السيرفس بوك2!! خلاص قربت القيامة !!
banner
2018-12-02 , 05:40 صباحاً
راع البل’s Avatar
راع البل

مشارك

المشاركات:393
التسجيل:Jun 2006
راع البل
قربت الخمسين سنة .. ماعمري حسدت الجيل الحالي إلا على حاجتين :
1- الجوال .
2- الإنترنت .

واليوم سأضيف شيء ثالث لقائمة الحسد :) وهو جهاز Surface Book 2 .. هذا الوحش الصغير والأنيق أنهى معاناة كبيرة بالنسبة لي فأنا دائم التنقل وعملي يتطلب جهاز بمواصفات جبارة ويتحمل العمل المتواصل لأيام بدون مايطفي :43::43::43:

كنت مضطر أشتري أجهزة القيمنج وأحملها معي رغم أوزانها الثقيلة .. وكنت أحيانا أشعر بالحرج في اجتماعات العمل إذا طلعت لابتوب شكله وستايله الخارجي مايناسبني .. فكنت أصرفها وأقول معليش اليوم جهازي بالصيانة فأخذت جهاز الولد :) !! لابتوبات القيمنج تجيك بألوان صارخة ورسومات كرتونية وأنمي وكائنات فضائية وتنين ومدري إيش !! لا المصيبة بعضها يجي معه اصطبات حمراء تنور وتأشر مع تفاعلات الهارديسك !!! تحس ياشيخ أنك شاري الجهاز من شارع الغرابي مهوب من مكتبة !!

عموما جربت الانتقال للماك وماناسبني النظام وأحس أغلب اللي يشتري الماك هدفه الرئيسي يمر ستاربكس ويشتري قهوة يرزها جنب الماك ويصور سناب يعني إني ما أندكج إلا على الثقيل :d:d

جربت الانتقال لبعض اللابتوبات الأنيقة بالشكل ولديها مواصفات قوية لكن كان بين جميع الأجهزة مشكلة مشتركة اللي هي الشحن !! دائما أي لابتوب بمواصفات قوية تلقاه فاشل بالشحن وبطاريته تحطك بمواقف سيئة .. وماتصدقون لو قلت لكم أنني فكرت جديا آخر الأيام بشراء مولد كهربائي محمول اللي يجي عبارة عن شنطة وأفياش خارجية ويشتغل ديزل وكهرب .. وأتخيل نفسي بنص الاجتماع الرسمي أستأذن الحضور وأقوم أدق شخصية بنت البكار وأرفع أكمامي ثم أبدأ أسحب هندل المولد الكهربائي هههههههه

اليوم وبعد شراء السيرفس بوك برو الجيل الأول وتجربة جميلة دفعتني لشراء الجيل الثاني أيضا ( مع أنني شريته بدون قناعة في بداية الأمر ) .. أستطيع أقول بكل صدق أنني وجدت ضالتي مع هذا الجهاز .. وكان حلم أني أحصل جهاز يجمع الثلاث صفات :
1- القوة والأداء
2- المظهر الأنيق
3- بطارية تدوم لوقت طويل


من جد يا أخوان هالجهاز أحيانا أشتغل عليه وأبتسم من كثر الاعجاب به :)
اخذه معي الصباح للعمل وأكرفه برامج ثقيلة كالفيجوال ستوديو والفوتوشوب والأندرويد ستوديو وكلها تشتغل مع بعض ونوافذها تتعاقب مرة وحدة وكل برنامج فيها فاتح داخله عشرات الملفات الأخرى .. غير نظام الماك اللي مركبه عليه لأني أحتاج بعض الأوقات التعامل مع Xcode الخاصة ببرمجيات Apple !! وأرجع نهاية الدوام ولازال فيه شحن من آخر مرة بالبيت :5::5::5:
غير الأريحية في التعامل معه كجهاز لابتوب ومتى ماطفشت من جلسة المكتب فك الشاشة وكمل شغلك عليه كتابلت أو اعرض شغلك لزملائك في الأقسام الثانية بسهولة ومرونة مهوب تدخل عليهم شايل جهاز ألعاب تقول قنبلة غير سلك الشاحن اللي حاطه من ورى قفاك :d

