مقارنة بين شاشات البلازما و ال Lcd التلفزيونية وتقنية ال Hd

adel.w · 28-05-2006, 04:36 PM

بسم الله الرحمن الرحيم
اخواني الاعضاء حبيت استعرض بعض التقنيات الحديثه في الشاشات واجهزة العرض
وللتوضيح حبيت اسوي المقارنه لعدم علم كثير من الناس وعدم تفريقهم بين
البلازما وال LCD
وراح ان شاء الله استعرض الفرق بين الشاشات الجديده خصوصا لاقتراب كأس العالم والاقبال على شراء مثل هذا النوع من الاجهزة
وارجو عدم نقل الموضوع لأي منتدى في الانترنت الا بعد ذكرالمصدر منتدى بوابة الانترنت الرقمية,,
طبعا تتميز شاشات البلازما وLCD بصغر العرض بغض النظر ضخامة الشاشه مما يسهل عليك اختيار مكان مناسب لوضع مثل هاذي الشاشات في صالة الجلوس او غيره ويساعدك على تجميل الديكور والاختصار في المساحات فاقلها بامكانك تعليقها كمنظر في المجلس

نبداء بالمقارنه بين البلازما وال LCD
البلازما تتعامل مع بث الصوره لك عبر الغاز!!
اما ال LCD فهي تعتمد على السائل
وهنا تتفوق ال LCD حيث انك بكل بساطه لو تقترب من بعد نص متر عن الشاشه راح تشوف الوضوح كامل ولن يكون له تأثير على العيون
عكس البلازما لو تقترب نفس المسافه لن تشاهد الصوره بشكل جيد وراح يكون خطر على العينين

بالنسبه لحجم الشاشه :
البلازما سبق ان شفت شاشات بلازما تصل الى 80 انش او بوصه ويوجد اكبر
اما ال LCD فاكبر حجم موجود الان هو 46 بوصه وهي من صنع سوني ومتوفر هذا الحجم حتى الان فقط للمستهلكين في اليابان وامريكا وبالنسبه لدينا في منطقة الشرق الاوسط واوروبا يوجد 40 بوصه من شركة سوني 43 بوصه اعتقد من سامسونج

اذاً البلازما تتفوق على شاشات ال LCD بالحجم..

الوزن والتصميم :
بالنسبه للشكل فيختلف من شركه لشركه
لكن شاشات LCD تتميز بخفتها عكس شاشات البلازما فهي ثقيله
وهنا تتفوق LCD بالوزن لكن مو مهم الوزن الا في بعض الاحتياجات ...

الاستهلاك:
لو حطينا عدد معين من الساعات نقول مثلا 4ساعات يوميا والي تم عليها التجارب
البلازما لو تستهلك بمعدل4 ساعات يوميا راح تعيش معك 20 سنه
بينما LCD بمعدل 4ساعات يوميا استهلاك راح تعيش معك الدبل 40سنه!!
لكن المهم في ذلك ان البلازما بعد هذا الاستهلاك تنتهي وغير صالحه
لكن LCD تتطلب منك فقط بتغير قطعه في قلب الجهاز وراح يرجعلك الجهاز جديد

هنا تتفوق طبعا ال LCD لكن بشكل عام مدة استهلاك البلازما معقوله نوعا ما..

وضوح الصوره (اهم شي):
البلازما زي ماقلنا انها تبثلك الصوره عن طريق الغاز
LCD عن طريق السائل
وهي تتفوق بالوضوح اكثر من البلازما...

السعر :
البلازما ارخص من ال LCD وطبعا يعتمد على الشركه المصنعه لكن بشكل عام هي ارخص من LCD
فمثلا سعر البانسونك هاذي الايام البلازما 43 انش تقدر تحصله بمبلغ 8500 ريال تقريبا
بينما LCD سوني برافيا 40 بوصه وهي اكبر حجم تقريبا في المنطقة سعره 13000 الف ريال

بعض الصور لسوني برافيا الفصيله V
http://www.sonystyle.com/intershopro...KDLV40XBR1.jpg

طبعا مع هاذي المقارنه انا اشوف ان سوني برافيا LCD فصيلة V هو الاقوى في السوق من كل النواحي اشوفه ايجابي ماعدا الحجم<<<<<<<< تمنيت لو فيه اكبر من 40 بوصه من هذا النوع

وانا اوصي بشاشات ال LCD اكثر من البلازما وعن تجربه سابقه لكن تجربة LCD بالنسبه لي حديثه

والان بنتكلم عن تلفزيونات جيده من نوع 3ال سي دي بروجكشن (3LCD Rear Projection ):

كلنا نعرف تلفزيون البروجكشن التقليدي الموجود في المطاعم والكفيات والقهاوي (الي يجيك كبير حجمه 60 بوصه وعريض من الخلف)

التلفزيونات من النوع هاذا طوروها بحيث تكون اكثر وضوح بالصوره عكس الي قبلها
وصار في زاوية اوسع للمشاهده اكثر من قبل تذكرون البروجكشن العادي اذا كنت على جنب شوي تشوف فيه سواد في الصوره وغير ناصعه لكن مع ال سي دي بروجكشن صار شوي زاوية المشاهده اوسع
طبعا انا انصح في اتلفزيونات هاذي في الصالات الكبيره مثل 20×10 لعدة اسباب
اولها ان النوع هذا من التلفزيونات لازم تكون على بعد 2 متر اقل شي لمشاهدة صوره واضحه وتكون في وسط زاوية 60درجه تقريبا يعني تحطه في غرف 6×4 مو كل الجالسين بيشاهدون واضح ويعدمد على حجم الشاشه طبعا

