بوابة الإنترنت الرقمية ADSLGATE

Amazon عنوان IP سرعة الإتصال الإعلان استعادة كلمة المرور
العودة   البوابة الرقمية ADSLGATE > بوابة البرامج وأنظمة التشغيل > منتدى macOS
التسجيل التنبيهات لوحة التحكم مشاركات اليوم قوانين المنتدى الاتصال بنا مشاركات اليوم اجعل كافة الأقسام مقروءة




موضوع مغلق
 
أدوات الموضوع
قديم 12-01-2012, 08:43 PM #1
Mo9a7i-
مشارك
 
الصورة الرمزية Mo9a7i-
 


Mo9a7i- @Linkedin Mo9a7i- @Facebook Mo9a7i- @Twitter Mo9a7i- @Youtube




Funny2 تجربتي في غسل مذربورد MBP 13 i7 من آثار شاهي





سلام عليكم

تنبيه: تطبيق بعض الخطوات في هذي التجربة أو الشرح قد يلغي الضمان الخاص بجهازك. العبث بالمسامير والسكاريب والسوالف هذي حقت أي جهاز, راح تترك آثار على المسامير, مشوخ بسيطة,, وبالتالي, الشركة راح تلغي الضمان عليك مع إنه مو من حقهم إذا كنت أنت مسوي كل شي صح ولا كسرت شي أو خربت قطعة أو غيره



بداية, نصكم بيقول إني مجنون والنص الثاني بيقول يمكن هالإنسان فنان وخبير لابتوبات..
الصدق إني لا هذا ولا هذا..

الموضوع طويل جداً, وموجه للي كبوا سوائل على أجهزتهم اللابتوب أو غيره,, اللي يائس فعلاً وقالوا له لازم تغير المذربورد أو تغير القطعة الفلانية ,, والقيمة غالية,, هذا آخر حل ممكن الواحد يجربه قبل لا يدفع فلوسه عالفاضي
بما إن الجهاز خربان خربان, وش بيضرك إنك تجرب


إذا إنت من النوع اللي مايحب يقرا الخرابيط الكثيرة, ركز عالصور والكلام اللي بالأحمر بالموضوع.. وأتمنى لكم قراءة ممتعة
-----------------


طول حياتي وانا مستخدم وندوز ولينكس, وماعمري إقتنعت بالماك لأسباب كثيرة من ضمنها توافق بعض البرامج اللي احتاجها ووووووو ...
المهم, جات اللحظة اللي بديت افكر فيها بالماك بشكل جدي, أحتاج جهاز خفيف وزنه وقوي معالجه وصغير وشكله مرتب أقدر أطلع فيه وين ما أروح واخلص أموري..

قررت على ال MacBook Pro 13" i7 واشتريته من هنا من السعودية بنية إني أرفع الرامات ل 8 قيقا ويكون يناسب إحتياجتي

المهم..

خلال أول أسبوعين من إشتريت الماك, اعتبرها فترة تعلم ونقل للملفات وترتيبها ومن هالسوالف.. نقلت ملفاتي كلها على الماك ورتبتها وتعلمت على الأساسيات في الإستخدام وغيره..
وبيوم من الأيام , كنت طالع كاشخ بالجهاز بالقهوة مع الشباب,, والقهوجي حقنا أحد الشباب الله يستر عليه, صب الشاهي على الماك.. في الجهة اللي مابين الشاشة والكيبورد, (فتحة التهوية)...


طبعاً أنا ماكنت أدري إنها منطقة تهوية الجهاز, ف مسحت اللي انكب, وتأكدت إن كل شي سليم ومافيه آثار للشاهي (غباوة, مفروض أطفي الجهاز طوالي)..
طبعاً الجهاز كان شغال معاي سليم ف توقعت مافيه مشكلة,... كلها دقايق وبدأت ألاحظ إن الجهاز صار ثقيل جداً وصوت المروحة مزعج

توقعت لأني مركب برامج كثيرة, ومشغلها ..

بديت أسكر البرامج واحد واحد,, ماضبطت
سويت رستارت ماضبطت

انا مو خبير ماك ف ما أعرف كيف أبحث واشوف أسباب المشكلة..


