بوابة الإنترنت الرقمية ADSLGATE

Amazon عنوان IP سرعة الإتصال الإعلان
العودة   البوابة الرقمية ADSLGATE > بوابة خدمات الأعضاء > الأعضاء العام
التنبيهات لوحة التحكم مشاركات اليوم قوانين المنتدى الاتصال بنا مشاركات اليوم اجعل كافة الأقسام مقروءة




إضافة رد
 
أدوات الموضوع
قديم 01-08-2017, 06:47 PM #1
sultan00
عضو جديد
 
الصورة الرمزية sultan00
 







افتراضي تجربتي ككابتن كريم لزيادة الدخل [800 ريال اسبوعياً] التسجيل واستراتيجيات العمل ونصائح





السلام عليكم
حبيت انقل لكم تجربتي للعمل في كريم بكل امانه وتحت مبدأ أحب لأخيك ماتحب لنفسك
كنت ابحث عن طرق لزيادة دخلي وقريت مواضيع كثيرة عن الاسهم وتجارة العملات وتخوفت منها لانه ربحها مو مضمون ويمكن تطير فلوسك فأي لحظه ف جلست ادور ع طريقة ثانيه اقدر من خلالها ازيد دخلي شهرياً بدون مخاطرة حتى جات ببالي فكرة العمل كسائق في اوقات الفراغ وجلست ابحث فهذا الموضوع ووجدت امامي 3 خيارات : مرسول اوبر كريم واخترت كريم

- ليش كريم بالذات؟
اولاً بالنسبة لمرسول لقيت الكثير يشتكي من انه اغلب الزباين مايدفع الحساب وتطلع من المشوار وانت خسران مبلغ والشركة ماتعوضك

ثانياً بالنسبة لأوبر كانو طالبين تأمين شامل وانا تأميني ضد الغير فقط
ثالثاً لقيت ان شركة كريم ماهم طالبين تامين شامل وشروطهم بسيطه وقررت اتوكل على الله واسجل معهم

-هل العمل معهم نظامي ولا فيه مخالفة مرورية؟
ماحبيت اعتمد على كلام الناس فهذي النقطه ورحت مباشرة لحساب المرور في تويتر وسالتهم
وكان ردهم لي انه يحق للسعودي العمل مع شركات التوصيل اوبر وكريم بسيارته الخاصه ولايترتب عليها اي مخالفة

- ايش استفدت من كريم؟
1- بدأت العمل مع كريم قبل ثلاث اسابيع وحتى الان طالع معي حول الـ 2400 ريال ولله الحمد علماً باني اشتغل بمعدل 4 الى 5 ساعات يومياً وتكون متفرقه يعني اشتغل الصباح واوقات بالليل

2- شركة كريم عندهم فكرة حلوة يسمونها الضمان وعندهم 4 ضمانات فاليوم و فكرة الضمان بإختصار هي كالتالي
يقولك اضمن لك انك تشتغل ساعتين وتطلع 100 ريال بشرط انك تشيل ع الاقل 3 مشاوير
طيب نزلت وشلت 3 مشاوير وطلع حسابك 30 وش تسوي؟ الشركة مباشرة تضيف لك الـ70 الباقيه فحسابك بكل بساطه

3- شركة كريم تعمل مسابقات اسبوعية عليها مكافآت مالية اخر مسابقة كانت الخميس الماضي 500 ريال لأكثر ثلاث كباتن تحقيق للرحلات


4- الشركة تعوضك بربع المبلغ في حال رفض العميل الدفع ( ماحصلت معي الا مرة وحده ولله الحمد )


