أفضل مواقع لبيع "Skin Stickers" بشحن مباشر ورخيص وأشكال فخمة جداً وخامة ممتازة

[عومري]

السلام عليكم ورحمة الله وبركاته

وانا احوس فالنت عن أفضل مواقع للأستيكرات عشان أغير شكل الجوال الممل الي تشوفه عند الكل ,
فحبيت ادور شيء يكون جميل ومقبول وتتميز عن غيرك فيه ,
حصلت اربع مواقع ممتازه وكل موقع يختلف نسبياً عن الثاني ,
وتعطيك الخيار بأختيار الألوان والشكل المناسب لذوقك وأسعار الشحن مناسبة جداً .

نقول بسم الله الرحمن الرحيم وعليه توكلنا ...

نبدأ في أول موقع وهو dbrand وبالنسبة لي يعتبر أفضلهم ,
بحكم أني أقدر اختار لكل قطعة فالجهاز بلون واحد او كامل ,
وأيضاً خامة الاستيكرات عالية الجودة وتتوفر انواع كثيره وبأشكال جميلة جداُ ,
والشيء الي عجبني أنه فيه مقاطع فيديو لطريقة التركيب لكل جهاز شرح مفصل ,
يعني أبيعك وأعلمك طريقة التركيب الصحيحة ,
وأيضاُ لديه استيكرات للابتوبات و ps4 و xopx one وغيره من الاجهزه ,
و أيضاً انه يوفر شحن مباشر وبسعر رخيص مقابل 14 ريال فقط ,
لذالك يعتبر هو الافضل أقلها بالنسبة لي

dbrand





الموقع الثاني هو slickwraps عنده خامات أكثر والوان أكثر من dbrand ,
ومن مميزاته انه يوفر أستيكرات بشخصيات أفلام معروفة وشخصيات كرتونية ,
و أيضا يوفر استيكرات للابتوبات و ps4 و xopx one وغيره من الاجهزه ,
لكن من سلبياته انه مايوفر للعميل أختيار اللون لكل قطعة فالجهاز مثل موقع dbrand ,
لكن يضل موقع ممتاز,
وأيضا يتوفر فيه شحن مباشر بسعر تقريبي ب 20 ريال وهذا كوبون خصم CASES

slickwraps




الموقع الثالث فهو skinit الشيء الجميل فيه هو أنك أنت الي تختار درجة لون الاستيكر وتمزج اكثر من لون مع بعض ,
ولاهو بس كذا تقدر تحط الصورة الي تبغها ويطبعونها لك على شكل استيكر ,
وأيضاً بامكانك تكتب نص على أي جهة من الاستيكر وبعدة أشكال من الخطوط والأحجام ,
يعني الموقع يقولك اختار الي تبي و حنا نفصل وأنت تلبس ,
ومن الاشياء الحلوة فيه انك تقدر تصمم استيكرات للأكواب و الشواحن والسماعات وحتى اللوحيات ,
وتختار الي يعجبك وعلى ذوقك ,
والموقع يوفر شحن مباشر بسعر أيضاُ جيد مقابل تقريباً 25 ريال

skinit




الموقع الرابع فهو gadgetshieldz يوجد لديه موقعين واحد في أمريكا والثاني في الهند ,
لكن الغريب فيهم أن الموقع الهندي يوفر مثل موقع dbrand انك تختار الألوان لكل قطعة فالجهاز,
اما الموقع الامريكي يعتبر مثل موقع slickwraps يوفر فقط الألوان الكاملة والجاهزة للجهاز ,
شيء غريب من الموقع ,
ولكن يعتبر من المواقع الجيده في جودة الاستيكرات ,
ومع الأسف الموقعين الهندي والامريكي لايتوفر فيهم شحن مباشر

gadgetshieldz الهندي

gadgetshieldz الامريكي





اتمنى الموضوع أعجبكم ونال على استحسانكم نراكم على خير

 

 

[bnFawaz]

يعطيك العافية ,, أتمنى القى عندهم شيء للاب توبي MSI GS70 ..
دورت كثيير ماحصلت الا بأمازون وبسعر مبالغ فيه جدا - 30 دولار بدون الشحن - ..

بشوف موقع skinit وان شاءلله عندهم تصميم على مقاس الجهاز

 

 

[عومري]

X-Back

يعطيك العافية ,, أتمنى القى عندهم شيء للاب توبي MSI GS70 ..
دورت كثيير ماحصلت الا بأمازون وبسعر مبالغ فيه جدا - 30 دولار بدون الشحن - ..