بس الصراحه التفزيونات من النوع هذا ال سي دي بروجكشن حققت تميز ملحوظ

نجي للمهم والمضمون اولا الشركات الي اشوف تفوقت من هذا النوع هي JVC وسوني والصراحه الأولى انبهرت من جودتها عموما انا انصح ان تتطلعون عليها على الطبيعه
بالنسبه لل JVC في اكسترا مسوين عرض على الشاشه بتقنية ال HD
اما سوني افضل التوجه للوكيل لمشاهدة عرض جميع الشاشات الي ذكرت بتقنية ال HD

سوني لا انصح ب 60 بوصه لان موديه نوعا ما قديم في منطقتنا ودرجة الوضوح فيه اقل من غيره مثل 50بوصه
50بوصه من سوني موديله جديد ودرجة الوضوح فيه عاليه جدا اكثر من 60بوصه وخصوصا لمستخدمين تقنيى الHD
بعض الصور لهاذا النوع
http://www.sonystyle.com/is-bin/INTE...&max=8&index=1

اما ال JVC حصلت نوعين 70بوصه و 52 بوصه وكلهم جودة الصوره فيها خيال (انصح ان تشوفه على الطبيعه)

الاسعار:
السوني: 60بوصه 16500ريال تقريبا 50 بوصه 9500 ريال تقريبا
JVC: ا 70 بوصه لا اتذكر لكن بحدود22000ريال و 53 لا اذكر بعد

تقنية HD:
HD اختصار كلمة HIGH definition بما معنى عالي الوضوح وهي بالفعل عالي الوضوح لان بكل بساطه الصوره معاها اوضح ب 10 مرات واقل التفاصيل الصغيره تكون واضحه كما تستخدم صوت محيطي 5.1 ديجيتال نظام دولبي عالي النقاء واوضح من الDVD بمراحل
طيب كيف نستخدم هاذي التقنية:
1.يجب ان يكون التلفزيون يدعم تقنية HD بعني يجب ان يكون HDTV
2.يجب ان يكون جهاز العرض من نوع HD

كيف!!

رقم 1 واضحه لازم يكون في التلفزيون منفذ HD وهو يجيك نوعين نوع قريب من منفذ او كيبل ال USB او النوع الثاني مثل منافذ الDVD واعتقد انها 5 منافذ لكن خاصه في ال HD NOT DVD
والي انا اعرفه هو منفذ الي مثل اليو اس بي وسبق ان تعاملت معه

نروح لرقم 2. والمقصود نوع العرض مثلا القنوات الفضائية يجب ان تكون القناة تدعم ال HD والريسيفر يدعم HD واكيد التلفزيون واو تلاحظ لو تحط على قناة HD ماراح تطلعلك الصوره فقط الصوت الا اذا كان رسيفرك يدعم HD
وعلى فكره راح يكون قناة من قنوات ال ART لنقل مباريات كاس العالم تدعم خاصية HD

النوع الثاني من العرض الي هو الالعاب والى الان مافيه الا جهاز XBOX يدعم HD وقريبا البلايستيشن 3

وفيه نوع ثالث وسبق ان شفته في احدى صلات العرض في اوروبا لكن الصراحه ماعندي خلفيه سوى انه
جهاز محول من نظام عادي الى HD يعني عندك فديو او DVD او رسيفر عادي يحولك لوضوح تقنية HD بشرط التلفزيون يدعم ولا عندي فكره عن سعره

اخيرا اخواني اتمنى ان اكون افتكم ولو بالقليل واسف على ذكر تفاصيل التفاصيل واسمحولي على الاطالة
وانا جاهز لأي استفسار منكم حول الموضوع

تخصص dsl · 28-05-2006, 04:41 PM

يعطيك العافيه على هالموضوع
وصراحه كنت دائم اقول وشهو الفرق
بس لكن كفيت ووفيت ويعطيك العافيه

ودمتم سالمين

sailormoon · 28-05-2006, 05:56 PM

موضوع مهم ورائع يعطيك العافية عليه.............. واكيد عندي سؤال!!!
كيف نعرف الفرق بين LCD و Plasma ......... بمجرد النظر فقط ... اي بدون سؤال صاحب المحل او قراءة ماعلى الجهاز
( لم يسبق لي ان رايت احدهما ).... يعني ودي من مجرد نظرة اعرف اي نوع ذا الجهاز ؟؟؟؟

ارطبون · 28-05-2006, 06:06 PM

بارك الله فيك

مكتوب على شاشة جهازي المحمول HD Togo Mobile High Definition

والان فقط عرفت معناها

mtrb · 28-05-2006, 06:18 PM

شكرا جزيلا والى الامام مهندس عادل
نفس سؤال الاخ sailormoon واضيف هل ذلك في شاشات الحاسب المسطحة lcd نفس الكلام ام لا؟؟؟؟

حمادة دش · 28-05-2006, 06:50 PM

مشكوررررررررررررررررررررررر

ZiZw_911 · 28-05-2006, 08:05 PM

بارك الله فيك

موضوع جداً راااااائع

واشكرك عليه

وما انسى اشكرك ايضاً على موضوع برافو

واتمنى ما تحرمنا من ابداعاتك

ودمت في حفظ الله ورعايته

abuthabit · 28-05-2006, 10:03 PM

يعطيك العافية معلومات وافية وماقصرت

king of queens · 28-05-2006, 10:30 PM

اذاً البلازما تتفوق على شاشات ال LCD بالحجم..
*والشكل الاجمل ! لاني لقيت عند سوني شاشات شفافه

بالنسبه للشكل فيختلف من شركه لشركه
لكن شاشات LCD تتميز بخفتها عكس شاشات البلازما فهي ثقيله

*غريبه ! السوني عنده نوع جداري بلازما شفاف كانه مرايه وسمكه رقيق جدا بعكس البريفيا وكان ب 40 الف ريال !