- هل سيارتي متوافقه مع شروط كريم؟
اذا سيارتك موديلها اقل من 2013 تقدر تشتغل في خدمة توصيل الطلبات
اذا سيارتك 2013 واعلى تقدر تشتغل في توصيل الاشخاص
الشروط الواجب توفرها في خدمة توصيل الاشخاص
ان تكون السيارة خالية من الصدمات القويه ( حكات بسيطه مقبوله )
ان تكون النوافذ غير مظلله
ان تكون المقاعد جلد ( اذا سيارتك مقاعدها قماش تقدر تلبسها جلد بمبلغ بسيط)
بالنسبة لنوع السيارة فهم يقبلون جميع انواع السيارات

- كيف اسجل في كريم؟ وماهي الاوراق المطلوبة مني؟
الخطوة الأولى : التسجيل في كريم يكون عن طريق الموقع
https://www.joincareem.com/
الفراغ الاول تختار مدينتك
الفراغ الثاني تختار دولتك وتدخل رقم جوالك
الفراغ الثالث الايميل ( اختياري)
الفراغ الرابع : من رشحك للعمل؟(اختياري) تقدر تحط فيه رقم الكابتن الخاص بي (330329)

بعد كذا بينقلك لصفحة الاوراق المطلوبه وهي :
الهوية الوطنية
الرخصة
الاستمارة
التأمين
رقم حسابك بالبنك
تفويض ( ماتحتاجه اذا السيارة بأسمك )
طبعاً صور الاوارق بجوالك وسويلها ارفاق ع الموقع حتى لو ماهي واضحه لانهم بيعدلونها لك بالمكتب
اخر شي تختار موعد التدريب (من الاحد للخميس فترة صباحيه وفترة مسائية )
اختر الموعد اللي يناسبك وبيطلع لك مكانهم ع الخريطه

الخطوة الثانية : تروح للمكتب قبل موعدك بربع ساعه وتكون معك كل الاوراق اللي ذكرناها فوق
بياخذون منك بصمتك للتاكد انه ماعليك قضايا جنائية ويتأكدون من اوراقك ويدخلونك للدروة
الدورة مدتها ساعتين فقط يعطيك فيها نبذة عن شركة كريم وعن طريقة العمل وعن المحظورات في الشركة ويعلمك على طريقة استخدام التطبيق

الخطوة الثالثة يشيك على سيارتك ويتأكد انها خالية من الصدمات القوية وانها موافقه للشروط

ومبروك عليك التسجيل في كريم

-استراتيجيات لتحقيق ربح افضل خلال ساعات العمل
بالنسبة لي اول مابديت كنت انزل فالاوقات اللي مافيها زحمه حتى اريح راسي وهذا غلط كبير
كريم عندهم بونص اسمه عامل الذروة وكل ماكان الشارع زحمه كل مايتضاعف مبلغك اللي بتاخذه

طبعاً اذا فتحت التطبيق بتطلع لك الاماكن اللي فيها عامل ذروة وانت خلك قريب منها وانتظر لين يجيك مشوارك
الطريقة الثانيه سبق وان قلت لكم انه كريم عندهم ضمانات وعندك باليوم 4 ضمانات حاول انك تستغلها وتستفيد منها

هذي تجربتي اللي حبيت اشارككم فيها
واللي عنده سؤال او استفسار انا موجود

 

 




sultan00 غير متصل  
أشكر صاحب الموضوع رد مع اقتباس

قديم 01-08-2017, 09:42 PM #2
ملزلز
فعال
 
الصورة الرمزية ملزلز
 



افتراضي رد: تجربتي ككابتن كريم لزيادة الدخل [800 ريال اسبوعياً] التسجيل واستراتيجيات العمل ون





تجربة موفقة
لكن ما زال أوبر ارخص منكم بكثير.