العيب الوحيد فيه هو أنك إذا فصلته وخليته على شكل تابلت فلن تجد منافذ ممكن تتعامل معها مثل USB أو HDMI لذلك لازم ترجعه على الكيبورد عشان تحصل تلك المنافذ وتستفيد منها لعرض بروجكتر مثلا أو للتعامل مع أي ملغات خارجية .

السيرفس بوك 2 وأتكلم عن تجربتي الخاصة وسوابقي كمجرم كرف لابتوبات اعتبره معجزة متكاملة .. وصدقا يخليك تتساءل وش بقى بيخترعون بعد هالجهاز الجبار !! خلاص أتوقع القيامة بتقوم :7::7:
Enlarged Image
2018-12-02 , 05:40 صباحاً
2018-12-04 , 07:45 صباحاً
ورقا’s Avatar
ورقا

مشارك

المشاركات:76
التسجيل:Dec 2011
ورقا
تحمست مع موضوعك


و ب ودي لو دعمت ذلك بالصور وذكرت مواصفاته ^^


غير اني بصراحة انتظر سيرفس برو 6 :icon_roll


مع ان السعر مخوفني لكن ان شاء الله يكون جميل :rolleyes:
2018-12-04 , 07:45 صباحاً
2018-12-04 , 08:06 مساءً
Lewandowski’s Avatar
Lewandowski

مشارك

المشاركات:45
التسجيل:Feb 2013
Lewandowski
ههههههههههههههه

اعجبن اسلوبك
2018-12-04 , 08:06 مساءً
2018-12-04 , 08:48 مساءً
omar111’s Avatar
omar111

فعال

المشاركات:1199
التسجيل:Jan 2010
omar111
صادق في كل كلمة يا راعي البل

الجهاز ممتاز جداً وتحفة فنية

لكن عاد السعر يبقى عائق كبيييير
2018-12-04 , 08:48 مساءً
2018-12-10 , 12:48 صباحاً
Walter White’s Avatar
Walter White

مبدع

المشاركات:2184
التسجيل:Jun 2012
Walter White
اسلوبك تحفة , من زمان ما قريت موضوع بها الروقان
الله يطرح فيه البركة وعقبال الافضل
2018-12-10 , 12:48 صباحاً
2018-12-10 , 08:17 مساءً
seeny’s Avatar
seeny

بارز

المشاركات:2118
التسجيل:Apr 2006
seeny
اسلوب سردك للموضوع تحفه بصراحه... منذ سنين طويله لم أقرأ بمثل هذا الاسلوب.
مع انك ذكرت انك قريب الخمسين. ماشاء الله تبارك الله، ولازال فيك حس الفكاهه، والبرامج اللي بتشتغل عليها، ومتابع للتقنيه والسناب وراعي كودنج و أنمي ووو.. الله يعطيك الصحه والعافيه.
أحترمك بصراحه.


عن نفسي خايف اتوهق ب ماك بوك برو الجديد، عاشق للتفاحه من ايام ال ايفون ال 3G وعندي ماك برو 2011 والشركه عيّت تحدثه للاصدار الاخير، ملامح الشيخوخه بدأت تعصف به من بطأ وغيره.
وافكر في السرفيس، احتاج windows compatable للاسف بسبب العمل، الماك ممكن يوفّي ولكن بحدود، فيه functions احتاجها في الاوفيس عالوندوز ما اتوقع احصلها في اوفيس الماك (اللي قبل فتره بسيطه عدلو الكتابه العربيه واصبحت غير مقطعه أخيراً).
2018-12-10 , 08:17 مساءً
2018-12-10 , 08:22 مساءً
Bitx’s Avatar
Bitx

تركيب تجميعات PC

المشاركات:12018
التسجيل:Mar 2009
Bitx
اسلوب جميل
الله يستر لا يدخل الموضوع ابو مهند ويحوسه وخصوصا انك اهنت ابل مع سبق الاصرار
2018-12-10 , 08:22 مساءً
2018-12-14 , 07:30 مساءً
Khadona10’s Avatar
Khadona10

مشارك

المشاركات:63
التسجيل:May 2018
Khadona10
ايش الموديلات الجديدة ٢٠١٨ ؟!