البلازما زي ماقلنا انها تبثلك الصوره عن طريق الغاز
LCD عن طريق السائل
وهي تتفوق بالوضوح اكثر من البلازما...

*امممممم طيب مو على اساس ان تقنيه البلازما تقنيه متطوره اكثر واحدث من الكرستال واغلى بكثير ؟ انا اذكر اول مانزل البلازما كان خيالي ! ومعلومتك مفيده جدا بس السوني يعارضون كلامك ويروجون للبلازما على الرغم من ان البريفيا مكتسح .

HD اختصار كلمة HIGH definition بما معنى عالي الوضوح وهي بالفعل عالي الوضوح لان بكل بساطه الصوره معاها اوضح ب 10 مرات واقل التفاصيل الصغيره تكون واضحه كما تستخدم صوت محيطي 5.1 ديجيتال نظام دولبي عالي النقاء واوضح من الDVD بمراحل

*كيف اوضح من الديفيدي ؟ نضام الصوت 5.1 ماله دخل بالدي في دي ولا له دخل بالصوره ! هاذا سلمك لله قياس لصوت الواقعي ب استخدام مستشعرات خاصه لاتتكون الى في استوديو مؤثرات صوتيه مثل افلام هوليوود ثم تدمج مع الصوره في دي فيدي خاص . وحاليا نزل جيل الكميرات 5.1 يعطيك جو مقارب في محيط بيئي حدوده 5 سماعات وسبيكر بدون المضخم وهو الاساس انا عندي وحده سوني ب 7000 الاف بس ماتحس انها فعاله مثل جوده DTS الموجوده في الافلام

رقم 1 واضحه لازم يكون في التلفزيون منفذ HD وهو يجيك نوعين نوع قريب من منفذ او كيبل ال USB او النوع الثاني مثل منافذ الDVD واعتقد انها 5 منافذ لكن خاصه في ال HD NOT DVD

*تقصد الكومبوننت 3 صوره واثنين صوت يمين ويسار نوع ستوريو وليس 5.1

النوع الثاني من العرض الي هو الالعاب والى الان مافيه الا جهاز XBOX يدعم HD وقريبا البلايستيشن 3

*انا العب هاي ديف بس بشرط ان اللعبه توفر صيغه معينه ووجود الكيبل والتلفزيون الي يدعم الصيغه والكيبل الكمبوننت

شكرا لك على الموضوع الرائع والنقاش معك صراحه ممتع

adel.w · 28-05-2006, 10:37 PM

تخصص dsl
حياك الله وسرني مرورك وزي ما انت عارف مهم معرفة الفرق بين شغلات كثير ومنها الي شرحنا

sailormoon
يعافيك ربي
يالغالي فيه كذا طريقه وخصوصا اذا كنت مطلع في كذا طريقه للتميز
منها مجرد الاقتراب من الشاشه وتخلي عيونك بعدها عن الشاشه نصف الى ربع متر (على حسب حجم الشاشه) وراح تلاحظ اشعاع البلازما قوي في العيون بعكس LCD ولنتائج افضل ان لايكون بينكم حاجز مثل زجاج محل او غيره

اما الطريقه الثانيه وهي سهلة التعرف ان تضع ظفر اصبعك على سطح الشاشه وقم بتحريكه على سطح الشاشه وراح تلاحظ ان شاشات ال LCD راح يتحرك مع حركة اصبعك السائل ((مثل مثل نتائج شاشات الحاسب المكتبي والمحمول LCD)) عكس البلازما لن يحدث اي تغير

ارطبون
سرني تواجدك
وفعلا راح تستمتع بتطبيقات راح تنذهل من قدرات تقنية ال HD منها الالعاب

mtrb
هلا والله وغلى وسرني مرورك بالنسبه للسؤال جاوبت عليه
وبالنسبه لسؤالك انا اشوف ان شاشات الحاسب
نفس التقنية لكن شاشات LCD TV تتعدد فيها الوظائف وجودة الصوره بها عاليه جدا عن المستخدمه في الحاسب
لكن بكل بساطه تستطيع تشغيل الحاسب على هذا النوع من الشاشات

حمادة دش
العفو وسرني تواجدك

ZiZw_911
كلك ذوق يالغالي
والله لايحرمنا منك ولا من الشباب المتواجدين
واتمنى اني اكون مفيد لك
وللاخوان وهذا مايسعدني
والله يحفظك معنا ولا يحرمنا منكم

abuthabit
ويعافيك اخونا ابو ثابت ولنا الشرف بتواجدك

احبائي حبيت اضيف شغله الي هي الي عنده قمر هوت بيرد راح يجد في التردد الي بعطيكم قناة تبث على تقنية HD لكن اذا الريسيفر لايدعم التقنية راح يظهر معه الصوت فقط واذا الريسيفر يدعم تقنية الدولبي راح يجد صوت جودة الصوت خرافيه
القمر هوت بيرد
التردد
11240
V
27500
4\3
ويعطيكم العافيه واستنى استفساراتكم

الواصل · 29-05-2006, 12:18 AM

مشكور وما قصرت والله استفدنا من هالمعلومات
الله يعطيك العافية

adel.w · 29-05-2006, 12:46 AM

king of queens
سرني تواجدك
*والشكل الاجمل ! لاني لقيت عند سوني شاشات شفافه
شفافه!!

