دخولك لمعسكرات

 

 

[Hajime No Ippo]

باختصار، كلها طرق للتقديم
ويجب أن تطرق كل الأبواب
وبعدين فيه أساسيات وتكنيكات لكتابة السيرة الذاتية سواء السيرة التقليدية في ملف وورد أو في مواقع التوظيف مثل بيت.كوم أو البروفايل في لينكد-إن أو البروفايل في صفحات التوظيف في الجهات اللي تقدم عليها
تعلمها وطبقها
والله الموفق