شمرت عن ساعدي وقلت مالي إلا الشيخ قوقل هو اللي بيفزع لي..
بديت بموقع ADSLGate.com بحثت فيه, حصلت معلومات كثيرة مثل عمل Reset لل PRAM وال NVRAM
ماضبطت
Reset SMC
ماضبطت

برامج Temp Monitor و SMC Fan Control ماضبطت
الصوت مزعج والجهاز ثقيييييل جداً ويطفش

قلت ياعمي ماتنفع الفلفسة خلني أمسحه مضبوط واوديه للضمان وبكيفهم يدبرون أنفسهم

وديته لهم ولا علمتهم إنه مكبوب عليه شاهي, قالوا أوكي بكرة بنرد لك خبر..
خمس دقايق من طلعت من المحل, إتصل علي الفلبيني وقال: أنت وش اللي كبيته عاللابتوب ؟؟؟
قلت شاهي

قال الضمان لاغي !!

قلت الله ياخذ بليسك, طيب خلاص لاغي لاغي, شف لي حل بس, حاول تفتحه وتنظفه قال أوكي,, تعال عشان أوريك الآثار أول شي..

فتح لي اللابتوب , طلع المذربورد متقهوي صح الآثار واضحة على كل المذربورد

قال لي بنحاول نسوي اللي علينا والباقي على رب العالمين
قلت طيب ونعم بالله

المهم إتصل علي بعد يومين قال لي نظفناه وكل شي بس ماضبط, تعال عشان تشوف.
جيت ووراني الجهاز والمذربورد بالمكبـر, نظيف وكل شي سليم.. بس الجهاز مازال يعلق نفس المشكلة..

إيش الحل ؟ قال لي مذربورد جديد ب 3500 أو مستعمل ب 3000

بغيت أبكي, توني دافع 6600 وشاري اللابتوب
قلت هاته هاته الشكوى لله, قال ادفع 150 طيب حق التنظيف والفك, قلت خذ وهات الجهاز

ورحت البيت وانا بالطريق أبكي ومشغل أغاني حزينـة (عزازي وحاجات زي كذا يعني وشسمه )
ضاعت أحلامي في إستخدام الماك قبل لا تبدا..

أشوى إني مابعت لابتوبي القديم,,
المهم, وفي محاولات يائسة في البحث عن حلول في الشيخ قوقل, قمت أبحث بالعربي والإنقليزي والفلبيني والإسباني والهندوسي ..
كل العالم يقولون تستاهل, ماحد قال لك تقهوي الماك شاهي,, اصلا الماك مايشرب إلا كبتشينو ((وش درااااني))

في اثناء بحثي, تعرفت عال Activity Monitor اللي هو شبيه ال Task Manager بالوندوز
وحصلت إن فيه عملية ماخذه كل الرام والبروسسر (300٪ من المعالج, والرام كله) وعشان كذا الجهاز ثقيل, العميلة هي Kernel_task
قلت خلني أسكرها ,, مانفع, بحثت عنها بالنت طلعت عملية معقدة ويعتمد عليها الجهاز بكل شي وماتقدر تقفلها..

طبعاً في الصورة هذي, العملية طبيعية ومافيه إستهلاك للموارد
بحثت عن حالات شبيهـة من ناحية إستهلاك ال Kernel Task للمعالج والرام وكل شي.. طلعت مشاكل كثيييييييرة وحلول مختلفة.. جربتها وحدة وحدة ولا نفع.. ومن ضمن الحلول , كانوا الناس يقولون اشتر مذر بورد جديد والشكوى لله ... من وين لي


تعلمت على طريقة تشغيل الماك بال Safe Mode
شغلته ,وكان سريع وزي الحلاوة,, ومافيه مشكلة المروحة والضغط عالجهاز
استغربت وبحثت وقريت وناقشت ناس, قالوا إن السبب هو إن السيف مود , مايشغل كل موارد الجهاز, ونص البرامج ماراح تشتغل أصلاً, ف يجوز إن المشكلة بأحد هالأشياء اللي ماتشتغل بالسيف مود..
قالوا جرب ال HardWare Test أو مايسمى AHT
Apple Hardware Test
طبعاً طريقة تشغيله هي إنك تطفي الجهاز, وأول ماتشغله تقعد ضاغط على زر D
طلع لي خطأ يقول إن أحد حساسات الحرارة مو شغال كويس,, أي حساس ما أدري.. بحثت بالنت, مافيه طريقة لتحديد اي حساس الخربان, وكل المواضيع تقول إشتر لك مذربورد جديد

كل الأمور لحد الآن تحطم!!