غريبه ! السوني عنده نوع جداري بلازما شفاف كانه مرايه وسمكه رقيق جدا بعكس البريفيا وكان ب 40 الف ريال !
تتكلم قبل اربع واو 5 سنين التقنيه تتقدم يوم ورا يوم

اخي لاتوجد مثل هاذي الشاشات الان وبهاذي الاسعار لشاشات LcD وحتى البلازما الا بحاله وحده وهي ان تكون حجم الشاشه فوق 50 اوافقك 50بوصه للبلازما

انا اذكر اول مانزل البلازما كان خيالي ! ومعلومتك مفيده جدا بس السوني يعارضون كلامك ويروجون للبلازما على الرغم من ان البريفيا مكتسح .
لم يسبق لي ان سمعت لشركة تروج لمنتج مو متوفر لديها الان وان كان سابقا فتفوق منتج جديد على منتجها القديم بلا شك ولتوضيح الصووووره عندك وارد على كلامك الي قبل واذكرلك جميع منتجات سوني من شاشات ال Flat Panel
وهي كلها من نوع LCD
46" BRAVIA™ S-Series LCD HDTV
KDL-46S2000

40" BRAVIA™ S-Series LCD HDTV
KDL-40S2000

32" BRAVIA™ S-Series LCD HDTV
KDL-32S2000

26" BRAVIA™ S-Series Digital LCD HDTV
KDL-26S2000

40" BRAVIA™ LCD HD Monitor
KLV-40U100M

32" BRAVIA™ LCD HD Monitor
KLV-32U100M

40" BRAVIA™ XBR® LCD Flat Panel HDTV
KDL-V40XBR1
32" BRAVIA™ XBR® LCD Flat Panel HDTV
KDL-V32XBR1
26" BRAVIA™ XBR® LCD Flat Panel HDTV
KDL-V26XBR1

اين هي البلازماهاذي منتجات سوني لشاشات Flat Panelفي جميع انحاء العالم بستثناء 46 بوصه لتوفره للمستهلك في اليابان وامريكا حاليا

وانصحك ان تذهب لمعرض سوني وشاهد عرض 40 بوصه برافيا فصيلة V وراح تقتنع عزيزي

كيف اوضح من الديفيدي ؟ نظام الصوت 5.1 ماله دخل بالدي في دي ولا له دخل بالصوره !

اخي اقصد كاصوره ولا صوت والصوت يعتمد على مادة الديفدي
الصوره اوضح ب10 مرات من البث العادي للقنوات العاديه وليس DVD بالنسبه لل DVD فال HD اوضح تقريبا 5 مرا ت من تجربه شخصيه
ونظام الصوت هنا كنت اقصد فيه انه يصل البث الفضائي على تقنية الHD الصوت فيه دولبي 5.1 وهذا عزيزي مو جايبه من مخي

هاذا سلمك لله قياس لصوت الواقعي ب استخدام مستشعرات خاصه لاتتكون الى في استوديو مؤثرات صوتيه مثل افلام هوليوود ثم تدمج مع الصوره في دي فيدي خاص . وحاليا نزل جيل الكميرات 5.1 يعطيك جو مقارب في محيط بيئي حدوده 5 سماعات وسبيكر بدون المضخم وهو الاساس انا عندي وحده سوني ب 7000 الاف بس ماتحس انها فعاله مثل جوده DTS الموجوده في الافلام
عزيزي هذا موضوع ثاني

*تقصد الكومبوننت 3 صوره واثنين صوت يمين ويسار نوع ستوريو وليس 5.1

حبيب قلبي انا كنت ناوي اقرب صورة الكيبل لا التسميه وراح ارفق صور الكيبل والمنفذ

عزيزي انا كنت اشرح البث الفضائي وش دخل 5.1 في تشبيك الاسلااك الله يرحم والديك

انا العب هاي ديف بس بشرط ان اللعبه توفر صيغه معينه ووجود الكيبل والتلفزيون الي يدعم الصيغه والكيبل الكمبوننت

اخي العزيز ال Xbox 360 يدعم HD والبلاي ستيشن 3 يدعم كذلك

شكرا لك على الموضوع الرائع والنقاش معك صراحه ممتع
وشكرا لك انت بعد على مداخلتك الرائعه والنقاش معك امتع جدا

وعلى فكره انا لم اشرح الا عن باااب تجربه ومريت على اكثر من 5 انواع من الشاشات المعنيه انا ماني جاي اتفلسف
انا فقط اعرض تجربتي ووجهت نظري وما هو افضل بالسوق من وجهة نظري بعد