اشوف الكثير يشتكي منهم ليش؟!
2018-12-14 , 07:30 مساءً
2018-12-16 , 12:20 صباحاً
GS123’s Avatar
GS123

Mopar Rules

المشاركات:19483
التسجيل:Sep 2005
GS123
للاسف املك برو ٢٠١٧ معالج i5 ورام 4gb الجهاز ممل لابعد حدود خصوصا الدجتل كيبورد منرفز بشكل موطبيعي عن نفسي مرتاح مع آيباد برو وكل أعمالي وشغلي انجزه فيه
2018-12-16 , 12:20 صباحاً
2018-12-18 , 07:28 مساءً
*aHmed’s Avatar
*aHmed

مشارك

المشاركات:532
التسجيل:Jan 2012
*aHmed
GS123 كتب:
للاسف املك برو ٢٠١٧ معالج i5 ورام 4gb الجهاز ممل لابعد حدود خصوصا الدجتل كيبورد منرفز بشكل موطبيعي عن نفسي مرتاح مع آيباد برو وكل أعمالي وشغلي انجزه فيه


للاسف 4gb رام ما يكفي عشان تستمتع بالجهاز اقل شي 8
وغير كذامايكروسوفت يبونك تاخذ معاه كيبورد 150$ :/ لافضل تجربة.
والجهاز افضل في الاستخدام كلابتوب وليس كتابلت وهذي المشكلة بسبب "windows 10"
2018-12-18 , 07:28 مساءً
2018-12-20 , 03:48 صباحاً
GS123’s Avatar
GS123

Mopar Rules

المشاركات:19483
التسجيل:Sep 2005
GS123
*aHmed كتب:
للاسف 4gb رام ما يكفي عشان تستمتع بالجهاز اقل شي 8
وغير كذامايكروسوفت يبونك تاخذ معاه كيبورد 150$ :/ لافضل تجربة.
والجهاز افضل في الاستخدام كلابتوب وليس كتابلت وهذي المشكلة بسبب "windows 10"


الجهاز سريع ولا اعاني من اي مشكله لا لاق ولا بطئ ولا اي شي العيب بالوندوز وغير مناسب لللمس خصوصا الكيبورد الدجتل مشاكله لاتعد ولا تحصى وابشرك انكسرت الشاشة امس كيف وشلون لاتسال لقيت فيه ضربه ومنشعره الشاشه:smile-2013b::face10:
2018-12-20 , 03:48 صباحاً
2019-01-01 , 10:49 مساءً
Vaisl’s Avatar
Vaisl

فعال

المشاركات:1382
التسجيل:Jul 2006
Vaisl
انا املك surface book 2
حجم 15
ومعك في كل كلمة قلتها
هذا الجهاز متكامل وقوي بشكل عجيب
2019-01-01 , 10:49 مساءً
2019-01-21 , 03:29 مساءً
Sly6eeN’s Avatar
Sly6eeN

Xbox Elite Team

المشاركات:1846
التسجيل:May 2005
Sly6eeN
مدري ليه احسك من حقين الاقلاع الاولين :d


افكر بالجهاز للامانه .. ولو ان سعره غالي بس الاكيد انه بيستاهل هالسعر .

قريباً ان شاء الله ننضم لك ..

خصوصاً اني حالياً استعمل السيرفس برو 3 وشكله بدا يودع ..
2019-01-21 , 03:29 مساءً