المهم , قلت بيني وبين نفسي يمكن الفلبيني ماعرف ينظف الجهاز, وباقي شغلات صغيرة مانظفها مثل الحساسات وهالسوالف ((<< شعنده الخبرة اللي يعرف وين الحساسات ))..
بحثت بالنت عن كيفية تنظيف الأجهزة الإلكترونية, حصلت شغلات كثيرة وأنواع كثيرة من شي إسمه منظف الأسطح Contact Cleaner
قريت عنها كثير, طبعاً فيه انواع ماتصلح للأجهزة الإلكترونية لانها توصل بين الدوائر الكهربائية ويخليها تضرب شوط
النوع اللي صفيت عليه, موجود بالسعودية بساكو إسمه McKenic Contact Cleaner هذي صورته

رحت لساكو واشتريت هالمنظف وممسحة كويسة ماتترك شوائب وشريت لي شوية سكاريب ودريلات وحاجات زي كذا

بحثت بالنت عن تنظيف الماك من السوائل اللي انكبت بالغلط + كلمة Contact Cleaner
إكتشفت شي جديد,,
فيه إقتراح إنك تغسل المذر بورد معاك بالطريق (إذا كنت يائس جداً والمذر بورد ماعاد ينفع خلاص,, محاولة أخيرة يعني))
تغسل المذربورد شنهههههووووووووو؟؟؟؟؟؟

طبعاً كلهم يقولون ماتغسله بالموية العادية, تغسله بموية مقطرة أو موية مافيها أيونات DeIonized Water أو كحول ,, إحم كح,, أي حشيش اللي تتكلم عنه .؟؟ طبعاً قلت لهم ياجماعة قدروا ظروفي أنا بالسعودية ماعندنا كحول حرام أصلاً, قالوا اجل خلك عالموية المقطرة..

طبعاً الموية المقطرة وين نحصلها ؟؟؟ عند البنشري صدق!!!, علبة موية مقطرة لونها أحمر بثلاثة ريال
إشتريت لي ست علب

واشتريت معاها طشت , اللي مايعرف وشهو الطشت, أقول له الموضوع هذا مش موجه لك وروح بيع الماك, أصلا وش عرفك بالتكنلوجيا أصلاً

خلاص خلاص رحمتك, هذا هو الطشت

[IMG]http://4.bp.*************/_DHrW-fuFHvg/TEf76inITRI/AAAAAAAABd0/GBupDYwqbFg/s1600/web27032008131.jpg[/IMG]


المهم , المقادير وعرفناها:
1- موية مقطرة
2- McKenic Contact Cleaner
3- سكاريب
4- الماك الله يطول عمره
5- فوطة خفيفة عشان المسح..


بقى طريقة التحظير

طبعاً أول شي ما أعرفه هو كيف تفك الماك,,
بحثت بالنت وحصلت لكم هالموقع الحلو:
iFixIt.com
وبالتحديد هالموضوع :
هاو تو فكفكة الماك ابو 13 انش


يعلمك كيف تفكفك صواميل الماك فكفكة
طبعاً عشان تغسل المذربورد وتنظفه, لازم تفكه,, ف إتبعت الموضوع السابق لفكفكة المذر بورد..

بعدها, كانوا يقولون تحط الموية المقطرة في الطشت, وتكون الموية دافية شوي..
فكيت المذربورد وحطيته بالطشت والموية المقطرة لمدة يوم كامل
وهذي بعض الصور:








لاحظوا بالصورة هذي الشي اللي في النص
هذا شي فيه حساس يوصل للمروحة حقت الجهاز من البروسسر
لما يكون مركب, يكون بالضبط فوق البروسسر, (بينه وبين البروسسر مادة إسمها Thermal Paste) بتكلم عنها بعد شوي, مهمة جدا









طبعاً يبي لك تنقع المذربورد تقريبا 24 ساعة,, في نصها كذا , سير عالمذربورد بفرشاة أسنان ومسح عليه بشويش, لاتمسح بقوة وتعفط الأشياء.


يبي لك تمسح البروسسر من آثار ال Thermal paste اللي تكلمت عنه قبل شوي..
وتمسح القطعة اللي بالصورة اللي فوق بعد, تزيل آثار الثيرمال بيست..