صورة لمنفذ التلفزيون HDMI
http://adslgate.com/dsl/attachment.p...1&d=1148852299
صوره لمنفذ الريسيفر HDMI
http://adslgate.com/dsl/attachment.p...1&d=1148852299
صوره لنوع الكيبل المستخدم
http://www.sonystyle.com/intershopro...50/DLCHM50.jpg
صورتين توضح وضوح الصوره لتقنية ال HD
http://adslgate.com/dsl/attachment.p...1&d=1148852299
http://adslgate.com/dsl/attachment.p...1&d=1148852317

holine · 29-05-2006, 01:30 AM

بارك الله فيك اخي الكريم

معلومات قيمة جدا

نتمنى ان تتحفنا بالمزيد عن تقنيات الاجهزة الحديثة

تحياتي لك

البارز1100 · 29-05-2006, 03:25 AM

يعطيك العافيه على الموضوع

king of queens · 29-05-2006, 07:38 AM

تتكلم قبل اربع واو 5 سنين التقنيه تتقدم يوم ورا يوم

اخي لاتوجد مثل هاذي الشاشات الان وبهاذي الاسعار لشاشات LcD وحتى البلازما الا بحاله وحده وهي ان تكون حجم الشاشه فوق 50 اوافقك 50بوصه للبلازما

*ولله جايز يكون كل شي تغير ! بس انا كان اعتقادي ان البلازما تتفوق حضاريا وسمعتها كانت انها جيل جديد وبصراحه مدري عن الاسعار اليوم ؟

انا اذكر اول مانزل البلازما كان خيالي ! ومعلومتك مفيده جدا بس السوني يعارضون كلامك ويروجون للبلازما على الرغم من ان البريفيا مكتسح .
لم يسبق لي ان سمعت لشركة تروج لمنتج مو متوفر لديها الان وان كان سابقا فتفوق منتج جديد على منتجها القديم بلا شك ولتوضيح الصووووره عندك وارد على كلامك الي قبل واذكرلك جميع منتجات سوني من شاشات ال Flat Panel

*دقيقه بعدل ردي الي فوق كنت اقصد في الكلام ان كل الشركات عدى سوني تروج للبلازما بعكس سوني الي تذم في البلازما ! ... وشي غريب لما تتروح لهم وينكرون البلازما

[

اين هي البلازماهاذي منتجات سوني لشاشات Flat Panelفي جميع انحاء العالم بستثناء 46 بوصه لتوفره للمستهلك في اليابان وامريكا حاليا

* طيب افهم مننك ان السوني اتجهت للكرستال ووقفت البلازم! والغريب ان موقع السوني دائما يلغي الموديلات القديمه .

وانصحك ان تذهب لمعرض سوني وشاهد عرض 40 بوصه برافيا فصيلة V وراح تقتنع عزيزي

*السوني تربطني معهم علاقه 8 سنواات على جميع المنتجات ومقتنع بالبريفيا . لاكن حركه السوني بايخه في العرض بعكس ال جي في سي + يجلس يذم لك بكل المنتجات القديمه ... كان عندي جراند ويقا وماتصدق اش قال يوم جيت اشتريه !

اخي اقصد كاصوره ولا صوت والصوت يعتمد على مادة الديفدي
الصوره اوضح ب10 مرات من البث العادي للقنوات العاديه وليس DVD بالنسبه لل DVD فال HD اوضح تقريبا 5 مرا ت من تجربه شخصيه
ونظام الصوت هنا كنت اقصد فيه انه يصل البث الفضائي على تقنية الHD الصوت فيه دولبي 5.1 وهذا عزيزي مو جايبه من مخي

*هههههههه Take it Easy and it's my bad
فهمت قصدك الان ههههه

عزيزي انا كنت اشرح البث الفضائي وش دخل 5.1 في تشبيك الاسلااك الله يرحم والديك

* الصوت نص الصوره واجباري ندخل لو بالغلط على موضوعه
and i love you 2 just take it easy dude

اخي العزيز ال Xbox 360 يدعم HD والبلاي ستيشن 3 يدعم كذلك

*كلامك صح ... بس القهر ان كل لعبه لازم تكون هاي ديف علشان يدعمها الجهاز مثل شرحك لرسيفر والبث بالضبط
ولله شي مكلف جدا

وعلى فكره انا لم اشرح الا عن باااب تجربه ومريت على اكثر من 5 انواع من الشاشات المعنيه انا ماني جاي اتفلسف
انا فقط اعرض تجربتي ووجهت نظري وما هو افضل بالسوق من وجهة نظري بعد

* ماعاذ لله واخوي عادل حتى لوتفلسفت لك الحق انت واضح انك خبير ومجرب واحنا نستفيد من تجاربك خصوصا الانسان يتردد احيانا لجهله بالشيئ ومثلك ومواضيعك تخلينا نتفهم الامور ببساطه ! صح
بس صدقني بامكان اي شخص يمر ويقولك كلمتين (شكر ماقصرت) وتوصل الردود عشره وينتهي الموضوع
يعني توقعنا نناقشك بكل صغيره ( لانك صرحت لنا هههههه )
بس لاتتنرفز ولا تعصب ولا يروح بالك لبعيد