بشوف موقع skinit وان شاءلله عندهم تصميم على مقاس الجهاز

الله يعافيك , لايهمك هذا موقع decalgirl ,
عنده استيكرات بالهبل أشكال و الوان وتقدر تصمم لك لو حبيت وسعره لابأس به ,
لاتنسى اذا عجبك استيكر اختار مقاس الشاشة الطول والعرض ,
والشحن مجاني أذا وضعت الكود الي راح يطلع لك اذا جيت تدفع قيمة السلعة

 

 

[zxc777]

والله الموقع الأول أذكر إني فحطت فيه قبل سنه ولا حصلت شحن مباشر لهم لكن مدام الحين فيه شحن اعتقد هو افضلهم وخصوصا خامات الغلافات عندهم حلوه

 

 

[Mr.NooOooB]

يعطيك العافية المواقع ممتازة

انا جربت موقع

http://www.mightyskins.com/

اشوفه كويس

 

 

[ps3--top]

جربت dbrand


وصراحه رهيب .. طلبت لجوالي S7 edge

ولأخواني للايفون 6 والبلص

جوده عاليه وشكله رهيب كنت بنزل عنه مراجعه لكن تكيسلت

 

 

[KHALEDD222]

يعطيك العافيه الشحن على أي شركة تكفى لا تقول على البريد السعيد

 

 

[عومري]

zxc777

والله الموقع الأول أذكر إني فحطت فيه قبل سنه ولا حصلت شحن مباشر لهم لكن مدام الحين فيه شحن اعتقد هو افضلهم وخصوصا خامات الغلافات عندهم حلوه

ممكن شافوا الأقبال عليه كبير من خارج الولايات المتحدة , او تغيرت سياسة الشركة ,
لذالك فتح الشحن المباشر يعني طلبات أكثر , وفعلاً خامات الجهاز جداً ممتازه

Mr.NooOooB

يعطيك العافية المواقع ممتازة
انا جربت موقع
http://www.mightyskins.com/
اشوفه كويس

الله يعافيك , صحيح عندهم استيكرات بأشكال جميله وأيضا يدعم الشحن المباشر

ps3--top

جربت dbrand
وصراحه رهيب .. طلبت لجوالي S7 edge
ولأخواني للايفون 6 والبلص
جوده عاليه وشكله رهيب كنت بنزل عنه مراجعه لكن تكيسلت

طلبت منهم تقريباً قبل كم ساعه أكثر من استيكر لجاهز oneplus 3 وانتظر وصول الشحنه قادم الايام بمشيئة الله , و الجودة واضحه عليها أنها ممتازه

KHALEDD222

يعطيك العافيه الشحن على أي شركة تكفى لا تقول على البريد السعيد

الله يعافيك , يختلف من موقع الى موقع , لكن غالبهم على البريد السعودي

 

 

[ابو عـزيز]

وعليكم السلام ورحمة الله وبركاته

dbrand هل شحنه المباشر بهالسعر له رقم تتبع ؟

لأني قبل فتره طويله طلبت منهم واخترت شحن بدون تتبع وطلبي في مهب الريح !

حتى هم كاتبين إننا غير مسؤولين عن الطلبات الي بدون رقم تتبع وقتها !

 

 

[KHALEDD222]

اذا على البريد السعودي بطلنا خلاص يكفي الشحنات الي ضاعت علي

 

 

[ابوسلطان9]

يعطيك العافية على المواقع ممتازة

تم الحفظ

 

 

[danger511]

موضوع جدآ رائع ..
يعطيك ألف عافيه . .

 

 

[مدري123]

بغيت جواب لو سمحتم
هل الskin يستعمل مرة وحدة وبعدها خلاص ارميه؟؟

 

 

[عومري]

ابو عـزيز

وعليكم السلام ورحمة الله وبركاته
dbrand هل شحنه المباشر بهالسعر له رقم تتبع ؟
لأني قبل فتره طويله طلبت منهم واخترت شحن بدون تتبع وطلبي في مهب الريح !
حتى هم كاتبين إننا غير مسؤولين عن الطلبات الي بدون رقم تتبع وقتها !

بصراحة مدري , لكن اعتقد انه له رقم تتبع لان بعد شرائي منهم بالأمس ارسلوا لي ايميل وقالوا بعد يومين راح نرسل لك تفاصيل المشتريات و وقت وصول الشحنه , وأيضا ماكان فيه الا خيار واحد لطريقة الشحن وماهو مكتوب اذا تبي شحن برقم تتبع او بدون , بس غالباً له رقم تتبع ان شاء الله , وراح أفيدك خلال اليومين القادمين ان شاء الله

KHALEDD222

اذا على البريد السعودي بطلنا خلاص يكفي الشحنات الي ضاعت علي

ههههههه يارجال عندنا وعندك خير الي ضاع اكثر من الي انشرى لكن الشكوى لله ودك بشيء من هالمنتجات وحادينك على هالبريد , تساهيل يارجال ان شاء الله

ابوسلطان9

يعطيك العافية على المواقع ممتازة
تم الحفظ

الله يعافيك

danger511

موضوع جدآ رائع ..
يعطيك ألف عافيه . .

