السرير الطبي الكهربائي

[في خاطري شي]

الله يمسيكم بالخير جميعا يا اخوان
عندي استفسار يا اخوان للي عنده اي معلومه يفيدني وليس له مني الا الدعاء له بالصحه والعافيه
عندي استفسار عن السرير الطبي الكهربائي .. وين يبيعونه في الرياض .. وكم اسعاره .. وماهي انواعه ... واي الانواع تنصحوني فيه لامرأه كبيره في السن .
جزاكم الله خير

 

 

[x3bed]

مر شارع الضباب

 

 

[A7MAD-STYLE]

الغالب يباع في محلات بيع المعدات والمستلزمات الطبية في شارع الضباب بالرياض

الوصف وانت على طريق خريص من الشرق باتجاه الغرب الى ان تجيك اشارة مدينة الملك فهد الطبية

اذا رحت يمين مع الاشارة تمشي شوي راح تجيك بعض المحلات على الجهه اليسار

واذا رحت مع الاشارة يسار امش وانزل في النفق وبعد ما تطلع من النفق راح تجيك أنواع المحلات على الجهه اليمين واليسار قبل الاشارة وكذلك بعد الاشارة الى ان تصل تقريبا الى اشارة معرض BMW


ما عندي خلفية عن الاسعار بس أنصحك لو لقيت بروشورات أو كتلوجات عندهم موضح بها المواصفات
حاول تاخذ نوع تقدر تتحكم فيه من ناحية ارتفاع السرير وانخفاضه وكذلك من ناحية الاتحكم بدرجة ارتفاع وميلان الجههة من السرير اللي تكون تحت الرقبه وفيه انواع تكون لها ريموت بسلك طويل ينحط بجانب يد المريض علشان يغير الوضعيات اللي تناسبه بنفسه

لذا حاول تبحث وتسالهم عن الأنواع العملية والمطلوبه أكثر وكذلك الضمان ومدى توفر قطع الغيار والصيانة بعد الضمان

وبالنسبه للسعر حاول تسعر على الموديلات اللي تناسبك عند أكثر من محل حتى تتضح لك الصورة

أخيرا أسال الله ان يسهل أمرك ويشافي مريضكم يارب

تقبل مروري

 

 

[KATSHB1]

السلام عليكم

أول شيء الله يشفي مريضكم ولا تحتاجون ذي الاسرة


اما بخصوص موضوعك
فيه انواع كثيرة من المراتب
منها ( مراتب الهواء و مراتب الكهرب و فيه انواع ثانية اعتقد بس ما أعرف ألا عن النوعين الاولى )

مراتب الكهرب غالباً تكون في العناية المركزة
الهواء تكون بالتنويم

الفرق الاولى تكون استجبتها مع الجسم أفضل و أريح وبدون صوت أو أزعاج
السلبية المرتبة دائماً من جهة القدمين مكان جهاز الكهرب تكون تهز
إذا طفيتها ونسمتها وشبكتها مرة ثانية تحتاج 30 دقيقة عشان تجهز بالكامل


الهواء مزعجة بشكل كبير كل شوي تنسم من جهة وترتفع من جهة بصوت واضح
و يكون فيه جهاز معلق امام السرير




اما بخصوص الأسرة فهي بحر
اسعارها يمكن تبدأ من 3000 إلى تقريباً 40000

شيء مخصص للعناية تركب عليه مراتب الكهرب

وبعضها تكون فيها وضعيات للحفظ

وبعضها تكون فيها بطاريات للعمل بدون كهرب

وبعضها بسيط جدا فقط لرفع المرتبة من جهة الظهر

وبعضها يجي معها طاولة أكل مدمجة


الخ...


المستشفيات الحكومية تستخدم ماركة Hill - Rom
هذا موقعهم http://www.hill-rom.com/usa/

هذه قسم الأسرة
http://www.hill-rom.com/usa/Products...Hospital-Beds/



إذا تبي اشوف لك الموديلات الموجودة في المستشفيات اللي هنا
الأسرة أو المراتب

راسلني على الخاص





دعواتك للوالد من شهر ونص في المستشفى

 

 

[Riddck]

مثل ما قال لك الأخ KATSHB

فيه انواع , لكن الأنسب الهوائيه عشان التقرحات السريريه شركة hill-rom وكيلها شركة نواه والمندوب محمد قبرصلي
هذا جواله 0504922688
وعندك invacare وكيلها شركة ودهاء الطبيه المندوب ميرزا 0501067439

 

 

[Caveman]

ماادري لوتقدر تطلب من الصحة يوفرون لك بالبيت اذا كانت لحاله صحيه محتاجه

 

 

[KATSHB1]

Riddck

مثل ما قال لك الأخ KATSHB

فيه انواع , لكن الأنسب الهوائيه عشان التقرحات السريريه شركة hill-rom وكيلها شركة نواه والمندوب محمد قبرصلي
هذا جواله 0504922688
وعندك invacare وكيلها شركة ودهاء الطبيه المندوب ميرزا 0501067439

صحيح نسيت أذكر أن الانسب الهوائية عشان التقرحات
و يوجد مادة والله ما اعرف اسمها تجي زي الجل لونها اصفر توضع تحت المريض عشان التقرحات