 

 




ملزلز غير متصل  
5
رد مع اقتباس

قديم 01-08-2017, 11:57 PM #3
x R a Y a N x
بارز
 
الصورة الرمزية x R a Y a N x
 



افتراضي رد: تجربتي ككابتن كريم لزيادة الدخل [800 ريال اسبوعياً] التسجيل واستراتيجيات العمل ون





اتمنى مايكون كل هالموضوووووووووووووع الطويل عشان هالفقرة

الفراغ الرابع : من رشحك للعمل؟(اختياري) تقدر تحط فيه رقم الكابتن الخاص بي (330329)


خصوصاً انك اليوم مسجل بالمنتدى

 

 

التوقيع
www.b6a8h.com

₪ ( بطاقات ستور سعودي / امريكي / اماراتي / ياباني ) ₪ ( افضل الاسعار )
بطاقات ايتونز امريكي - ايتونز سعودي - شحن بيانات بأقل الاسعار
تفعيل باقات جوي
11 سنه فالبوابة ماشاء الله



x R a Y a N x غير متصل  
38
رد مع اقتباس

قديم 02-08-2017, 12:08 AM #4
قارئ ب
فعال
 
الصورة الرمزية قارئ ب
 



افتراضي رد: تجربتي ككابتن كريم لزيادة الدخل [800 ريال اسبوعياً] التسجيل واستراتيجيات العمل ون





اول مشاركه لك .
موضوع ب القسم العام .

باقي 15 مشاركه و تصير مشرف

-------

هل المبلغ هذا صافي ربح .
او مع التكاليف .

يعني هل خصمت مصاريف السياره .
زي قيمه زيت السياره و البانزين ولا لها نصيب منه ؟!

 

 


قارئ ب غير متصل  
2
رد مع اقتباس

قديم 02-08-2017, 02:54 AM #5
ياسر ابو زياد
الجريح
 
الصورة الرمزية ياسر ابو زياد
 



افتراضي رد: تجربتي ككابتن كريم لزيادة الدخل [800 ريال اسبوعياً] التسجيل واستراتيجيات العمل ون





هل سجلوك في التأمينات ؟

 

 




ياسر ابو زياد غير متصل  
0
رد مع اقتباس

قديم 02-08-2017, 02:58 PM #6
سعود بن بندر
نشيط
 
الصورة الرمزية سعود بن بندر
 



افتراضي رد: تجربتي ككابتن كريم لزيادة الدخل [800 ريال اسبوعياً] التسجيل واستراتيجيات العمل ون





مالهم شغل التامينات

الموظف الحكومي عسكري او مدني يقدر يسجل في كريم أو أوبر

 

 




سعود بن بندر غير متصل  
1
رد مع اقتباس

قديم 02-08-2017, 03:38 PM #7
عابر سبيل 005
نشيط
 
الصورة الرمزية عابر سبيل 005
 



افتراضي رد: تجربتي ككابتن كريم لزيادة الدخل [800 ريال اسبوعياً] التسجيل واستراتيجيات العمل ون





الله يرزقك بالرزق الحلال

 

 

التوقيع


عابر سبيل 005 غير متصل  
2
رد مع اقتباس

قديم 02-08-2017, 03:49 PM كاتب الموضوع #8
sultan00
عضو جديد
 
الصورة الرمزية sultan00
 



افتراضي رد: تجربتي ككابتن كريم لزيادة الدخل [800 ريال اسبوعياً] التسجيل واستراتيجيات العمل ون





مشاهدة المشاركة الأصلية
x R a Y a N x
اتمنى مايكون كل هالموضوووووووووووووع الطويل عشان هالفقرة

الفراغ الرابع : من رشحك للعمل؟(اختياري) تقدر تحط فيه رقم الكابتن الخاص بي (330329)


خصوصاً انك اليوم مسجل بالمنتدى

وضحت لك ياعزيزي انه الموضوع اختياري يعني اذا حبيت حطه واذا كرهت اتركه اما البعض مباشرة يعطيك رابط التسجيل مدمج معاه الكود






مشاهدة المشاركة الأصلية
قارئ ب
اول مشاركه لك .
موضوع ب القسم العام .

باقي 15 مشاركه و تصير مشرف

-------

هل المبلغ هذا صافي ربح .
او مع التكاليف .