صورة لمنفذ التلفزيون HDMI
http://adslgate.com/dsl/attachment.p...1&d=1148852299
صوره لمنفذ الريسيفر HDMI
http://adslgate.com/dsl/attachment.p...1&d=1148852299
صوره لنوع الكيبل المستخدم
http://www.sonystyle.com/intershopro...50/DLCHM50.jpg
صورتين توضح وضوح الصوره لتقنية ال HD
http://adslgate.com/dsl/attachment.p...1&d=1148852299
http://adslgate.com/dsl/attachment.p...1&d=1148852317[/QUOTE]

adel.w · 29-05-2006, 12:41 PM

الواصل
حياك الله ومشكور بمرورك

holine
سررت بمرورك

البارز1100
حياك الله مره وسررت بتواجدك

king of queens

حياك الله مره اخرى
ياملك صدقني حرب البلازما وال LCD حرب يبلها الواحد يتعمق فيها من الناحية التجاريه الشركات الكبيره مثل شركة سوني ما اظن راح تتخلى عن منتج قوي مثل البلازما الا فيه شي والعكس صحيح لبعض الشركات

*السوني تربطني معهم علاقه 8 سنواات على جميع المنتجات ومقتنع بالبريفيا . لاكن حركه السوني بايخه في العرض بعكس ال جي في سي + يجلس يذم لك بكل المنتجات القديمه ... كان عندي جراند ويقا وماتصدق اش قال يوم جيت اشتريه !

قلت حركت سوني بايخه في العرض ... اهااا جينا لمربط الفرس
هذي مشكلة في الوكيل ويعتمد اساسا على المنتج وقوته صدقني كم عمر ال جي الي هي قولدستار
وكم عمر سوني ومتى اخر مره شاهت دعايه لمنتج مثل مرسيدس مثلا
قلت كان عندي جراند ويقا وماتصدق اش قال يوم جيت اشتريه !....
صدقني انا ما اتكلم على الوكيل او التسويق لديه عندنا في السعوديه انا ماعلي منهم وهاذي مشكله قد تكون موجوده عندهم .......صدقني لم اواجه اي مشكله من مندوب الشركه لدى سوني علما اني اعلم (( ببثارت)) الكثير منهم
وصدقني انا اتكلم عن المنتج ولا اسوق لكن اتكلم على شي جربته واعجبني
وانصحك لمشاهدة البرافيا لدى الوكيل لتوفر عرض ال HD على شاشاته بعكس اي صالات عرض

*كلامك صح ... بس القهر ان كل لعبه لازم تكون هاي ديف علشان يدعمها الجهاز مثل شرحك لرسيفر والبث بالضبط
ولله شي مكلف جدا

هنا المشكله نفس الشي للالعاب لازم تدعم الهاي ديف زي ماتفضلت مثل العاب الديفدي
اتذكر سبق ان شريت بلاي ستيشن من بريطانيا واحصل على العبه مكتوب بستطاعتك اللعب اون لاين على شبكة الانترنت
انذهلت وانا اجرب قاعد اقول لنفسي وش ازين من انك تلعب بالبلاي ستيشن على النت
وفعلا شريت قطعه ركبتها على البلاي ستيشن نقدر نسميها هنا كرت الشيكة خاص فيه وبس شبكت سلك شبكة من البلاي ستيشن الى الراوتر والعب على النت ولا احلى لكن اعتقد يجب ان تكون العبه اصليه او اقصد السي دي
كذلك بالتاكيد يجب ان تكون اللعبه تدعم العب على الانتر نت او الشبكات
وهذا زي ماتفضلت شي مكلف مره تصور اللعبه في اوروبا سعره في اول اشهر لها قرابة ال 350 ريال وعندنا منسوخه ب 5 ريال او 10

عزيزي king of queens
انت عزيز وغالي وعلى راسي من فوق وصدقني انا لا اذم شاشات البلازما او غيره لكن انا افضل الي ذكرت ورائيت العيوب وفرق وضوح الصوره الي اذهلني

خوذو عندكم هالمعلومة
تذكرو القنوات كيف كانت
على الانينا
بعدين فنوات فضائية نستقبلها بالدشوش او الستلايت ووكانت قنوات تماثلية
بعدين تطور البث وصارت قنوات رقمية تتطلب اجهزة خاصة مننا ومثل الريسيفر الرقمي (الدجتل)
والان يوجد توجه جديد للبث وهو البث عن طريق تقنية HD لكنه مكلف جدا على المشاهد وعلى المصدر
فهناك اقمار خاصه او ترددات خاصه تدعم التقنية وفمثلا فناة BBC HD هاذي قناة البي بي سي الي راح تبث كاس العالم لمواطنين ومقيمين المملكة المتحده على قمر استرا ومثلا قناة كاس العالمHD والتابعه لل ART وما اعلم وش صحة هالقناة وبثها بالنيل سات على هاذي التقنية

king of queens · 29-05-2006, 04:49 PM

الواضح ان الجميع متفق على البرافيا الحمد لله وهاذا شي مهم علشان ماتروح للحيره والبحث في المنتديات
اخوي عادل .. كنت عند سوني الصباح فرع مجمع الراشد
وتفاجاءت صحيح يوم ماشفت الا البريفيا !
وسئلته وقال ان الشركه سحبت جميع المنتجات .. قبل فتره
وعن السبب قال ما ادري بس المنتج كان مشاكله كثيره ...الخ
واستمتعت بعرض البرافيا ... بس لاسف ماتدعم 1080p
وحجمها جيد نوعا ما !

وبصراحه ترددت في اخر لحضه ... هل انتظر حجم اكبر ؟
او انتظر الصيغه الجديده 1080p؟
لان السوني يسوونها في اي لحضه !

