استفسار بخصوص (تخصص علوم الحاسب)

وليد112 · 29-01-2017, 01:25 PM

السلام عليكم ورحمة الله وبركاته
حبيت أسأل عن :-
- تخصص علوم الحاسب.
- مستقبله الوظيفي وبالتحديد البرمجة.
- ماهي أفضل جامعة لدراسة هذا المجال.
- الحد الأدنى من النسبة الموزونة لدخول الكلية.
- اهم 5 لغات برمجة .

(حاليا انا في ثالث ثانوي )

وشكرا لكم.

Take It Easily · 31-01-2017, 12:33 AM

افضلك حسب الترتيب
1-نظم معلومات
2-تقنية معلومات
3-هندسة حاسب
4-علوم حاسب

وليد112 · 31-01-2017, 12:59 AM

Take It Easily

افضلك حسب الترتيب
1-نظم معلومات
2-تقنية معلومات
3-هندسة حاسب
4-علوم حاسب

مافهمت

Sent from my iPhone using ADSLGATE

Take It Easily · 31-01-2017, 01:41 AM

وليد112

مافهمت

Sent from my iPhone using ADSLGATE

الحاسب الالي يحتوى على عدة تخصصات بعد دراسة ترم تتار تخصص في بعض الجامعات سنة على حسب

cchance25 · 31-01-2017, 05:46 PM

السلام عليكم ورحمة الله وبركاته
وعليكم السï»»م ورحمة الله وبركاته

حبيت أسأل عن :-

- تخصص علوم الحاسب.
تخصص علوم الحاسب Computer Science يتكلم عن جميع ما يخص الحاسب، نظرياته وخوارزمياته. فيه كمّ من الرياضيات، رياضيات متقطعه، تفاضل وتكامل، جبر خطي، بعض الجامعات تدرّس فيه التحليل العددي أيضاً.
ويدّرس فيه أيضا بقية الحاسب، نظم تشغيل، تصميم وتحليل الخوارزميات، نظريات الحوسبه، شبكات الحاسب، قواعد البيانات، الخ..

- مستقبله الوظيفي وبالتحديد البرمجة.
الوظيفه يا عزيزي حسب علمي غالباً ما يفرق بين متخصصين الحاسب، سواءً علوم حاسب او هندسة برمجيات او غيره - يشغلونهم في قسم الـIT، إلا في الشركات المتخصصه فعلياً في هالمجال، وبالعموم الحاسب ان شاء الله مطلوب ان اثبت نفسك وبنيت سيره ذاتيه جيده. لذلك لا تشغل نفسك بأي تخصص مطلوب وظيفياً، رح للتخصص اللي تحس انك تبيه وتبدع فيه,

- ماهي أفضل جامعة لدراسة هذا المجال.
لا أعلم.

- الحد الأدنى من النسبة الموزونة لدخول الكلية.
تتغير من عام لعام، بالنسبة للملك سعود السنة القبول بعد السنة التحضيرية بناء على المعايير التاليه:

25% من نتيجة اختبار القدرات
25% من نتيجة الاختبار التحصيلي
25% من المعدل التراكمي للسنة التحضيرية
25% من درجة مقرري الرياضيات في السنة التحضيرية: 140 ريض و150ريض

بشرط انه ما يقل عن 70%

- اهم 5 لغات برمجة .
قصدك اللي تدرس في الكلية؟
تدرس كلية علوم الحاسب في جامعة الملك سعود اللغات التاليه:
JAVA -> Object Oriented Approach
C -> Procedural Approach

*لغة جافا مشتركه في جميع أقسام كلية الحاسب.

وفيه مواد إختياريه تدرس فيها تقنيات الإنترنت.

(حاليا انا في ثالث ثانوي )
بالتوفيق لك، وشد حيلك

وشكرا لكم.