يعني هل خصمت مصاريف السياره .
زي قيمه زيت السياره و البانزين ولا لها نصيب منه ؟!

حطيت الموضوع بالقسم العام لاني شفت الاخ اللي حاط تجربته مع اوبر وحبيت اضيف تجربتي مع كريم

بالنسبة للمبلغ فهو صافي الربح بعد ماخصمت حق البنزين

وفيه نقطه نسيت اذكرها بالموضوع
نظام العمل في كريم له اربع رتب
الرتبه الاولى اول ماتسجل تكون برونزي بعدها سلفر بعدها قولد وبعدها كريم
اعلى رتبه اللي هي كريم تعطيك خصم 15% فتبرومين ع الزيت والكفرات والصيانه

 

 




sultan00 غير متصل  
14
رد مع اقتباس

قديم 02-08-2017, 03:51 PM كاتب الموضوع #9
sultan00
عضو جديد
 
الصورة الرمزية sultan00
 



افتراضي رد: تجربتي ككابتن كريم لزيادة الدخل [800 ريال اسبوعياً] التسجيل واستراتيجيات العمل ون





مشاهدة المشاركة الأصلية
ياسر ابو زياد
هل سجلوك في التأمينات ؟

مشاهدة المشاركة الأصلية
سعود بن بندر
مالهم شغل التامينات

الموظف الحكومي عسكري او مدني يقدر يسجل في كريم أو أوبر

كلام الاخ سعود صحيح مالهم شغل بالتامينات
والجميع يستطيع العمل مع كريم سواء عسكري او مدني

 

 




sultan00 غير متصل  
1
رد مع اقتباس

قديم 02-08-2017, 03:52 PM كاتب الموضوع #10
sultan00
عضو جديد
 
الصورة الرمزية sultan00
 



افتراضي رد: تجربتي ككابتن كريم لزيادة الدخل [800 ريال اسبوعياً] التسجيل واستراتيجيات العمل ون





مشاهدة المشاركة الأصلية
صقر المندره
الله يرزقك بالرزق الحلال

امين يارب وياك

 

 




sultan00 غير متصل  
1
رد مع اقتباس

قديم 02-08-2017, 03:57 PM كاتب الموضوع #11
sultan00
عضو جديد
 
الصورة الرمزية sultan00
 



افتراضي رد: تجربتي ككابتن كريم لزيادة الدخل [800 ريال اسبوعياً] التسجيل واستراتيجيات العمل ون





مشاهدة المشاركة الأصلية
ملزلز
تجربة موفقة
لكن ما زال أوبر ارخص منكم بكثير.

انا اشتغل ك كابتن فقط مالي دخل باسعار الشركه
لكن اذا جيت تطلب بإمكانك تحديد فئة السيارة
كريم mini السيارات الصغيره زي السويفت وماشابهها
كريم go النترا وكوريلا ... تعتبر ارخص فئة
go star كامري سوناتا ازيرا ...
وفيه فئتين ثانيه وحده للبزنس ووحده للجيوب والسيارات الكبيره

 

 




sultan00 غير متصل  
رد مع اقتباس

قديم 02-08-2017, 04:10 PM #12
الزعيم bb
نشيط
 
الصورة الرمزية الزعيم bb
 



افتراضي رد: تجربتي ككابتن كريم لزيادة الدخل [800 ريال اسبوعياً] التسجيل واستراتيجيات العمل ون





والله كان ودي اشتغل فيها بس للاسف مالي نصيب
سيارتي 2012

 

 




الزعيم bb غير متصل  
1
رد مع اقتباس

قديم 02-08-2017, 06:41 PM #13
محمد الجُهني
وسيط
 
الصورة الرمزية محمد الجُهني
 



محمد الجُهني @Twitter
افتراضي رد: تجربتي ككابتن كريم لزيادة الدخل [800 ريال اسبوعياً] التسجيل واستراتيجيات العمل ون





اسلوبك في الطرح يذكرنا في اسلوب موظفين كريم وخصوصا انك ماذكرت سلبيات كريم وظلمه للعاملين معه اللي هم الكباتن وخدمه خليها على الحساب اللي يحسب على صاحب المركبه عموله وهو مااستلم حقه ويظل يطارد وراهم الين يدفع العميل ولو مادفع راحت عليه والغرامات وايقاف الحسابات بدون مبرر او الرجوع للكابتن وبلاوي كثير..