المشكلة عندي كانت إنه الشاهي وصل لل Thermal Paste هذا وعفس ابوه, صار مايسوي وظيفيته
هذا سلمكم الله معجون ووظيفته الThermal Paste توصيل الحرارة بين البروسسر والقطعة المعفوطة اللي فوق.. إذا كان محطوط بطريقة صح,, الحساس بيقرا حرارة البروسسر بالضبط ويرسلها للحساس وبناء عليه المروحة بتشتغل طبيعي.. إذا كان محطوط بطريقة غلط,, المروحة والبروسسر بيتفاهمون بطريقة غلط وتصير اللخبطة اللي صارت لي..

زي ماقلنا, مسحتها بالفرشاة وخليتها تكمل ال24 ساعـة
بعدها طلعت المذربورد نظيف زي الحلاوة


بعدها إستخدمت ال Contact Cleaner
الـ Contact Cleaner هو بخاخ ضغط عالي فيه مادة أتوقع كحولية, تنظف الأسطح الكهربائية وتتبخر بسرعة, يعني لو تبخها عالمذربورد ويبين شكله غرقان, كلها ثواني وتتبخر هالمادة ويصير المذربورد ناشف

الهدف منها إنها لما تنبخ بضغط عالي,, تدف الشوائب وتلين المنطقة اللي انت بخيت عليها,,, بحيث إنه إذا فيه شي غلط, سكر ولا أي شي ثاني مثلا , يتحرك من محله على أمل إنه يطيح من المذربورد بفعل الضغط العالي هذا, ويتبخر الباقي من المادة ويرجع المذربورد نظيف

زي ماقلت, إستخدمت الكونتاكت كلينر بخبخته عالمذربورد على راحتي, في كل الفتحات اللي حصلتها بهدف إني أطلع بقايا الموية اللي ممكن تكون ناشبة تحت التركيبات اللي عالكيبورد..
طبعأً نشف طوالي
بس للإحتياط, خليت المذربورد يوم ثاني, ينشف طبيعي, تحت لمبة المكتب..


الحين نجي لمرحلة تركيب المذربورد من جديد
طبعاً زي ما إتبعت الدرس اللي فوق بموقع iFixIt عشان افك المذربورد, إتبعته بالعكس للتركيب
لكن أهم حاجة لازم ينتبه لها الواحد هي إنه يسوي الThermal Paste من جديد بطريقة صحيحة
هذا درس يوتيوب,


طبعاً الدرس فيه طريقة الفك وكل شي,, بس ركزوا على نقطة تركيب المعجون على القطعة المعفوطة (HeatSink)

وركبت الماك حقي وسميت بالله وشغلته واشتغل زي الحلاوة,
وفي الحقيقة حرارة الماك صارت أحسن من قبل..

لأنه من ضمن المواضيع اللي قريتها بالنت إنه Apple مايركبون ال Thermal paste هذا بطريقة كويسـة, يسوونه تلفيق وعليه كلام كثير ف عادي أي أحد يركب ال Thermal Paste حق جهازه من جديد حتى لو جهازه مافيه مشكلة..



تحياتي وأتمنى إستمتعتوا بالموضوع والتجربة الموصاحية..

مهند العتيبي

 

 





التعديل الأخير تم بواسطة Mo9a7i- ; 13-01-2012 الساعة 07:56 PM.
Mo9a7i- غير متصل  
أشكر صاحب الموضوع
7 عضواً يشكرون Mo9a7i- للفائدة التي وجدوها في هذا الموضوع

قديم 12-01-2012, 08:48 PM #2
AHMAD8911
 
الصورة الرمزية AHMAD8911
 


افتراضي رد: تجربتي في غسل مذربورد MBP 13 i7 من آثار شاهي





واو ماشاء الله

حلو الواحد يجرب

ويغامر

 

 




AHMAD8911 غير متصل  
Yes No

قديم 12-01-2012, 09:07 PM #3
i phone 4s
نشيط
 
الصورة الرمزية i phone 4s
 


i phone 4s @Twitter
افتراضي رد: تجربتي في غسل مذربورد MBP 13 i7 من آثار شاهي





جهازك اشتغل بعد العمليه الجراحيه الطويييييييله ..
خخخخخ
ولا دخل عداد الاموات

 

 

التوقيع
لااله الا انت سبحانك اني كنت من الضالمين
استغفر الله واتوب اليه
لا اله الا الله عدد ما كان وعدد ما يكون وعدد الحركات والسكون