عفواً، في الخدمة

cchance25 · 31-01-2017, 05:47 PM

Take It Easily

افضلك حسب الترتيب
1-نظم معلومات
2-تقنية معلومات
3-هندسة حاسب
4-علوم حاسب

سبحان الله، بناء على ايش قررت ان هذا الأفضل له؟ وبالترتيب كمان!

Take It Easily · 31-01-2017, 09:06 PM

cchance25

سبحان الله، بناء على ايش قررت ان هذا الأفضل له؟ وبالترتيب كمان!

بناء على الخبرة وتخصصي نظم معلومات الله يسرلك لازم تبحث تشوف ايش الفرق

Anmar z m · 01-02-2017, 03:34 PM

Take It Easily

بناء على الخبرة وتخصصي نظم معلومات الله يسرلك لازم تبحث تشوف ايش الفرق

ما شاء الله عليك مين انتا عشان يكون عندك الخبرات والتخصصات ؟
ما تقدر تحدد ولا اي دكتور او برفسور بالجامعه يقدر يحدد هذا الشي
وطبعا من نايحة العلم الي بتاخده
1- cs
2- it
3- is

طبعا هذه مهو ترتيب للافضل ولكن تقدر تقول للاصعب والي فيه شغل اكثر
وطبعا بالاخير انتا ايش تحب بتدخل
وانا it ولكن ما اقلك هوا افضل شي لانه كل واحد على حسب ما يبا وكل شي فيه مواده
الايتي عملي اكثر من النظري
الcs نظري اكثر من العملي وفيها خوارزميات وكلا ثاني انا عن نفسي ما اطيقه عشان كذا ما دخلته
وحبي للعملي اكثر خلاني ادخل اي تي

طبعا الرجال بيسال عن تخصص محدد وهوا علوة الحاسبات cs
ما قال تقنية معلومات او اي شي

فعلوم الحسابات تتركز على النظري والخورازميات
طبعا لو ما تعرف رياضيات وحسابات الله يعينك لنه يعتمد عليها كثير جدا
بالنسبة كم النسبة الي تحتاجها ما اعرف لكن ما تهم النسبة ببعض الجامعات غير لمن تدخل التحضيري وتعدي من التحضيري
طبعا بجامعه الملك عبدالعزيز

cchance25 · 01-02-2017, 11:25 PM

Take It Easily

بناء على الخبرة وتخصصي نظم معلومات الله يسرلك لازم تبحث تشوف ايش الفرق

تخصصي علوم حاسب، وما حكمت بتحيز..

الأفضل يتحدد على حسب الشخص، ميوله، قدراته، ورغباته..

بالتوفيق لكم

Take It Easily · 02-02-2017, 06:18 AM

الي يىيحك سبك من الي يقولك تستفيد اكثر نصيحه ابعد عن الCS حتفتكر كلامي بعد فتره

devil xp · 02-02-2017, 11:31 AM

تخصصات الحاسب تتشارك معظم الخطة الدراسية ومعظم الجامعات تتشابه في الخطة الدراسية وحتى في الكتب، شيك على الإختلافات بين التخصصات خصوصاً في المستويات الأخيرة وقارن أي الموضوعات تفضلها، وحتى هذي الفروق رايح تدرسها في التخصصات الثانية لكن أقل تعمق.

أما من ناحية التوظيف في الشركات والجهات الحكومية فما أحد صدق يعبر التخصص، كل الي يهمهم (إذا همهم أصلاً) أن يكون عندك بكالوريوس في أحد تخصصات الحاسب، معظم الي أشوفها تكون "Bachelor's degree in Computer Science or Engineering" أو "BA/BS in Software Engineering, Computer Science, Computer Engineering, or any related field"، يعني أهم شيء أن تكون خريج أحد تخصصات الحاسب، مجرد يكون عندك خبرة ثلاث سنوات فأكثر ما أحد يبدأ يهتم بتخصصك في الجامعة حتى لو كان ماله علاقة بالحاسب، وتقدر تشوف إعلانات الوظائف في linkedin مثلاً عشان تتأكد.