بشكل عام كثرت مثل هالمواضيع واللي وراها اما يكون موظف يروج للشركه او شخص حاب يستفيد من تسجيل الناس عبر عضويته.

 

 

التوقيع
لا إله إلا الله



محمد الجُهني غير متصل  
27
رد مع اقتباس

قديم 02-08-2017, 08:01 PM كاتب الموضوع #14
sultan00
عضو جديد
 
الصورة الرمزية sultan00
 



افتراضي رد: تجربتي ككابتن كريم لزيادة الدخل [800 ريال اسبوعياً] التسجيل واستراتيجيات العمل ون





مشاهدة المشاركة الأصلية
محمد الجُهني
اسلوبك في الطرح يذكرنا في اسلوب موظفين كريم وخصوصا انك ماذكرت سلبيات كريم وظلمه للعاملين معه اللي هم الكباتن وخدمه خليها على الحساب اللي يحسب على صاحب المركبه عموله وهو مااستلم حقه ويظل يطارد وراهم الين يدفع العميل ولو مادفع راحت عليه والغرامات وايقاف الحسابات بدون مبرر او الرجوع للكابتن وبلاوي كثير..

بشكل عام كثرت مثل هالمواضيع واللي وراها اما يكون موظف يروج للشركه او شخص حاب يستفيد من تسجيل الناس عبر عضويته.

حياك الله اخ محمد
انا حبيت اطرح تجربتي حتى يستفيدو منها الاعضاء و والله العظيم لاني موظف بالشركه ولاهم يحزنون
بالنسبة للسلبيات اللي ذكرتها انت انا واجهتني وحده منها وحطيتها بموضوعي اللي هي انسحب علي بمبلغ مره وحده والحمدلله رجع لي بعد اسبوع

بالنسبة للايقاف الحساب هذي ماصارت معي وماعرف احد اشتكى منها لكن كريم عندهم رقم الدعم الفني اتصل عليهم واستفسر او كلمهم على قروب التليقرام وهم يحلو المشكله

 

 




sultan00 غير متصل  
1
رد مع اقتباس

قديم 02-08-2017, 08:02 PM كاتب الموضوع #15
sultan00
عضو جديد
 
الصورة الرمزية sultan00
 



افتراضي رد: تجربتي ككابتن كريم لزيادة الدخل [800 ريال اسبوعياً] التسجيل واستراتيجيات العمل ون





مشاهدة المشاركة الأصلية
الزعيم bb
والله كان ودي اشتغل فيها بس للاسف مالي نصيب
سيارتي 2012

عندهم خدمة توصيل طلبات ويقبلون من 2000 وانت طالع بس مادري عن شروطهم

 

 




sultan00 غير متصل  
رد مع اقتباس

قديم 02-08-2017, 08:09 PM #16
الزعيم bb
نشيط
 
الصورة الرمزية الزعيم bb
 



افتراضي رد: تجربتي ككابتن كريم لزيادة الدخل [800 ريال اسبوعياً] التسجيل واستراتيجيات العمل ون





مشاهدة المشاركة الأصلية
sultan00
عندهم خدمة توصيل طلبات ويقبلون من 2000 وانت طالع بس مادري عن شروطهم

وكيف الدخل فيها

 

 




الزعيم bb غير متصل  
رد مع اقتباس

قديم 02-08-2017, 10:27 PM كاتب الموضوع #17
sultan00
عضو جديد
 
الصورة الرمزية sultan00
 



افتراضي رد: تجربتي ككابتن كريم لزيادة الدخل [800 ريال اسبوعياً] التسجيل واستراتيجيات العمل ون