راسلني عبر PUSHME

http://pushme.to/ida70om.vip/



i phone 4s غير متصل  
1 Yes No

قديم 12-01-2012, 09:09 PM كاتب الموضوع #4
Mo9a7i-
مشارك
 
الصورة الرمزية Mo9a7i-
 


Mo9a7i- @Linkedin Mo9a7i- @Facebook Mo9a7i- @Twitter Mo9a7i- @Youtube
افتراضي رد: تجربتي في غسل مذربورد MBP 13 i7 من آثار شاهي





ههههههههههههههه كان اما اني اسوي هالعملية الانتحارية او ادفع ٣٥٠٠ عالفاضي
والمذر بورد كان خربان خربان ف ماكنت خسران شي



الجهاز شغال زي الحلاوة
هذاني استخدمه حاليا

 

 




Mo9a7i- غير متصل  
1 Yes No

قديم 12-01-2012, 09:22 PM #5
ولدشيوخ
عضو
 
الصورة الرمزية ولدشيوخ
 


افتراضي رد: تجربتي في غسل مذربورد MBP 13 i7 من آثار شاهي





صدقني اخوي بدون مبالغة هذا اجمل موضوع قريته في قسم الماك بالكامل
اعجبني فيك اصرارك على صيانه الجهاز وعدم بيعه او رمية او غيره
فعلا احنا محتاجين ناس تشغل مخها مثلك ولو اتكلت على الفلبيني كان يمكن انت رميت جهازك
او دفعت مبلغ وقدره
شكرا لك على مشاركتنا هذه القصة الرائعة والتجربة الاروع
تقبل مروري اخي الكريم

 

 




ولدشيوخ غير متصل  
Yes No

قديم 12-01-2012, 10:51 PM #6
aldirazi
عضو
 
الصورة الرمزية aldirazi
 


aldirazi @Facebook aldirazi @Twitter aldirazi @Youtube
افتراضي رد: تجربتي في غسل مذربورد MBP 13 i7 من آثار شاهي





موضوع مفيد وقيم ما شاء الله !

شكرا لك على الطرح !

سؤال : ما هي اكبر مشكلة واجهتك في العمليات الثلاث (فتح,تنظيف,اغلاق) الجهاز ؟! الم تواجه مشكلة في اعاده القطع في مكانها؟

 

 

التوقيع
Mobile : Apple iPhone 4 32Gb Black | HTC HD7 16Gb T-Mobile Black
COLOR="RoyalBlue"]Game Console: PS3 250Gb Slim |[ PSP 2000 Slim
TV&Media : Sony Bravia EX|500 46" | DreamBox 800 HD | Boxee Box
PC : iMac 21-inch Mid 2011



aldirazi غير متصل  
Yes No

قديم 13-01-2012, 12:35 AM كاتب الموضوع #7
Mo9a7i-
مشارك
 
الصورة الرمزية Mo9a7i-
 


Mo9a7i- @Linkedin Mo9a7i- @Facebook Mo9a7i- @Twitter Mo9a7i- @Youtube
افتراضي رد: تجربتي في غسل مذربورد MBP 13 i7 من آثار شاهي





أهلين أخواني
فعلاً, المسكة الغلط أحيانا تجيب نتايج حلوة, الواحد لا يطفش بس , ويحرك قوقل لصالحه ويجرب..

بالنسبة لأصعب مرحلة, انا كنت خايف من مرحلة التركيب فعلاً, إنها راح تكون صعبة وكذا, لكنها الحمدلله مرت بسلام, إذا إنت فكيت القطع حبة حبة وعرفت كيف إنفكت, سهل عليك إنك ترجعها من جديد ,,

طبعاً لما كنت أفك المسامير, وهي كثير, كنت أحطهم جنبي عالأرض, بنفس الترتيب حقهم, يعني أول ثلاث مسامير فوق عاليمين, أحطها عالأرض فوق عاليمين بنفس الترتيب


عشان ما أنسى وين كان محل المسمار, لان احجامهم مختلفة


اكثر شي واجهني مشكلة فيه هو إن المسامير ماهي بشكل ناقص أو زائد ,, قليل اللي ناقص أو زائد
بعضها كان يحتاج سكروب راسه خماسي أو ثلاثي ,, عباطة من أبل أتوقع
والمسامير صغيرة ف يحتاج لها سكاريب صغيرة وصعب إنك تحصل شكل معين,, اكثر المتوفر بالسوق هو الزائد والناقص..