اشرايك ؟

adel.w · 30-05-2006, 03:50 AM

السلام عليكم
قلت انت :
الواضح ان الجميع متفق على البرافيا الحمد لله وهاذا شي مهم علشان ماتروح للحيره والبحث في المنتديات
بعدين قلت
وبصراحه ترددت في اخر لحضه ... هل انتظر حجم اكبر ؟
يالغالي كنق انت شفت الجميع متفق على البرافيا وهذا انا اتوقع يشكل لك 70%الى 80% على الجزم حلو والباقي 20%
تشك لك انت وبعدين تتخذ القرار ماعلينا
انت ترددت كويس واتخاذ القرار دائما الواحد يتردد وترددك حلو
بس اهم شي انت تشوف احتياااجاتك

وعشان اساعدك لتخاذ القرار ابغى منك تجاوبني على كذا سؤال:
1. كم حجم الغرفه الي راح تحط التلفزيون فيها؟
2.هل انت محتار بين البلازما والLCDوتقنيات اخرى,ولا عازم على ال LCD
3.ايش راح يكون استخدامك على التلفزيون؟وابغاك تفصلها لي بالنسبه المئويه ان حصل
مثلا (ا العاب, فيديو, dvd ,. القنوات الفضائية , القنوات الأرضية,استخدام الكمبيوتر عليه,وغيره ان وجد ) وكم بالنسبه المئويه تقريبا راح تستخدم تقنية ال HD بالي انا ذكرت؟
4.كم الميزانيه تقريبا الي مخصصها لأقتناء الشاشه؟
5.وش الحجم الي تشوفه يناسبك؟
6.كم المده الي تقدر تصبر عليها لو راح يجي حاجه جديده اقصد مثل حجم اكبر او غيره
7.كم حاط في بالك راح تستخدم التلفزيون سنه ثلاث عشر الخخ؟
8.ايش درجة اهمية الشاشه عندك انها تكون 1080p هل هي مهمه لدرجه كبيره عندك؟
ويالغالي ابغاك ترجع المعرض لشغلتين
1. ابغاك بعد تشاهد كذا شغله تشاهد الشاشه على القنوات الارضيه خله يشبكها لك الهندي
وتشاهد الشاشه على الريسيفر العادي حق القنوات الدجتل الفضائية
وتشاهد الشاشه على الفيديو العادي التقليدي والدي في دي وكميرة الفيديو
ولامانع بعد انه يشبك لك اللاب توب عليه<<<<<<<<<<<<< احس ان الهندي بيطردك لووول
واضافه الى عرض ال HD الي شفت
وذلك عشان تكون مقتنع في الأداء للشاشه وماتتحسف انك شريته مثلا وماتقول والله لو ولو وانا اعتقد انك راح تقتنع بالتاكيد وكمان ويهمني ملاحضاتك على كل جهاز شبكته كل هاذا طبعا قبل ماتشريه

2. وانت راجع لهم مره وحده ابغاك تشوف موديل من الشاشات الثانيه الي هي بروجكشن3LCD ومقاس 55 بوصه
تراه بعد خيالي
وعطني رايك بعد

ولا مانع من الترخي قليلا لكن بالنهايه تطلع بشي متعوب عليه ومقتنع منه تماما

قلت:
او انتظر الصيغه الجديده 1080p؟
لان السوني يسوونها في اي لحضه !

هههههههه الصراحه سوني تسويها زي السلام عليكم وهذا الي يقهر في سوني وغيره اتكلم بشركات التقنيه بشكل عام وبجميع انواع التقنيه مو بس التلفزيونات
اااااااااااااااه والله ياالتقنيه متابعتها تقهرك خصوصا اذا انت مهتم في اقنائها وبيعها مستعمله اشوف انها خساره كبيره
لذلك هي تكلف المهتم في اقنائها امواااال باهضة ...اقلها الجوال مايمديك شريت واحد 2500 ريال الا بكرا طالعلك ازين منه

وبالمناسبه لجديد سوني للفتره القريبه القادمه ما اعتقد ان راح ينزل برافيا 46 بوصه في المنطقه خصوصا انه مو متواجد حتى في اوروبا ومتواجد فقط في اليابان وامريكا وحتى لو جابه يبقى هو من الفصيله S الي لونها يجيك فضي
اما الفصيله V وتجيك بالون الاسود فهي متفوقه بكذا شغله واوضح بالصوره من الفصيله S
وعن شاشات جديده كليا ما اظن كمان انها راح تنزل في الفتره المقبله اقرب شي في الصيف الجاي والله واعلم واذا مره مستعجلين هم في التقنيه على الكرسمس بداية السنه الميلاديه او في الصيف زي ماقلت وجميع الشركات بمختلف المنتجات تقنيه او غيره يكون طرحهم لمنتجاتهم في هذا الوقت غالبا ماعدا الملابس وغيره القليل يمكن يكون لها 4 مواسم اثنين منهم الي ذكرت<<<<<خرجنا عن الموضوع

<<<<<<<<<ماوقف عن الكلام

المهم استنى ردك يالغااالي
وتحياااااتي لك

king of queens · 01-06-2006, 02:48 AM

تدري ليش مارديت عليك !
لاني شبه شريته !؟

مثل ماتقول رحت ادفع للجهاز الاسود ... قالو خلص اصبر الى يوم الخميس او شيك على الموزع . طيب مااختلفنا
عندي زميل عزيز على يشتغل في الاداره كان مواعدني بخصم خاص ...الخ

بس قالي حاجه موكويسه .. عن الضمان انه كان 6 شهور وجات عليه مشاكل في السوفت وير وخلو الضمان سنه !
وقال الجهاز جديد ويعتبر الدفعه الاولى ..ليه ماتعطيه فرصه الى نهايه او قبل رمضان ؟

بصراحه ... ليتني ماكلمته ! انا متعود اذا عجبني شي اشتريه وينتهي الامر .