نقطة مهمة، الجامعة عادةً تدرس الأساسيات النظرية الي تخليك تتأقلم مع أي شيء جديد وتطور فيه، مثلاً في كل التخصصات تدرس مادة عن البرمجة الكائنية، قد تستخدم جافا أو c++ أو أي لغة كائنية كأداة توضح المفاهيم النظرية حسب المدرس، الغاية ماهي جافا ولا c++، الغاية هي مفاهيم البرمجة الكائنية، بكره لو تبي تتعلم أي لغة كائنية بنفسك أو حتى تصمم لغة كائنية ماعندك مشكلة لأنك تعرف الأساسات، برضو تدرس مقدمة لقواعد البيانات، قد تستخدم ms sql server أو mysql أو أوراكل في العملي، لكن الغاية ماهي تدريبك على قاعدة بيانات معينة، الغاية مفاهيم قواعد البيانات الي تأهلك تعمل على أي قاعدة بيانات أو حتى تبني واحدة بنفسك، البعض ممكن يخطئ في فهم الشيء ذا ويسمي المادة مادة جافا أو أوراكل.

وليد112 · 04-02-2017, 03:15 PM

الله يعطيكم العافية كلكم ماقصرتوا

وليد112 · 04-02-2017, 03:21 PM

- الحد الأدنى من النسبة الموزونة لدخول الكلية.
تتغير من عام لعام، بالنسبة للملك سعود السنة القبول بعد السنة التحضيرية بناء على المعايير التاليه:

25% من نتيجة اختبار القدرات
25% من نتيجة الاختبار التحصيلي
25% من المعدل التراكمي للسنة التحضيرية
25% من درجة مقرري الرياضيات في السنة التحضيرية: 140 ريض و150ريض

بشرط انه ما يقل عن 70%

يعطيك العافية
لكن :
1 - القدرات والتحصيلي المقصود فيها اللي اختبرها وانا بالثانوية؟
2 - وشو هو اللي مايقل عن 70%

NINJA55 · 05-02-2017, 12:33 AM

مدامك ثالث ثانوي فلسا باقيلك السنه التحضيرية
اول سنه في الجامعه
وبعدها تدخل كلية الحاسبات وبعد سنة تدخل التخصص الي تبغاه
هذا اعتمادا على جامعة الملك عبدالعزيز
في جامعة الملك عبدالعزيز كلية الحاسبات تحتاج تجيب درجات جيدة في مستويات اللغه الانجليزية والحاسب والرياضيات
لها حسبة معينه وتطلع نسبة القبول
اتوقع بقيت الجامعات نفس الشي
في السنة التحضيرية جيب درجات عاليه في هذه المواد
لتقبل في كلية الحاسبات
ولتخصيص في قسم معين يكون اعتمادا على نسبتك
الاعلى نسبة لهم احقية في اختيار التخصص المراد

بالنسبة للتخصص علوم حاسب بحكم اني خريج
فتخصص تركيزه على الخورازميات والذكاء الاصطناعي والبرمجة وغيرها
التخصص يركز بشكل دقيق على كل شي في الحاسب

راح تلاحظ مواد زي الشبكات مثلا يدرسها الاي تي وتدرسها كطالب علوم حاسب
الاي تي ياخدها بصوره مختصره وانت تاخدها بتفصيل اكبر

بشكل عام تخصص علوم الحاسب والاي تي متقاربه في المناهج
مدامك تبغى البرمجة تقدر تدخل اي تخصص منهم

نظم المعلومات اقل تخصص اهتماما في البرمجة لانه يميل للبزنس اكثر

عموما الجامعه راح تعلمك الاساسيات ومفهوم البرمجي والمنطق ، لكن راح تحتاج تقوي نفسك بالتعليم الذاتي

وللمعلومية تقدر تتعلم البرمجة من الان عن طريق الدورات في موقع udemy او اليوتيوب وغيرها من المواقع والكتب

----

بخصوص سؤالك اهم لغات برمجة لا تهتم من هذه النقطه فمافي شي اسمه افضل لغات !