الله يعافيك

مدري123

بغيت جواب لو سمحتم
هل الskin يستعمل مرة وحدة وبعدها خلاص ارميه؟؟

هالله هالله , نعم يستخدم لمره وحده فقط , حتى أبسط لك ياعزيزي يعتبر زي الجلاد الي يحطونه على الكتب , لكن الفرق أن ازالته سهله ولايبقى للمادة اللاصقة اثر على الجهاز بعد ازالته

 

 

[ابو عـزيز]

عومري

بصراحة مدري , لكن اعتقد انه له رقم تتبع لان بعد شرائي منهم بالأمس ارسلوا لي ايميل وقالوا بعد يومين راح نرسل لك تفاصيل المشتريات و وقت وصول الشحنه , وأيضا ماكان فيه الا خيار واحد لطريقة الشحن وماهو مكتوب اذا تبي شحن برقم تتبع او بدون , بس غالباً له رقم تتبع ان شاء الله , وراح أفيدك خلال اليومين القادمين ان شاء الله
[/COLOR]

جربت كذا بس احاول اسوي عملية شراء طلع مافيه إلا خيار واحد للشحن أما قبل يوم أطلب كان فيه خيار ثاني وهو الأرخص وبدون تتبع رغم إن سعره كان أغلى من سعر الشحن الحالي أذكر كان بـ 5 دولار والشحن الي بتتبع قبل كان بـ 15 دولار إذا مانسيت .

حالياً 4 دولار تقريباً للشحن يعتبر جداً ممتاز إذا بتتبع وبطلب منه إن شاء الله إذا كان بتتبع !

أنتظرك تعطين العلم وتقولي شركة الشحن وحبذا بعد مايوصلك تقولي كان تصير أطلق شي

 

 

[عومري]

ابو عـزيز

جربت كذا بس احاول اسوي عملية شراء طلع مافيه إلا خيار واحد للشحن أما قبل يوم أطلب كان فيه خيار ثاني وهو الأرخص وبدون تتبع رغم إن سعره كان أغلى من سعر الشحن الحالي أذكر كان بـ 5 دولار والشحن الي بتتبع قبل كان بـ 15 دولار إذا مانسيت .

حالياً 4 دولار تقريباً للشحن يعتبر جداً ممتاز إذا بتتبع وبطلب منه إن شاء الله إذا كان بتتبع !

أنتظرك تعطين العلم وتقولي شركة الشحن وحبذا بعد مايوصلك تقولي كان تصير أطلق شي

هههههههه أبشر بالخير أول مايشحنونها أبعلمك وش هي شركة الشحن واذا كان فيه تتبع ولالا ,
واضح أنك غاسل يدك منهم هههههههه وشكلك حاس اني بنلخم معهم , لالا ماعليك الامور زينه ان شاء الله وراح توصل الشحنه بسلام وأبوريك الشحنه لا جات

 

 

[ابو عـزيز]

عومري

هههههههه أبشر بالخير أول مايشحنونها أبعلمك وش هي شركة الشحن واذا كان فيه تتبع ولالا ,
واضح أنك غاسل يدك منهم هههههههه وشكلك حاس اني بنلخم معهم , لالا ماعليك الامور زينه ان شاء الله وراح توصل الشحنه بسلام وأبوريك الشحنه لا جات

غابنيني ياخي زرفوني وسحبو علي !

والصدق شغلهم بطل بالستكرات وكذا تزبرق جهازك بالشكل الي أنت تبيه !

 

 

[WildBoy]

جهازي نحس مافي موقع يبيع له كيسات او حتى تصاميم

Sony Z2

 

 

[zxc777]

عومري

ممكن شافوا الأقبال عليه كبير من خارج الولايات المتحدة , او تغيرت سياسة الشركة ,
لذالك فتح الشحن المباشر يعني طلبات أكثر , وفعلاً خامات الجهاز جداً ممتازه



الله يعافيك , صحيح عندهم استيكرات بأشكال جميله وأيضا يدعم الشحن المباشر



طلبت منهم تقريباً قبل كم ساعه أكثر من استيكر لجاهز oneplus 3 وانتظر وصول الشحنه قادم الايام بمشيئة الله , و الجودة واضحه عليها أنها ممتازه



الله يعافيك , يختلف من موقع الى موقع , لكن غالبهم على البريد السعودي

الله يعطيك العافية على شرحك اخوي ومشكوووور

 

 

[عومري]

ابو عـزيز

غابنيني ياخي زرفوني وسحبو علي !

والصدق شغلهم بطل بالستكرات وكذا تزبرق جهازك بالشكل الي أنت تبيه !

المفروض انك تواصلت معهم وأكيد انك تواصلت معهم , وهم عندهم علم انك شاري منهم , بس غريب أنهم يقولون اي شحنه ماعليها رقم تتبع موب مسؤولين عنها

WildBoy

جهازي نحس مافي موقع يبيع له كيسات او حتى تصاميم
Sony Z2

لا نحس ولاهم يحزنون لاتحاتي جهازك موجود له وهذا الرابط لجهازك هنا و هنا , أبسط ياعم

zxc777

الله يعطيك العافية على شرحك اخوي ومشكوووور

الله يعافيك ياغالي , العفو