وبجاوبك على اسئلتك الان برد منفصل .

king of queens · 01-06-2006, 03:25 AM

[QUOTE=adel.w]السلام عليكم

*وعليكم السلام .

قلت انت :
بعدين قلت

*انا برييييييئ ومظلوم وماقلت شي .. هههههه

1. كم حجم الغرفه الي راح تحط التلفزيون فيها؟

* تقدر تقول غرفه ريكريشن مافيها الا كنبه ريك لاينر تقريبا 7*6

2.هل انت محتار بين البلازما والLCDوتقنيات اخرى,ولا عازم على ال LCD

* لا ... لو بفكر اشتري ماراح اشتري الا برافيا يعني مو اي LCD

3.ايش راح يكون استخدامك على التلفزيون؟وابغاك تفصلها لي بالنسبه المئويه ان حصل

*افلام هاي ديف مسرح منزلي 40%
*اكس بوكس 360 للهاي ديف 30%
*لشوتايم (خصوصا كاس العالم) 30%

مثلا (ا العاب, فيديو, dvd ,. القنوات الفضائية , القنوات الأرضية,استخدام الكمبيوتر عليه,وغيره ان وجد ) وكم بالنسبه

* لا مااحب استخدمها للكمبيوتر لاني احب التخصص للكمبيوتر عندي شاشه ديل 19 بوصه كرستال

المئويه تقريبا راح تستخدم تقنية ال HD بالي انا ذكرت؟

* 80%

4.كم الميزانيه تقريبا الي مخصصها لأقتناء الشاشه؟

15000 ريال

5.وش الحجم الي تشوفه يناسبك؟

*من 50 بوصه فمافوق

6.كم المده الي تقدر تصبر عليها لو راح يجي حاجه جديده اقصد مثل حجم اكبر او غيره

*مشكله ! سؤال اتهرب منه لاني في تاريخ 3/2007 ان لله وفق راح اسافر لاكمل التخصص لمده 4 سنوات
يعني انا مااقدر اصبر او اهون عنه لان العمليه زياده رفاهيه +كاس العالم فقط

7.كم حاط في بالك راح تستخدم التلفزيون سنه ثلاث عشر الخخ؟

*انا نادرا مااتخلص من الاجهزه الى لسبب سفره او ترقيه في العمل لاكن استخدم مدى عمر الجهاز

8.ايش درجة اهمية الشاشه عندك انها تكون 1080p هل هي مهمه لدرجه كبيره عندك؟

*حاليا تراجعت عنها لعدم توفر الداعم + انها مهم لعده اسباب منها انت دافع دافع و المشكله ان الدنيا تتطور بكره تكون الصيغه هاذي اهم شي .. واضطر اشتري جهاز غيره ! ودائما تحصل معي للاسف ف هالمره لازم اركز ان شاء لله

1. ابغاك بعد تشاهد كذا شغله تشاهد الشاشه على القنوات الارضيه خله يشبكها لك الهندي

* بدون مااروح .. انا يوميا اشوفها في قاعه الترفيه بالعمل + انا متعود على كل الانواع لان عندي بروجكشن فيغا ودايم شابك على الرسيفر واحيانا هاي ديف يعني مكون قاعده معلومات عنها

2. وانت راجع لهم مره وحده ابغاك تشوف موديل من الشاشات الثانيه الي هي بروجكشن3LCD ومقاس 55 بوصه
تراه بعد خيالي

* انت لان اصبتني بمقتل ! 60 بوصه او 50 خياااااااال والشكل هبال بس بصراحه يوم اشتغل البرافيا نسيت الجراند فيغا نهائيا وكان العرض هاي ديف بعد ! بس القهر انها 40 بس ! وسعرها غالي ! يعني اشتري سينما 60 اصرف لي ماديا بس الجوده اسمحلي كنها البروجكشن العادي تقريبا !

هههههههه الصراحه سوني تسويها زي السلام عليكم وهذا الي يقهر في سوني وغيره اتكلم بشركات التقنيه بشكل عام وبجميع انواع التقنيه مو بس التلفزيونات
اااااااااااااااه والله ياالتقنيه متابعتها تقهرك خصوصا اذا انت مهتم في اقنائها وبيعها مستعمله اشوف انها خساره كبيره
لذلك هي تكلف المهتم في اقنائها امواااال باهضة ...اقلها الجوال مايمديك شريت واحد 2500 ريال الا بكرا طالعلك ازين منه

* خصوصا اجهزه الحاسب الشخصي !
..........

طيب اخوي عادل ... اشرايك ب عرض الباناسونك الاخير ؟

وماتلاحض ان الضمان يخوف ؟

وهل تتوقع انه يكون فيه عروض تمديد ضمان ؟

لو انك مكاني تشتريها علشان تستخدمها اقل من سنه وتتركها او تبيعها ؟ اهم نقطه صراحه

وشكرا على مساعدتك .. ومثل المواضيع هاذي تقلل من نسبه الندم او التخبط في المنتج وتعزز من اتخاذ القرار
ولله الموفق

أدوات الموضوع
مشاهدة صفحة طباعة الموضوع أرسل هذا الموضوع إلى صديق