السؤال الاصح انت ايش تبغى تبرمج ؟

برامج للكمبيوتر تحتاج تتعلم لغات معينه
العاب تحتاج تتعلم لغات معينه
برمجة تطبيقات تحتاج تتعلم لغات معينه
برمجة مواقع تحتاج تتعلم لغات معينه

اغلب الجامعات تعلمك جافا او سي++
لانه المطلوب في الجامعه انها تعلمك البرمجة ومفهوم البرمجي
واسهل شي للبداية تكون في لغة الجافا
مدامك اتقنت لغة معينه تقدر تتعلم اي لغة ثانية بسهوله

وفي البرمجة تحديدا مو المهم عدد اللغات الي تعرفها المهم هو في ابداعك في لغة معينه على الاقل

-----------------

بالنسبة للمستقبل الوظيفي فهو تمام ،
وبخصوص البرمجة الي ملاحظه اكثر طلبا هو برمجة المواقع
لا اعلم عن السبب لكن ملاحظ اكبر نسبة وظائف متوفره تكون لبرمجة المواقع

نصيحة لا يكون اهتمامك فقط الدراسة قوي نفسك بشكل ذاتي مدام اهتمامك على البرمجة

موفق =)

cchance25 · 05-02-2017, 04:44 AM

وليد112

- الحد الأدنى من النسبة الموزونة لدخول الكلية.
تتغير من عام لعام، بالنسبة للملك سعود السنة القبول بعد السنة التحضيرية بناء على المعايير التاليه:

25% من نتيجة اختبار القدرات
25% من نتيجة الاختبار التحصيلي
25% من المعدل التراكمي للسنة التحضيرية
25% من درجة مقرري الرياضيات في السنة التحضيرية: 140 ريض و150ريض

بشرط انه ما يقل عن 70%

يعطيك العافية
لكن :
1 - القدرات والتحصيلي المقصود فيها اللي اختبرها وانا بالثانوية؟
2 - وشو هو اللي مايقل عن 70%

ايه نعم، القدرات والتحصيلي نفسها حق الثانويه.

المعدل التراكمي، الناتج من الحسبه اللي فوق ما يقل عن 70%.

*اقتبس ردي مره ثانيه عشان يجيني تنبيه.. وشكرا

وليد112 · 07-02-2017, 04:45 AM

يعطيكم العافية كلكم.
لكن وشي الخطة الدراسية يعني.
بسم الله قدمت على الجامعة وقبلت.
وشي الخطة وش اسوي ووش ادرس

أرسلت بواسطة iPhone بإستخدام ADSLGATE

علوم حاسب · 16-02-2017, 11:16 PM

علوم الحاسب
تخصص رائع اذا دخلته برغبتك
لاكن يبي له حركه وشغل شويتين
تخصص برمجه ,خوارزميات , بناء انظمة والكثير الكثير
الله يوفقك ويسدد خطاك

NAWIF · 17-02-2017, 07:32 AM

وليد112

يعطيكم العافية كلكم.
لكن وشي الخطة الدراسية يعني.
بسم الله قدمت على الجامعة وقبلت.
وشي الخطة وش اسوي ووش ادرس

أرسلت بواسطة iPhone بإستخدام ADSLGATE

انا بكلمك بالي يصير في جامعتي عشان اكون دقيق في المعلومات .
اول شي تدخل تحضيري عبارة عن ترمين تدرس فيها مواد ليست بصعبه ولاكن بدوام مرهق اذا كنت سيء بالانجليزي ولاكن اسطوري اذا ممتازه انجليزيتك (يعطونك يوم بدون دوام ) تدرس 4 ايام من الاسبوع و المواد تكون انجليزي و ريض 140 في الترم الاول (اذا تبي تدخل تخصصات الحاسب و الهندسية حاول على الاقل تجيب B+ ) وبعض المواد النظرية مثل مهارات الاتصال ، صحه ولياقه ، ريادة اعمال (اتوقع شالوها بعد دفعتي ) وغيرها
و الترم الثاني نفس الشي بس تدرس ريض 150 ( نفس الشي لازم تجيب فيها درجة زينه لان معدل قبولك يكون 15٪ منها و 10٪ من ريض 140 )
عموماً مواد الرياضيات بالتحضيري ليست بصعبه بل سهله ولاكن لازم تدخل بجدية وتلتزم بالحضور خاصه .
بعدها تقدم على التخصصات قبل الاختبارات النهائية بحيث ترتب جميع التخصصات من اكثر رغبة الى اقلها ويختارون لك الاكثر بالترتيب (بتعرف هذي الاشياء ادا دخلت)