ف إحتجت أروح لشارع الملك فهد بالخبر الشمالية هنا , فيه محلات الكمبيوترات والصيانة والقطع الكهربائية وهالأمور , وقعدت أبحث في السكاريب وأشكالها واشتريت أكثر من عدة, كل مرة تطلع غلط لين ضبط معاي السكروب الصحيح

طبعاً نتيجة محاولاتي الفاشلة في إني أفتح المسمار بسكاريب خطأ, خربت على نفسي أحد المسامير وعانيت كثير لين فتحته ..

هذا كان أصعب شي, التركيب سهل جداً.
والتنظيف أسهل, تنقيع, فرش بالفرشاة, إنتظار وقت, كونتاكت كلينر هذا بخاخ عادي بخبخ براحتك, وانتظر لين ينشف إحتياط ساعتين أربع ساعات..

انصح الكل يبدا يجرب يفتح لابتوب ويسكره,, مو شرط ماك , أي جهاز
خصوصاً إذا صار بيبيع جهازه مثلاً, أهم شي ياخذه الهاردسك,, لانه يكون فيه معلوماته وشغلات مايبي احد يطلع عليها, وبرامج إعادة الملفات الممسوحة كثيرة هاليومين
ف يفضل تفتح اللابتوب,, تطلع الهاردسك وتركب هاردسك مثله بالمواصفات والنوعية,, وتبيع الجهاز مثلاً.


مممم موقع iFixit تكتب فيه إسم الجهاز وغالباً راح تحصل درس مصور لطريقة فك الجهاز..

 

 




Mo9a7i- غير متصل  
Yes No

قديم 13-01-2012, 12:39 AM كاتب الموضوع #8
Mo9a7i-
مشارك
 
الصورة الرمزية Mo9a7i-
 


Mo9a7i- @Linkedin Mo9a7i- @Facebook Mo9a7i- @Twitter Mo9a7i- @Youtube
افتراضي رد: تجربتي في غسل مذربورد MBP 13 i7 من آثار شاهي





تعليق بسيط بالنسبة للفلبيني:
طبعاً أنا رجعت له أبي أقهره وأبيه برضه يركب لي نظام التشغيل من جديد,, لاني عفست فيه عفاس قبل الفك والتركيب
ف لما جيته قلت له خلاص جهازي اوكي ركب لي Lion
قال لي كيف ؟؟ معقول ؟؟ وش سويت ؟؟ قلت له نقعته بموية وضبط ,, قام يستفسر ويسأل

المهم, سولفت معاه شوي وسألته كم لك في عالم الأبل ؟؟ قال سنة وحدة بس !! قبلها ماعرف إلا للوندوز واستخدامي قليل للكمبيوتر
استغربت, كيف حاطينه فني وكيف تحل مشاكل الناس؟ قال بالخبرة, لما تمر علي مشكلة أحاول وإن ضبطت ضبطت وإن ماضبطت أشوف أقرب حل مثل تغيير المذربورد واسويه وافك عمري
قلت له قوقل ؟؟ قال ماحب قوقل

يو تيوب ؟؟ قال ماحبها

طيب كيف جابوك هنا ؟؟ عالأقل يجيبون واحد فني تركيب وفك عالأقل ويكون فاهم وش القطع اللي بالكمبيوتر, خصوصا إنه محل أبل مو محل عادي ..

ف التجار عندنا يحبون كلمة فلبيني بالأمور التقنية, واللي شكلها حلو مثل المقاهي والمطاعم,, فقط يعطي طابع إنه بروفيشنل , حتى لو كان ماعنده سالفة..

لسا أنا على تواصل مع الفلبيني, كلمني مرة يسألني وش الخطوات, يبي يطبقها على واحد جايه بنفس المشكلة وعلمته, للحين مارد لي خبر وش صار عليه,, توه قريب متصل علي ..

 

 




Mo9a7i- غير متصل  
2 Yes No

قديم 13-01-2012, 07:33 AM #9
iMalek
Was Promoted
 
الصورة الرمزية iMalek
 


افتراضي رد: تجربتي في غسل مذربورد MBP 13 i7 من آثار شاهي





ماشاء الله , مبروك عليك جهازك من جديد .. [^-^]

رائع أن تكون بهذا الفكر النير .. [^-^]




مالك ..