مشاهدة المشاركة الأصلية
الزعيم bb
وكيف الدخل فيها

تسجيل عادي بالموقع بنفس الطريقة اللي شرحتها

وعلى فكرة اعرف واحد سيارته افلون 2011 بس نظيفه من الداخل وقبلوه فخدمة توصيل الركاب
حاول تلمع سيارتك وتضبطها وقدم لعل وعسى يتم قبولك فتوصيل الركاب لانه مكسبها اكثر من توصيل الطلبات

 

 




sultan00 غير متصل  
رد مع اقتباس

قديم 04-08-2017, 12:45 AM #18
بررنس
مبدع
 
الصورة الرمزية بررنس
 



افتراضي رد: تجربتي ككابتن كريم لزيادة الدخل [800 ريال اسبوعياً] التسجيل واستراتيجيات العمل ون





فايدتها للراكب والشركه والضرر عليك انت يالكبتن
تكسر سيارتك في الشوارع بعد فتره انواع الاصوات تسمعها تطلع كانها كرسيدا 92
وفوقها الصيانه عليك تغيير زيت وكفرات وتربيط وهذا اذا سلمت الحوادث لانك طول اليوم في الشارع
ولازم تجيب مويه ولا يسجلون عليك مخالفه الزبده لو يرفعون التسعيره مثل التكاسي اللي اساساً انا اقدم خدمه افضل منهم كل الموديلات جديده 2013 وفوق واخذ العميل من عند الباب واجيب له مويه وشاحن وخدمات كثيره واخرتها التكسي اللي ريحته دخان وريحة صنه الباكستاني فايحه ياخذ مني سعر اعلى !! ليه هذا الظلم ؟؟
والشركه كذابه تقول للكابتن اطلع وقت الذروه العموله اعلى وفي نفس الوقت ترسل للعميل اطلع وقت الذروه الاسعار اقل !
كل شوي يجي واحد ويفتح موضوع مثل هذا الموضوع والهدف كله العموله اللي تاخذها

 

 

التوقيع
My,Email
( سبحان.الله وبحمده سبحان الله@العظيم )
يالله,توفيقك ,,

((اللهم أغفر للمؤمنين والمؤمنات والمسلمين والمسلمات الأحياء منهم والأموات))
اضغط هنا



بررنس غير متصل  
13
رد مع اقتباس

قديم 04-08-2017, 03:19 AM #19
Black99
مشارك
 
الصورة الرمزية Black99
 



افتراضي رد: تجربتي ككابتن كريم لزيادة الدخل [800 ريال اسبوعياً] التسجيل واستراتيجيات العمل ون





اغلب الي اشتغلوا في اوبر وكريم وطقتها وقفوا بسبب ان التسعيره غير مجديه مقابل الجهد والوقت وتكاليف الصيانه والمشاكل الخ.. لو تشتري لك النترا وتتكسها اصرف.

 

 




Black99 غير متصل  
1
رد مع اقتباس

قديم 04-08-2017, 03:25 AM #20
banDorh
**
 
الصورة الرمزية banDorh
 



افتراضي رد: تجربتي ككابتن كريم لزيادة الدخل [800 ريال اسبوعياً] التسجيل واستراتيجيات العمل ون





مدري ليش بس من كلامك احس بتروج للخدمة هذه زي الموظفين ومش رد عضو عادي بالمنتدى وكمان اول مشاركة بالموضوع هذا وعلى طول بالموضوع نفسه

رغم اخبار منتشره كثيرة على "كريم" منها اشاعات ومنها يمكن لا

لكن الله يرزقك بشغلك ويرزقنا

 

 




banDorh غير متصل  
3
رد مع اقتباس

إضافة رد

أدوات الموضوع

الانتقال السريع


الساعة الآن 12:41 PM.