وبعدين على حسب تخصصك تروح
كوننا نتكلم عن كلية الحاسب
فيه اربع تخصصات حالياً وبحطها بترتيب اعلى التخصصات في معدل القبول في الدفعه السابقة :-
1- هندسة برمجيات
2- هندسة الحاسب
3- نظم المعلومات
4-علوم حاسب
*المصدر https://dar.ksu.edu.sa/ar/s_gpa_n *
اذا حاب تعرف الخطة الدراسية لكل تخصص فيها تفضل عبر هذا الرابط :
https://dar.ksu.edu.sa/ar/CompSciPlans
*تخصص تقنية المعلومات فقط للطالبات *
واذا عندك اي سؤال حياك بالخاص يشرفني اني اساعدك

وليد112 · 17-02-2017, 01:10 PM

NAWIF

انا بكلمك بالي يصير في جامعتي عشان اكون دقيق في المعلومات .

اول شي تدخل تحضيري عبارة عن ترمين تدرس فيها مواد ليست بصعبه ولاكن بدوام مرهق اذا كنت سيء بالانجليزي ولاكن اسطوري اذا ممتازه انجليزيتك (يعطونك يوم بدون دوام ) تدرس 4 ايام من الاسبوع و المواد تكون انجليزي و ريض 140 في الترم الاول (اذا تبي تدخل تخصصات الحاسب و الهندسية حاول على الاقل تجيب B+ ) وبعض المواد النظرية مثل مهارات الاتصال ، صحه ولياقه ، ريادة اعمال (اتوقع شالوها بعد دفعتي ) وغيرها

و الترم الثاني نفس الشي بس تدرس ريض 150 ( نفس الشي لازم تجيب فيها درجة زينه لان معدل قبولك يكون 15 منها و 10 من ريض 140 )

عموماً مواد الرياضيات بالتحضيري ليست بصعبه بل سهله ولاكن لازم تدخل بجدية وتلتزم بالحضور خاصه .

بعدها تقدم على التخصصات قبل الاختبارات النهائية بحيث ترتب جميع التخصصات من اكثر رغبة الى اقلها ويختارون لك الاكثر بالترتيب (بتعرف هذي الاشياء ادا دخلت)

وبعدين على حسب تخصصك تروح

كوننا نتكلم عن كلية الحاسب

فيه اربع تخصصات حالياً وبحطها بترتيب اعلى التخصصات في معدل القبول في الدفعه السابقة :-

1- هندسة برمجيات

2- هندسة الحاسب

3- نظم المعلومات

4-علوم حاسب

*المصدر https://dar.ksu.edu.sa/ar/s_gpa_n *

اذا حاب تعرف الخطة الدراسية لكل تخصص فيها تفضل عبر هذا الرابط :

https://dar.ksu.edu.sa/ar/CompSciPlans

*تخصص تقنية المعلومات فقط للطالبات *

واذا عندك اي سؤال حياك بالخاص يشرفني اني اساعدك

هذي اي جامعة؟

Sent from my iPhone using ADSLGATE

وليد112 · 17-02-2017, 03:23 PM

طيب ياشباب وش وضع السكن الفردي

أرسلت بواسطة iPhone بإستخدام ADSLGATE

أدوات الموضوع
مشاهدة صفحة طباعة الموضوع أرسل هذا الموضوع إلى صديق