 

 

التوقيع





أصم عن الخنا إن قيل يوماً - وفي غير الخنا أٌلفى سميعا ..







iMalek غير متصل  
Yes No

قديم 13-01-2012, 10:39 AM #10
سنديآن
مشارك
 
الصورة الرمزية سنديآن
 


افتراضي رد: تجربتي في غسل مذربورد MBP 13 i7 من آثار شاهي





حمام الهناء والشفاء : )

 

 




سنديآن غير متصل  
1 Yes No

قديم 13-01-2012, 11:34 AM #11
سفستكيتد
*
 
الصورة الرمزية سفستكيتد
 


افتراضي رد: تجربتي في غسل مذربورد MBP 13 i7 من آثار شاهي





ههههههههههههههههههه

موضووووع رهيييييييييب

ذكرتني لما جهازي الكوزميووو من زمااان بدت توصل حرارته ل١٠٠

فكييييته كله ونظفته

ولما شغلته لقيتها نازله كثيير

شكرا على الموضوع الحلو

 

 




سفستكيتد غير متصل  
Yes No

قديم 13-01-2012, 12:39 PM #12
حلا كيكا
مشارك
 
الصورة الرمزية حلا كيكا
 


افتراضي رد: تجربتي في غسل مذربورد MBP 13 i7 من آثار شاهي





مااشاء الله
ومبرووك على رجعت جهازك
انجاز تشكر عليه
ولا عاد تاخذه القهوووه ولاتدلعه

 

 

التوقيع
لا اله الا انت سبحانك اني كنت من الظالمين



حلا كيكا غير متصل  
0 - 1 Yes No

قديم 13-01-2012, 01:43 PM #13
ll MTKRFS ll
عضو
 
الصورة الرمزية ll MTKRFS ll
 


افتراضي رد: تجربتي في غسل مذربورد MBP 13 i7 من آثار شاهي







والله يـأ اني داخل جـو مع هالقصة الي مدري وش تـبي ..

وماشاءالله عليك مشغل التنكه الي عندك مو مثلنـا ..

يالله على البركة ,, وانتبة لاينكب عليه شيء بس ..

لاهنت ,, تحياتي ..

 

 




ll MTKRFS ll غير متصل  
1 Yes No

قديم 13-01-2012, 01:44 PM #14
عاصم الخالدي
عضو
 
الصورة الرمزية عاصم الخالدي
 


افتراضي رد: تجربتي في غسل مذربورد MBP 13 i7 من آثار شاهي





الف مبرووك الجهاز و يتربى بعزك

و بصراحة موضوع شيق جدا و انا اقراه كنت مستمتع يعطك العافيه اخووي
و تجربه مفيدة و مثل كذا يعني توهيقتك بالشاهي علمتك كيف تحل المشكلة و اكثر كمان

و بغيت اسالك عن طريقة اعادة تركيب Thermal paste انت ذكرت انو هذي الاداة ابل تركبها مش حاالك لكن اللي عندي imac و اغلب الشروحات هنا بالمنتدى او غيره عن Macbook Pro للاسف فما استطيع استفيد منها اذا تقدر اخوي تجيب لي شرح اعادة تركيب Thermal paste ما تقصر و بالنسبة للموقع اللي ذكرته للاسف ما اقدر استفيد منه لان لغتي الانقليزيه مو كل هذا و تقبل مروري ،،

و على طاري انت تقوول فكو و جربوا انا للي خلفية بالفك و التركيب و لكن من رااسي يعني ما اتبعت موقع و لا شي و اللي فكيته جهاز deel عندي بعد ما شريت جهازي تمكنكت عليه ..
و تقبل مروري و دمت بوود ..

 

 




عاصم الخالدي غير متصل  
Yes No

قديم 13-01-2012, 02:01 PM #15
No More
بارز
 
الصورة الرمزية No More
 


No More @Linkedin No More @Facebook No More @Twitter No More @Youtube
افتراضي رد: تجربتي في غسل مذربورد MBP 13 i7 من آثار شاهي





اهنيك بصراحه على اصرارك وثقتك بقدراتك ..

 

 

التوقيع
Rs3don



No More غير متصل  
Yes No

قديم 13-01-2012, 02:35 PM #16
AHMAD8911
 
الصورة الرمزية AHMAD8911
 


افتراضي رد: تجربتي في غسل مذربورد MBP 13 i7 من آثار شاهي





اقتباس:
المشاركة الأصلية كتبت بواسطة Mo9a7i- مشاهدة المشاركة
  
تعليق بسيط بالنسبة للفلبيني:
طبعاً أنا رجعت له أبي أقهره وأبيه برضه يركب لي نظام التشغيل من جديد,, لاني عفست فيه عفاس قبل الفك والتركيب
ف لما جيته قلت له خلاص جهازي اوكي ركب لي Lion
قال لي كيف ؟؟ معقول ؟؟ وش سويت ؟؟ قلت له نقعته بموية وضبط ,, قام يستفسر ويسأل

المهم, سولفت معاه شوي وسألته كم لك في عالم الأبل ؟؟ قال سنة وحدة بس !! قبلها ماعرف إلا للوندوز واستخدامي قليل للكمبيوتر
استغربت, كيف حاطينه فني وكيف تحل مشاكل الناس؟ قال بالخبرة, لما تمر علي مشكلة أحاول وإن ضبطت ضبطت وإن ماضبطت أشوف أقرب حل مثل تغيير المذربورد واسويه وافك عمري
قلت له قوقل ؟؟ قال ماحب قوقل

يو تيوب ؟؟ قال ماحبها

طيب كيف جابوك هنا ؟؟ عالأقل يجيبون واحد فني تركيب وفك عالأقل ويكون فاهم وش القطع اللي بالكمبيوتر, خصوصا إنه محل أبل مو محل عادي ..

ف التجار عندنا يحبون كلمة فلبيني بالأمور التقنية, واللي شكلها حلو مثل المقاهي والمطاعم,, فقط يعطي طابع إنه بروفيشنل , حتى لو كان ماعنده سالفة..

لسا أنا على تواصل مع الفلبيني, كلمني مرة يسألني وش الخطوات, يبي يطبقها على واحد جايه بنفس المشكلة وعلمته, للحين مارد لي خبر وش صار عليه,, توه قريب متصل علي ..


بنسبة للفك تدري فتحت الغطاء بس

ورجعت سكرته وما اشتغل الجهاز وديته الضمان والغو الضمان علي لاني فحت الغطاء بس

وبين هالشي بالمسامير بس ماعليك تهاوشت معاهم وضبطو الجهاز

 

 




AHMAD8911 غير متصل  
Yes No

قديم 13-01-2012, 02:49 PM #17
q8wii
مشارك
 
الصورة الرمزية q8wii
 


q8wii @Facebook q8wii @Twitter q8wii @Youtube
افتراضي رد: تجربتي في غسل مذربورد MBP 13 i7 من آثار شاهي





الطريقة تصلح حق ايفون 4

 

 




q8wii غير متصل  
Yes No

قديم 13-01-2012, 03:23 PM #18
Vipipod
بارز
 
الصورة الرمزية Vipipod
 


Vipipod @Twitter Vipipod @Youtube
افتراضي رد: تجربتي في غسل مذربورد MBP 13 i7 من آثار شاهي





ههههههههههههههههههههههههه هههه
الله يسعدك على قد ما ضحكتني
هاو تو فكفة ههههههههههههههههههههههههه هههههههههههه

 

 

التوقيع


Vipipod غير متصل  
1 Yes No

قديم 13-01-2012, 04:16 PM #19
iABDLLAH
متميز
 
الصورة الرمزية iABDLLAH
 


iABDLLAH @Youtube
افتراضي رد: تجربتي في غسل مذربورد MBP 13 i7 من آثار شاهي





ماشاء الله تبارك الله

انا جهازي اتكتب عليه ميرندا

بنفس المكان بين الشاشه والكيبورد

ومسحته بالمنديل

والحمدلله ما حصل شئ للحين تقريبا ٦ او ٥ شهور

 

 

التوقيع
سـبـحـان الله وبحمده . . سـبـحـان الله العظيم
اسـتـغـفـر الله


( وَمَا قَدَرُوا اللَّهَ حَقَّ قَدْرِهِ )

ابو هاجر.2011©2014
█║▌│█│║▌║║│█║║▌║▌

iABDLLAH غير متصل  
Yes No

قديم 13-01-2012, 04:33 PM #20
q8wii
مشارك
 
الصورة الرمزية q8wii
 


q8wii @Facebook q8wii @Twitter q8wii @Youtube
افتراضي رد: تجربتي في غسل مذربورد MBP 13 i7 من آثار شاهي





الطريقة تصلح حق ايفون 4

 

 




q8wii غير متصل  
Yes No

موضوع مغلق

أدوات الموضوع

الانتقال السريع


الساعة الآن 03:14 PM.